“Shpresoj të jem në gjendje të kthehem. Madridi është shtëpia ime dhe do të doja shumë të kthehesha, por nuk dua ta bëj vetëm për të qenë atje. Dua të jem i dobishëm, të ndihmoj Real Madridin dhe të punoj për Real Madridin, jo vetëm të jem te Real Madrid”, u shpreh Modriç.

Kroati po e mbyll karrierën te Milani. Në moshën 40-vjeçare akoma po merr minuta në një nga kampionatet më të forta të Europës.

The post Modriç mendon rikthimin te Reali, mesfushori i Milanit i vendos kushtin vetes appeared first on Albeu.com.

Në një deklaratë të publikuar në “Instagram”, Duma i ka cilësuar të pavërteta raportimet për rikthimin e saj në politikën aktive dhe për emërimin e mundshëm në një post qeveritar.

Ajo i ka ironizuar këto aludime, duke thënë se në artikujt e publikuar për të i ishte “caktuar pazari”, i ishte “gjetur sponsori” dhe i ishte përcaktuar edhe pozicioni që do të mbante.

“Ka ca ditë që më përflitet emri se do jem pjesë e qeverisë Rama. Ma kanë caktuar pazarin, ma kanë gjetur sponsorin, ma kanë përcaktuar pozicionimin. Jam argëtuar në fillim, e lashë të rridhte. Është një ushtrim durimi”, është shprehur Duma.

Sipas saj, reagimi u bë i nevojshëm kur ajo që e quan “lukunia e thashethemeve” nisi të merrte përmasa më të mëdha.

“Duhet të reagoj atëherë kur lukunia e thashethemeve, në fakt, nuk i jep shans dikujt që duhet të mbajë ngrehur sistemin që duhet reformuar i gjithi, sipas meje. Flini të qetë, nuk kam ndërmend t’i marr vendin askujt, sepse po të doja t’i merrja vendin dikujt tani, në këto momente politike, do të ishte keq për Shqipërinë”, ka deklaruar ajo.

Duma ka folur edhe për mundësinë e një rikthimi në politikën aktive. Ajo ka theksuar se nuk pret të ftohet nga askush dhe se, nëse një ditë do të vendosë të angazhohet sërish, këtë do ta bëjë vetëm nëse beson se ka diçka për t’i ofruar Shqipërisë.

“Nuk më thërret mua njeri në politikë, nuk pres ftesa nga të tjerët. Nëse ndonjë ditë do kem vendimmarrjen time për të hyrë në politikë, do hyj nga porta ime, nuk do i bie portës së askujt, nuk pres ftesa. Vendimi im për të hyrë në politikë do jetë nëse do kem diçka për t’i ofruar Shqipërisë.

Ka ditë që takohen në Pogradec, Tiranë, ministra, drejtues, deputetë. Mendoj se të gjithë shqiptarët e kanë mendjen te porta e tyre, nëse do dalë tym i bardhë në këtë realitet qeverisjeje me re të zeza, dhe besojnë gabim që shqetësimi shqiptar është ky. Ndërsa këta shqetësohen për postin e karriges së tyre, shqiptarët e kanë një shqetësim të madh: kanë apo jo ende vend në Shqipëri”, ka thënë Duma.

Ajo ka vlerësuar se sfidat e Shqipërisë nuk mund të kapërcehen nga një person i vetëm, pavarësisht rolit apo figurës së tij.

“Ka një besë të madhe për t’u lidhur, në fakt, një besë e njerëzillëkut shqiptar për të folur për çështjet e mëdha të zhvillimit, të cilat nuk lidhen më me njëshin, cili do qoftë ai. Individi, mrekulli e Zotit qoftë ai individ, nuk e bën dot më i vetëm ndryshimin në këtë situatë. Duhet shumë më tepër sesa një individ për të sjellë atë që shqiptarët presin në këto ditë rebelimi, që nuk pranojnë situatën në të cilën është Shqipëria, e cila është krejt jashtë mundësive për ata shqiptarë që e njohin çfarë është Perëndimi”, ka deklaruar ajo.

Në fund, Grida Duma u ka bërë thirrje politikanëve që të mos fokusohen te emri i saj apo te emrat e mundshëm të qeverisë, por te shqetësimi real i qytetarëve.

“Ajo që duhet t’i mbajë zgjuar politikanët shqiptarë nuk është një emër që vjen nga jashtë. Ajo që duhet t’i mbajë zgjuar politikanët shqiptarë është arsyeja se përse shqiptarët bëjnë akoma pyetjen: ‘A kanë vend në Shqipëri?’, dhe jo emri im”, ka përfunduar Grida Duma.

