Ai u arrestua në Brazil, dhe ligji nuk e lejonte ekstradimin e tij për në Itali, shtet ku kishte kryer krimin.

Por tani mësohet se 40-vjeçari do të vuajë dënimin e tij në Brazil, dhe në një ndër burgjet më famëkeqe të këtij vendi.

Burgu ndodhet në Pernambuko, dhe është një ndër më të këqinjt e Brazilit. Kushtet e jetesës janë tmerrësisht të vështira.

Numri i të dënuarve është shumë herë më i madh se sa e lejon ligji. Vendi ka një mungesë higjene të paparë.

Në burg kryejnë dënimin njerëz me preçedent të madh penal, si terrorist, bosët e drogës, dhe përdhunues.

Madje ka pasur raportime se brenda mureve ka edhe dhunë seksuale të të burgosurve me njëri-tjetrin.

Me sa duket, këto 9 vitet e ardhshme do të jenë ndër më të këqijat për ish-sulmuesin e Milanit dhe Mançester Cityt.

Është e vështirë të imagjinohet se si një prej futbollistëve më të mirë të brezit të tij, të përfundojë në këto rrethana.

The post Robinho dënohet me burg, ja kushtet në të cilat do të jetojë braziliani për 9 vitet e ardhshme appeared first on Albeu.com.

Në 2017, Robinho u dënua për përdhunim në grup të një gruaje shqiptare në 2013 gjatë kohës sa ishte lojtar i Milanit. Për këtë, ai kishte marrë një dënim prej 9 vitesh burg.

Sidoqoftë, Robinho ka vazhduar të deklarojë pafajësinë e tij duke thënë se dënimi që mori ka ngjyra raciste.

“Kemi pasur një marrëdhënie sipërfaqësore dhe të shpejt seksuale. Ne shkëmbyem puthje dhe më pas shkova në shtëpi. Kishte njerëz të tjerë atë ditë. Kur e pashë se ajo dëshiroi të vazhdonte me djemtë tjerë, unë shkova në shtëpi”, ka thënë fillimisht Robinho.

“Unë kurrë nuk e kam mohuar. Ishte konsensuale. Mund ta kisha mohuar sepse ADN-ja ime nuk ishte asnjëherë aty, por unë nuk jam një gënjeshtar”.

40-vjeçari po mundohet që të vuajë dënimin në Brazil atje ku ai pret që të besohet më shumë versioni i tij i ngjarjes.

“Shpresoj që në Brazil unë mund të kem zërin që nuk e kisha jashtë shtetit. Ju dëshironi të shfaqni provat tua, dhe nuk e kuptoj pse, dëshmia është relevante për të gjithë, për ata (drejtësinë italiane) nuk ishte”.

“Unë nuk jam një përbindësh. Për 10 vite unë kam vuajtur shumë dhe jam bërë tjetër njeri”, përfundoi Robinho. /Telegrafi/

The post “Unë nuk jam një përbindësh”, Robinho flet pasi u dënua me 9 vjet burg për përdhunim appeared first on Albeu.com.

Robinho u dënua së bashku me mikun e tij Ricardo Falco, i cili në vitin 2013 mori pjesë edhe në përdhunimin në grup të një vajze shqiptare në një klub nate në Milano Sio Cafe.

Edhe pse Robinho u dënua pesë vjet më parë, pas apelit të tij, gjyqi përfundoi vetëm në tetor të vitit të kaluar.

Më pas vendimi ishte i formës së prerë dhe sipas ligjit penal italian, vuajtja e dënimit me burg duhet të fillojë menjëherë.

Megjithatë, Brazili pothuajse kurrë nuk i ekstradon qytetarët e tij, ndaj u mor vendimi që Robinho të lihej i lirë, por të mos lejohej të largohej nga kufijtë e vendit.

“Për klientin tim nuk ka rëndësi nëse dënimi do të kryhet në Brazil apo Itali. Është e rëndësishme që drejtësia të vendoset dhe dënimi të ekzekutohet plotësisht”, tha Jacopo Gnoçhi, avokati i gruas së përdhunuar.

Mirëpo Robinhos qartazi nuk i interesoi, ndaj pasi mësoi se mund të arrestohej, u zhduk dhe lind pyetja është nëse ai është ende në Brazil.

Kujtojmë se përdhunimi për të cilin akuzohet ish-ylli brazilian ka ndodhur në vitin 2013 në Milano dhe në të kanë marrë pjesë gjithsej gjashtë përdhunues.

The post U dënua me 9 vite burg për përdhunimin e vajzës shqiptare, arratiset Robihno appeared first on Albeu.com.

Megjithatë, falë bashkëpunimit juridik, Italia mund të kërkojë transferimin e ekzekutimit të dënimit në Brazil. Këtë e mëson ANSA nga burime lokale.

