Gazetari Artan Hoxha, thotë se Brahimi, i njohur me pseudonimin “Sidi”, ka pasur lidhje me emra të rrezikshëm të botës së krimit, si Ervis Martinaj apo Gentjan Bejtja, ndërsa tregon se për herë të fundit e ka takuar në Dubai.

“Ervis Martinaj nuk do ishte ai që ishte, nëse nuk do të kishte bërë kaq shumë armiq. Nuk do t’i kishin ndodhur ato që i ndodhën, nëse nuk do kishte bërë aq shumë armiq. Një ndër armiqtë ishte edhe ky”, thotë Hoxha i ftuar në “Top Talk”.

Sipas Artan Hoxhës, Roan Brahimi është marrë peng nga Ervis Martinaj dhe është dhunuar, për këtë ai ka thënë që do të hakmerret.

“Rasti i Sidit është thirrur për një takim. Ka negociuar një kushëriri i vet, Ylli Brahimi. Ka shkuar me mirëbesim të Ervis Martinaj dhe Sidi është marrë peng, kanë ushtruar dhunë. Që nga ajo kohë ka thënë që ‘nëse më lini gjallë unë do të reagoj’. Është përpjekur ta bëjë. Ka dalë një video që disa të rinj me maska vinin vërdallë në zonën e Fushë Kuqes dhe kërkonin Ervis Martinajn, një ndër ta ishte edhe Sidi”, tregon gazetari.

Ai e cilëson 32-vjecarin si një person me rrezikshmëri të lartë dhe që nuk mund të vritej lehtë, por fakti që ndodhej në Athinë nuk e ka ndihmuar, sepse sipas Hoxhës është një ndër vendet me sigurinë më të ulët.

“Sidi nuk është një njeri që mund të vritej kollaj, goditja e tij në Athinë, në një vend ndër më të rrezikshmit në Evropë. Ka një problematikë të madhe me sigurinë Greqia. Jeta që bënte i ndjeri kishte një kosto, financohej nga aktivitet që i bënte si një person në kërkim dhe me rrezikshmëri. Ata as në Shqipëri nuk e realizonin dot as lehtë sa çe bënë në Athinë”.

Pse po vriten kundërshtarët e Ervis Martinajt, kur jeni i bindur që është vrarë, ka lënë pas një grup funksional?

Hoxha: Për Martinajn kemi disa hetime të hapura. Shteti shqiptar që nga data 9 gusht e vitit 2022 nuk ka dhënë një përgjigje se çfarë ka ndodhur me Ervis Martinajn, ata e dinë që nuk është gjallë, por nuk kanë trupin. Është kërkuar fillimisht në det për tre muaj, për tre muaj të tjerë është kërkuar edhe në tokë, afër vendit që është parë për herë të fundit. Por nuk është gjetur, e kanë idenë kush e ka bërë. Njerëz që nuk ka shkonte mendja.  Që të eliminiohej Ervis Martinaj u bënë shumë kundërshtarë bashkë.

A lidhjet vrasja e Roan Brahimit lidhet me grupin e Ervis Martinajt?

Hoxha: Lidhja më direkte për Sidin është vrasja e Gentian Bejtjas. Njerëzit që janë arrestuar sot për vrasjen e tij, janë njerëzit e Sidit. Njëri nga ata ishte shoferi që i çonte fëmijët në shkollë. Familja e Sidi banonte në një rezidencë në Sauk. Dy njerëzit kryesor për vrasjen e Bejtjas, një personazh i rëndësishëm në këtë trekëndësh, janë njerëzit e Sidit. Nëse ka një motiv më të afërt është kjo, pse duhet të shkojmë në ngjarje të para dy viteve./albeu.com 

The post “Ervis Martinaj ka marrë peng Roan Brahimin”, Artan Hoxha: “Mbretin” e lotove e kanë vrarë persona që s’na i merrte mendja appeared first on Albeu.com.

