Klubi italian i Romës konfirmoi të hënën vazhdimin e bashkëpunimit me Paulo Dybalan, duke njoftuar se argjentinasi ka pranuar një marrëveshje të re që shtrihet deri në përfundim të sezonit 2026/27.

Për dy javët e para të muajit korrik, 32-vjeçari ishte zyrtarisht pa kontratë, pasi marrëveshja e mëparshme i kishte përfunduar më 30 qershor. Tani, sulmuesi ka vendosur të vazhdojë rrugëtimin me skuadrën kryeqytetase për një vit shtesë.

Sipas raportimeve të gazetarit të njohur Gianluca Di Marzio, kontrata e re nuk përmban ndonjë klauzolë për zgjatje të mëtejshme. Gjithashtu, Dybala ka bërë një lëshim financiar me peshë për të qëndruar në “Olimpico”, duke rënë dakord për një ulje të ndjeshme të të ardhurave të tij.

Burime pranë lojtarit bëjnë të ditur se paga e tij bazë tani do të jetë nën kufirin e tre milionë eurove në sezon, shifër nga e cila përjashtohen bonuset e parashikuara. Kjo përbën një kontrast të fortë me realitetin e sezonit të shkuar, kur Dybala ishte lojtari më i paguar i klubit me rreth tetë milionë euro neto në vit.

Në komunikatën për shtyp, drejtuesit e Romës nuk fshehën entuziazmin për këtë zhvillim, duke nënvizuar peshën specifike që lojtari ka në ekip. Ata shkruan se që nga momenti i mbërritjes në kryeqytetin italian gjatë verës së vitit 2022, Dybala ndezu entuziazmin e tifozerisë romake. Në 139 ndeshje të luajtura, ai ka gjetur rrugën e rrjetës 45 herë, duke u bërë një shtyllë e padiskutueshme në fushë dhe një udhëheqës brenda e jashtë saj.

“Historia mes Romës dhe ‘La Joya’ vazhdon, me shumë kapituj të tjerë për t’u shkruar. Përpara së bashku, Paulo!”, përfundonte deklarata e klubit, duke vulosur kështu një aleancë që premton emocione të reja për sezonet në vijim.

The post Paulo Dybala firmos kontratë të re me Romën, sakrifikon pagën për të qëndruar appeared first on Albeu.com.

Roma po ecën përpara me përpjekjet për të afruar Mason Greenwood nga Marseille, ndërsa mediat italiane raportojnë se klubi verdhekuq ka gjetur tashmë gjuhën e përbashkët me futbollistin për aspektet personale të kontratës.

Prej një kohe të gjatë, skuadra nga kryeqyteti italian është përfolur për një interes konkret ndaj ish-sulmuesit të Manchester United dhe, sipas raportimeve të publikuara të shtunën në Itali, 24-vjeçari e ka miratuar kalimin në Serie A.

“Calciomercato.com” shkruan se mes Romës dhe përfaqësuesve të Greenwood është arritur një akord për një marrëveshje pesëvjeçare, me lojtarin që do të përfitonte afërsisht 4.5 milionë euro në sezon si pagë bazë.

Gjithashtu, raportohet se kjo pagë do të ketë rritje në vitet e ardhshme, ndërsa marrëveshja do të përfshijë edhe bonuse që lidhen me paraqitjet dhe objektivat sportive.

Në këtë fazë, sipas Gianluca Di Marzio dhe Sky Sport Italia, Roma është duke bërë gati ofertën e saj të parë zyrtare për Marseille, me synimin për të marrë shërbimet e sulmuesit anglez.

Burime të tjera bëjnë me dije se verdhekuqtë janë të përgatitur të vendosin në tavolinë rreth 45 milionë euro, ku përfshihen bonuset si edhe një përqindje nga shitja e ardhshme e lojtarit.