Neni i pestë i Kushtetutës parashikon që asnjë shtetas brazilian nuk ekstradohet, përveç përjashtimeve që nuk ndodhin këtu. Kërkesa për ekstradim është dorëzuar në fillim të tetorit. /G.D albeu.com/

The post Brazili nuk ekstradon Robinhon, por lojtari mund të vuajë 9 vite burg në vendin e tij appeared first on Albeu.com.

Ngjarja ndodhi në një klub në Milano natën e 22 janarit 2013.

Kërkesa për ekstradimin e ish-playmakerit të kuqezinjve në Itali është dërguar nga Prokuroria Publike Milaneze e Ekzekutimit, e cila muajt e fundit ka lëshuar një urdhër arresti ndërkombëtar, me kërkesë ekstradimi për ish-lojtarin, me akte të firmosura nga prokurorja Adriana Blasco.

Në shkurt, prokurori i kishte përcjellë Ministrisë kërkesën për ekstradim dhe urdhrin e arrestit ndërkombëtar për ish-sulmuesin dhe mikun e tij Ricardo Falco, të dy në Brazil.

Muajt ​​e fundit ka pasur kontakte mes autoriteteve italiane dhe braziliane dhe ka të ngjarë që më pas të jetë treguar zyrtarisht nga Brazili se ku ndodhet ish-lojtari i Milanit dhe për pasojë Italia i ka dërguar dokumentet e urdhrit të arrestit (të paekzekutuar në shtet) me një kërkesë për të ekstraduar Robson de Souza Santos, 38 vjeç dhe mikun e tij.

Ka shumë mundësi që të dy të mos dorëzohen sepse Kushtetuta braziliane nuk lejon ekstradimin e qytetarëve të saj.

Tani, megjithatë, do t’i mbetet autoriteteve braziliane t’i përgjigjen kërkesës italiane.

Si ndodhi ngjarja

Sipas hetimeve, ish-ylli brazilian e kishte kishte bërë vajzën të pinte deri në atë pikë sa ajo ishte e pavetëdijshme dhe grupi abuzoi me radhë në një gardërobë të një klubi nate në jetën në Milano./ h.ll/albeu.com

The post Telashe për Robinho, Italia kërkon ekstradimin e tij për abuzimin ndaj një shqiptareje appeared first on Albeu.com.

Braziliani është dënuar së bashku me mikun e tij Ricardo Falco dhe katër persona të tjerë, me nëntë vjet burg nga Gjykata e Lartë italiane, për përdhunimin në grup të një 22-vjeçari në një klub të Milanos në vitin 2013.

Apeli i paraqitur nga Avokatët e yllit brazilian u refuzuan, me dënimin tani të parevokueshëm.

Lëshimi i urdhrit do të thotë se Robinho do të arrestohet menjëherë, në rast se ai largohet nga Brazili dhe shkon në një vend që ka një marrëveshje ekstradimi me Italinë.

Ministria italiane e Drejtësisë do t’u dërgojë autoriteteve braziliane njoftimet përkatëse, por vështirë se do të jetë efektive, pasi kushtetuta braziliane nuk lejon ekstradimin e shtetasve të saj në vende të tjera. /albeu.com/

The post Për Robinhon është lëshuar një urdhër-arresti ndërkombëtar appeared first on Albeu.com.

Ky është një dënim që nuk mund të apelohet dhe do të zbatohet menjëherë, por nuk dihet se si do të dënohet dhe nëse për ankesën që ishte në pritje që nga viti 2013.

Pse po ndodh kjo? Kushtetuta italiane ndalon ekstradimin e brazilianëve dhe Traktati për Bashkëpunimin Gjyqësor në Çështjet Penale midis Brazilit dhe Italisë, i nënshkruar në vitin 1989 dhe ende në fuqi, nuk parashikon zbatimin e një dënimi të vendosur nga sistemi gjyqësor italian në territorin brazilian, shkruan albeu.com.

Kjo do të thotë se Robinho nuk do të çohet në burg, por do të arrestohet nëse largohet nga Brazili, pasi vendi i tij nuk “pranon” vendimet e marra nga gjykata italiane.

Në çdo rast, shteti italian do të duhet të lëshojë një urdhër arresti ndërkombëtar që mund të ekzekutohet në vende të tjera të Bashkimit Europian.

Në të njëjtën kohë, avokati i viktimës, Jakopo Gnocchi, foli pas vendimit: “Më shumë se 15 gjyqtarë e shqyrtuan çështjen në shkallën e parë, të dytë dhe të tretë dhe konfirmuan denoncimin e klientit tim. Tani duhet të shohim se si do të përmbushet ky dënim, Brazili është një vend i madh dhe shpresoj se di si ta përballojë këtë situatë.

Për ne duhet të plotësohet dënimi. Po të ishte në Itali do të shkonte në burg. “Tani topi është në duart e Brazilit, i cili do të duhet të veprojë sipas kushtetutës së tij”. /albeu.com/

The post Bomba nga Italia: Robinho dënohet me 9 vite burg për përdhunim! appeared first on Albeu.com.