Viktima Renato Hoxhaj, punonte prej 5 vitesh si roje në një objekt pranë shtëpisë së tij në lagjen “Hajro Çakërri”.

Për vrasjen e 58-vjeçarit, ende nuk ka dyshime mbi ndonjë autor të mundshëm dhe motivin e këtij krimi.

Por kemi arritur të mësojmë pak mbi përditshmërinë e të ndjerit, përmes bashkëjetueses së tij, K.Rakipaj.

Në një interviste për Klan News, zonja Rakipaj, është shprehur se në dijeninë e saj, 58-vjeçari nuk ka ndjerë kërcënim, e as nuk është përfshirë në ndonjë konflikt të mëparshëm.

Rutina e tij ndryshoi kohët e fundit, pasi Hoxhaj nuk ka pasur një orar të rregullt të kthimit në shtëpi, apo të daljes nga banesa.

Çifti bashkëjetonte prej rreth 2 vitesh në shtëpinë e të ndjerit Hoxhaj. Bashkëjetuesja shprehet për gazetaren se prej gati 1 viti e gjysmë, ai nuk punonte më si roje.

Rakipaj tregon dhe pak nga ajo se çfarë ajo ka dëshmuar para uniformave blu. Sipas saj, ajo ka dëgjuar të shtënat e armës teksa ndodhej në shtëpi, por i ka konsideruar si fishekzjarre.

Pas rreth 2 orësh, ajo ka dalë nga banesa, dhe ka parë Hoxhajn të pajetë. Ka njoftuar ndihmën e shpejtë, por 58-vjeçari kishte ndërruar jetë që në vendngjarje.

Bashkëjetuesja e të ndjerit, edhe pse nuk është në dijeni të ndonjë konflikti të mundshëm të viktimës, është larguar nga banesa ku të dy jetonin, pasi shprehet se ka frikë.

Intervista e plotë:

Pyetje: Pra ju bashkëjetonit prej dy vitesh?

Rakipaj: Po, e ai punonte roje.

Pyetje: Prej sa vitesh punonte i ndjeri, tek subjekti në afërsi të banesës?

Rakipaj: Ai përpara rrinte, ruante… kishte lokalin, ishin shtëpi ato më përpara. Si u prishën shtëpitë, e u bë ai pallati, edhe rrinte në shtëpi ai pastaj. Nuk shkonte më tek puna. Vetëm në mëngjes ulej ky, nga ora 06:30.

Pyetje: Prej sa kohësh nuk punonte më?

Rakipaj: Vajti goxha që nuk shkonte më tek puna. Nuk rrinte roje natën.

Pyetje: Një vit e gjysmë?

Rakipaj: Po, po. E nuk shkonte më. Vetëm ditën.

Pyetje: Ti sot je larguar nga shtëpia dhe je strehuar tek mikesha jote. Pse je larguar nga shtëpia? Ke frikë? Ndihesh e kërcënuar?

Rakipaj: Kam frikë. Ku të vete të rri?

Pyetje: A është ndjerë ndonjëherë bashkëjetuesi juaj i kërcënuar? A ka pasur ai ndonjë konflikt të mëparshëm?

Rakipaj: Jo, jo.

Pyetje: Si mendoni ju, pse është shtënë me armë zjarri ndaj tij?

Rakipaj: S’e di. As vetë s’e di. S’më tregonte, që ka pasur këtë, ka pasur atë…

Pyetje: Pra, ai nuk është shprehur se ndonjëherë…

Rakipaj: Jo, jo. As më ka thënë asgjë. Të më thoshte mua kam këtë e atë, s’më thoshte fare. Se ai dilte, ikte. Ai sa vinte ikte. Ka ikur e në 2 të natës.

Pyetje: Pra po thua që nuk kishte një orar të rregullt që kthehej e vinte në shtëpi.

Rakipaj: Ky vinte, shkonte në punë. Dilte ndonjëherë në natë të vona, edhe… unë isha në punë. Ikja në punë unë, në orën 19:30, të darkës, edhe vija deri nga ora 03:00 të mëngjesit. E kur vija e gjeja në shtëpi. Në gjumë. Edhe ngrihej nga gjumi ky, e ikte poshtë te lokali e shkonte pinte kafen aty. Rrinte aty gjatë ditës. Pastaj ikte, lëvizte. Ku di unë nga lëvizte ai. Se unë s’do ruaja atë se nga shkonte.