Katerina Beqo, e cila mbeti e plagosur, ka folur për median greke, Newsit.gr duke deklaruar se nuk kishte pasur dijeni se Roan Brahimi do të vinte në Athinë pasi nuk i kishte treguar asgjë.

“Nuk dija asgjë, nuk më kishte thënë gjë. Erdhi të Shtunën e Madhe për Pashkë”, është shprehur partnerja e Brahimit.

Në lidhje me ngjarjen ajo u shpreh se ishte e pranishme në makinë por nuk mbante mend sesi ndodhi. Ndërsa shtoi se fëmija i mitur i pa të gjitha.

“Isha bashkë me të brenda në makinë, por nuk e mbaj mend si ndodhi. Pastaj dola nga makina. Fëmija i pa të gjitha. Tani e ka mamaja ime, unë jetoj në shtëpinë time. Nuk jam fare mirë”, shtoi ajo.

Sipas mediave greke, në momentin që është qëlluar Roan Brahimi, partnerja e tij ka humbur ndjenjat, ndërsa fëmija i tyre ka bërtitur “Babi im, babi im”. Më pas në vendngjarje ka mbërritur gjyshja e fëmijës e cila e ka larguar prej andej./albeu.com

The post Ia vranë partnerin para syve, flet për herë të parë bashkëshortja e Roan Brahimit: Nuk jam mirë, fëmija pa gjithçka appeared first on Albeu.com.

Një nga personat e arrestuar nga policia si transportues i vrasësve, Ilir Beqaraj, rezulton të ketë lidhje miqësore me të, konkretisht kunat me Roan Brahimin.

Ky i fundit, në bashkëpunim me grupin e Niklës, ka dyshime të forta se kanë

bashkëpunuar për të kryer këtë atentat, e po ashtu dyshohen të përfshirë edhe në disa ngjarje të fundit të ndodhura në Kurbin dhe Lezhë.

Ata mendohet të kenë qenë financues dhe organizator, për të goditur grupet rivale që i shihnin si rrezik për sigurinë e tyre. Për vrasjen e Gentjan Bejtjes dyshohet se pajtuan qitës nga Vlora.

The post U ekzekutua në Athinë/ Roan Brahimi dyshohet se kishte lidhje me vrasjen e Gentian Bejtjas appeared first on Albeu.com.

Televizioni grek ‘Star’ zbuloi detaje të reja se si ndodhi ekzekutimi i mafioz. Sipas raportit, autorët duket se kanë rezervuar një vend parkimi për viktimën e tyre. Sipas një dëshmitari okular, motoçikleta me të cilën udhëtonin autorët ishte e parkuar në vendin ku ndodhi ekzekutimi.

Autorët kanë parë viktimën e tyre të mundshme duke ardhur dhe më pas kanë vënë para automjetit me dy rrota duke u larguar nga vendi i ngjarjes, duke lënë kështu të lirë një vend parkimi që do të shërbente si joshje për 32-vjeçarin nga Shqipëria.

Xhelatët lanë bosh vendin e parkingut dhe u rikthyen në vendngjarje me një motor duke zbritur dhe duke i hedhur breshëri plumbash viktimës në mënyrë gjakftohtë, duke injoruar kalimtarët.

Sipas asaj që zbuloi redaktori i policisë, Vassilis Lambropulos, duke folur për Mega, 32-vjeçari pas vrasjeve që kishte kryer në vitet 2021 dhe 2022 në Shqipëri , ishte strehuar për një periudhë të konsiderueshme në Greqi, ndërsa deri kohët e fundit ai ka jetuar në Dubai, Spanjë, Itali dhe Francë. Sipas vlerësimeve të autoriteteve kompetente, viktima e sulmit vrasës kishte lidhje me trafikun e drogës dhe për këtë arsye jetonte në vende të ndryshme, për të fshehur gjurmët.

Sipas të njëjtave informacione, 32-vjeçari kishte ardhur në Greqi javën e kaluar për të parë gruan dhe fëmijën e tij. Siç tregon gjithçka ekzekutorët e 32-vjeçarit nga Shqipëria, duket se kanë ndjekur metodikisht gruan dhe fëmijën e tij në Greqi.

