Sipas draftit PE i bën thirrje autoriteteve të RMV-së që të zgjidhin sa më shpejt këtë çështje si dhe kërkon që protestat e studenteve të mos portretizohen si faktor destabilizues apo si të motivuara politikisht.

“I bën thirrje autoriteteve të Maqedonisë së Veriut që të zgjidhin sa më shpejt çështjen e përdorimit të gjuhës shqipe në provimet shtetërore, për të siguruar zbatimin praktik të Marrëveshjes Kornizë të Ohrit si në ligj ashtu edhe në frymë, dhe të mos i paraqesin në mënyrë të pasaktë protestat e studentëve si të motivuara politikisht apo si një faktor destabilizues.”

The post PE miraton amendamentin për gjuhën shqipe në provimin e jurisprudencës, thirrje autoriteteve në RMV: Protestat studentore të mos portretizohen si destabilizuese appeared first on Albeu.com.

Shkëndija e këtij debati ishte reagimi i BDI-së lidhur me një vizitë të ministrit të Shëndetësisë, Azir Aliu, në Institutin e Shëndetit Publik. Partia opozitare pretendon se në këtë institucion ishte vendosur një mbishkrim vetëm në gjuhën maqedonase, duke e konsideruar këtë në shkelje të Ligjit për përdorimin e gjuhëve.

Sipas BDI-së, kjo është një dëshmi e zbehjes së statusit të gjuhës shqipe, duke theksuar se gjatë qeverisjes së tyre, mbishkrimet atje kanë qenë dygjuhëshe, në përputhje me ligjin.

“Rasti i djeshëm, ku ministri i Shëndetësisë, Azir Aliu, promovoi një mbishkrim në kuadër të një departamenti të Institutit për Shëndet Publik vetëm në gjuhën maqedonase, është dëshmi e qartë e nëpërkëmbjes së gjuhës shqipe dhe e shkeljes me të dyja këmbët të ligjit në fuqi. Për ironi, në të njëjtin institucion, gjatë kohës së qeverisjes së Bashkimit Demokratik për Integrim, mbishkrimet ishin vendosur në dy gjuhë, në përputhje me ligjin dhe me frymën e barazisë institucionale”, thuhet në reagimin e BDI-së.

Përfaqësuesi i VLEN, Afan Elezi, deklaroi se BDI nuk ka ofruar asnjë sqarim lidhur me dokumentin e publikuar, duke shtuar se heshtja e saj ngre pikëpyetje për përgjegjësinë politike në atë vendim.

Sipas tij, mbetet e paqartë pse BDI mbështeti atëherë përdorimin zyrtar të gjuhës serbe në Kumanovë, ndërsa sot kritikon kundërshtarët politikë për çështje që lidhen me përdorimin dhe statusin e gjuhës shqipe.

“Kanë kaluar 24 orë nga publikimi i dokumentit që dëshmon se pikërisht BDI-ja, në vitin 2010, kur ishte në kulmin e pushtetit, votoi për futjen e gjuhës serbe në përdorim zyrtar në Komunën e Kumanovës. Deri më tani, BDI nuk ka dhënë asnjë përgjigje për këtë fakt. Nuk e mohuan dokumentin. Nuk e mohuan vendimin. Nuk e mohuan votën e tyre. Zgjodhën heshtjen”, tha Elezi.

The post Përplasje në kuvendin e RMV për gjuhën shqipe/ Debate mes BDI dhe VLEN për dokumentin e gjuhës serbe në Kumanovë appeared first on Albeu.com.

Duke përdorur historinë e Nënë Terezës si shembull, Meidani u kërkoi të rinjve të mos dorëzohen para sfidave, të ndërtojnë ura dhe të lënë gjurmë pozitive në shoqëri, duke theksuar se suksesi matet jo vetëm nga arritjet personale, por edhe nga ndikimi që lëmë te të tjerët.

“Shumë vite më parë, në rrugët e këtij qyteti ecte një vajzë e re. Ajo nuk kishte famë. Nuk kishte pushtet. Nuk kishte asnjë shenjë që bota do ta njihte një ditë.

