Pas kthimit nga Finlanda, Kombëtarja shqiptare i është rikthyer stërvitjeve në Shtëpinë e Futbollit, ndërsa lojtarët kuqezi po vijojnë përgatitjet për ndeshjen e radhës kundër San Marinos.

Skuadra u nda në dy grupe: futbollistët që nuk u aktivizuan në Finlandë kryen një seancë me ngarkesë të plotë, ndërsa ata që luajtën si titullarë u morën vetëm me rikuperim dhe fizioterapi.

Departamenti i Komunikimit në FSHF njofton se ka ndryshime në listën e Kombëtares. Mesfushori Feta Fetai dhe mbrojtësi Samuele Sina do të largohen nga ekipi për t’iu bashkuar Kombëtares U-21 dhe do të jenë në dispozicion të trajnerit Alban Bushi për miqësoren me Ukrainën, e cila luhet nesër në orën 15:30 në Hungari.

Ndërkohë, edhe mesfushori Luis Hasa i ka tejkaluar problemet shëndetësore dhe sot iu bashkua grupit, duke qenë gjithashtu gati për ndeshjen e katërt të UEFA Nations League.

Po ashtu, trajneri Rolando Maran ka thirrur portierin Simon Simoni për të zëvendësuar Etrit Berishën e skualifikuar. Simoni iu bashkua sot stërvitjes me kuqezinjtë dhe do të jetë i gatshëm për takimin me San Marinon, që luhet më 6 tetor në orën 20:45 në stadiumin “Air Albania”.

Biletat për ndeshjen Shqipëri-San Marino mund të merren online në ebileta.al ose pranë pikës së shitjes fizike në stadiumin “Air Albania”.

The post Pas disfatës në Finlandë, Maran ndryshon Kombëtaren: liron dy futbollistë nga grumbullimi appeared first on Albeu.com.

Shqipëria u mund 1–2 nga Finlanda në përballjen e Ligës së Kombeve, Liga C, megjithatë kuqezinjtë e drejtuar nga Rolando Maran zhvilluan një ndeshje të mirë dhe krijuan rrezik të vazhdueshëm në sulm.

Para daljes me karton të kuq të Etrit Berishës, përfaqësuesja shqiptare po kontrollonte ritmin e lojës dhe paraqitej më kërcënuese se kundërshtari, si në qarkullimin e topit, ashtu edhe në aksionet pranë portës finlandeze.

Ndërhyrja e panevojshme që solli përjashtimin e Berishës ndryshoi ekuilibrat e takimit. Më pas, goli i pësuar pas gabimit të Alen Sherrit e vështirësoi edhe më shumë situatën për Shqipërinë.

Pavarësisht inferioritetit numerik, Rolando Maran reagoi me zgjedhje taktike. Trajneri italian aktivizoi Mirlind Dakun dhe Myrto Uzunin, ndërsa Stavro Pilios i besoi një rol në mesfushën e majtë, edhe pse pozicioni i tij natyral është ai i mbrojtësit të majtë.

Daku pati një mundësi të artë për të rikthyer baraspeshën, por nuk arriti ta shfrytëzonte. Ndërkohë, Myrto Uzuni u ndëshkua me të verdhë për simulim, edhe pse Shqipëria pretendoi për penallti në minutën e 79-të.

Shifrat e ndeshjes tregojnë se Shqipëria goditi 5 herë në kuadratin e Finlandës, ndërsa vendasit e bënë këtë vetëm 3 herë. Për sa i përket rasteve të krijuara për shënim, kuqezinjtë regjistruan një vlerë xG prej 1.15, kundrejt 0.56 të Finlandës.

79′ Shqipëria kërkon penallti, por arbitri e ndëshkon Myrto Uzunin me karton të verdhë për simulim.

The post VIDEO/ Shqipëria humbet në Finlandë, por Maran impresionon me zgjedhjet taktike appeared first on Albeu.com.

Shqipëria u largua pa pikë nga transferta ndaj Finlandës, ku u mposht 2-1 në ndeshjen e vlefshme për Ligën C të Ligës së Kombeve. Pas përfundimit të takimit, trajneri i kuqezinjve, Rolando Maran, komentoi paraqitjen e skuadrës dhe vendimet e gjyqtarit.

“Mendoj se e meritonim një rezultat pozitiv, madje edhe fitoren, pavarësisht se luajtëm me 10 lojtarë. Ekipi luftoi dhe u përpoq të ndërtonte aksione për të krijuar diçka. Megjithatë, u penalizuam”, u shpreh Maran.

