Ngritja e saj është pjesë e projekteve të forcave të luftimit, një institucion që ka funksionuar në Vlorë para 18 vitesh.

Shkolla e Aviacionit, është parashikuar të ngrihet në zonën e Akërnisë në Vlorë, pranë infrastrukturës së aeroportit të ri, dhe synon të kthehet në një qendër rajonale trajnimi.

Sipas Ministrisë së Brendshme përveç studentëve shqiptarë, në akademi do të mund të pranohen edhe kandidatëve nga vendet fqinje të Ballkanit.

Kompania Izraelite Elbit Systems, është kontraktuar nga qeveria shqiptare për të sjellë teknologjinë dhe përvojën e saj në trajnimin e pilotëve, duke përfshirë simulatorë të avancuar fluturimi, programe të standardizuara sipas kërkesave ndërkombëtare dhe metoda moderne të mësimdhënies.

Akademia e Aviacionit në Vlorë rikthen traditën që ishte ndërprerë prej afro dy dekadash. Në aspektin organizativ, akademia do të ketë një strukturë të ndarë në dy drejtime kryesore: civil dhe ushtarak.

Pjesa civile do të fokusohet në përgatitjen e pilotëve për transport ajror, fluturime komerciale dhe menaxhim të navigimit ajror, ndërsa pjesa ushtarake do të përqendrohet në trajnimin e pilotëve të Forcave të Armatosura dhe operacioneve taktike.

Përveç pilotëve, akademia do të ofrojë trajnime edhe për kontrollorë ajrorë, duke përfshirë module mbi menaxhimin e trafikut ajror, përdorimin e sistemeve radarike dhe komunikimin ajror sipas standardeve të Organizatës Ndërkombëtare të Aviacionit Civil (ICAO).

Një nga qëllimet e deklaruara është pavarësia e vendit në certifikimin e pilotëve, pra që licencat e lëshuara nga akademia të jenë të njohura ndërkombëtarisht dhe të përputhen me standardet evropiane (EASA).

Kjo do të ulë ndjeshëm kostot për studentët shqiptarë, të cilët sot duhet të ndjekin trajnime jashtë vendit për të marrë licenca profesionale.

Por teksa infrastruktura për Shkollën e Aviacionit ka bëhet gati ende nuk janë bërë publike detajet mbi tarifat për studentët civilë, kapacitetin total të akademisë apo afatin kur do të nisë trajnimi i parë praktik.

Akademia e Aviacionit në Vlorë shihet si një investim në kapitalin njerëzor tw vendit, ndërkohë që i hap rrugë një tregu të ri për formimin profesional të pilotëve dhe kontrollorëve ajrorë në rajon. Në Ballkan shkollat të aviacionit janë aktive në Kosovë, Bosnja me 4 shkolla dhe Serbi gjithashtu katër. Ne Greqi janë më shumë 30 shkolla të aviacionit/ Monitor

The post 8-mujori, buxheti dha 9,2 mln euro për ringritjen e shkollës së aviacionit në Vlorë appeared first on Albeu.com.

Sulmuesi ka kaluar kohë me deri në 10 klube të ndryshme midis 2013 dhe 2020, kur nënshkroi për Almerian.

Fillimet e tij nuk ishin të lehta në Kaduna, një qytet në Nigerinë veriore, ku ai lindi. Megjithatë, në vitin 2013, në moshën 16-vjeçare, ai luajti në një turne të të rinjve në Kroaci dhe ekipi i tij, Kusa Boys, doli kampion.

Mundësia për të luajtur në Evropë iu ofrua nga ekipi i të rinjve të Spezias, derisa Roma e siguroi huazimin e tij me opsion blerjeje për 2.5 milionë euro.

Aty, pasi bindi Rudi Garcia, ai luajti minutat e para në futbollin profesionist në vitin 2015.

Nga huazimi në huazim dhe momenti i tij më i keq me Gerrard

Pavarësisht kësaj, mungesa e minutave në një ekip në të cilin luante Mohamed Salah, e bëri atë të kërkonte mundësi jashtë vendit, të gjitha në huazim nga klubi romak.

Ai kaloi me Bologna, Torinon dhe NAC Breda, përpara se të mbërrinte në Rangers, të trajnuar më pas nga legjenda Steven Gerrard. Ishte padyshim periudha më e keqe e karrierës së tij.

Sadiq u përjashtua nga ish-lojtari i Anglisë dhe madje deklaroi në një intervistë për “The Sunday Post” se Gerrard e “poshtëri” atë, duke e detyruar atë të ndryshojë “me fëmijët”.

“Papritur më thanë se nuk mund të përdorja më dhomën e zhveshjes së ekipit të parë. Më duhej të ndërroja me fëmijët dhe disa ditë më vonë madje më ndaluan të parkoja makinën time brenda qendrës sportive,” tha Sadiq në atë intervistë. .

Sulmuesi më vonë pranoi për “Omasport Nigeria” se “kur isha duke luajtur për Rangers, shkoja në shtëpi duke qarë sepse gjërat nuk po shkonin mirë dhe mund të shihja se ëndrra ime po më ikte”.

Viti i tij i mrekullueshëm te Partizani çoi në një kalim te Almeria

Pas një kohe te Perugia, Partizani i Beogradit e mori atë në formë huazimi në merkaton e verës 2019 dhe vetëm pak muaj më vonë, në janar, ai u ble për 2.5 milionë euro.

Atje, pas një viti të mrekullueshëm me 17 gola dhe 17 asistime në 39 paraqitje, ai ra në sy të trajnerit të atëhershëm të Almerias, Jose Gomes, i cili i kërkoi klubit ta nënshkruante.

Në dy sezone ai ka shënuar respektivisht 20 dhe 18 gola, duke u dalluar si një nga sulmuesit më të mirë në Segunda Division.

Tani në moshën 25-vjeçare, ai është në rrugën e tij për të thyer rekordin e shitjes më të madhe nga Almeria për gati 30 milionë euro./ h.ll/albeu.com

The post Kush është Umar Sadiq? Lojtari i cili u turpërua nga Gerrard dhe shpërthimi i tij i bujshëm appeared first on Albeu.com.