Po ta kishit takuar atëherë, ndoshta nuk do t’i kushtonit aspak vëmendje.

E quanin Gonxhe.

Gonxhe Bojaxhi.

Sot bota e njeh si Nënë Tereza. Emrin e saj mban me krenari pikërisht ky universitet.

Kjo është e vërteta e parë që dua t’ju lë sot:

Mos lejoni që realiteti i sotëm të vendosë kufijtë e së ardhmes suaj.

Askush nuk e dinte se vajza e vogël nga Shkupi do të prekte zemrat e miliona njerëzve.

As ju nuk e dini ende plotësisht se çfarë mund të bëheni.

E di se sot shumë prej jush kanë pyetje.

Dhe nuk do t’ju them se rruga përpara është e lehtë.

Nuk është.

Por historia nuk është shkruar kurrë nga ata që zgjodhën rrugën e lehtë.

Historia është shkruar nga ata që vazhduan përpara

Edhe kur nuk kishin siguri.

Edhe kur nuk kishin askënd që t’u thoshte se do t’ia dilnin.

Prandaj, nëse do të mbani mend vetëm një mesazh nga unë sot, le të jetë ky:

Mos u dorëzoni!

Mos u dorëzoni kur gjërat bëhen të vështira.

Mos u dorëzoni kur dikush ju thotë se nuk mundeni.

Mos u dorëzoni para versionit më të vogël të vetvetes.

Të dashur të diplomuar,

Ju sot po hyni në një botë që ka nevojë për më shumë se profesionistë.

Një botë që ka nevojë për njerëz që ndërtojnë ura.

Për njerëz që bashkojnë.

Për njerëz që e kuptojnë se suksesi nuk matet vetëm me atë që arrijmë për veten, por edhe me atë që lëmë pas për të tjerët.

Besoj se suksesi nuk matet me sa lart ngjitemi.

Suksesi matet me sa njerëz ngremë bashkë me ne.

Besoj se fqinjët mund të bëhen partnerë.

Se dallimet nuk duhet të jenë pengesë, por pasuri.

Se bashkëpunimi është gjithmonë më i fortë se paragjykimi.

Dhe besoj fort se brezi juaj ka një mision të veçantë.

Ju jeni brezi i zhvillimit.

Ju jeni brezi i ndryshimit.

Ju jeni brezi që do të vendosë nëse rajoni ynë do të ecë përpara me më shumë bashkëpunim, më shumë mundësi dhe më shumë besim.

Nëse dikush ju thotë se rruga e vetme është frika, përgjigjuni me guxim.

Nëse dikush ju thotë se asgjë nuk ndryshon, përgjigjuni me shembullin tuaj.

Nëse dikush ju thotë se ëndrrat janë shumë të mëdha, kujtoni Gonxhen.

Sepse vajza e vogël nga Shkupi nuk e ndryshoi botën sepse ishte më e forta.

Ajo e ndryshoi botën sepse nuk u dorëzua kurrë para asaj që dukej e pamundur.

Sot jeni në pragun e një kapitulli të ri.

Mos rrini para derës.

Hapeni.

Kaloni përtej saj.

Dhe nëse gjeni mure në rrugën tuaj, mos i pranoni si kufij.

Kaloni përtej tyre.

Dhe kur të ecni përpara, merrni me vete diçka që bota ka gjithmonë nevojë: dinjitetin, mirësinë dhe besimin se e nesërmja mund dhe DUHET të jetë më e mirë se e sotmja.

Sepse në fund, njerëzit nuk mbahen mend për atë që fituan.

Mbahen mend për atë që ndryshuan.

Urime për diplomimin.

Dilni në botë me guxim.

Mos u dorëzoni.

Ecni përpara me dinjitet, me karakter dhe me besim.

Dhe lëreni këtë botë pak më të mirë nga sa e gjetët”, ishte fjala e Meidanit.

