Ngjarja ndodhi në rrugën Via Tavagnasco, ku sipas dyshimeve paraprake, shpërthimi i një bombole gazi shembi një pallat dhe se nga fuqisa e shpërthimit u prekën edhe të paktën tre banesa.

Si pasojë e shpërthimit, muret e ndërtesave u shkatërruan plotësisht, ndërsa inertet dëmtuan edhe disa automjete të parkuara pranë. Zjarrfikësit ndërhynë menjëherë dhe arritën të nxjerrin dy persona nga rrënojat përpara mbërritjes së shërbimeve të emergjencës.

Operacionet e kërkim-shpëtimit vijojnë, pasi ka ende dyshime se persona të tjerë mund të jenë të bllokuar nën rrënoja. Ndërkohë, rreth 70 banorë janë evakuuar dhe po qëndrojnë jashtë banesave të tyre për arsye sigurie.

The post Shpërthim i fuqishëm në Romë, shembet pallati dhe tre banesa. Dy persona të plagosur dhe dhjetëra të evakuuar, nën rrënoja… appeared first on Albeu.com.

Përpara takimit me homologen e tij italiane, kreu i qeverisë shqiptare është filmuar në rrugët e kryeqytetit italian duke biseduar me tone të ashpra me një prej deputetëve të tij në Tiranë.

Megjithëse në prag të një takimi të rëndësishëm ku do të nënshkruheshin 16 marrëveshje, Rama ka gjetur kohën t’i drejtohet me kritika deputetit duke i kujtuar faktin që ai është bashkëkryetar dhe se po u krijohen pengesa.

“Lëre grupin, po flas me ty. A je ti bashkëkryetar apo çfarë je? Ti çfarë bën, për çfarë je, të krijojnë pengesa? Çfarë po bëni aty, na keni kthyer një vit mbrapa”, dëgjohet Rama në videon e filmuar nga një qytetar, kur kreu i qeverisë i kaloi pranë.

The post “A je bashkëkryetar ti, për çfarë je?”, Rama filmohet në Romë duke kritikuar deputetin në telefon para takimit me Melonin appeared first on Albeu.com.

Ceremonia ku u luajtën himnet e Shqipërisë dhe Italisë, do të pasohet nga një takim kokë më kokë mes dy krerëve të qeverive.

Pas kësaj do të zhvillohet mbledhja mes dy qeverive dhe më pas firmosja e marrëveshjeve të bashkëpunimit.

The post Mbledhja e dy qeverive/ Nis ceremonia në Romë, Rama pritet nga Meloni appeared first on Albeu.com.

Kryeministri i vendit Edi Rama, pritet në Romë me ceremoni zyrtare nga homologia italiane, Giorgia Meloni.

Takimi mes dy qeverive, ka në qendër forcimin e mëtejshëm të bashkëpunimit dypalësh përmes projekteve të përbashkëta në fusha kyçe si ekonomia, energjia, mbrojtja dhe infrastruktura.

Shefi i qeverisë shqiptare më herët njoftoi se do të nënshkruhen 16 marrëveshje bashkëpunimi dhe memorandume, në kuadër të partneritetit të ngushtë strategjik mes Shqipërisë dhe Italisë.

The post Mbledhja e përbashkët mes qeverive/ Kryeministri Rama mbërrin në Romë, ceremoni zyrtare nga Meloni appeared first on Albeu.com.

Sikur të mos mjaftonte kjo dhimbje që familja Dhimaku po kalon, një tjetër plagë në shtëpinë e tyre ishte se djali i vogël, vëllai i dy motrave që u aksidentuan për vdekje, vuan nga një sëmundje e rëndë, leuçemia.

Menjëherë pas këtij lajmi, Fondacioni Firdeus, ka marrë përsipër kurimin e vëllait të dy motrave që humbën jetën në aksident në Sarandë.

Kreu i Fondacionit, Elvis Naçi, përcolli lajmin se do të jetë “Firdeus”, ai që do të marrë përsipër kurimin e 10-vjeçarit, vëllait të dy motrave të ndjera.

Këtë të enjte, Elvis Naçi, përmes një postimi në “Facebook”, të shoqëruar edhe me foto, ka dhënë lajmin e mirë se; vëllai i motrave që humbën jetën në aksident, kanë arritur në spitalin Bambino Gesu në Romë, bashkë me nënën.

