Mark Marku, ka rrëfyer se platformën e tij e ka publikuar edhe në media, ndërkohë që është akuzuar nga demokratët se donte të rrëzonte qeverinë.

Gjithashtu, ish-deputeti democrat, theksoi se nuk ishte aty për t’u bërë drejtor apo ministër, por sepse mendonte që mund të ndikonte, teksa shtoi “thosha në qoftë se vazhdon kështu do ta humbin pushtetin”.

“Pra kam menduar, po do shkoj dhe pastaj dhe herën e parë që unë e pashë që shumë gjera nuk funksiononin jam shprehur dhe rithemelimin e PD unë e kam kërkuar kur PD ishte në pushtet në 2011 dhe publikisht dhe me dy faqe gazete Panorama dhe në Top Channel në emisionin kryesor. Atëherë thoshin çfarë kërkon ky, ne jemi në pushtet, ne jemi rehat, ne jemi mirë, ky kërkon që ne të humbim pushtetin etj dhe unë thosha nëqoftëse ne vazhdojmë kështu në 2011, duke iu qëndruar bindjeve të mia se ajo ishte arsyeja pse isha aty se për çfarë do të isha unë aty?

Që të bëhesha drejtor, apo që të bëhesha ministër apo që të emëroja drejtor apo ministra. Jo, isha aty se mendoja se mund të ndikoj dhe dëshira për ndikim dhe po them e vetmja arsye është pse të mos ndikosh në qoftë se ke mundësi të ndikosh dhe thosha në qoftë se vazhdon kështu do ta humbin pushtetin por dhe në qoftë se fiton do fitojë për të keqen e shqiptarëve kështu siç është, një mandat të tretë siç ishte mandati i 2013”, deklaroi ish-deputeti demokrat.

Më tej, Marku rrëfeu gjatë intervistës se Lulzim Bashës, në atë periudhë, i ka thënë se “ti nuk je lider i fortë”.

“Të them të drejtën e shikoja Bashën, kryetarin e atëhershme të PD dhe të opozitës, si një, po themi format të përshtatshëm që mund të sillte diçka të re në politikën shqiptare. Pra atë që të tjerët e quanin si dobësi lidershipin, unë ia quaja përparësi. Pse? Sepse mendoja dhe ia kam thënë sa herë bisedoja me të: Ti nuk je lider i fortë, bëhu i fortë duke qenë lider i dobët dhe duke shfaqur profilin e një lideri i cili qeveris, pra krijon mozaik dhe ti je guri”, tha Mark Marku.

The post Mark Marku: Kërkova Rithemelimin e PD kur ishte në pushtet, më thanë ik na ler rehat appeared first on Albeu.com.

Në një mesazh drejtuar anëtarëve dhe simpatizantëve të Partisë së Lirisë, Meta deklaroi se duhet t’i jepet fund njëherë e përgjithmonë, arrogancës së papranueshme në opozitë.

“Kemi detyrime shumë të mëdha ndaj të gjithë anëtarëve dhe simpatizantëve që na kanë votuar, na mbështetin dhe sakrifikojnë çdo ditë për Partinë e Lirisë, pa përfituar asgjë, pa kërkuar asnjë favor dhe pa trokitur ndonjëherë në derën e selisë për t’ju zgjidhur ndonjë hall!

Me shumë përulësi u jam thellësisht mirënjohës, emër për emër, secilit prej tyre, dhe i garantoj se do të bëj gjithçka në interes të tyre për të vënë në jetë 5 prioritetet kryesore të Partisë së Lirisë dhe objektivin tonë madhor për 4 milion shqiptarë + në vendin e tyre!

Ndaj është koha për rithemelimin e Partisë së Lirisë në Konventën Kombëtare më 27 prill, për t’u shkundur dhe për t’u riorganizuar nga themelet, për t’i dhënë fund njëherë e përgjithmonë arrogancës së papranueshme në opozitë”, tha ai.

The post Ilir Meta: Koha për rithemelimin e Partisë së Lirisë, do ta shkundim nga themelet, t’i japim fund arrogancës në opozitë appeared first on Albeu.com.