Nga krahu tjetër, Marseille e vlerëson kartonin e Greenwood në rreth 55 milionë euro, duke lënë kështu një hendek prej afërsisht 10 milionë eurosh mes kërkesës së klubit francez dhe propozimit të Romës.

Pavarësisht kësaj diference, besohet se palët mund të gjejnë një pikë takimi dhe që marrëveshja të mbyllet në javët e ardhshme.

The post Roma siguron akordin me Greenwoodin, tani po përgatit ofertën për Marseille appeared first on Albeu.com.

Një nga befasitë më të mëdha të Kupës së Botës 2026 vazhdon të jetë Maroku, ndërsa mes emrave që kanë tërhequr më shumë vëmendje spikat Neil El Aynaoui.

Në moshën 24-vjeçare, ai është kthyer në pikën kryesore të mesfushës së “Atlas Lions”, duke e ndihmuar ekipin të arrijë në fazën e 1/8 së finales.

Megjithëse sot po shkëlqen në futboll, pak vetë do ta kishin menduar dikur këtë rrugë për të. Neil është biri i ish-legjendës marokene të tenisit, Younes El Aynaoui, dhe vitet e para të fëmijërisë i kaloi pranë fushave të tenisit.

“Deri në moshën 10 ose 11 vjeç ai ishte gjithmonë në fushat e tenisit. Kur u transferuam në Barcelonë, filloi të luante futboll dhe që nga ai moment nuk mendoi më për asgjë tjetër”, ka treguar babai i tij.

Younes kishte bërë të ditur gjithashtu se dëshira e madhe e të birit ishte që një ditë të luante për Barcelonën.

Rrugëtimi drejt elitës

Hapat e parë në karrierë El Aynaoui i hodhi te Nancy. Më pas, në vitin 2023, ai kaloi te Lens për më pak se një milion euro, pasi klubi kishte rënë në kategorinë e tretë franceze.

Vetëm dy vjet më pas erdhi edhe lëvizja më e rëndësishme e karrierës së tij, kur u transferua te Roma për 23.5 milionë euro, në një prej shitjeve më të kushtueshme në historinë e Lens.

“Që nga momenti kur mbërrita në Romë ndjeva pasionin e tifozëve. Dua të jap maksimumin tim, sepse ky qytet e meriton”, kishte deklaruar mesfushori pas prezantimit.

Zgjodhi Marokun

Ndonëse kishte mundësinë të luante për Francën, ai vendosi të përfaqësonte Marokun.

“Ishte vendimi i tij. Unë jam maroken, ndërsa nëna e tij është franceze. Por që nga fillimi ishte e qartë se ai donte të përfaqësonte Marokun”, ka thënë babai i tij.

Fillimisht ai veshi fanellën e ekipit U23, përpara se të grumbullohej edhe nga kombëtarja A.

Zemra e mesfushës së Marokut

Edhe pse te Roma nuk ka qenë vazhdimisht titullar nën drejtimin e Gian Piero Gasperinit, në përfaqësuesen e Marokut ai është shndërruar në një nga futbollistët më të rëndësishëm të ekipit.

Trajneri italian ka folur me vlerësim për të: “El Aynaoui është një lojtar i ri, por shumë i besueshëm. Ai kontribuon në mënyrë të shkëlqyer si në mbrojtje ashtu edhe në fazën sulmuese.”

Në këtë Kampionatin Botëror, mesfushori ka nisur si titullar në të katër ndeshjet e Marokut dhe gjatë gjithë turneut ka munguar vetëm shtatë minuta.

Dominues ndaj Holandës

Ndeshja ku ai spikati më shumë ishte suksesi dramatik ndaj Holandës në 1/16 e finales.

Shifrat e paraqitjes së tij ishin të jashtëzakonshme: 156 prekje të topit, më shumë se çdo lojtar i Marokut, 97% saktësi në pasime, 6 rikuperime topi, 15 duele të fituara dhe rol të vazhdueshëm në ndërtimin e lojës.

