Ish-trajneri i Shqipërisë dhe ish-futbollisti i Barcelonës, Sylvinho, ndoqi nga shkallët e stadiumit një ndeshje miqësore të zhvilluar së fundmi në impiantin modern të “Camp Nou”.

Pas rikthimit në shtëpinë e klubit katalanas, ku ka përjetuar momentet më të rëndësishme të karrierës dhe ka fituar gjithçka, Sylvinho ndau në rrjetet sociale emocionet e tij për këtë vizitë.

“Dje u ktheva në Camp Nou. Është e vështirë të shpreh me fjalë se çfarë do të thotë me të vërtetë ky vend për mua. Këtu kam përjetuar disa nga ditët më të lumtura të karrierës sime.

Të rikthehesh brenda, të ndjesh atë atmosferë të jashtëzakonshme dhe të të presin me kaq shumë dashuri… është një ndjenjë e paharrueshme.

Jam thellësisht mirënjohës ndaj Barcelonës dhe të gjithë njerëzve të saj për këtë pritje kaq të ngrohtë. Një falënderim i veçantë shkon për Presidentin, bordin e klubit dhe veçanërisht për mikun tim të përjetshëm, Deco, i cili sot po drejton me klas absolut operacionet e futbollit të klubit. Faleminderit, Barça”, shkroi Sylvinho.

The post Sylvinho rikthehet në “Camp Nou”: E pamundur të përshkruaj me fjalë çfarë përfaqëson ky vend për mua appeared first on Albeu.com.

Në ato kohë nuk kishte lagje pa dy-tre pika bastesh, një pjesë e të cilave në afërsi të shkollave apo mjediseve të frekuentuara nga të miturit.

Shtatë vjet më vonë, qeveria shqiptare po përgatitet që të legalizojë sërish bastet sportive online, të cilat pavarësisht ndalimeve ligjore, kanë vazhduar që të funksionojnë në informalitet.

Pas miratimit të ligjit në Kuvend në vitin 2024, Ministria e Financave i tha BIRN se tashmë janë miratuar të gjitha aktet nënligjore dhe kuadri rregullator konsiderohet i plotësuar.

“Sistemi është gati nga pikëpamja ligjore, por gara për licensim ende nuk është hapur zyrtarisht”, deklaroi ministria në një përgjigje me shkrim.

Legjislacioni i ri premton dhënien e jo më shumë se 10 licencave për organizatorët që ofrojnë platformat online, me kërkesën thelbësore që këta operatorë të ngrijnë një kapital prej të paktën 120 milionë lekësh si garanci për fituesit dhe të kenë eksperiencë të provuar në vende perëndimore.

Edhe pse ligji premton një treg të kufizuar të basteve online për të mundësuar një monitorim të rreptë shtetëror, procesi ka ngritur shqetësime për mungesë transparence dhe rrezikun e krijimit të një tregu monopol.

Në anën tjetër, Shqipëria po e rihap industrinë e basteve tërësisht e papërgatitur për të menaxhuar krizën e pashmangshme të varësisë – një nga shkaqet kryesore të nxjerrjes së përkohshme të kësaj industrie jashtë ligjit.

Kalimi i bixhozit nga pikat fizike tek ekrani i celularit e kthen atë në një rrezik me akses të pakufizuar 24 orë në ditë në xhepin e gjithkujt.

“Legalizimi nuk e krijon varësinë, por rrit aksesin ndaj një aktiviteti që për një pjesë të popullsisë është potencialisht shumë i rrezikshëm,” thotë mjeku psikiatër, Neli Demi, i cili vuri në dukje se vendi nuk kishte asnjë qendër të specializuar dhe asnjë program kombëtar rehabilitimi, duke e lënë barrën e trajtimit të varësisë tërësisht mbi supet e familjeve.

Në përgjigje të pyetjeve të BIRN, Ministria e Financave tha se parandalimi i varësisë nga lojërat e fatit dhe mbrojtja e lojtarëve dhe familjeve të tyre ishin ndër objektivat kryesorë të ligjit, por pranoi se ligji nuk krijon ndonjë skemë të posaçme për këta persona.

Pikëpyetjet për licensat

Sektori i lojërave të fatit në Shqipëri është luhatur mes liberalizimit anarkik dhe ndalimit radikal. Mbyllja e plotë e vitit 2019 si vazhdim i të ashtuquajturit operacioni “Fundi i Marrëzisë” nxori jashtë ligjit një treg që operonte me mbi 4000 pika fizike.