The post Grida Duma mohon rikthimin në qeveri: Nuk pres ftesa politike, do të hyj vetëm nëse kam çfarë t’i ofroj Shqipërisë appeared first on Albeu.com.

Ai ka shkarkuar nënkryetarët që deri tani kanë qenë në detyrë, po ashtu ka kërkuar edhe rikthimin e Sali Berishës në grupin parlamentar.

“Kemi njoftim nga grupi parlamentar i Partisë Demokratike. Në kryesinë e grupit parlamentar janë bërë ndryshime. Nënkryetar Ervin Salianji, nënkryetare Albana Vokshi, sekretar Ina Zhupa”, lexoi Nikolla.

Ndërkohë, Lindita Nikolla nuk pranoi kërkesën për të futur Berishën në Grupin e PD-së!

Po ashtu, është rrëzuar kërkesa e Gazment Bardhit për mocion me debat për emisionin e RAI 3 për Shqipërinë

The post Gazment Bardhi kërkon rikthimin e Berishës, shkarkon deputetet e Bashës nga funksionet brenda partisë appeared first on Albeu.com.

Ushtria amerikane ka kryer një seri sulmesh në Jemen, që në shënjestër kanë patur zonat e kontrolluara nga rebelët Houthi, ku janë stacionuar sistemet e lëshimit të raketave balistike, që kanë sulmuar anijet tregtare në Detin e Kuq.

Sulmet e rebelëve Houthi, kanë ndërprerë transportin detar të mallrave në Detin e Kuq, duke nxitur reagimin e Shteteve të Bashkuara dhe Britanisë.

Milicia Houthi, aleate e Iranit ka kërcënuar me zgjerim të sulmeve në Detin e Kuq, duke përfshirë ato ndaj anijeve amerikane, në përgjigje të sulmeve amerikane dhe britanike ndaj pozicioneve të tyre në Jemen.

Rebelët Houthi thonë se sulmet ndaj anijeve tregtare në Detin e Kuq, u kryen në përgjigje të sulmit të Izraelit në Rripin e Gazës, që ka shkaktuar vrasjen e mijëra palestinezeve dhe një krizë humanitare.

Sulmi i 7 tetorit nga Hamasi në Izrael, në të cilin u vranë 1200 persona dhe u morën peng 240 të tjerë, shkaktoi një përgjigje të fortë ushtarake nga Izraeli.

Sekretari i Shtetit Antony Blinken, hoqi grupin Houthi nga lista e organizatave terroriste në shkurt të vitit 2021, për të lehtësuar dërgimin e ndihmave humanitare në Jemen.

Presidenti amerikan Joe Biden, i quajti të premten forcat Houthi të Jemenit një grup “terrorist”, pasi avionët luftarakë, anijet dhe nëndetëset amerikane dhe britanike kryen dhjetëra sulme ajrore në të gjithë Jemenin.

Udhëheqësit e grupit Houthi, kanë kërcënuar se do të jetë një “përgjigje të fortë dhe efektive”.

The post SHBA pritet të njoftojë rikthimin e grupit Houthi në listën e organizatave terroriste appeared first on Albeu.com.

Por në fakt emri i të eliminuarës mbrwmjen e djeshme ishte Einxhel dhe të gjithë mbetën të habitur. Bileta e saj vajtje-ardhje arriti që ta bënte atë sërish pjesë të shtëpisë më të famshme në Shqipëri.

Edhe pse eleminimi fillestar i Einxhel duket se ishte i paparashikuar nga banorët apo nga opinionistët, ish-fituesi i “Big Brother” Anaid Kaloti, ka bërë një postim në llogarinë e tij të “Instagram” që i ka surprizuar të gjithë.

Pak orë para publikimit të të eleminuarës së natës, Anaidi ka publikuar një ‘story’ drejtuar ndjekësve të tij në të cilën shkruan:

“Habiteni ju nëse del Einxhel sonte…?!”

Më pas, ai publikon sërish një bisedë me ish-konkurrentin Ardit Çuni, ku i thotë atij se Einxhel “del dhe hyn prapë”.

“Ta dish se pastaj thua Anaidi shpik”- ka shtuar ai, duke lënë të nënkuptojë se di diçka më shumë.

The post Dalja dhe rikthimi i Einxhel ishte i planifikuar? Ish banori i “Big Brother” nxjerr zbuluar produksionin (FOTO LAJM) appeared first on Albeu.com.