Vendimi i gjykatës lejon rikthimin e tij në detyrë, duke anuluar kufizimin e dy ditëve më parë ndaj tij për akuzën e shpërdorimit të detyrës.

Prokuroria e Tiranës, bëri me dije në njoftimin zyrtar se masa e pezullimit ishte vendosur edhe për juristin E.P, nën akuzë për shpërdorim detyre.

Ndërsa ndaj shtetasit P.C u vendos masa e ndalimit të daljes jashtë vendit dhe detyrim paraqitje me akuzën e ndërtimit të paligjshëm.

Sipas Prokurorisë, hetimet nisën pas një kallëzimi të bërë nga administratori i kompanisë “AL OIL 2019” shpk, se në pronën e kësaj shoqërie janë kryer punime të paligjshme që kanë shkaktuar dëme.

Nga verifikimet, rezultoi se kompania ndërtuese “Eurocol” sh.p.k. nuk ishte e pajisur me leje ndërtimi për objektin në Njësinë Administrative Farkë.

Prokuroria thekson se; megjithëse inspektorët e IMT-së konstatuan shkeljen dhe mbajtën procesverbal, kryeinspektori, i mbështetur edhe në relacionin e juristit, vendosi mbylljen e procedurës në kundërshtim me ligjin, pa vendosur asnjë masë administrative.

Njoftimi i Prokurorisë:

Me kërkesë të Prokurorisë pranë Gjykatës së Shkallës së Parë të Juridiksionit të Përgjithshëm, Tiranë u caktuan masat e sigurimit ‘Pezullim i ushtrimit të një detyre a shërbimi publik’ për shtetasit E.P. dhe R.Sh nën akuzë për veprën penale ‘Shpërdorim detyre’ parashikuar nga nenet 248 e 25 të Kodit Penal. Ndërsa për shtetasin P.C., i dyshuar për kryerjen e veprës penale ‘Ndërtim i paligjshëm’, u kërkuan masat e sigurimit ‘Ndalim i daljes jashtë shtetit’ dhe detyrim për t’u paraqitur në policinë gjyqësore parashikuar nga neni 199/a, prg.3 i Kodit Penal.

Në vijim të hetimeve të kryera në lidhje me procedimin penal Nr.337/2026, mbi bazën e kallëzimit të bërë nga shtetasi A.A., administrator i shoqërisë “AL OIL 2019”sh.p.k., i cili pretendoi se në pronën e kësaj shoqërie, janë kryer punime që kanë sjellë si pasojë dëmtimin e saj si dhe punime ndërtimi pa leje, rezultoi se për punimet e ndërtimit objekt hetimi ndodhur në Njësinë Administrative Farkë dhe e regjistruar pranë Drejtorisë Vendore të ASHK-Tirana Rurale 1, është e nevojshme pajisja me leje ndërtimi dhe se shoqëria “Eurocol”sh.p.k. nuk ka qenë e pajisur me një leje të tillë.

Po kështu, rezultoi se punojësit e IMT pranë Bashkisë Tiranë, fillimisht kanë mbajtur Proçes-Verbalin për konstatimin e kundërvajtjes Nr. 8331”, datë 29.12.2025, në të cilin është konstatuar një fakt i tillë, ndërsa më pas, Kryeinspektori i këtij institucioni R. Sh., duke u bazuar edhe në relacionin e përgatitur nga juristi E.P., ka vendosur mbylljen e procedurës, në kundërshtim me ligjin, pa marrë ndaj subjektit ndërtues asnjë nga masat administrative të parashikuara nga Neni 5 i ligjit Nr. 9780, datë 16.07.2007, “Për inspektimin dhe mbrojtjen e territorit nga ndërtimet e kundërligjshme”. Në këtë rast ekziston dyshimi i arsyeshëm i bazuar në prova se shtetasit R.Sh. dhe E. P., kanë kryer veprën penale të “Shpërdorimit të detyrës” të kryer në bashkëpunim, të parashikuar nga nenet 248 dhe 25 të Kodit Penal.

Në rast konstatimi të një ndërtimi pa leje, inspektorët e terrenit evidentojnë shkeljen dhe hartojnë procesverbalin përkatës, praktika i kalon sektorit juridik për verifikim dhe përgatitje të relacionit dhe projektvendimit, ndërsa Kryeinspektori, si autoritet vendimmarrës, shqyrton praktikën dhe merr vendimin përfundimtar, duke vendosur masat administrative të detyrueshme, konkretisht pezullimin e punimeve, vendosjen e gjobës dhe prishjen e ndërtimit, veprime që nuk janë kryer nga shtetasit e mësipërm.

Po kështu, nga këqyrja e vendit të ngjarjes dhe konkluzionet e aktit të ekspertimit Teknik, rezulton se shtetasi P.C., në cilësinë e administratorit të shoqërisë “EUROCOL” sh.p.k., ka kryer veprën penale të parashikuar nga neni 199/a, prg.3 i Kodit Penal. Këtë vepër penale ai e ka kryer nëpërmjet veprimeve të kundërligjshme që konsistojnë në ndërtimin e konstruksionit mur – betonarme të përshkruar më sipër pa patur leje ndërtimi për një gjë të tillë.

Ashtu si është sqaruar më sipër, shoqëria në fjalë ka patur një leje punimesh për ndërhyrje në infrastrukturë dhe për vendosjen e barrierave ndaj zhurmave, e cila në mënyrë të shprehur nuk mbulon ndërtimin e objekteve që kërkojnë leje ndërtimi, duke përjashtuar kështu çdo justifikim ligjor për ndërtimin konkret të realizuar.