Tekniku italian theksoi se skuadra duhet të përmirësohet dhe ta nisë nga e para, ndërsa kritikoi disa prej vendimeve të arbitrit, të cilat i cilësoi të pashpjegueshme. Në të njëjtën kohë, ai falënderoi tifozët shqiptarë për mbështetjen e dhënë edhe në Finlandë.

“Zhvilluam një ndeshje shumë të mirë. Sa i përket zëvendësimit të Hoxhës, Manaj ishte i nevojshëm për ne dhe mund të shfrytëzonim edhe hapësirat që krijonte Muçi. Gjithsesi, u penalizuam në mundësinë për të bërë ndryshime të tilla, përfshirë zëvendësimin e Hoxhës pas kartonit të kuq”, deklaroi Maran.

The post Rolando Maran pas humbjes ndaj Finlandës: Disa vendime arbitrare ishin të pashpjegueshme appeared first on Albeu.com.

Shqipëria U19 triumfoi 3–2 ndaj Lituanisë U19 në miqësoren e luajtur sot në stadiumin “Vora”. Fitorja e kuqezinjve u vulos në kohën shtesë, në minutën e 90+6’.

Armend Muslika fitoi një penallti pas një aksioni individual me shumë klas në hyrje të zonës, duke detyruar mbrojtësin kundërshtar të ndërhynte në mënyrë të parregullt. Vetë mesfushori mori përsipër ekzekutimin e 11-metërshit dhe e dërgoi topin në rrjetë, duke i siguruar Shqipërisë U19 suksesin në extremis.

Paraqitja e 17-vjeçarit mund të shihet si një “sms” për trajnerin e Kombëtares A, Rolando Maran. Muslika, i cili luan për Tottenham U18, ka realizuar 5 gola në 6 paraqitje këtë sezon në Premier League U18, një statistikë e jashtëzakonshme për pozicionin që mban në fushë.

The post VIDEO/ Armend Muslika vendos ndeshjen në minutën e 96-të dhe i dërgon “sms” Rolando Maranit appeared first on Albeu.com.

Në prag të përballjes San Marino–Shqipëri, sulmuesi i Kombëtares Anis Mehmeti foli për “TV Klan” mbi formën e tij, ndryshimet në drejtimin e ekipit dhe pozicionet ku ndihet më mirë. Futbollisti 25-vjeçar foli edhe për gjendjen te skuadra e tij aktuale.

Si është situata juaj tani?

Kam kaluar disa vështirësi, por vazhdoj të punoj fort. Shpresoj që gjërat të përmirësohen.

Çfarë ndryshon mes Sylvinhos dhe Maran?

Ka dallime mes tyre. Maran më ka pritur shumë mirë; kemi biseduar dhe më ka telefonuar. Ai ka besim tek unë dhe shpresoj t’i përgjigjem duke dhënë maksimumin.

Mendoni se do të jeni titullar ndaj San Marinos?

Besoj se po. Shpresoj të jap më të mirën dhe të shënoj. Pozicionet ku preferoj të luaj janë pas sulmuesit, si numër 10, ose në krahun e majtë. Më pëlqejnë të dyja.

The post Anis Mehmeti zbulon rolet e preferuara dhe flet për ndryshimet mes Maran dhe Sylvinhos appeared first on Albeu.com.

Shqipëria do të përballet nesër me San Marinon në një ndeshje të Ligës së Kombeve, Liga C.

Gazetari sportiv Gentjan Alinani, i cili ndjek nga afër zhvillimet te Kombëtarja, ka dhënë të dhëna për formacionin që mund të zgjedhë trajneri Maran.

Berisha pritet ta ruajë vendin në portë. Ndryshimi kryesor mund të vijë në mbrojtje, ku Sina parashikohet të debutojë si titullar për kuqezinjtë, përkrah Ismajlit dhe Gjimshitit. Kjo do të sillte një rreshtim të ri me tre mbrojtës.

Në mesfushën më të ngarkuar, Mitaj dhe Uzuni pritet të luajnë në krahë, ndërsa Asllani dhe Shehu në qendër. Për sulmin parashikohet treshja Anis Mehmeti, Ernest Muçi dhe Rey Manaj.

Tifozët e kanë pëlqyer prej kohësh këtë treshe sulmuese dhe përballja me San Marinon mund të jetë rasti për të parë se si bashkëpunojnë në fushë.

The post Shqipëria ndaj San Marinos, Maran pritet të ndryshojë mbrojtjen dhe të aktivizojë Mehmetin, Muçin e Manajn në sulm appeared first on Albeu.com.

Rolando Maran dhe kapiteni i Shqipërisë, Berat Gjimshiti, folën në konferencën zyrtare për shtyp para përballjes me San Marinon. Ndeshja do të zhvillohet nesër në “San Marino Stadium”, në orën 20:45.

