Pas dy drejtuesve të lartë të FSB-së, këtë herë ka qenë radha e zv.Drejtorit të Gardës Kombëtare rusë, Roman Gavrilov, që të përfundojë në pranga.

Lajmin e bëri të ditur gazetari investigativ, Gristo Grozev, përmes një njoftimi në Twitter, ku bën me dije se burime të pavarura njoftojnë se është arrestuar kreu i Gardës Kombëtare Ruse, Roman Gavrilov.

“Tri burime të pavarura raportojnë se gjenerali Roman Gavrilov, zëvendëskomandanti i Gardës Ruse (pjesë e ushtrisë së brendshme të Federatës Ruse, e cila pësoi viktima të rënda në Ukrainë), është arrestuar nga FSB. Gavrilov ka punuar edhe në të kaluarën në Gardën Presidenciale, domethënë në sigurinë personale të Putinit”, tha Grozev.

Arsyet e arrestimit të Gavrilov ende nuk dihen, por burimet aludojnë se një nga arsyet është shpërdorimi i naftës, çka solli dhe ngecjen e tankeve ruse gjatë mësymjes së tyre në Ukrainë, të cilat më pas u kthyen meme në të gjithë botën./albeu.com/

The post Dështimet në Ukrainë, Putin pret një tjetër “kokë” në ushtrinë ruse appeared first on Albeu.com.