Ngjela i ka cilësuar si komedi deklaratat e mbështetësve të Berishës për një rikthim të mundshëm të tij në krye të Partisë Demokratike.

Sipas tij, që pas dorëheqjes së Bashës, Berisha nuk po artikulon më kthimin e tij si kryetar.

“Pas dorëheqjes së Bashës si kryetar i Partisë Demokratike, kam ndjekur komedinë serioze të të korruptuarve, politikanë e analistë qesharakë, që nëpër stacionet e tyre televizive, ndiheshin të sigurt se Partia Demokratike do të kishte së shpejti Sali Berishën kryetar. Dhe ky pastaj, do t’i shpëtonte këta, me revolucion, të ngritur kundër lëvizjes antikorrupsion, që po zhvillon politika amerikane në Shqipëri. Por çfarë ndodhi? Partia Demokratike komandoi një kryetar, deputetin Enkelejd Alibeaj, dhe të gjithë të korruptuarit në darkë, të shqetësuar, llomotisnin nëpër televizione fjalë pa kuptim, dhe gjithmonë me një këmbëngulje, sipas shprehjes: “Vjen Saliu në krye të Partisë Demokratike”, kërkonin të qetësonin veten. Ishte komedi,  por dilte e tillë nga halli i të korruptuarve që mendojnë se me Saliun tejet të korruptuar, do të shpëtonin edhe ata gjënë e vjedhur. Por nuk ishin të sigurt. Dhe, pikërisht për këtë, kjo ishte një komedi”, tha ai. Ndër të tjera, ai u shpreh se ish-kryeministri Sali Berisha nuk pati kurajë të thoshte se ai do të jetë kryetar i Partisë Demokratike. Ngjela tha, se Berishën e trembi politika amerikane.“Por Saliu, dhe pse po përgjon në çdo çast, ndryshe nga dje e pardje, sot nuk pati kurajë ta thoshte shprehjen:“Unë do të jem kryetari i Partisë Demokratike”. Duhet votim, tha Saliu, vetëm kaq, se me këtë donte që të hynte në votim për kryetar. Por heshti e nuk foli më, pasi dëgjoi platformën politike të kryetarit të komanduar të Partisë Demokratike. Saliun e trembi politika amerikane me kryetarin e komanduar të Partinë Demokratike”, tha ai./albeu.com/

The post Avokat Ngjela: Komedi! Berisha e ka mision të pamundur rikthimin në PD, pasi është i tmerruar nga amerikanët appeared first on Albeu.com.

“Nuk bëhem pjesë e Partisë Demokratike deri në momentin që të bindem që kryetari apo kushdo që të jetë në krye të partisë nuk më inspiron dhe nuk më jep dëshirën që të punoj me të. Deri në atë moment unë nuk mendoj që do të merrem dot”, tha Hajdari në “Top Talk”.

Ish-deputetja demokrate foli për situatën aktuale në Partinë më të madhe opozitare, ku po zhvillohet një betejë e ashpër mes kryedemokratit Basha dhe ish-kryetarit Sali Berisha.

PD-ja, sipas Hajdarit po mbahet peng nga këta dy politikanë dhe ka nevojë për një reformim të thellë.

“Janë të njëjtët njerëz që kanë bërë përjashtime, kanë përjashtuar njerëz nga partia dhe janë sjellë në mënyrën si janë sjellë. Të gjithë i dimë këto situata. Nuk kemi nevojë tani të shikojmë pikëpamjen historike. Në momentin që çdokush ka dalë kundër kryetarit, është përzënë. Tani po ndodh rëndom, por ka ndodhur edhe gjatë kohës kur kryetar ishte Berisha. Ndaj, si mund të besohet që mund të ketë hapje të Partisë Demokratike nëse janë po të njëjtët kryetarë që kanë bërë po të njëjtën sjellje. Sot, PD nuk duhet të mbahet peng nga dy persona apo njerëz të tjerë që ne mund të gjejmë dhe mendoj se demokratët duhet të shkojnë përtej interesave të kryetarëve. Mendoj që PD-ja është më e rëndësishme se aq. Ka më shumë vlera se dy kryetarët e saj”, tha Hajdai./albeu.com/

The post Kur do të rikthehet në Partinë Demokratike? Rudina Hajdari jep përgjigjen epike appeared first on Albeu.com.