Ndonëse gaboi penalltinë e parë në serinë vendimtare, Bono ndali një tentativë të kundërshtarit, ndërsa Ismael Saibari shënoi penalltinë që solli kualifikimin, duke bërë që gabimi i El Aynaouit të mos kishte pasoja për skuadrën.

“Do ta festojmë këtë fitore, sepse nuk ndodh çdo ditë të fitosh një ndeshje me eliminim direkt në Kupën e Botës”, deklaroi ai pas ndeshjes.

Synimi i radhës

Tashmë Maroku do të përballet me Kanadanë për një vend në çerekfinale, ndërsa El Aynaoui konsiderohet një nga armët më të forta të përfaqësueses afrikane.

Ai ende nuk është bërë lider absolut te Roma, por te kombëtarja e Marokut tashmë shihet si “gjenerali” i mesfushës dhe si një nga figurat kyçe në ëndrrën e re të “Atlas Lions” për të hyrë në histori në Kupën e Botës.

The post Neil El Aynaoui, djali i ikonës së tenisit që po udhëheq mesfushën e Marokut në Botëror appeared first on Albeu.com.

Ekipi i drejtuar nga Gasperini ka mundur me shumë lehtësi Fiorentinën në “Olimpico” duke treguar se do të ndjekë deri në fund Juventusin e Milanin me shpresën që t’i rrëmbejë vendin njërës nga këto dy skuadra.

Golat e Mançini, Ueslei dhe Hermozo që në pjesën e parë bërë të qartë se çfarë drejtimi do të merrte ndeshja, ndërsa Pizili në të dytën vulosi fitoren përfundimtare 4-0.

Falë saj, Roma e sheh veten vetëm 1 pikë pas Juventusit të vendit të katërt dhe 3 larg Milanit të vendit të tretë, duke qenë tashmë në një distancë shumë të afërt me ta dhe me mundësinë reale për t’i parakaluar në javët e fundit.

The post VIDEO/ Roma nuk fal, përfiton nga gabimet e Milanit dhe Juves duke u rrezikuar vendin në Champions appeared first on Albeu.com.

Verdhekuqtë kaluan të parët në avantazh në minutën e 39-të me Wesley França, duke mbyllur pjesën e parë në epërsi minimale. Juventusi reagoi menjëherë pas pushimit, teksa Francisco Conceição barazoi rezultatin në minutën e 47-të.

Roma rifitoi avantazhin në minutën e 54-t me golin e Evan Ndicka dhe vetëm pak minuta më vonë, në të 65-ën, Donyell Malen realizoi golin e tretë, duke i dhënë vendasve një diferencë të sigurt.

Megjithatë, bardhezinjtë nuk u dorëzuan. Jeremie Boga ngushtoi shifrat në minutën e 78-të, ndërsa në minutën e tretë shtesë Federico Gatti shënoi golin e barazimit dramatik, duke i mohuar Romës fitoren në sekondat e fundit.

Ndeshje shumë e mirë për Zhegrovën, i futur në lojë në pjesën e dytë, dhe iniciator në dy golat e fundit të bardhezinjve.

Pas këtij barazimi, Roma ngjitet në kuotën e 51 pikëve në vendin e katërt, ndërsa Juventusi shkon në 47 pikë dhe renditet i gjashti në klasifikimin e Serie A.

VIDEO

The post VIDEO/ Juventus barazim spektakolar me Romën, shkëlqen Zhegrova appeared first on Albeu.com.

Lëvizja e vazhdueshme e Malen e çoi mbrojtjen e Cagliarit në një gjendje krize. Ish-lojtari i Aston Villas dyfishoi epërsinë e verdhekuqve në minutën e 65-të. Sulemana më pas goditi traversën për Cagliarin me një gjuajtje të fuqishme me të djathtën nga distanca në minutën e 79-të, ndërsa Dossena nuk e goditi portën nga afër pas një goditjeje dënimi në minutën e 83-të.