Pyetje: Pra, ti po thua se nuk je në dijeni të ndonjë konflikti të mëparshëm që bashkëjetuesi juaj kishte.

Rakipaj: Nuk e di.

Pyetje: A është ndjerë ai ndonjëherë i kërcënuar?

Rakipaj: Për këtë nuk di ç’të thëm. Nuk më ka thënë asgjë.

Pyetje: Ti personalisht jo.

Rakipaj: Jo, jo. Unë s’di asgjë për vete.

Pyetje: Çfarë kërkoni sot?

Rakipaj: Unë kërkoj për veten time, ja tani, ku të rri.

Pyetje: Ku jetonit ju? Në shtëpi me qira?

Rakipaj: Jo, çfarë me qira? Unë rrija me atë.

Pyetje: Ku jetonit?

Rakipaj: Po me atë rrija unë. Ndonjëherë më merrte me të mira ai, ndonjëherë më përzinte, më nxirrte në rrugë. Rrija, përjashta rrugëve. Vija pastaj, rrija te kjo, 5 minuta, pastaj ikja prap. Ngjitesha lart në shtëpi. E s’më thoshte gjë.

Pyetje: Sot në mëngjes ju kanë shoqëruar në polici, ju kanë marrë në pyetje. Çfarë ju pyetën?

Rakipaj: Më pyetën vetëm për këtë. Pe gjë më thanë, nuk pash gjë i thash unë. Unë s’pash gjë. Unë isha brenda i thashë. Unë e dija se ishin fishekzjarre i thashë. Mendova i thashë se ishin fishekzjarre, mendova. Nuk dola i thashë, se po vishesha. Në atë kohë, i thashë unë, po vishja rrobat, e s’mund të dal. Si do dilja unë.

Pyetje: Çfarë ju thanë në polici?

Rakipaj: Më morën në pyetje, vetëm kaq. Pastaj më lëshuan, ika dola, se erdhi dhe daja i tij pastaj, nga njerëzit e vetë.

Pyetje: Nga njerëzit e të ndjerit, vetëm daja ishte?

Rakipaj: Vetëm daja, edhe ai djali i dajës.

Pyetje: Çfarë thonë ata të dy?

Rakipaj: Asgjë, çfarë të thoshin ata të dy. Nuk e di tha ai.

Pyetje: As sipas tyre nuk ka pasur një konflikt të mëparshëm që ka çuar në këtë atentat?

Rakipaj: Jo, jo. Ata më flisnin mua, unë kam respekt për ata.

The post Vrasja e 58-vjeçarit Renato Hoxhaj në Vlorë/ Zbardhet dëshmia e partneres: Ai dilte ndonjëherë natën… appeared first on Albeu.com.

Raportohet se varka me të cilën emigrantët po udhëtonin ishte thuajse e shkatërruar duke vënë në rrezik jetët e tyre.

Autoritetet kanë nisur menjëherë hetimet, ndërsa emigrantët u transferuan në një zonë të sigurt.

The post Roja bregdetare greke shpëton 24 emigrantë që po rrezikonin të mbyteshin në det appeared first on Albeu.com.

Sipas infrmacioneve 62-vjeçari E.M ka ndërruar jetë ditën e sotme, dyshohet se vdekja ka ardhur nga shkaqe natyrale.

Njoftimi:

Më datë 19.05.2023, rreth orës 15:45, ka ndërruar jetë punonjësi për shërbimin privat të sigurisë fizike të Ambasadës së Malit të Zi, shtetasi E. M., 62 vjeç.

Nga hetimet paraprake dyshohet se vdekja ka ardhur nga shkaqe natyrale.

Grupi hetimor po punon për sqarimin e rrethanave të ngjarjes.

The post Gjendet i vdekur roja i ambasadës në Tiranë appeared first on Albeu.com.

Rreth orës 01:00 është qëlluarr me armë drejt ambienteve të televizionit dhe si pasojë ka mbetur i vrarë roja i objektit.

View this post on Instagram

A post shared by Albeu.com (@albeucom)

Mësohet se viktima është 60-vjeçari Pal Kola, i cili ka ndërruar jetë rrugës për në spital, ndërsa ende nuk dihen rrethanat e ngjarjes së rëndë.

“Më datë 27.03.2023, rreth orës 01:00, në Mëzes, në rrethana ende të paqarta, nga persona ende të paidentifikuar, është qëlluar me armë zjarri në drejtim të ambienteve të Top Channel.