Analisti i policisë Stavros Balaskas foli për Mega për vrasjen gjakftohtë në qendër të rrugës ‘Bayron’ dhe zbuloi ndër të tjera se mafia shqiptare kishte të paktën një vit në kërkim të viktimës. ‘Po e shikonin gruan e tij… po flasim për një kontratë shumë të kushtueshme sepse flasim për dy të shtëna, njëra në kokë, tjetra në trup, flasim për goditje të çastit dhe oficerët e policisë ndoshta kanë ardhur nga Shqipëria, e kanë ekzekutuar dhe pas një kohe të shkurtër janë kthyer prapa’, tha Balaskas.

The post VIDEO / Si u fut në kurth – Rindërtohet skena e vrasjes së Roan Brahimit, autorët i siguruan edhe vendin e parkimit appeared first on Albeu.com.

Në videon e postuar nga mediat greke, dëgjohen sirenat e policisë, ndërsa në vendngjarje afrohet një turmë njerëzish.

Videoja është marrë nga një pallat në zonën ngjitur me parkun ku ndodhej fëmija i viktimës.

Njëkohësisht, theksohet se 32-vjeçari njihej për aktivitetin e tij në autoritetet e Shqipërisë, pasi ishte mjaft aktiv në aktivitete të ndryshme kriminale.

32-vjeçari i shpallur në kërkim, sipas autoriteteve shqiptare, ishte anëtar i një bande me qendër në qytetin e Lezhes.

Roan Brahimi, njihej si rival i ish-bosit të basteve sportive Ervis Martina, i zhdukur prej gushtit të vitit 2022.

Zhdukja e Martinajt, ka sjellë një zinxhirë atentatesh me disa viktima në Shqipëri.

The post Vrasja e Roan Brahimi në Greqi, dalin pamjet e para pas ekzekutimit mafioz appeared first on Albeu.com.

Atentati mafioz i kryer nga dy persona që janë afruar me motor dhe më pas kanë qëlluar në lëvizje Brahimin, ka angazhuar në veprime hetimore dhe policisë shqiptare, e cila ka asistuar me informacion policinë e Athinës.

Brahimi kishte udhëtuar nga Dubai në drejtim të Athinës, për të festuar pashkët me djalin e tij, por lëvizjet kanë rënë në sy të kundërshtarëve, të cilët e kanë monitoruar më së miri.

Emri i Roan Brahimit ndodhet në kartotekat kriminale të policisë, si i dyshuar në disa ngjarje të rënda nga dy atentatet ndaj Ylli Brahimit, vrasjen e Manecit, hasmërinë e gjakmarjes me familjen Gjeloshi në Lezhë dhe deri tek dyshimet për pjesëmarjen e tij tek masakra e mbikalimit të Fushë-Krujës, ku mbetën të vrarë Diklen Vata, Briland Martinaj dhe Besmir Hoxha.

Për herë të parë emri i Roan Brahimit u lançua në media nga ish-Drejtori i Policisë së Lezhës, Olti Bistri, i cili gjatë një njoftimi në muajin dhjetor 2021 tha se kishte shpallur në kërkim Roan Brahimin, Ramazan Rrajën, nipin e ish-deputetit të PS Rahman Rraja dhe Alesio Dobruzin si autorët e terrorit të ushtruar me armë zjarri në ambjentet e një bilardoje.

Tre personat ikën me shpejtësi nga Rinasi në drejtim të Dubait, duke mos u arrestua nga policia. Ndërsa pak muaj më vonë çështja kundër tyre pushohet në prokurorinë e Lezhës.

Hetuesit në Shqipëri thonë se vrasja e Roan Brahimit, vjen si pasojë e një sage eliminimesh fizike, që ka nisur qysh prej vitit 2014 në qytetin e Lezhës dhe konflikti vijon të qëndrojë i hapur, duke marrë jetë njerëzish.

