Malisheva ka zyrtarizuar transferimin e anësorit shqiptar Rimal Haxhiu, i cili deri së fundmi aktivizohej te Tirana në Superligën e Shqipërisë.

Edhe pas fillimit të sezonit në Superligën e Kosovës, klubi nga Malisheva vijon të përforcojë skuadrën, me synimin për të qenë sa më konkurrues në garën për titull.

Haxhiu, 27 vjeç, është lojtari më i ri që i është bashkuar ekipit dhe pritet të kontribuojë në krahun e sulmit.

Lajmin për marrëveshjen e ka bërë të ditur vetë klubi përmes faqes zyrtare, ku i ka uruar mirëseardhjen futbollistit.

“Ju njoftojmë se Rimal Haxhiu është zyrtarisht pjesë e klubit tonë”, thuhet në njoftimin e Malishevës.

Klubi ka theksuar gjithashtu se Haxhiu sjell përvojë nga futbolli shqiptar dhe ai gjerman. Gjatë karrierës, ai ka luajtur për Dinamon, Kukësin dhe së fundmi KF Tiranën, ku ka qenë edhe kapiten.

The post Zyrtare: Rimal Haxhiu bëhet pjesë e Malishevës appeared first on Albeu.com.

Rimal Haxhiu pritet të jetë përforcimi i ri i Malishevës. Sipas burimeve të raportuara në media, mesfushori ka arritur marrëveshjen për t’iu bashkuar skuadrës së Superligës së Kosovës, ndërsa zyrtarizimi i transferimit pritet të bëhet së shpejti.

Për 27-vjeçarin kjo do të jetë aventura e parë në futbollin kosovar. Në tri sezonet e fundit, Haxhiu ka qenë pjesë e Tiranës në Superiore.

Kalimi te Malisheva rrëzon kështu mundësinë e transferimit te Besa e Kavajës, pistë e raportuar më herët nga “Newsport.al”. Mesfushori tashmë është pranë nisjes së një kapitulli të ri në karrierën e tij.

Te skuadra kosovare, Haxhiu do të punojë nën drejtimin e trajnerit Thomas Brdaric, i cili është gjithashtu një emër i njohur në Superiore pasi ka drejtuar Vllazninë.

The post Rimal Haxhiu largohet nga Tirana, mesfushori pranë bashkimit me Malishevën dhe ish-trajnerin e Vllaznisë appeared first on Albeu.com.

Verdhezinjtë janë duke negociuar me Rimal Haxhiun dhe Erisildo Smaçin. Raportohet se diskutimet po ecin në drejtimin e duhur, megjithatë ende nuk ka një marrëveshje të mbyllur, edhe pse Besa mbetet e vendosur për t’i afruar në skuadër.

Sa i takon Haxhiut, ai u nda nga Tirana vetëm pak javë më parë, pasi 27-vjeçari zgjodhi të mos rinovojë kontratën. Ndërsa Smaçi ka qenë pjesë e Tiranës nga janari i vitit 2025 deri në gusht të po atij viti.

Në sezonin e fundit, mesfushori aktivizohej me Prishtinën e Re në Superligën e Kosovës. Nga ana tjetër, Besa deri në këtë fazë të merkatos ka afruar futbollistë cilësorë si Fatmir Prenga, Suleiman Danladi, Manfredas Ruzgis dhe, së fundmi, Henry Marku.

The post Besa e Kavajës vijon ofensivën në merkato, hap negociatat me dy ish-lojtarë të Tiranës appeared first on Albeu.com.