The post “Mos lejoni që realiteti i sotëm të vendosë kufijtë e së ardhmes suaj”, ambasadori Meidani studentëve të RMV: Ju jeni brezi i ndryshimit appeared first on Albeu.com.

“Dëshmuan që kur bëhet fjalë për identitetin dhe gjuhën tonë dimë të bëhemi bashkë. Nuk jemi kundër askujt por jemi vetëm për të drejtën dhe gjuhën tonë që është larë me gjak”, tha ai.

Protesta u zhvillua ditën e sotme në Tiranë, ndërsa studentët marshuan nga sheshi “Skëndërbej” dhe u drejtuan për në Ambasadën e Maqedonisë së Veriut. Ata kërkojnë zhvillimin e provimit të Jurispridencë në gjuhën shqipe.

The post Protesta në mbështetje të studentëve shqiptarë në RMV/ Mevlan Ademi: Protesta e rradhës do të zhvillohet në Prishtinë appeared first on Albeu.com.

Dhjetëra të rinj e jo vetëm, kanë dalë pasditen e kësaj të enjte në shesh, e teksa në duar mbajnë pankarta ku shkruhet “Ne jemi bashkë” ata janë dëgjuar duke brohoritur: O sa mirë më qenë shqiptarë.

Protesta e sotme vjen vetëm pas ditë nga tubimi i organizuar nga të rinjtë shqiptarë në Shkup, ku qindra studentë ngritën zërin e tyre duke kërkuar zhvillimin e provimit të jurisprudencës në gjuhën amtare, gjuhën shqipe. Po ashtu këta të fundit kanë kërkuar njëherazi dhe dorëheqjen e ministrit të drejtësisë, Igor Filkov.

Në lidhje me këto protesta ka reaguar dhe bashkëkryetari i VLEN-it, Izet Mexhitii cili shprehet se tashmë kanë gjetur zgjidhje për këtë çështje.

“Unë mendoj se nuk ka nevojë për protestë. ne i mbështesim studentët dhe për këtë jemi ulur dhe kemi kërkuar zgjidhje, por jo vetëm për jurisprudencës, por në përgjithësi për provimet profesionale që nuk janë zgjidhur 30 vite, 25 vite. Kemi bërë zgjidhje që e kemi provuar bashkë me partnerët e qeverisë, këtë e ka thënë edhe kryeministri. Kështu që studentët i përgëzoj për organizimin, për protestat që i kanë bërë, për mendimin ndryshe, për që i kanë nxitur këto procese, por më dua të potencoj se studentët nuk kanë nevojë të protestojnë, por të festojnë fitoren e përbashkët që e kemi me ta”, tha Mexhiti për mediat maqedonase.

The post ‘Ne jemi bashkë!’ Nis protesta studentore në Tiranë në mbrojtje të studentëve shqiptarë në RMV: O sa mirë me qenë shqiptarë appeared first on Albeu.com.

Edhe pse ligji e njeh gjuhën shqipe si gjuhë zyrtare për studentët shqiptarë të Maqedonisë së Veriut, Filkov këmbëngul se e vetmja gjuhë amtare është maqedonishtja, ndërsa thekson se është detyrim për të gjithë që të respektojnë këtë gjuhë në të mirën e vendit.

“Gjuha maqedonase është gjuha zyrtare në të gjithë territorin e Republikës së Maqedonisë së Veriut dhe themeli i sistemit institucional dhe ligjor. Është e papranueshme të përdoren tema të ndjeshme që ndikojnë drejtpërdrejt në sistemin ligjor për të fituar pikë politike ose për të krijuar tensione ndëretnike.

Provimi i jurisprudencës zhvillohet në përputhje me ligjet në fuqi dhe standardet profesionale, dhe jo sipas axhendave të përditshme politike ose presioneve nga rruga. E drejta për të protestuar është një e drejtë demokratike, por askush nuk ka të drejtë të kërkojë shkatërrimin e kritereve dhe standardeve në gjyqësor përmes protestave të dhunshme” shkruan ministri në reagimin e tij.