Pista kryesore e ekzekutimit të Brahimit në Athinë lidhet me një histori të vjetër gjakmarrje, mes dy familjeve Prendi dhe Gjeloshi.

Sipas Ora News, në vitin 2014, poshtë urës se vjetër të Milotit, është vrarë në atentat Taulant Prendi dhe Klodian Ndreca, ndersa u plagos rëndë Aurel Prendi. Taulanti dhe Aureli, ishin dy djemtë e xhaxhait të Roan alias Sildi Brahimit.

Ndërsa pista tjetër, lidhet ngushtë me aktivitetin e tij kriminal në Shqipëri, i cili në këtë periudhë “lundronte” mes miqësisë së Ramazan Rrajës në Fushë-Krujë aktualisht në burg për trafik kokaine dhe Plaurent Dervishaj nga Durrësi, që prej disa vite jeton në Dubai si person në kërkim nga SPAK.

Roan alias Sildi Brahimi, është djali i xhaxhait të gruas së Ylli Brahimit, njeriut të Ervis Martinaj. Ylli Brahimi, i ka shpëtuar dy atentateve të bujshme në zonën e Milotit.

Në këto dy atentate Ylli Brahimi mbeti i plagosur rëndë, ndërsa miku i tij Klisman Preçi, mbeti i vrarë në vend. Në të dyja rastet është hetuar dhe dyshuar nga policia kriminale Roan alias Sildi Brahimi si organizator dhe autor i dy atentateve, për shkak të një mosmarëveshje që dy krushqit, kishin për tregtinë e drogës në Itali.
Mësohet se Roan Brahimi, miku i ngushtë i Ramazan Rajës, është dyshuar dhe marë në pyetje edhe për ngjarjen e rëndë të vrasjes së Arben Manecit në Durrës, i cili ishte mik i Landi Muharremit (Rrumit).

The post Roan Brahimi në hasmëri me 1 familje në Lezhë dhe i dyshuar në disa atentate, e kaluara e errët e mikut të Rrajës e Plaurent Dervishajt appeared first on Albeu.com.

Atentati ndodhi mbrëmjen e djeshme, 9 maj, në Athinë.

Pas atentatit, gruaja doli nga makina dhe bërtiste, “e vranë e vranë” ndërsa në trup ishin njollat e gjakut të bashkëshortit të saj 32-vjeçar.

Pak metra më tutje ndodhej djali i mitur i çiftit (rreth 7-8 vjeç), i cili dëgjoi të shtënat dhe vrapoi drejt makinës së zezë.

Sipas informacioneve Brahimi nuk jetonte në Greqi por kishte shkuar për të festuar Pashkët dhe për të kaluar disa ditë me familjen e tij në një banesë marrë me qira afër skenës ku ndodhi krimi.

Në Greqi Brahimi nuk kishte precedentë penalë.

Grupi hetimor po kontrollon zonën dhe kamerat e sigurisë për të identifikuar rrugën që autorët kanë marrë pas vrasjes së Brahimit dhe nëse mund të identifikohen fytyrat e tyre.

“Vrasësi ishte profesionist i cili ekzekutoi objektivin me tij me pistoletë me disa të shtëna nga afër. Ka shumë mundësi që të ketë ardhur në Greqi vetëm për të kryer atentatin”, tha një oficer i Sigurimit me përvojë për medien greke Newsbeast.

Kush është Roan Brahimi?

Brahimi është shpallur në kërkim nga policia shqiptare që në vitin 2021, i akuzuar për terrorin që shkaktuan në një lokal në Zejmen të Lezhës ku u futën të armatosur me kallashnikov duke kërkuar pronarin, ngjarje e ndodhur në vitin 2021.

Si autorë të së njëjtës ngjarje, janë shpallur në kërkim edhe nipi i deputetit të Partisë Socialiste Rrahman Rraja, Ramazan Rraja dhe Alesio Dobrozi.

Ekzekutimi i djeshëm

Roan Brahimi ndodhej në makinë me bashkëshorten dhe po prisnin djalin i cili ndodhej në një park.