Megjithatë, ndalimi ligjor nuk e fshiu bixhozin, por e shtyu atë drejt nëntokës së informalitetit dhe kontrollit nga rrjetet kriminale, aty ku kafenetë e lagjeve u kthyen në pika të fshehta grumbullimi.

Hyrja në fuqi e ligjit të ri shihet si një mundësi për të dalë nga paligjshmëria, edhe pse nuk mungojnë kritikat për mungesën e theksuar të transparencës qeveritare rreth procesit të garës.

Aktualisht, gara nuk është hapur ende. Ministria e Financave tha se “vendimin për hapjen e konkurrimit duhet ta marrë Komisioni i Licencave” dhe vetëm pasi ky komision të shprehet, AMLF publikon njoftimin zyrtar për aplikime.

Endri Meksi, një biznes i investuar në formalizimin e lojërave të fatit prej vitesh, vlerëson se tregu i zi i basteve llogaritet të ketë një qarkullim prej 2.5 miliardë eurosh në vit dhe formalizimi i tij do të çonte në buxhet rreth 20-22 milionë euro në vit.

Megjithatë, Meksi është i zhgënjyer nga mungesa e komunikimit institucional dhe nga fakti që askush ende nuk ka qartësi se çfarë do të ndodhë.

“Ministri i Financave është absente totalisht në këtë histori, nuk shprehet për asgjë”, tha Meksi, duke nënkuptuar pasigurinë për numrin e licensave që do të jepen fillimisht në treg.

“Komisioni i licencave është ai që vendos dhe mund të hapë maksimumi 10 licenca për garë, por mund të hapë garë për një licencë. Në këtë rast do të kemi një monopol. Mund të hapë për tre, le të themi, pothuajse një oligopol”, shtoi Meksi.

Përfaqësues të opozitës mendojnë gjithashtu se korniza formale ligjore po fsheh thelbin e një skeme thellësisht klienteliste.

Sipas deputetes së Partisë Demokratike, Jorida Tabaku, ligji u miratua përpara se shteti të ishte realisht i përgatitur për zbatimin e tij. Tabaku mendon se e gjithë skema është menduar për t’u shërbyer interesave të qeverisë dhe personave të lidhur me të.

“Problemi nuk është vetëm ekzistenca e basteve online. Problemi është se kush do t’i marrë licencat, si do të verifikohet pronësia përfituese e kompanive, burimi real i kapitalit, lidhjet ndërmjet aksionarëve dhe nëse procedura konkurruese do të jetë e hapur”, thekson Tabaku, duke shtuar se pa transparencë krijohet “terreni ku interesat klienteliste, kapitalet e dyshimta dhe vendimmarrja qeveritare mund të takohen”.

Për deputetet e opozitës, mekanizmi i kontrollit të këtij fenomeni që krijon probleme sociale “duhet të jetë nën mbikëqyrje të plotë parlamentare dhe publike që nga dita e parë”.

Kambana alarmi për varësinë

Edhe pse ligji i ri supozohej që të krijonte mekanizma kundër varësisë nga lojërat e fatit, bastexhinjtë duket se do ta kenë pikën e bastit gjithmonë me vete.

Ekspertët e shëndetit mendor e shohin këtë si një rrezik për rritje të varësisë së pakontrolluar, në një vend ku infrastruktura e trajtimit të këtyre rasteve është inekzistente.

Mjeku psikiatër dhe psikoterapist, Neli Demi paralajmëron se kalimi ekskluziv “online” luan një rol shumë më të rrezikshëm krahasuar me pikat fizike.

“Nga pikëpamja klinike, kalimi nga pika fizike e basteve te telefoni celular ndryshon cilësinë e ekspozimit. Nëse më parë duhej të dilje nga shtëpia, të shkoje në një pikë bastesh dhe kjo krijonte njëfarë ‘fërkimi’ psikologjik, tani bixhozi mund të jetë në xhep 24 orë në ditë,” thekson Demi.

Kjo sipas tij rrit frekuencën e lojës, shton impulsivitetin—pasi basti vendoset brenda sekondave—dhe ul kontrollin social nga familja, një faktor risku i rëndë sidomos për të rinjtë që janë thellësisht të lidhur me pajisjet e tyre.

Demi thekson gjithashtu se vendit i mungon një sistem i organizuar për trajtimin e këtyre rasteve.