“Shpresat që Isli i vogël të shërohet, janë të mëdha”, shkruan ai.

Postimi:

“Amaneti u krye!

Isli vellai dy motrave qe humben jeten nga aksidenti, arriti ne spitalin Bambino Gesu ne Rome bashke me nenen.

Shpresat jane te medha qe Isli vogel te sherohet. Ai tani po fillon kurimin e nje semundje te veshtite por ne te gjithe te lutemi per djalin e vogel qe te kthehet i sheruar ne shtepi.

O Zot sheroje Islin, jepu mjekeve sukses, ktheje ate te sheruar plotesisht tek nena dhe babai ”, shkruan Elvis Naçi.

The post Elvis Naçi jep lajmin e mirë: Vëllai i dy motrave që humbën jetën nga aksidenti në Sarandë, arriti në spitalin Bambino Gesu në Romë bashkë me nënën appeared first on Albeu.com.

Rama ka ndarë në rrjetet sociale, pamje nga momentet e takimit me kryeministren italiane Giorgia Meloni dhe presidentin ukrainas Volodymyyr Zelensky, si edhe presidenten e KE Ursula von der Leyen.

 

View this post on Instagram

 

A post shared by Edi Rama (@ediramaal)

Përmes një postimi në rrjetin social Instagram, Kryeministri Rama, konfirmoi pjesëmarrjen e tij në këtë konferencë të nivelit të lartë, duke e quajtur një “forum ndërkombëtar me rëndësi të jashtëzakonshme”, ku vendet mike të Ukrainës bashkojnë forcat për të koordinuar ndihmën konkrete dhe investimet strategjike në sektorët kyç të rimëkëmbjes së vendit.

Në konferencë marrin pjesë liderë botërorë, përfaqësues të lartë të Bashkimit Europian, vendeve të G7-ës, organizatave ndërkombëtare, institucioneve financiare dhe përfaqësues të sektorit privat.

The post Kryeministri Rama në Romë për Konferencën e Rimëkëmbjes së Ukrainës, takohet me Melonin, Zelenskyn dhe Von der Leyen appeared first on Albeu.com.

Sipas dëshmive të para, zbulimi i dy trupave ndodhi në dy pika të ndryshme të parkut, të ndara mes tyre nga një distancë prej më pak se 200 metrash.

Ngjarja ka tronditur banorët e zonës dhe ka vënë në lëvizje hetuesit italianë në kërkim të së vërtetës, pas këtij misteri të errët.

Dy kalimtare fillimisht menduan se bëhej fjalë për një kukull, por pas afrohen një burri, e kuptuan të vërtetën tronditëse.

Foshnja ishte lakuriq, me shenja traume në krahun dhe këmbën e djathtë.

Vetëm katër orë më vonë dhe rreth 100 metra larg, një tjetër zbulim makabër: trupi i një gruaje, i fshehur në një thes të zi nën një rresht me oleandra.

Gruaja ishte e veshur, por pa dokumente identifikimi.

Një lidhje e mundshme: nënë dhe bijë?

Hetuesit dyshojnë se të dy viktimat mund të jenë të lidhura, ndoshta nënë e bijë dhe se të dy trupat janë braktisur nga i njëjti person.

“Është një histori absurde”, deklaroi prokurori Antonio Verdi, që mbërriti në vendin e ngjarjes mbrëmjen vonë.

Ai shtoi se do të bëhen analiza ADN-je, për të përcaktuar lidhjen mes viktimave dhe për të ndriçuar shkaqet e vdekjes.

Sipas vlerësimeve të para mjeko-ligjore, gruaja ka ndërruar jetë më parë se foshnja, por nxehtësia brenda çantës ku u gjet, mund të ketë përshpejtuar dekompozimin e trupit të saj.

Dëshmi, dyshime dhe kamera sigurie

Një familje që po luante volejboll në park zbuloi trupin e gruas kur topi përfundoi në shkurre. Njëri prej tyre, Giacinto Tito, tha se ndjenin një erë të keqe dhe menjëherë lajmëruan policinë.

Disa metra më tutje ndodhet një gardh i dëmtuar që shikon nga një rrugë e jashtme – një pikë e mundshme hyrjeje për personin që braktisi trupat.