Gjatë kohës që ka qenë në lëvizje një motor me dy persona është afruar me shpejtësi dhe një nga personat e ka qëlluar me armë duke e lënë të vdekur 32-vjeçarin, ndërsa bashkëshortja e tij mbeti e plagosur.

Konflikti me Ervis Martinajn

Roan Brahimi alias Sidorel Prendi, u shpall në kërkim edhe më 17-korrik të vitit 20222 pasi dyshohet për ekzekutimin e Brilant Martinajt (kushëriri i Ervis Martinajt) dhe miqëve të tij. Në atë kohë Roan Brahimi nuk u gjet në banesë as në atentatin e parë ndaj Martinaj dhe as në atë të Ylli Brahjas.

Gjatë kontrollit në banesë, policia gjeti vetëm babain e tij, Gjovalin Prendi, i cili tha se nuk kishte asnjë dijeni se ku ndodhej djali i tij, të paktën prej një viti. Ndërkohë që sipas tij ata ishin rreth krushqie me Ylli Brahjan, pasi nusja e djalit të tij, e kishte njeri të afërt./albeu.com

The post Roan Brahimi në Greqi për Pashkë, ekzekutorët erdhën në Athinë vetëm për të kryer atentatin appeared first on Albeu.com.

Në fotot e publikuara nga mediat greke, duket makina ndaj të cilës u qëllua me plumba, ndërsa trupi i viktimës është ende brenda saj.

Roan Brahimi, është një nga personat që dyshohet se ka pasur gisht në atentatin ndaj Ylli Ibrahimit, ku vdiq Klisman Preçi. News 24, zbuloi në dhjetor të vitit 2022 se policia ka ushtruar kontroll në banesën e Brahimit alias Sidorel Prendi, në fshatin Pllanë të Lezhës.

Në banesë, policia gjeti vetëm babain e tij, Gjovalin Prendi, i cili tha se nuk kishte asnjë dijeni se ku ndodhej djali i tij, të paktën prej një viti.

Roan Brahimi, është shpallur në kërkim për terrorin që shkaktuan në një lokal në Zejmen të Lezhës, ku u futën të armatosur me kallashnikov duke kërkuar pronarin, ngjarje e ndodhur në vitin 2021.

Si autorë të së njëjtës ngjarje, janë shpallur në kërkim edhe nipi i deputetit të Partisë Socialiste Rrahman Rraja, Ramazan Rraja dhe Alesio Dobrozi.

Roan Brahimi, ishte në kërkim policor edhe për ekzekutimin e Brilant Martinaj dhe miqve të tij, në mbikalimin e Fushë-Krujës, më 17 korrik 2022.

Por pse grupi hetues po investohej kaq shumë në emrin e Roan Brahimit, si një nga personat më të mundshëm të dyshuar për atentatin ndaj Ylli Brahjas dhe mikut të tij tashmë të ndjerë, Klisman Preçit.

Sipas dokumentave sekrete të policisë, gjithçka thuhet se lind pas një konflikti që Roan Brahimi kishte me Ylli Brahjan.

Ky i fundit, sipas dokumentave të prokurorisë, mendohet se e ka çuar Roan Brahimin në një nga bazat ku ishin Ervis Martinaj dhe njerëzit e tij të besuar.

Bazë që ndodhet në afërsi të Fushë Kuqes, ku mendohet se Rohan Brahimi është dhunuar në mënyrë barbare. E gjitha kjo, për borxhet që lidheshin me lojërat e fatit.

Me daljen e tij gjallë nga aty, ai thuhet se ka paralajmëruar Ylli Brahjan se “nuk ja falte kurrë atë që i kishte bërë”. Por a është ky motivi i vërtetë i atentatit ndaj Ylli Brahjas, mbrëmjen e 22 korrikut 2022, në qendër të Milotit.

The post Ky është Roan Brahimi që u ekzekutua mbrëmë në Athinë, armik i Ervis Martinajt appeared first on Albeu.com.