I riu, i identifikuar si Endri Mera, ka rënë në tokë pa ndjenja dhe ndodhet në gjendje të rëndë për jetën.

Mësohet se sherri mes tyre ka ndodhur për një vend parkimi.

Policia ka nisur punën për zbardhjen e ngjarjes, ndërsa ka vënë në pranga për veprën penale “Vrasja me dashje”, rojen Geldian Daullçiu.

Njoftimi i policisë:

“Specialistët për Hetimin e Krimeve të Komisariatit të Policisë Nr. 2 arrestuan shtetasin Gledian Daullçiu., 35 vjeç, banues në Tiranë, (roje në një parking në zonën e Ish-Bllokut), për veprën penale “Vrasja me dashje”, mbetur në tentativë, parashikuar nga neni 76 e 22 të Kodit Penal.

Ky shtetas dyshohet se ditën e sotme, rreth orës 06:30, në rrugën “Pjetër Bogdani”, pas një debati, ka goditur me bërryl në fytyrë shtetasin Endri Mera, 30 vjeç, i cili ka rënë në tokë pa ndjenja dhe është dërguar në spital, ku aktualisht ndodhet nën kujdesin e mjekëve”, thuhet në njoftim.

The post Plas sherri në Tiranë/ Roja shemb pa ndjenja në tokë 30-vjeçarin, i riu në gjendje të rëndë (Emrat) appeared first on Albeu.com.