“Nuk kemi qendra të specializuara për varësinë nga bixhozi, nuk kemi programe kombëtare rehabilitimi dhe shumica e pacientëve trajtohen brenda shërbimeve të përgjithshme të shëndetit mendor ose në praktikën private. Kjo do të thotë se ndihma ekziston, por është e fragmentuar dhe jo e mjaftueshme”, shtoi ai.

Demi vlerëson disa hapa ligjorë si regjistri elektronik për vetëpërjashtimin e lojtarëve, por i konsideron ato si minimale.

Nga ana e saj, Ministria këmbëngul se varësia do të luftohet përmes mekanizmave ligjorë të parashikuar. Duke argumentuar mbi masat mbrojtëse, institucioni citon se krahas regjistrit elektronik kombëtar të lojtarëve të përjashtuar, ligji garanton “vetëpërjashtimin e lojtarit” si dhe lejon “mundësinë që familjarët të kërkojnë ndalimin e aksesit të një personi në lojërat e fatit”, duke u mbështetur në programet e reja të dedikuara për mbrojtjen e lojtarëve.

Ministria pretendon po ashtu se rol do të luaj edhe fakti që “operatorët janë të detyruar të publikojnë informacion mbi rreziqet e varësisë, shanset reale të fitimit dhe strukturat që ofrojnë këshillim apo trajtim për personat me probleme të lidhura me lojërat e fatit”. Por kjo duket se është në letër, pasi struktura të tilla këshillimi janë pothuajse inekzistente në vend./BIRN

The post BIRN: Qeveria po bëhet gati që të rikthejë bastet sportive online, kritika për mungesë transparence appeared first on Albeu.com.

Hera e fundit në fushë ishte më 7 shkurt. Broja vendosi kështu në dyshim, praninë e tij për duelin me Poloninë në transfertë.

Bëhej fjalë gjatë kësaj kohe për një dëmtim të vogël, që është shkaktuar nga një goditje ose përplasje.

Fakt është se informacioni nga Bërnli ka qenë i cunguar. Fillimisht u fol sikur bëhej fjalë për një zgjedhje të trajnerit Parker për ta lënë jashtë, tashmë rezulton se e gjitha erdhi nga një dëmtim. Gjasat janë që të shikohet ndaj ish-klubit të tij, Fulham, më 21 mars.

Trajneri Silvinjo, ndërkohë po punon me listën e Kombëtares. Broja është një nga emrat, që konsiderohet pjesë e saj.

The post A duhet të shqetësohet Silvinjo? Tashmë ka një datë për rikthimin e Armando Brojës appeared first on Albeu.com.

Gazetarja e njohur Klodiana Lala, tha se në datën 22 janar 2026 një përfaqësues i SPAK, GJKKO, Kryeministria, Presidenca dhe Kuvendi përmes juristëve do të duhet të ballafaqohen në seancën publike më 22 janar 2026, ku do të japin mendimet pro e kundra dhe Kushtetuesja do të bëjë interpretim të nenit 103 të Kushtetutës dhe do t’i japë përgjigje pyetjes nëse një anëtar i kabinetit qeveritar të pezullohet nga detyra në kohën që po hetohet nga SPAK, ky është thelbi mes qeverisë dhe drejtësisë.

Rama shkon më tej, duke thënë se GJKKO ka cënuar kompetencencat e Presidentit dhe Kuvendit.

Ndërkohë, Lala tha se vendimi nuk ndikon hetimet e SPAK, lëvizja që mund të bëjë Prokuroria e Posaçme.

“Ky vendim nuk afekton hetimet e SPAK, ai vijon hetimet ndaj Ballukut, sa u përket hetimeve dhe dyshimeve, për tenderin e tunelit të Llogarasë dhe për favorizimet në tender, është zyrtarisht e pandehur”, u shpreh Lala.

Klodiana Lala: Një përfaqësues i SPAK, GJKKO, Kryeministria, Presidenca dhe Kuvendi përmes juristëve do të duhet të ballafaqohen në seancën publike më 21 janar 2026, ku do të japin mendimet pro e kundra dhe Kushtetuesja do të bëjë interpretim të nenit 103 të Kushtetutës dhe do t`i japë përgjigje pyetjes nëse një anëtar i kabinetit qeveritar të pezullohet nga detyra në kohën që po hetohet nga SPAK, ky është thelbi mes qeverisë dhe drejtësisë. Rama shkon më tej duke thënë se GJKKO ka cënuar kompetencencat e Presidentit dhe Kuvendit.