Ndërkohë, hetuesit kanë sekuestruar pamjet nga kamerat e sigurisë përreth parkut për të identifikuar lëvizjet e dyshimta në ditët e fundit.

Po ashtu, po kontrollohen spitalet për të parë nëse ndonjëra prej viktimave është paraqitur më herët për trajtim mjekësor.

Gruaja e panjohur në urë një pistë e re?

Rreth orës 18:40, dy gra që po shëtisnin në park, panë një grua të re në gjendje të hutuar mbi një urë në qendër të parkut.

“Ajo mbante duart në tëmtha dhe tundte kokën. Ishte me një fustan të errët dhe flokë ngjyrë kafe të çelët”, tha njëra prej dëshmitareve për gazetën La Repubblica.

Ky dëshmitar, mund të jetë çelësi për të kuptuar më shumë rreth identitetit të viktimave, apo personit përgjegjës.

Përfundimi i një dite makthi

Në orën 21:30, parkut iu shtuan dritat e forta të zjarrfikësve për të ndihmuar hetuesit dhe mjekun ligjor gjatë inspektimeve.

Disa kalimtarë, të hutuar nga prania e shiritave të policisë, pyetën nëse po xhirohej ndonjë film. Por të vërtetën e hidhur e mësuan vetëm kur u afruan më shumë.

Villa Doria Pamphili, një nga parqet më të dashura të Romës, është tashmë skenë e një hetimi të ndërlikuar, me shumë pyetje të hapura dhe me vetëm disa fije shprese për të zbuluar çfarë ndodhi vërtetë.

The post Tronditëse/ Gjenden në një park trupat e pajetë të një gruaje dhe një foshnje 6-muajshe, nisin menjëherë hetimet appeared first on Albeu.com.

Duke folur me gazetarët përpara se të largohej nga Uashingtoni për të udhëtuar në Itali, presidenti amerikan tha: “Do të takohem me kryeministrin italian”. Air Force One është planifikuar të mbërrijë në Romë në orën 22:50. koha lokale. Ndërkohë, kreu i Shtëpisë së Bardhë pohoi se mund të takonte edhe Zelenskyt në Romë.

Trump tha gjithashtu se kishte folur “shumë herë” me homologun e tij kinez, Xi Jinping. Megjithatë, presidenti amerikan nuk pranoi të thoshte nëse ai kishte folur me Xi pas njoftimit të tarifave tregtare të vendosura ndaj Pekinit.

Presidenti zbuloi gjithashtu se Shtetet e Bashkuara janë “shumë afër” një marrëveshje tregtare me Japoninë. “Ne shkojmë shumë mirë,” shtoi ai, duke folur me gazetarët.

Trump përsëriti se ai beson se “ne jemi shumë afër” një marrëveshje për t’i dhënë fund luftës në Ukrainë. Presidenti amerikan u shpreh se ai “nuk ka një afat” për arritjen e një marrëveshjeje, por theksoi se ai e dëshironte atë “sa më shpejt të jetë e mundur”.

Duke folur për bisedimet bërthamore SHBA-Iran, Trump tha: “Ato po shkojnë shumë mirë. Do të shohim se çfarë do të ndodhë”.

The post Donald Trump udhëton për të marrë pjesë në funeralin e Papa Françeskut: Do të takoj Melonin në Romë appeared first on Albeu.com.

Artistja ka ndarë me ndjekësit e saj disa fotografi elegante dhe tepër tërheqëse, duke shpërfaqur vetëbesim dhe një stil të rafinuar.

Në një postim në Instagram, ajo ka lënë një mesazh enigmatik që ka ndezur diskutimet mes fansave: “Do të jem atje për 10 minuta – dhe nëse vendosni të më besoni, kjo është në dorën tuaj”.

Nuk dihet saktësisht kujt i drejtohet ky premtim – por fansat e saj janë ata që po përpiqen të deshifrojnë kuptimin pas fjalëve të saj. Komentet në rrjetet sociale kanë shpërthyer, ku shumë prej tyre supozojnë se bëhet fjalë për një paralajmërim për një projekt të ri muzikor.

Fotografitë janë realizuar në qytetin e Romës, ku Donna Dafi po qëndron prej disa ditësh me ekipin e saj artistik. Burime pranë këngëtares thonë se ajo po përgatit projekte të reja muzikore, që pritet të sjellin një “boom” në skenën muzikore këtë verë.

