rival Archives - Albeu.com

Malisheva nis largimet para sfidës me Vllazninë, largohet edhe ish-mbrojtësi i Superiores

admin — Thu, 25 Jun 2026 06:52:40 +0000

Malisheva ka hyrë në fazën e ndryshimeve në përbërje përpara pjesëmarrjes në Kupat e Evropës, aty ku në turin e parë kualifikues të Conference League do të ketë përballë Vllazninë. Së fundmi, klubi ka bërë të ditur largimin e 5 futbollistëve.

Nga skuadra e Superligës së Kosovës janë ndarë portieri Flamur Gashi, sulmuesit Altin Aliu, Mevlan Zeka, Assane Diatta, si edhe mbrojtësi Samuel Opeh. Ky i fundit ka qenë më parë pjesë e Laçit në Superiore, ndërsa pas mbylljes së aventurës me Malishevën ka firmosur me ekipin kazak të Irtysh.

Në njoftimin e publikuar, klubi shpreh mirënjohje të sinqertë për Flamur Gashin, Altin Aliun, Mevlan Zekën, Assane Diattën dhe Samuel Opeh, duke bërë me dije se nga sot ata nuk do të jenë më pjesë e ekipit.

Më tej, Malisheva i falënderon lojtarët për përkushtimin, profesionalizmin dhe kontributin e dhënë gjatë kohës që kanë mbrojtur ngjyrat e klubit, duke theksuar se çdo ndeshje, çdo stërvitje dhe çdo sakrificë për skuadrën do të mbetet pjesë e rrugëtimit të saj.

Në fund të reagimit, klubi u uron suksese në vijim të karrierës dhe në çdo sfidë që i pret, ndërsa thekson se dyert do të mbeten gjithmonë të hapura për ta. Mesazhi mbyllet me falënderime për gjithçka dhe urime për kapitullin e ardhshëm.

The post Malisheva nis largimet para sfidës me Vllazninë, largohet edhe ish-mbrojtësi i Superiores appeared first on Albeu.com.

Dikur rivalë, ndërsa sot e mbështet Ledrin/ Noizy: Një dhe i vetmi

D Marku — Tue, 27 Aug 2024 09:49:59 +0000

Dy reperat shqiptarë, Noizy dhe Ledri Vula, jo gjithmonë kanë patur raporte të mira me njëri-tjetrin. Ka qenë Noizy ai që fillimisht i bëri një “diss” Ledrit, ndërsa në anën tjetër, të dy ishin në grupe të ndryshme rivalë, si në OTR ashtu edhe në Babastars. Epo siç duket çdo gjë mes tyre është lënë në të shkuarën dhe dyshja vazhdon të ketë një shoqëri të mirë me njëri-tjetrin.

Noizy ka shijuar së fundmi një nga performancat e Ledrit në një mbrëmje, ku edhe i ka dedikuar disa fjalë.

“Një dhe i vetmi”, ka qenë përshkrimi.

Ata kanë lënë pas hatër-mbetjet dhe po vijojnë me projekte të ndryshme. Ndonjë bashkëpunim mes dyshes së shpejti? Epo mbetet për t’u parë…

Screenshot

The post Dikur rivalë, ndërsa sot e mbështet Ledrin/ Noizy: Një dhe i vetmi appeared first on Albeu.com.

Shtohet një “rival” i papritur për Interin dhe Milanin

E S — Mon, 24 Jan 2022 19:47:26 +0000

Kushtet e tmerrshme të barit të San Siros, e fortë, e thatë dhe e shkatërruar nga temperaturat e ftohta të dimrit milanez dhe numri i madh i ndeshjeve, janë bërë një rival më shumë për Interin dhe Milanin , të cilët arritën ta zëvendësojnë me bar të ri në funksion të derbin e radhës.

“Problemi më i madh është fusha, po bëhet e pamundur të luash si për ne ashtu edhe për Milanin. Nuk është një justifikim, është e vërtetë që mund të bëjmë më mirë, por nuk kemi mundur të luajmë topin gjatë gjithë janarit” u ankua Simone Inzaghi , trajneri i Interit.

“Kjo na detyroi ne dhe Milanin të ndryshonim stilin tonë të lojës, i cili luan futboll të madh. Nuk është i rregullt, nuk ka qenë kurrë kaq i vështirë dhe i thatë,” shtoi ai.

Kushtet e tmerrshme të barit i ekspozojnë lojtarët edhe ndaj rreziqeve të shtuara të dëmtimit, siç ndodhi këtë të diel me suedezin Zlatan Ibrahimovic .

Megjithëse nuk mund të vërtetohet me siguri se lëndimi është shkaktuar nga bari, nuk ka dyshim se nyjet dhe muskujt janë veçanërisht të stresuar në këto kushte.

San Siro tani do të ketë dy javë pushim përpara se liderët Inter dhe Milani i vendit të dytë të takohen në fundjavën 5-6 shkurt. r.t/albeu.com

The post Shtohet një “rival” i papritur për Interin dhe Milanin appeared first on Albeu.com.

Askush nuk e mposht, shikoni rusen që thyen me radhë çdo rival (VIDEO)

admin — Wed, 21 Jul 2021 20:58:06 +0000

Ja që një femër mund të mposhtë një mashkull sado fizik të ketë ai. Bëhet fjalë për Irina Gladkaya, rusja e cila i mposht me radhë këdo që i del përball në Muscle Miami Beach.

Të gjithë habiten për mënyrën sesi humbasin por sekreti është se Gladkaya ka fituar 13 herë titullin kampione e botës në mundjen e krahut. /albeu.com/

The post Askush nuk e mposht, shikoni rusen që thyen me radhë çdo rival (VIDEO) appeared first on Albeu.com.