Ky vendim nuk afekton hetimet e SPAK, ai vijon hetimet ndaj Ballukut, sa i përket hetimeve dhe dyshimeve, për tendering e tunelit të Llogarasë dhe për favorizimet në tender është zyrtarisht e pandehur.

The post Gjykata Kushtetuese riktheu në detyrë Belinda Ballukun, Klodiana Lala: Vendimi nuk ndikon hetimet e SPAK, lëvizja që mund të bëjë Prokuroria e Posaçme… appeared first on Albeu.com.

Për fat, nuk bëhet fjalë për një dëmtim të rendë, por për një ndrydhje të lehtë në kavilje, një dëmtim që kërkon pak ditë rehabilitim.

Sipas mediave angleze, Broja pritet t’i nënshtrohet menjëherë fazës së rikuperimit, për t’u vendosur në dispozicion të ekipit.

Sipas të gjithë gjasave, Broja nuk pritet të jetë në fushë këtë fundjavë kundër ish ekipit të Chelsea, por sipas të gjithë gjasave do të jetë kundër Brentford më 29 nëntor.

Dëmtimi i Brojës ndaj Anglisë mori edhe vëmendjen e mediave në ishull, ku “The Sun” i kushtoi një artikull të plotë sagës së tij të dëmtimeve.

The post U dëmtua ndaj Anglisë, ja kur pritet të rikthehet në fushë Armando Broja appeared first on Albeu.com.

Drejtues të fabrikave të përpunimit të qumështit, veçanërisht në zonën e Juglindjes, pohuan se fermerët me NIPT po e kuptojnë gabim funksionimin e skemës, duke pretenduar se kompensimi do të jetë sa 10% e vlerës së autofaturave të lëshuara nga përpunuesit.

Por ky pretendim i fermerëve nuk është i saktë, pasi autofaturat që do të dorëzohen në adminsitratën tatimore synojnë vetëm të dokumentojnë formalizimin e shitjeve mes fermerit dhe grumbulluesit.

Pas dokumentit të formalizimit të shitjeve, me skemën e re fermeri do të marrë mbrapsht 10% e TVSH-së që ka paguar kur ka blerë plehrat kimikë, farat, pesticidet dhe fidanët.

“Kompensimi i prodhuesve bujqësorë me normë fikse është një mekanizëm i TVSH-së, për ata fermerë që nuk i nënshtrohen TVSH-së dhe si të tillë, as nuk ngarkojnë TVSH për blerësit e produkteve të tyre bujqësore, por as kanë të drejtë të zbresin TVSH-në e paguar në blerje.

Norma e kompensimit të prodhuesve bujqësorë prej 10 për qind ka si qëllim t’i kompensojë ata për një pjesë të TVSH-së që paguajnë për inputet, në funksion të realizimit të prodhimeve të tyre bujqësore”, thuhet në relacion.

Për të përfituar, fermeri duhet të dorëzojë kërkesën pranë administratës tatimore, së bashku me autofaturat e lëshuara nga përpunuesi, grumbulluesi apo një agroturizëm i certifikuar që tregojnë NIPT-in e tij dhe numrin e llogarisë bankare.

Kërkesa për kompensim do të paraqitet dy herë në vit. Do të paraqitet brenda datës 31 Dhjetor, për furnizimet e kryera gjatë periudhës Janar-Qershor të vitit përkatës.

Brenda datës 30 Qershor të vitit pasardhës, për furnizimet e kryera gjatë periudhës Korrik-Dhjetor të vitit paraardhës. Kërkesa do të dërgohet në rrugë postare ose në rrugë elektronike.

Administrata tatimore kryen kompensimin brenda 30 ditëve nga data e paraqitjes së kërkesës.

Zbatimi i kësaj, përveç formalizimit të tregtimit të produkteve bujqësore, synon të zbusë koston e prodhimit për fermerët, duke e lehtësuar me kompensim të TVSH të paguar për inputet bujqësore.

Prej vitit 2019 deri në dhjetor 2021 TVSH-ja për inputet bujqësore ka qenë zero. Nga 1 janari 2022 me hyrjen në fuqi të ndryshimeve fiskale, nisi zbatimi i TVSH-së 10% për çmimet e inputeve bujqësore.