Ndërkohë, pasditen e djeshme Shkupi ”u vesh” kuqezi. Mijëra shqiptarë nga të gjitha trevat shqipfolëse u mblodhën në kryeqendrën e Maqedonisë së Veriut për të protestuar dhe për të kërkuar të drejtën e tyre kushtetuese, që gjuha shqipe të mos “zhduket” nga institucionet dhe nga sistemi i drejtësisë.

Në zemër të Shkupit, pranë “Urës së Gurit”, studentë, qytetarë dhe aktivistë valëvitën flamuj shqiptarë dhe brohoritën njëzëri: “Gjuha shqipe nuk negociohet”.

Protesta masive u organizua pas kundërshtimeve ndaj kërkesës së studentëve shqiptarë që provimi i jurisprudencës të mundësohet edhe në gjuhën shqipe.

Më tej, protestuesit kërkuan jo vetëm dorëheqjen e ministrit të Drejtësisë, Igor Fillkov, por edhe largimin e kryeministrit Hristijan Mickoski, të cilët i akuzojnë për mosrespektim të të drejtave të shqiptarëve në vend.

Reagimi i plotë i ministrit Igor Filkov:

Unë reagoj më fuqishëm ndaj përpjekjes për ta shndërruar provimin e jurisprudencës në një fushë për presion politik dhe konfrontim etnik.

Provimi i jurisprudencës nuk është çështje politike, por çështje ekspertize, profesionalizmi dhe respekti për rendin juridik të shtetit. Përpjekjet për ta paraqitur detyrimin ligjor për të njohur gjuhën maqedonase si diskriminim janë një manipulim i rrezikshëm i publikut dhe një goditje e drejtpërdrejtë ndaj rendit kushtetues.

Gjuha maqedonase është gjuha zyrtare në të gjithë territorin e Republikës së Maqedonisë së Veriut dhe themeli i sistemit institucional dhe ligjor.

Është e papranueshme të përdoren tema të ndjeshme që ndikojnë drejtpërdrejt në sistemin ligjor për të fituar pikë politike ose për të krijuar tensione ndëretnike.

Provimi i jurisprudencës zhvillohet në përputhje me ligjet në fuqi dhe standardet profesionale, dhe jo sipas axhendave të përditshme politike ose presioneve nga rruga. E drejta për të protestuar është një e drejtë demokratike, por askush nuk ka të drejtë të kërkojë shkatërrimin e kritereve dhe standardeve në gjyqësor përmes protestave të dhunshme.

Ministria e Drejtësisë mbetet e hapur për dialog të arsyeshëm institucional, por nuk do të lejojë zhvlerësimin e sistemit gjyqësor, as minimin e rolit të gjuhës maqedonase si shtyllë e shtetësisë dhe rendit institucional.

Gjuha maqedonase nuk është pengesë — është një detyrim, një vlerë kushtetuese dhe një garanci për funksionimin e shtetit.

The post Studentët shqiptarë kërkojnë dorëheqjen e tij, ministri i Drejtësisë i RMV-së ashpërson tonet: Maqedonishtja është gjuha zyrtare! appeared first on Albeu.com.

Protestës i është bashkuar edhe aktori Laert Vasili, i cili në një prononcim për mediat ka falënderuar studentët për qëndrimin e tyre atdhetar.

Gjithashtu ai është shprehur se Shkupi në periudha të ndryshme historike ka qenë qendra e Vilajetit të Kosovës.

“Falënderoj studentët e Shkupit, të cilët vazhdojnë që të jenë atdhetar. Shkupi, në perandorin romake ishte qendra e Dardanisë, perandorin Automane ka qenë qendra e Vilajetit të Kosovës deri në XIX. 81% e popullsisë ka qenë shqiptar. Sot diskutohet gjuha shqipe në një qytet që qendra e tij, është, ka qenë dhe shpresoj që të jetë shqiptare dhe të kujtojmë gjithmonë amanetin një komb, një gjuhë, një flamur ndryshe nuk ekzistojmë,” u shpreh Laerti.

