Në nisje të detyrës si përzgjedhës i përkohshëm i Koresë së Jugut, Robert Moreno është pyetur për një çështje të pazakontë që lidhet me periudhën kur drejtonte skuadrën ruse Sochi.

Trajneri spanjoll akuzohet se gjatë qëndrimit në klubin rus mbështetej te ChatGPT për të përgatitur ndeshjet, për të zgjedhur futbollistët dhe madje për të marrë vendime lidhur me transferimet. Moreno i ka hedhur poshtë prerazi këto pretendime, duke deklaruar se nuk qëndrojnë.

“Është një histori krejtësisht e rreme që është bërë virale”, tha Moreno gjatë konferencës për shtyp.

Spanjolli konfirmoi se e kishte shfrytëzuar teknologjinë, por mohoi se inteligjenca artificiale vendoste për çështjet sportive në vend të tij.

“E përdorja teknologjinë, ashtu si trajnerët e tjerë. Për shembull, përdorja ChatGPT edhe për përkthime, pasi nuk flisja rusisht. Nuk dua të shpenzoj shumë kohë me këtë çështje. Klubet dhe lojtarët tashmë e kanë shpjeguar se kjo histori nuk është e vërtetë”, shtoi trajneri spanjoll.

Një version të ndryshëm të ngjarjeve e kishte paraqitur më herët Andrei Orlov, ish-zëvendësdrejtor i përgjithshëm i Sochit, i cili i bëri publike akuzat ndaj Morenos.

Orlov deklaroi se ChatGPT ishte shndërruar në një nga mjetet kryesore që Moreno përdorte gjatë punës së tij si trajner.

Si rast konkret, ai përmendi organizimin e udhëtimit për një ndeshje jashtë fushe kundër skuadrës së Khabarovskut. Sipas Orlov, pasi Moreno kishte vendosur në ChatGPT informacionet e udhëtimit, sistemi kishte hartuar një plan që praktikisht do t’i linte lojtarët pa gjumë për rreth 28 orë.

Plani thuhet se u ndryshua pasi u vu në dukje problemi dhe të dhënat u përpunuan përsëri në sistem.

Ish-zyrtari i Sochit pretendoi gjithashtu se inteligjenca artificiale ishte përfshirë në procesin e kërkimit të një sulmuesi të ri. Në listën e klubit ndodheshin Vladimir Pisarsky, Pavel Melyoshin dhe Artur Shushenachev, ndërsa, sipas Orlov, statistikat e tyre nga Wyscout iu dorëzuan ChatGPT-së për vlerësim.

Në këtë version të ngjarjes, ChatGPT e kishte renditur Shushenachevin si alternativën më të mirë. Moreno e kishte kundërshtuar edhe në atë kohë një përshkrim të tillë të metodave të tij të punës.

Moreno mori postin e përzgjedhësit të përkohshëm të Koresë së Jugut më 1 shtator. Ai zëvendësoi Hong Myung-bo, i cili u largua me dorëheqje pas eliminimit të skuadrës nga Kupa e Botës.

Për momentin, spanjolli do të jetë në krye të përfaqësueses koreano-jugore gjatë gjashtë ndeshjeve miqësore.

Në përfundim të këtyre takimeve, Shoqata Koreane e Futbollit do të vendosë nëse Moreno do të qëndrojë në detyrë dhe nëse do t’i besohet udhëheqja e ekipit në Kupën e Azisë 2027.

The post Moreno hedh poshtë akuzat e ish-klubit se përdorte ChatGPT për transferimet appeared first on Albeu.com.

Drejtuesit e FFK-së me në krye Agim Ademin në fillim të javës ishin takuar me Morenon në Stamboll, por marrëveshja nuk është arritur.

Kjo pasi që spanjolli kishte dy oferta të tjera, nga Adana Demirspor dhe Sochi.

View this post on Instagram

A post shared by Футбольный клуб «Сочи» (@pfcsochi)

Klubi rus ka fituar garën dhe sot e ka zyrtarizuar Morenon, si trajner të parë të klubit.

Moreno po ashtu ka folur për faqen zyrtare duke thënë se është i lumtur që do të fillojë këtë aventurë në Rusi.

Në anën tjetër FFK vazhdon të jetë në kërkim të ‘timonierit’, të cilin shpreson ta gjejë deri në shkurt, apo mars. /Telegrafi/

The post Trajneri spanjoll i lidhur me Kosovën zyrtarizohet te klubi rus appeared first on Albeu.com.

Moreno ishte njëri nga trajnerët më të përfolur për t’u emëruar përzgjedhës i Përfaqësueses së Kosovës, pasi kishte mbajtur edhe një takim me drejtuesit e Federatës së Futbollit të Kosovës (FFK) para disa ditësh në Stamboll.

Megjithatë, spanjolli 46-vjeçari si duket nuk është bindur nga oferta e Dardanëve dhe pritet ta vazhdoj karrierën me një klub.

Sipas gazetës spanjolle AS, Moreno ka pranuar ofertën e klubit rus, Sochi, pasi ka bërë një postim ku shkruan: “ Robert Moreno, trajneri i ri i Sochit”.

Në anën tjetër, gazetari i njohur i mediumit Relevo, Matteo Moretto ka bërë një postim në profilin e tij në platformën X, ku shkruan se Moreno është gati të pranojë ofertën e Sochit dhe jo atë të Kosovës.

“Pavarësisht takimeve, nënshkrimi i Robert Morenos për Kombëtaren e Kosovës nuk po ecën përpara. Trajneri spanjoll është gati të pranojë një tjetër ofertë; atë të Sochit, një skuadër ruse”, ka shkruar Moretto në platformën X.

Përveç Kosovës dhe Sochit në garë për ish-trajnerin e Spanjës, Monacos dhe Granadas ishte edhe klubi turk, Adana Demirspor. /Telegrafi/

The post Robert Moreno refuzon Kosovën, nënshkruan me një klub tjetër? appeared first on Albeu.com.