Si funksiononte skema e mëparshme

Deri në vitin 2017, rimbursimi i TVSH-së 20% për fermerin kalonte nëpërmjet përpunuesve çka do të thotë se p.sh,. për çdo blerje me faturë tatimore nga fermeri, përpunuesi mund të kreditonte këtë vlerë në TVSH-në e zbritshme.

Kjo skemë e bënte ekonomikisht të leverdishme blerjen edhe me çmim të lartë për fermerin dhe siguronte marzh të qëndrueshëm fitimi për industrinë.

Nga viti 2019 deri në 2022, skema ndryshoi. Fillimisht në vitin 2019 TVSH-ja në blerje (nga fermerët) nga 20% u ul në 6%. Më pas skema u hoq plotësisht nga janari i vitit 2022.

Në vend të rimbursimit të TVSH-së, qeveria aplikoi subvencione direkte deri në 10,000 lekë për krerë bagëtie/lopë për fermerët.

Në relacionin e projektligjit “Për disa ndryshime në ligjin nr. 92/2014, ‘Për tatimin mbi vlerën e shtuar në Republikën e Shqipërisë’, i ndryshuar” Ministria e Financave thekson se nga viti 2022 kur u vendos norma 0% e kompensimit për fermerët, ka pasur rritje dyfish të fermerëve që përfitojnë nga subvencionet dhe rritje dyfish të shumës së dhënë subvencion.

Për vitin 2024 janë rreth 14 mijë fermerë që kanë marrë 2,64 mld lekë subvencione. Nga viti 2022 është përfshirë në masat mbështetëse subvencionimi i naftës, nga e cila në vitin 2024 kanë përfituar rreth 31,500 fermerë në shumën prej 1,25 mld lekë./ Monitor

The post Rikthimi i kompensimit të TVSH në bujqësi “çorodit” fermerët, si do funksionojë skema appeared first on Albeu.com.

“Ftoj kolegët e PS-së, mqs e kanë kthyer në traditë duartrokitjen, që përpara se të fillojnë punimet e Kuvendit, ti japim një duartrokitje të pandehurës nga SPAK”, iu drejtuar Bardhi socialstëve.

Por teksa Kreu i Grupit të PD-së i kujtoi Belinda Ballukut marrjen si të pandehur për abuzimin me 50 mln euro për tenderin e Llogarasë, siç akuzohet nga SPAK, kryeparlamentari Niko Peleshi i dha masë disiplinore.

“E kuptoj që është fjalë turpi për ata që kanë turp statusin e pandehur. Por është brenda etikës”, iu drejtua ai.

Duke shtuar se; “Nuk po them çfarë i thotë ajo Edi Ramës se ajo mund të jetë fyerje edhe shkelje e etikës”.

Pjesë nga debati:

Gazment Bardhi: Ftoj kolegët e PS-së, mqs e kanë kthyer në traditë duartrokitjen, që përpara se të fillojnë punimet e Kuvendit, ti japim një duartrokitje të pandehurës nga SPAK për abuzim me 50 mln euro në tenderin e Llogarasë.

Niko Peleshi: Ju jap masën tërheqje vëmendje. Ju nuk e keni fjalë për të personalizuar goditje dhe për të cilësuar kolegët, fjalën e keni për të folur për projekt kalendarin dhe programin.

Gazment Bardhi: E kuptoj që është fjalë turpi për ata që kanë turp statusin e pandehur. Por është brenda etikës. Është status ligjor, nuk fyeva njeri, është status ligjor i saj. Nuk po them çfarë i thotë ajo Edi Ramës se ajo mund të jetë fyerje edhe shkelje e etikës. Nuk e përdora e kanë në raport me njëri-tjetrin.

The post Belinda Balluku rikthehet në Kuvend/ Ironia e Gazment Bardhit: PS t’i japë një duartrokitje të pandehurës së SPAK, s’është ofendim, por statusi i saj (VIDEO) appeared first on Albeu.com.

Urdhri udhëzon Prokuroren e Përgjithshme të SHBA-së Pamela Bondi dhe Prokuroren e SHBA-së për Distriktin e Kolumbias Jeanine Pirro që të “zbatojnë plotësisht” dënimin me vdekje aty ku provat e mbështesin atë. Trump njoftoi masën gjatë një ceremonie nënshkrimi në Shtëpinë e Bardhë, i rrethuar nga Bondi, Zëvendëspresidenti JD Vance, Drejtori i FBI-së Kash Patel dhe të tjerë.
“Dënim me vdekje në Uashington”, tha Trump ndërsa nënshkruante direktivën. “Nëse vret dikë, ose nëse vret një oficer policie, oficer të zbatimit të ligjit – dënim me vdekje. Dhe shpresojmë që të mos ketë më. Kemi pasur javë pas jave ku nuk kemi pasur vrasje.”