Trajneri kuqezi kërkoi që skuadra ta trajtojë me seriozitet maksimal këtë takim, duke ruajtur përqendrimin, identitetin dhe ekuilibrin taktik gjatë gjithë lojës. Maran theksoi edhe rëndësinë e menaxhimit të energjive dhe rotacionit, pasi Shqipëria do të luajë katër ndeshje radhazi. Objektivi mbetet maksimumi i pikëve dhe lufta për vendin e parë në grup.

Si mund ta zgjidhë Shqipëria sa më shpejt ndeshjen me San Marinon? – Përballje të tilla kërkojnë qasjen e duhur. Ato janë ndeshje që ndihmojnë në ndërtimin e mentalitetit të një skuadre.

Duhet të hyjmë në fushë me shumë seriozitet, por edhe me vëmendjen e durimin e nevojshëm. Vetëm kështu mund të kuptojmë se çfarë duhet të bëjmë në çdo moment. E respektojmë San Marinon, ndërsa kjo duhet të na shërbejë si motivim për t’u përgatitur siç duhet ndaj çdo situate që mund të shfaqet gjatë takimit.

Cila do të jetë mënyra e lojës për ta zgjidhur ndeshjen? – Synimi është të zhvillojmë ndeshjen më të mirë të mundshme dhe të zbatojmë atë që kemi përgatitur deri në stërvitjen zyrtare të mëngjesit të sotëm.

Duhet të jemi të aftë të lexojmë situatat dhe të marrim vendimet e duhura në varësi të mënyrës se si do të luajë kundërshtari. Identiteti ynë duhet të jetë i qartë, por në rrethana të caktuara mund të përdorim edhe vertikalizimet. Të dyja këto alternativa mund të funksionojnë.

Çfarë do të dëshironit të shihnit ndryshe ndaj San Marinos? – Përparimi i një skuadre lidhet mbi të gjitha me mentalitetin. Pavarësisht kundërshtarit, ne duhet të zbresim në fushë dhe të bëjmë atë që dimë.

Nuk duhet të mjaftohemi vetëm me disa aspekte të veçanta të lojës. Duhet të krijojmë kushtet e duhura dhe ta trajtojmë çdo element me seriozitet. Në këtë rast, më e rëndësishmja është rritja e skuadrës.

A e keni përcaktuar formacionin? – Kam një ide të qartë për formacionin titullar, edhe pse na ndajnë rreth 24 orë nga nisja e ndeshjes.

Jam i bindur se të gjithë lojtarët do të jenë gati për të dhënë maksimumin. As vetë futbollistët nuk e dinë ende formacionin dhe do të ishte mungesë respekti që këtë informacion ta mësonin më parë nga mediat. Do t’i shfrytëzoj orët e fundit për të bërë vlerësimet përfundimtare në aspektin fizik.

Sa do të ndikojë menaxhimi i energjive, duke qenë se ndeshja e ardhshme është me Finlandën? – Është një situatë e veçantë fakti që kemi katër ndeshje radhazi.

Kur përgatita listën e lojtarëve të grumbulluar, mora në konsideratë si gjendjen fizike, ashtu edhe karakteristikat e secilit prej tyre. Mund të ketë ndryshime, por jo në fizionominë e skuadrës. E rëndësishme është që të rritemi në vlerë. Jam i bindur se kushdo që do të luajë, do të jetë i motivuar për të bërë më të mirën.

Të 28 lojtarët e grumbulluar janë maksimalisht të përkushtuar ndaj Kombëtares. Mund të ketë ndonjë ndryshim në varësi të kushteve, por struktura e skuadrës nuk do të ndryshojë.

Çfarë prisni nga mesfushorët dhe sulmuesit për të ruajtur ekuilibrin dhe për të shmangur kundërsulmet? – Nëse nuk e menaxhojmë këtë aspekt, procesi do të bëhet më i vështirë.

Kur ke kontrollin e topit, veçanërisht përballë një kundërshtari që pritet të qëndrojë i tërhequr në mbrojtje, mund ta lëvizësh repartin defensiv kundërshtar dhe të krijosh hapësira. Kjo ndihmon edhe në shmangien e gabimeve që mund të çojnë në një rezultat të pafavorshëm.

Cilët nga miqtë apo familjarët tuaj do të jenë në stadium? – Në fakt, shumicën i kam ftuar në Tiranë. Do të jenë disa persona, por numri i tyre nuk është i rëndësishëm.

Ne jemi të fokusuar te ndeshja, sidomos pasi në stadium pritet të ketë shumë tifozë shqiptarë. Përgjegjësia jonë është t’i bëjmë krenarë dhe të japim maksimumin e mundshëm.