Ndërkohë, ndjekësit e saj mbeten në pritje të mëtejshme, duke spekuluar për kuptimin e vërtetë të mesazhit – dhe pyetja mbetet: ku do të jetë Donna Dafi për ato 10 minuta misterioze?

The post Nga Roma e Italisë – Donna Dafi jep një premtim enigmatik: Do të jem atje për 10 minuta appeared first on Albeu.com.

Ai premtoi nga Roma se nëse PD fiton zgjedhjet e 11 majit, qeveria e ardhshme do të heqë taksat për këdo që rikthehet në Shqipëri dhe kërkon të investojë në atdhe.

“Mrekullia e dytë e madhe që ndodhi ishte vota juaj, votimi i diasporës. Edhe kjo ishte një mrekulli se nuk mblidhen të gjitha. Po, se votën tuaj Edi Rama nuk e kontrollon dot me bandat, me Bajrët, me Çelët, me të gjithë me radhë mos t’ua mërzis veshët ju me emrat e vrasësve. Mund të tentojë të blejë 10-15 po nuk u blen dot ju, njerëz të lirë. Ndaj dhe udhëtimi tek ju është udhëtim drejt fitores. Ka tmerr, është penduar.

Shikoni ku arrin, nuk ka skrupull. Nuk njoh pasaportat biometrike italiane, gjermane, franceze, etj. Ju pasaportat biometrike italiane mund t’i përdorni në Shqipëri për çdo gjë, përveç të drejtës kushtetuese të votës, e cila nuk ka asnjë lloj pengese veç frikës së tmerrshme të Edi Ramës nga ju. Ndaj miqtë e mi, këto zgjedhje janë për ekzistencën e Shqipërisë. Këto zgjedhje janë për të ardhmen e saj. Unë u jap vetëm një të dhënë: në vitin 2009-13, 118 mijë emigrantë u kthyen në Shqipëri. Unë u jap fjalën e nderit që ju kursimet tuaja, të ardhmen tuaj të vini ta ndërtoni në Shqipëri.

Nuk ka vend si Shqipëria në botë. Shqipëria është e bukura e dheut. Është vendi më i bukur, më i pasur se në çdo vend tjetër. 5 vite pa asnjë taksë në Shqipëri. I keni paguar ju taksat prej 20-30 vitesh me remitancat që keni dërguar në Shqipëri. Nuk ka taksa. Të ktheheni dhe të ndërtoni suksesin në Shqipëri siç e keni ndërtuar në Itali. Unë e di se ju të gjithë ndani kursimet tuaja mne familjet në Tiranë sepse pensionet e tyre janë qesharake. Një pensionist e ka pensionin sa e ka qeni i shtëpisë në Gjermani. Po, po. Paguan 130 euro për qenin. 100 euro për macen. Dhe rrin e u thotë, përmbyset Shqipëria nëse rrisim pensionet. Si u përmbytka Shqipëria? Pyesni pak prindërit tuaj, a u dyfishuan pensionet në vitet 2005-2013? Si u bë ajo?

Po sigurisht, ata janë aksionerë në pasurinë kombëtare. Ata kanë shkrirë djersën, mundin në pasurinë kombëtare dhe buxheti duhet t’u japë atyre. Dhe unë u garantoj se 3 muajt e parë do përmbyset shpërndarja e të ardhurave dhe buxhetit. Do vendoset minimumi jetik. Nuk do ketë pension nën 200 euro për të ecur në nivelet më të larta të pensioneve në rajon. Nuk do ketë rrogë minimale nën 500 euro. Nuk do ketë rrogë mesatare nën 1200 euro. Ky është lehtësim edhe për ju se ju përballoni kafshatën e njerëzve tuaj, ilaçet e njerëzve tuaj. Ata duhet të kenë mundësi t’i blejnë vëtë. Pra, do e transformojmë Shqipërinë. Shqipëria ka nevojë për një transformim të thellë. Dhe unë u garantoj se programi ynë do e transformojë Shqipërinë dhe ju do të jeni aksionerë të rëndësishëm, kryesorë të këtij transformimi”, u shpreh Berisha.

The post Zgjedhjet e 11 majit/ Berisha flet nga Roma: Pensionistët në Shqipëri e kanë pensionin sa qentë e shtëpisë në Gjermani appeared first on Albeu.com.