Sekretari i Stafit të Shtëpisë së Bardhë, Will Scharf, e përshkroi dënimin me vdekje si “një nga mjetet më të fuqishme parandaluese që kemi kundër krimit të dhunshëm” dhe tha se ishte pjesë e përpjekjeve të Trump për ta bërë Uashingtonin “një qytet të sigurt për banorët e tij dhe të gjithë ata që e vizitojnë”.

Masa vjen pas masave të gjera të Trump kundër krimit në kryeqytet. Në gusht, ai thirri Aktin e Rregullave të Brendshme të vitit 1973 për të shpallur një emergjencë të sigurisë publike, duke e vendosur Departamentin e Policisë Metropolitane të qytetit nën kontrollin federal dhe duke vendosur qindra trupa të Gardës Kombëtare për të mbështetur zbatimin e ligjit në nivel lokal.

The post Trump urdhëron rikthimin e dënimit me vdekje në Uashington DC: Do të jetë për krimet më të rënda appeared first on Albeu.com.

Pezullimi erdhi pas monologut të Kimmel më 15 shtator, ku komentoi të shtënat ndaj aktivistit konservator Charlie Kirk, duke shkaktuar zemërim tek mbështetësit e Donald Trump.

Gjatë rikthimit në studio, Kimmel falënderoi audiencën dhe kolegët për mbështetjen e tyre, duke theksuar rëndësinë e lirisë së fjalës dhe të shprehjes në ShBA.
Ai sqaroi se nuk kishte aspak qëllim të marrë lehtë vrasjen e Kirk dhe se komentet e tij nuk synonin të fajësonin ndonjë grup të caktuar.

Disney, pronari i ABC, kishte pezulluar përkohësisht emisionin, ndërsa kryetari i FCC-së, Brendan Carr, kërcënoi me licencat e stacioneve nëse kompania nuk ndërmerrte veprime ndaj Kimmel.

Disa stacione transmetuese, përfshirë ato të Nexstar dhe Sinclair, refuzuan transmetimin e emisionit, duke detyruar Disney të ndalonte prodhimin për disa ditë.
Vendimi shkaktoi reagime të forta nga komuniteti i Hollywoodit dhe organizata për lirinë e fjalës, duke përfshirë një letër të hapur të nënshkruar nga mbi 400 yje, si Jennifer Aniston, Meryl Streep dhe Tom Hanks.

The post Jimmy Kimmel pas pezullimit: Është e rëndësishme që jetojmë në një vend që na lejon të kemi një shfaqje si kjo appeared first on Albeu.com.

Gjatë intervistës, aktorja dhe moderatoreja foli hapur për përvojën e saj si nënë dhe marrëdhënien në distancë me partnerin, Kledin. “Jam e fortë, por mbrëmjet pa Kledin janë të vështira,” rrëfeu ajo, duke treguar sfidat që sjell distanca në një marrëdhënie dhe rolin e saj si prind.

Reçi theksoi gjithashtu se të qenurit prind e ka bërë të rishikojë prioritetet dhe mënyrën se si duhet të rritet një djalë sot, duke u fokusuar në edukimin dhe vlerat që dëshiron t’i transmetojë.

Për më tepër, Evi u surprizua gjatë emisionit me një videomesazh nga bashkëshorti i saj, Kledi, i cili ndodhej në Austri. “Për mua je nëna dhe gruaja ideale,” u shpreh ai, duke treguar dashurinë e pakushtëzuar dhe forcën e lidhjes së tyre, pavarësisht distancës.

Ky rikthim i Evi Reçit në ekran jo vetëm që riktheu vëmendjen e publikut ndaj saj, por gjithashtu ofroi një pasqyrë të ndjeshme dhe personale mbi jetën e saj private, mëmësinë dhe dashurinë që nuk njohu kufij nga largësia.

The post Rikthimi pas dy vitesh, Evi Reçi: Jam e fortë, por mbrëmjet pa Kledin janë të vështira appeared first on Albeu.com.