The post Maran kërkon përqendrim maksimal ndaj San Marinos: Formacionin e kam në mendje appeared first on Albeu.com.

“Nuk mund të kërkohej një start më i mirë. Jam i kënaqur me mënyrën se si u shfaq ekipi. Futbollistët zbatuan në fushë atë që kemi punuar gjatë stërvitjeve.

Kur loja nisi të hapej, menduam se ishte momenti i duhur për të aktivizuar Uzunin. Vendimi lidhej me karakteristikat e lojtarëve dhe ndryshimin mes Seferit dhe Uzunit. E dinim që sfida do të ishte e vështirë që në fillim”, u shpreh Maran.

Trajneri kuqezi vlerësoi edhe organizimin e kundërshtarit, duke kujtuar rezultatet e fundit të Bjellorusisë. Sipas tij, ekipi kundërshtar u tërhoq shumë prapa, por Shqipëria arriti të gjente mënyrën për të shfaqur vlerat e saj.

“Nuk duhet të harrojmë rezultatet e fundit të Bjellorusisë. Ata janë një skuadër që qëndron shumë poshtë, por ne arritëm ta gjenim veten. Sa i përket lojtarit më të mirë të mbrëmjes, duhet të veçohet shpirti i ekipit dhe sakrifica e të gjithëve.

Muçi është një futbollist i rëndësishëm dhe e dëshmoi këtë edhe sonte. Megjithatë, nuk dua që të kemi vetëm një lojtar si pikë reference. Jam shumë i lumtur për Muçin, por edhe për asistin e Asllanit”, deklaroi Maran.

The post Rolando Maran nis me fitore aventurën te Shqipëria: Muçi i rëndësishëm, por skuadra nuk duhet të mbështetet te një lojtar appeared first on Albeu.com.

FSHF ka publikuar në prag të përballjes Shqipëri–Bjellorusi në Ligën e Kombeve banerin e ndeshjes, ku në plan të parë shfaqen tre prej sulmuesve të Kombëtares.

Ernest Muçi, Rey Manaj dhe Arbër Hoxha janë lojtarët e vendosur në fokus, duke krijuar pritshmërinë se ata mund të përbëjnë “tridhëmbëshin” ofensiv të skuadrës.

Kjo zgjedhje ka rritur entuziazmin te tifozët, të cilët presin një Shqipëri më sulmuese përballë Bjellorusisë. Në këtë sfidë, fitorja konsiderohet detyrim, ashtu si edhe synimi për të përfunduar në vendin e parë të Ligës C.

The post Maran ndez entuziazmin, tre sulmuesit pritet të udhëheqin Shqipërinë ndaj Bjellorusisë appeared first on Albeu.com.

Trajneri i Kombëtares shqiptare, Rolando Maran, doli para mediave në prag të përballjes Shqipëri–Bjellorusi dhe iu përgjigj pyetjeve të gazetarëve.

Bjellorusia është një ekip i organizuar dhe kompakt, që ka zhvilluar një rrugëtim të mirë. Kemi respekt për kundërshtarin, por vëmendjen dua ta përqendroj te skuadra ime. Gjatë grumbullimit kam parë dëshirë dhe përkushtim të madh në punë, ndërsa synimi ynë është të shfaqim cilësitë që zotërojmë dhe të provojmë të marrim maksimumin.

Përsa i përket formacionit, është e vërtetë që nesër nis aventura ime si trajner i Shqipërisë. Kjo më emocionon, më mbush me krenari dhe përbën një stimul ekstra për mua. Gjatë grumbullimit kemi hasur disa vështirësi, por kushdo që do të zbresë në fushë duhet të jetë i qartë dhe plotësisht i vetëdijshëm për detyrat që ka gjatë ndeshjes.

Disa futbollistë nuk kanë mundur të stërviten rregullisht. Asllani dhe Shehu do të marrin pjesë në stërvitje, ndërsa gjatë mbrëmjes së sotme do të kem mundësinë të përcaktoj zgjidhjen më të përshtatshme për ndeshjen e nesërme. Kanë qenë disa ditë impenjative, por ato më kanë dhënë përgjigje shumë të mira.

Edhe nëse disa lojtarë nuk janë në gjendje të luajnë për 90 minuta, kjo na ofron mundësi për të bërë zgjedhjet e duhura, për të menaxhuar ndeshjen dhe për ta përmirësuar ekipin.

Lajmi në përditësim…

The post Nesër nis aventura ime në krye të Shqipërisë”, Rolando Maran: Asllani dhe Shehu do të stërviten, por mbeten dilemat për dëmtimet appeared first on Albeu.com.