Si pasojë e të shtënave ka humbur jetën roja i sigurisë shtetasi P. K., 60 vjeç (punonjës i një shoqërie për ruajtjen fizike të objekteve).

Është ngritur grupi hetimor dhe nën drejtimin e Prokurorisë vijon puna intensive për zbardhjen e rrethanave të ngjarjes, sekuestrimin e provave që do të shërbejnë për zbardhjen e ngjarjes, identifikimin dhe kapjen e autorëve.

Shërbimet e Policisë kanë ngritur pikat e kontrolleve dhe vijon puna për identifikimin e kapjen e autorëve”, njofton policia. /albeu.com

The post Breshëri automatiku pranë Top Channel dhe shtëpisë së Big Brother, vdes roja (EMRI) appeared first on Albeu.com.

Policia ka arrestuar edhe vëllain e Gjimnazistit Shkelqim Tomçini pasi ai ka dhunuar fizikisht rojen pas konfliktit që ka pasur me vëllain e tij.

Policia po vijon punën për zbardhjen dhe detajet e konfliktit.

NJOFTIMI I POLICISË:

U konfliktua fizikisht me një 21-vjeçar (nxënës në vit të tretë), arrestohet në flagrancë roja i shkollës.

Arrestohet në flagrancë edhe vëllai i 21-vjeçarit, pasi u përfshi në konflikt dhe goditi rojën.

Specialistët për Hetimin e Krimeve të Komisariatit të Policisë Dibër arrestuan në flagrancë shtetasin K. E., 45 vjeç, rojë i një shkolle të mesme, pasi është konfliktuar fizikisht me shtetasin M. T., 21 vjeç, nxënës i shkollës së mesme.

Gjithashtu u arrestua në flagrancë shtetasi Sh. T., 27 vjeç, banues në Dibër (vëllai i 21-vjeçarit), pasi është përfshirë në konflikt dhe ka goditur rojen.

Në vijim të veprimeve u referuan materialet në Prokurori dhe nisi procedimi penal për shtetasin S. E. (vëllai i rojës së shkollës), pasi ka tentuar të futet me forcë në ambientet e Komisariatit të Policisë Dibër, ku ishte shoqëruar vëllai i tij, pas konfliktit./albeu.com

The post EMRAT/ Roja dhunon gjimnazistin në Dibër, arrestohet nga policia appeared first on Albeu.com.

Prokuroria e Rrethit Gjyqësor Fier, bën të ditur se çështja është duke u shqyrtuar mes prokurorit të çështjes dhe oficerit të policisë gjyqësore. Informacionet mbi ecurinë e hetimeve kanë mbetur ende sekret midis këtyre dy palëve.

Pyetjes tonë nëse hetimet po ecin në drejtimin e duhur, burime në Prokurorin e Rrethit Gjyqësor Fier thanë për ABC se shumë shpejt kjo ngjarje do të zbardhet dhe autori do të vihet para drejtësisë.

Një fakt tjetër, po nga këto burime, është se po punohet intensivisht,  duke përfshirë në zbardhjen e ngjarjes shumë persona që kanë dijeni mbi personin e vrarë Petraq Gjika, nga Grecallia e Fierit, rojen e ndjerë që u vra në mënyrë barbare pranë disa serave, buzë rrugës së fshatit./abcnews.al

The post Vrasja e rojes në Fier, prokuroria në gjurmë të vrasësist appeared first on Albeu.com.

Sipas medias ruse “The Art Newspaper”, piktura është vepër e artistes ruse Anna Leporskaya, e cila ka lindur në vitin 1900 dhe ka vdekur në Shën Pjetërburg, në vitin 1982. Veprës, emri i së cilës është “Tre Figurat”, i janë vizatuar me stilolaps tre palë sy, një për secilën figurë.

Piktura ka qenë pjesë e koleksionit të Galerisë Shtetërore Tretyakov, derisa u transferua në Ekaterinburg për të qenë pjesë e një ekspozite të artit abstrakt.

Vepra e artit vlerësohet në 74,9 milionë rubla, që është e barabartë me 1 milion $. Sipas raportimeve nga galeria e Ekaterinburgut, piktura tashmë është transferuar në Moskë, për t’iu nënshtruar një procesi restaurimi dhe riparimi të dëmeve të shkaktuara nga roja, dënimi për të cilin mund të jetë një gjobë prej 40 000 rublash (420 $).

The post I vizatoi sy “për të shtyrë kohën”, roja shkatërron pikturën 1 milionë dollarëshe appeared first on Albeu.com.