“Ne kemi shqetësime serioze për aktivitetet e pazakonta ushtarake të Rusisë në kufirin me Ukrainën. Jemi vërtet të shqetësuar për disa nga deklaratat që kemi parë dhe dëgjuar, si nga Rusia ashtu edhe në mediat sociale”, u tha Blinken gazetarëve në Dakar, ndalesa e fundit në turneun e tij në Afrikë.

Anthony Blinken shtoi se këto shqetësime vijnë nga aleatët amerikanë, por nuk iu përgjigj pyetjeve nëse shërbimet e inteligjencës amerikane besojnë se presidenti rus Vladimir Putin po kërkon të pushtojë territorin ukrainas.

“Nuk e dimë se cilat janë qëllimet e Presidentit Putin. Por ne dimë se çfarë ka ndodhur në të kaluarën. Dimë strategjinë e referimit ndaj sfidave të supozuara të Ukrainës apo të ndonjë vendi tjetër dhe përdorimin e tyre si justifikim për planet e Rusisë”, tha Anthony Blinken.

Ai iu referua krizës së vitit 2014 në Ukrainë pas përmbysjes së qeverisë pro-perëndimore të Ukrainës. Po atë vit, Moska aneksoi Krimenë në përgjigje të një kryengritjeje pro-perëndimore.

Rajoni i Donbass në Ukrainën lindore ka qenë skena e një lufte rrënimi që nga viti 2014, me më shumë se 13,000 të vdekur midis forcave të Kievit dhe forcave separatiste pro-ruse në Ukrainën lindore, të armatosura dhe të udhëhequra nga Kremlini, pavarësisht mohimeve të tij.

Presidenti rus Vladimir Putin akuzoi të enjten perëndimorët për provokim të tensioneve në kufirin lindor të Ukrainës dhe në Detin e Zi. Ai gjithashtu akuzoi bombarduesit perëndimorë se “i afrohen Rusisë brenda 20 kilometrave”./albeu.com

The post Uashingtoni “seriozisht i shqetësuar” për praninë ushtarake ruse në kufirin me Ukrainën appeared first on Albeu.com.

Ministrja Belinda Balluku tha në Report Tv se Kulla e Kontrollit është marrë në këtë moment në dorë nga ushtria pasi është ndërtesë e sigurisë së lartë.

“Në aeroport në këto momente ka shkuar ushtria pasi ndërtesa është një ndërtesë e sigurisë së lartë dhe duke qene se kontrollorët e trafikut ajror e kanë braktisur detyrën dhe pavarësisht që qëndrojnë në ndërtesë është i bllokuar. Ajo do të merret në kontroll nga ushtria”, tha Balluku. /albeu.com/

The post E lajmëron Balluku: Ushtria shkon në Rinas, merret nën kontroll Kulla e Kontrollit (VIDEO) appeared first on Albeu.com.