I pyetur nga gazetarët se pse nuk i ka denoncuar këto gjoba, ai tha se këta ishin edhe personat që kishin kontrollin e këtyre institucioneve.

Ai tha se njëri ndër personat e shtetit së asaj kohe që i ka vënë gjoba është ish-ministri i Financave i qeverisë Berisha, Ridvan Bode.

Qyno: Nga cili vend flisni aktualisht?

Taçi: Ju e dini mirë se çfarë do të thotë që të rritesh pa asnjë bashkëpunimi politik. Unë kam parë punët e mia dhe nuk ka bashkëpunuar politikisht. Kam punuar sipas të gjitha rregullave, por në Shqipëri është e pa tolerueshme të punosh i rregull dhe të shikosh punët e tua. Mua më janë vënë gjoba 20-30 milionë euro kundrejt personit tim çdo 2-3 muaj.

Qyno: Kush janë këta persona që ju kanë vënë gjoba?

Taçi: Këto janë gjoba nga institucione shtetore. Deri në vitin 2015 më kanë vënë gjoba.

Karriqi: Pse nuk i keni denoncuar, nuk keni pasur besim te drejtësia?

Taçi: T’i denoncosh ata kundër atyre institucioneve që kanë pasur drejtimin e këtyre institucioneve.

Karriqi: Nuk na e thatë emrin e ministrit të Financave të implikuar.

Taçi: Është z. Bode, Ridvan Bode.

Karriqi: Keni komunikuar me të lidhur me këto gjoba?

Taçi: Është një person që nuk e flet mirë shqipen./oranews

The post Në kërkim nga drejtësia, Taçi bën akuzën e rëndë ndaj ish-ministrit të Sali Berishës: Gjobë 30 milion euro! appeared first on Albeu.com.