Ky sukses i Republikës Çeke trazon menjëherë ujërat në grupin e Shqipërisë, është e vështirë të flasësh për favorit, por pa diskutim kjo disfatë e Polonisë, detyron Lewandowskin me shokë të japin gjithçka përballë Shqipërisë të hënën në Varshavë, në këto kushte fitorja është detyrim për polakët.

Republika Çeke e nisi ndeshjen “zjarr” duke realizuar dy gola të shpejtë brenda tre minutash. Historia u përsërit edhe me fillimin e pjesës së dytë, ku Kuchta realizoi golin e tretë për Çekinë. Polakët ngushtuan shifrat në 3-1 në minutën e 87-të, por vetëm kaq, pa mund të shmangin këtë humbje të rëndë, në lojë dhe rezultat.

Roberto Lewandowski, ashtu si pjesa e tjetër e ekipit, ishte inekzistent në fushë, por “bomberi” i Barçës premton kthesën përballë Shqipërisë: “Tani duhet të përqendrohemi te Shqipëria. Duhet të kthehemi përsëri në shina. Kjo ndeshje duhet të jetë një dush i ftohtë për të gjithë ne, nuk ka rëndësi ku luajmë, do të jetë një luftë dhe asgjë nuk do të vijë lehtë”, u shpreh Lewa.

Ndërkohë sfida e tjetër e Grupit E, Moldavi-Ishujt Faroe përfundoi në barazim 1-1.

The post U turpëruan në Çeki, Lewandowski kërcënon Shqipërinë: Do të jetë luftë appeared first on Albeu.com.

Sot “katalanasit” u përballën në “Camp Nou” me Elchen në kaudër të javës së gjashtë të kampionatit spanjoll.

Ndeshja u zhbllokua në minutën e 35 nga Robert Lewandowski ndërsa në minutën e 41 do të dyfishonte Depay.

Pjesa e parë do të mbyllej me dy gola për Barcelonën dhe një lojtar më pak për Elchen, pasi Verdu u ndëshkua me karton të kuq në minutën e 14.

Pjesa e dytë do të niste aty ku mbaroi e para, Leva do të shënonte golin e dytë personal dhe të 3 për skauadrën.

Minutat  e mbetura do të administroheshin lehtësisht nga ekipi i Xavi-t, për të siguruar në fund 3 pikët./albeu.com

The post Barcelona me Lewandowski-n nuk ndalet në La Liga, fiton pastër ndaj Elche-s në “Camp Nou” (VIDEO) appeared first on Albeu.com.