Asgjë tjetër nuk ndodhi në minutat e fundit, me fitoren 2-0 që i lejoi Romës të rigjente fitoren e parë në ligë pas dy ndeshjesh dhe të barazohet me Juventusin në 46 pikë. Cagliarit është në kuotën e 28 pikëve.

The post Malen e vë Romën në lëvizje, me dy gola thyen Cagliarin dhe arrin Juven appeared first on Albeu.com.

Kapiteni zikaltër është bashkuar menjëherë me skuadrën në Appiano Gentile, duke treguar përkushtim maksimal dhe dëshirë për të qenë në fushë.

Në mungesë të Thuram, i cili po rikuperohet nga një dëmtim muskulor, trajneri Chivu pritet ta vendosë sulmuesin Bonny përkrah Lautaros në vijën e parë.

Argjentinasi, autor i një dopiete me përfaqësuesen në fitoren 6-0 ndaj Puerto Rikos, kërkon të vazhdojë momentin pozitiv edhe në Serie A.

Interi synon të ruajë kreun e renditjes, ndërsa pritet që formacioni të përfshijë gjithashtu Barellën, Çalhanoglun dhe Mkhitaryanin në mesfushë, me Dumfries dhe Dimarco në krahë.

The post Lautaro nuk ndalet dhe Boni në krah të tij, formacioni i mundshëm i Interit ndaj Romës appeared first on Albeu.com.

Së bashku me Gasperinin, në Romë do të rikthehet edhe Marash Kumbulla, i cili aktualisht është i huazuar te Espanyoli.

Edhe pse ende pa u zyrtarizuar në stolin e Romës, trajneri italian ka marrë një vendim në lidhje me mbrojtësin e Kombëtares shqiptare.

Sipas mediave italiane, Gasperini e vlerëson Kumbullën dhe ka vendosur që ai të qëndrojë në kryeqytet.

Duke pasur parasysh edhe largimin e Mats Hummels, mbrojtësi shqiptar do të bëjë pjesë në skuadrën e Romës për sezonin e ardhshëm.

The post Gasperini në Romë, tekniku italian merr vendimin përfundimtar për Kumbullën appeared first on Albeu.com.

Në Olimpico, skuadra e Baronit iu afrua më mirë ndeshjes, duke u afruar me golin në pjesën e parë me rastet e Romagnolit dhe Isaksen (dy) të neutralizuar nga ndërhyrjet e Svilar.

Romagnoli e nisi derbin me një goditje me kokë menjëherë pas pushimit, duke mposhtur Mancinin, por goditja nga distanca e Soulé nën traversë në minutën e 69-të rivendosi barazpeshën.

Edhe një herë Svilar me dy pritje të tjera vendimtare ndaj Guendouzi dhe Dia vulosi barazimin që i penalizon të dy skuadrat për sa i përket kualifikimit në Champions League.

The post Lazio e Roma, barazimi që largon zonën Champions appeared first on Albeu.com.

Fitorja ndaj Empolit është rezultati i 12-të radhazi pozitiv në Serinë A: një marshim “Championsi “, i cili filloi me ardhjen e Ranierit, me 10 fitore, 3 barazime dhe 3 humbje në 16 ndeshje.

Roma është skuadra që ka grumbulluar më shumë pikë në vitin 2025 në “top 5” ligat e Europës. Skuadra e Ranierit ka fituar 26 pikë që nga fillimi i vitit, me një mesatare prej 2.60 pikë për ndeshje në 10 ndeshje. Më mirë se Liverpool, Bayern dhe PSG (që ka një ndeshje më pak) por edhe se Interi

Roma 26 pikë në 10 ndeshje

Liverpuli 25 pikë në 11 ndeshje

Bayerni i Mynihut 25 pikë 10 ndeshje

PSG 25 pikë në 9 ndeshje

Ineri 21 pikë në 11 ndeshje

The post Roma, skuadra që ka grumbulluar më shumë pikë në vitin 2025 appeared first on Albeu.com.