Gjermania pati planifikuar që të ndalë të gjitha centralet bërthamore në fund të këtij viti, mirëpo lufta në Ukrainë ka rritur shqetësimet se shtetit do t’i duhet të shfrytëzojë të gjitha burimet e energjisë për të kaluar dimrin. Habeck ka bërë të ditur edhe më herët gjatë këtij muaji se Gjermania synon të mbajë aktive dy centrale bërthamore deri në prill, në rast nevoje.

Megjithatë, atëherë ai pati thënë se centralet do të çaktivizohen nga rrjeti elektrik dhe ato do të jenë rezervë. Të martën Habeck e ka konfirmuar vazhdimin e punës së centraleve, duke e përmendur edhe situatën e sigurisë në Francën fqinje. Më shumë se gjysma e centraleve bërthamore në Francë aktualisht nuk janë të kyçura në rrjet.

Kjo situatë ka çuar në mungesa të energjisë, por Gjermania ka ofruar ndihmë përmes kompensimit të energjisë së prodhuar nga centralet me gaz, ka thënë Habeck.

“Nëse nuk ndryshon situata, dy centralet bërthamore do të jenë aktive edhe në çerekun e parë të vitit 2022”, ka thënë Habeck.

Perëndimi e ka ndëshkuar Rusinë me sanksione të ashpra për shkak të luftës së nisur në Ukrainë. Për pasojë, Rusia e ka zvogëluar sasinë e gazit që çon në Evropë, duke rritur shqetësimet për dimër të vështirë. Para shpërthimit të luftës, Bashkimi Evropian ka siguruar nga Rusia 40 për qind të gazit që përdor brenda një viti. Lufta në Ukrainë ka nisur më 24 shkurt. Presidenti rus, Vladimir Putin e quan luftën si “operacion special ushtarak” për të çmilitarizuar Ukrainën. Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre.

Marrë nga REL

The post Gjermania synon ti mbajë aktive dy centrale bërthamore deri në vitin 2023 appeared first on Albeu.com.

Lajmin e ka bërë të ditur zëvendës kancelari i Gjermanisë Robert Habeck, i cili tha sot se të ardhurat e vazhdueshme që siguron Rusia nga çmimet e larta të karburantit krijojnë “dhimbje”.

Ai shtoi gjithashtu se ekonomia ruse është në kolaps dhe se me kalimin e kohës, situata do të bëhen edhe më të vështirë për këtë vend.

Gjatë një fjalimi në parlament, zoti Habeck, i cili është gjithashtu ministër i Ekonomisë dhe përgjegjës për çështje të energjisë, shtoi se vendi i tij, duhet të ndihet i turpëruar që nuk ka arritur ende ta zvogëlojë varësinë nga karburantet ruse.

Por megjithatë shtoi ai, të ardhurat, që siguron Rusia nga gazi e nafta, nuk të japin pamjen e saktë për të kuptuar gjithë situatën. Zoti Habeck tha se zoti Putin po vazhdon të marrë para, por ai po has në vështirësi që t’i shpenzojë ato, për shkak të sanksioneve perëndimore. Ai vuri në dukje rënien e madhe të sasisë së produkteve që hyjnë në Rusi, në mesin e tyre edhe të mallrave që vijnë nga Gjermania.

Zoti Habeck tha se “koha punon kundër Rusisë dhe kundër ekonomisë ruse” duke shtuar se “askush nuk dëshiron të investojë më në Rusi”.

The post Gjermania e bindur: Pse Rusia është në kolaps ekonomik appeared first on Albeu.com.

“Një kompani që operon në provincën e Ujgurit donte të zgjaste sigurimin shtetëror të investimeve dhe kërkesa nuk u miratua”, tha ministri për gazetën Die Welt.

“Kjo është hera e parë që sigurimi i investimeve nuk zbatohet për arsye të të drejtave të njeriut”, shtoi ai.

Pa këto garanci, një kompani merr përsipër të gjithë rrezikun e investimit të financimit të një projekti jashtë vendit. As Hubeck dhe as ministria e tij nuk treguan se për cilën kompani bëhej fjalë.

Duke cituar burime të paidentifikuara, Der Spiegel shkruan se bëhet fjalë për industrinë e makinave Volksëagen. Kompania hapi një fabrikë në vitin 2013 në Urumqi, kryeqyteti i Xinjiang, ku autoritetet kineze akuzohen për shtypjen e pakicës myslimane ujgure.

Hetuesit perëndimorë kanë akuzuar Pekinin se ka dërguar një milion ujgurë dhe anëtarë të pakicave të tjera myslimane në “kampet e riedukimit” ku ata janë “të detyruar të punojnë” ose “të detyrohen të sterilizohen”. Shtetet e Bashkuara madje e kanë cilësuar si “gjenocid”.

CEO i Volkswagen Herbert Dees siguroi së fundmi në një intervistë për rrjetin televiziv amerikan CBS se “nuk ka punë të detyruar” në fabrikën e kompanisë.

“Ne duam ta mbajmë fabrikën hapur sepse mendoj se është më mirë që vendasit të qëndrojnë atje”, tha ai.

Vendimi i Berlinit nuk ndikon në planet e investimit të Volksëagen në Kinë, shkruan Der Spiegel, duke cituar një burim në industrinë e automobilave.

The post Ndodh për herë të parë, Berlini refuzon të mbështesë kompanitë gjermane që duan të investojnë në Kinë appeared first on Albeu.com.

Ai parashikoi “papunësi masive, varfëri, njerëz që nuk do të kenë mundëis të ngrohen apo të furnizojnë makinat” nëse vendi i tij ndalon përdorimin e naftës dhe gazit rus.

Shumë pak ekonomi të tjera perëndimore janë aq të varura nga energjia ruse sa Gjermania: 55% e gazit natyror, 52% e qymyrit dhe 34% e naftës që përdoret në vend vjen nga Rusia, për të cilën vendi paguan qindra mijëra euro në ditë.

The post Paralajmërimi i Gjermanisë: Bojkoti i menjëhershëm i furnizimeve me gaz dhe naftë ruse sjell papunësi masive dhe varfëri appeared first on Albeu.com.