The post Studentët shqiptar në Shkup dali në protestë për gjuhën shqipe, iu bashkohet edhe Laert Vasili: Falënderoj të gjithë që vazhdojnë të jenë atdhetar appeared first on Albeu.com.

Sipas raportimit të mediave në RMV, policia kufitare në Bllatës, të Dibrës, ka ndaluar një autobus me studentë nga Shqipëria, të cilët janë nisur për t’iu bashkuar protestës në Shkup. Ndërsa autoritetet maqedonase ende nuk kanë dhënë një arsyeje zyrtare, se përse e kanë ndaluar autobusin.

Sipas njoftimit të studentëve, protesta do të zhvillohet nën moton “Bashkohuni me studentët-të gjithë një zëri”, orës 16:30 para Urës së Gurit në Shkup.

Në protestë do të marrin pjesë studentë nga Maqedonia e Veriut, Kosova, Shqipëria dhe vise të tjera shqiptare, të cilët kërkojnë që provimi të mbahet edhe në gjuhën shqipe.

The post Protestë për gjuhën shqipe në RMV, policia kufitare e Bllatës ndalon autobusin me studentët shqiptarë appeared first on Albeu.com.

Protesta organizohet me kërkesën që provimi i jurisprudencës të mundësohet edhe në Gjuhën Shqipe.

Tubimi do të zhvillohet nën moton “Bashkohuni me studentët – të gjithë një”, ndërsa organizatorët bëjnë thirrje për pjesëmarrje të gjerë të qytetarëve.

“Së bashku para Urës së Gurit për gjuhën tonë”, thuhet në njoftimin e studentëve, ku theksohet rëndësia e mbrojtjes së përdorimit të gjuhës shqipe në proceset profesionale dhe institucionale.

Studentët apelojnë që qytetarët të mos mungojnë në këtë tubim.

The post Studentët shqiptarë në RMV, nesër sërish në protestë/ Tubimi në Shkup për provimin e jurisprudencës në Gjuhën Shqipe, thirrje qytetarëve t’u bashkohen appeared first on Albeu.com.

Në pamjet e bëra virale, shihen forcat speciale maqedonase teksa kryejnë stërvitjen në rrugë dhe thërrasin: “Këtu ka vetëm Maqedoni, le ta mësojnë të gjithë”.

Në një reagim publik, Iseni ngriti dyshime nëse kjo paradë me brohoritje nacionaliste ishte një rastësi apo një mesazh kërcënues ndaj studentëve dhe organizimit të protestës.

“Dy ditë para protestës së studentëve shqiptarë për gjuhën shqipe, një tog i policisë speciale të RMV-së parakalon me brohoritje nacionaliste nëpër Kumanovë. Pyetja që lind është nëse kjo është një rastësi apo një paralajmërim. Përgjigjja jonë është e qartë: ne do të vazhdojmë çdo formë paqësore dhe demokratike për realizimin e së drejtës sonë legjitime – Gjuha shqipe zyrtare”, shkroi Iseni.

Ai rikujtoi historinë e lëvizjeve studentore gjatë periudhës jugosllave, duke theksuar se çdo tentativë për shtypje e bënte kauzën më të fortë, dhe shtoi se diversiteti kulturor ka qenë gjithmonë një vlerë e shtuar për vendin.

“Kohezionin ndëretnik shpesh e kanë rrezikuar pikërisht ata që duhet ta kultivojnë – shteti. Le të kujdesemi për një shtet të ndershëm dhe demokratik për të gjithë, duke ruajtur orientimin Euro-Atlantik të vendit. Shqipja do të bëhet, se s’bën ndryshe”, përfundoi Iseni.

Protesta e studentëve për gjuhën shqipe është caktuar për ditën e hënë dhe organizatorët bëjnë thirrje për pjesëmarrje të gjerë dhe respektim të mënyrës paqësore.

The post Forcat e RMV provokojnë para protestës për gjuhën shqipe, studenti organizator: Rastësi apo paralajmërim appeared first on Albeu.com.