Sipas tij, grupe ekstremiste serbe u kanë bërë apel vozitësve serbë me targa RKS që të vendosin shenja dalluese.

Ai thotë se qëllimi i tyre është që t’i sulmojnë veturat me targa RKS.

Postimi i tij i plotë:

Kujdes:

Nëpër rrjetet sociale Serbe, grupet ekstremiste Serbe, të indinjuara që makinat që do hynë në Serbi jam me shenja të shtetit të Kosovës, kanë filluar me të madhe të bëjnë apel që shoferët Kosovar me perkatësi Serbe , të vendosin shenja dalluese në makina e tyre si flamuj, kryqe apo ikona Serbe që të dallohen që janë Serb.

Si duket qëllimi i tyre i errët është që ti sulmojnë makinat me targa RKS.

Prandaj APELOJ qytetarët e Kosovës që planifikojnë të vozisin nëpër rrugët e Serbisë me targa RKS, të kenë kujdes të shtuar.

Të mos ndalohen në vendet ku ka grumbullime njerëzish, të mos ndalin makinat kur ndalohen nga persona civil, dhe të mos ndalin makinat nese sulmohen nga grupe ekstremistësh skaj rrugëve apo ndalesave pranë autostradave.

Diçka po ziejnë, psikopatët ekstremist Serb prandaj duhet vëmendje.

The post Haxhi Avdyli: Kujdes kur udhëtoni me targa RKS në Serbi appeared first on Albeu.com.

Policia ka thënë se zjarrfikësit kanë dalë në skenën e incidentit dhe se autoritetet janë duke hetuar rastin.

Ky njoftim vjen një ditë pasi Qeveria e Kosovës ka nisur të zbatojë planin në tri faza për riregjistrimin e makinave me targave ilegale serbe në RKS.

Faza e parë përfshin qortimin e shoferëve, e dyta parasheh gjobë deri në 150 euro për ata shoferë, dhe e treta targa provuese.

Zbatimi i këtij plani pritet të përfundojë më 21 prill dhe, nga ajo datë, në qarkullim do të lejohen vetëm makina me targa RKS.

Në komunat veriore të Kosovës të banuara me shumicë serbe – Mitrovicë e Veriut, Zveçan, Leposaviq dhe Zubin Potok – llogaritet se janë deri në 10.000 automjete me targa ilegale serbe.

Këto targa i lëshon Serbia dhe bartin akronime serbe të qyteteve të Kosovës, si: KM, GL, PR, UR e të tjera.

Në javët e fundit janë shtuar incidentet në veri të Kosovës, që kryesisht kanë cak serbët që po riregjistrojnë makinat në RKS.

Institucionet e Kosovës kanë fajësuar “grupet ilegale ekstremiste” për këto incidente.

Autoritetet në Kosovë kanë thënë se nga 1 shtatori deri më 27 tetor kanë regjistruar tri incidente të sulmeve ndaj serbëve që i janë përgjigjur kërkesës për riregjistrimin e makinave.

Deri në fund të muajit tetor besohet se rreth 20 makina me targa ilegale serbe janë pajisur me targat RKS.

Përfaqësuesit e Listës Serbe – partisë më të madhe të serbëve në Kosovë – nuk kanë reaguar për djegien e makinave dhe pronave të banorëve serbë.

As Beogradi zyrtar nuk ka komentuar publikisht këto sulme në veri të Kosovës./REL

The post Rriten tensionet në veri të Kosovës, digjet një makinë me targa RKS e një shtetasi serb appeared first on Albeu.com.

Në një intervistë për median zvicerane “Republik”, ai tha se Policia e Kosovës që nga korriku i vitit të kaluar e këtë vit është sulmuar mbi 40 herë, teksa për barrikadat e krijuara thekson se është i lumtur që s’pati viktima, shkruan Klankosova.

“Krimi i organizuar është multietnik dhe ndërkufitar. Strukturat ilegale të Serbisë në veri të Kosovës padyshim që kanë një problem me policinë tonë që t’i godasë ato.

Në luftën kundër rrugëve të kontrabandës, laboratorëve të drogës dhe minierave ilegale të Bitcoin-it, policia jonë është sulmuar vazhdimisht, vetëm këtë vit dhe vitin e kaluar mbi 40 herë. Janë pikërisht këta kriminelë që ngritën barrikadat në korrik. Disa janë në listat e sanksioneve të SHBA”, ka thënë Kurti.

Kurti mes të tjerash ka folur edhe për ndryshimin e targave të Serbisë në RKS, duke theksuar se nga 1 nëntori të gjitha targat veç atyre RKS do të jenë të paligjshme.

“Ne po punojmë shumë që serbët në Kosovë të kalojnë në targat e Kosovës. Sepse vetëm ata janë të ligjshëm në këtë shtet. Tani ia kam shtrirë dorën popullit.

Kushdo që regjistron tavolinën e tij deri më 31 tetor nuk paguan as taksa dhe as tarifë regjistrimi për mjetin. Kjo është shumë tërheqëse për serbët në Kosovë. Pikërisht për këtë po bëjnë presion strukturat ilegale. Por ka ende kohë të mjaftueshme për të riregjistruar panelet tuaja”, u shpreh Kurti.

The post Kurti: Pas 1 nëntorit, targat e tjera përveç RKS do jenë të paligjshme appeared first on Albeu.com.