The post U akuzua për shpërdorim detyre, Gjykata e Tiranës rrëzon pezullimin dhe rikthen në detyrë kreun e IMT-së Rigers Sheqeri appeared first on Albeu.com.

I besuari i Erion Veliajt, Alban Dokushi, u shkarkua nga detyra më 20 mars të vitit të kaluar me urdhër të kryetares së komanduar të Bashkisë së Tiranës, Anuela Ristani.

Sipas gjykatës, shkarkimi është kryer në kundërshtim flagrant me ligjin, duke përbërë një shkelje të rëndë të standardeve ligjore dhe procedurale.

Vendimi gjyqësor ka efekt të menjëhershëm dhe është i detyrueshëm për zbatim, duke rivendosur plotësisht gjendjen juridike të mëparshme.

The post U shkarkua me urdhër të Anuela Ristanit/ Gjykata Administrative rikthen në detyrë të besuarin e Erion Veliajt appeared first on Albeu.com.

Me vendimin e saj, Gjykata e Lartë, ka urdhëruar kthimin e çështjes për rigjykim në Gjykatën e Posaçme të Apelit, por me një trup gjykues tjetër nga ai që kishte shqyrtuar më parë çështjen.

SPAK kishte kërkuar një vit burg me akuzën e fshehjes së pasurisë, por GJKKO-së e dënoi me 6 muaj, të cilat iu konvertuan në një vit shërbim prove.

Sipas SPAK, Bashkim Dedja, ka fshehur një apartament në formularin e vetëdeklarimit teksa ishte gjyqtari i parë që dënohej nga GJKKO, pasi nuk kaloi Vetting-un.

Ish-anëtari i Kushtetueses u shkarkua nga Vettingu, pasi nuk justifikonte një apartament në Durrës, ndërsa në prill të vitit 2021, gjykata vendosi sekuestrimin e tij.

The post Gjykata e Lartë rikthen për rigjykim në Apel çështjen ndaj ish-kreut të Kushtetueses, Bashkim Dedja appeared first on Albeu.com.

Qeveria parashikon të indeksojë pensionet në prag të zgjedhjeve parlamentare 2025, duke i dedikuar nga buxheti i shtetit një vlerë prej 50 milionë eurosh.

Lajmin e konfirmon Ministria e Ekonomisë, e cila thotë se pensionet mbi 790 mijë të moshuar do të rriten në bazë të ecurisë së inflacionit në prill.

Formula e indeksimit të pensioneve ndryshoi në pranverën e 2023-shit, kur në prag të zgjedhjeve vendore qeveria e transferoi për në tetor.

Por ajo ju dha pensionistëve një bonus, nga mbledhja e taksës nga kompanitë e mëdha energjetike. Për të rritur masën e pensionit, qeveria ka në plan marrjen e masave për deklarimin e plotë të pagave nga bizneset me qëllim rritjen e sasisë së parave nga kontributet shoqërore dhe shëndetësore. Nga turi i takimeve me pensionistët në të gjithë Shqipërinë, kryeministri Rama ngriti akuza ndaj Prokurorisë së Tiranës, sipas të cilit, ky institucion mbulon dosje ulëritëse të evazionit fiskal ndaj bizneseve.

“Keni dëgjuar ndonjëherë që një sipërmarrës të merret i pandehur për evazion? Mendoni ju se administrata nuk i ka identifikuar disa prej tyre? I ka identifikuar dhe ia ka referuar edhe Prokurorisë së Tiranës, por janë mbuluar me trupat e prokurorëve dosje ulëritëse të evazionit fiskal, të cilët e kanë Prokurorinë në xhep sepse unë nuk gjej asnjë shpjegim tjetër.

Ligji e ruan rendin, por nëse ligji nuk vepron për këtë kategori si për të gjithë të tjerët, ne kemi një problem të madh. Prandaj është jo e lehtë, por ne do të vazhdojmë të bëjmë punën tonë. Për këtë, ne do të bëjmë digjitalizimin e transaksioneve, si dhe një tjetër mekanizëm që po e vëmë në funksion me inteligjencën artificiale”.

Qeveria në bashkëpunim me FMN dhe Bankën Botërore po punon për ndërtimin e një skeme të re pensionesh me qëllim rritjen e masës së pensionit sidomos për ata që përfitojnë më pak.

The post Rritje në prag të zgjedhjeve, qeveria rikthen në prill indeksimin e pensioneve appeared first on Albeu.com.

DEPUTETET E PERJASHTUAR NGA BASHA QE RIKTHEHEN

1.Greta Bardeli;

2.Ina Zhupa;

3.Isuf Çela;

4.Asllan Dogjani;

5.Bujar Leskaj;

6.Edi Paloka;

7.Kastriot Piroli;

8.Lindita Metaliaj;

9.Ludovik Hasanaj;

10.Sorina Koti;

11.Tomorr Alizoti;

Kujtojmë se vendimi i Bashës, ishte marrë në fillim të vitit 2022 dhe është reflektuar edhe në qershor të 2023.

The post Basha i përjashtoi, Bardhi rikthen në Grupin Parlamentar të PD-së të gjithë deputetët appeared first on Albeu.com.

Kjo u pa më së miri dje në Kryesinë e Kuvendit. Dakordësia e arritur të premten mes mazhorancës dhe opozitës solli të parin produkt, duke rikthyer pas më shumë se 5 muaj kaosi e bllokimi, normalitetin në Kuvend.

Demokratët e Berishës dhe të Bardhit zunë vendet e lëna bosh, duke nisur nga Komisioni i Ligjeve, i cili dje u zhvillua me praninë fizike të deputetëve.

“Më vjen mirë që jemi të gjithë të kthyer në sallën e mbledhjeve të komisionit”, tha Bushka, e cila lajmëroi futjen në rendin e ditës të nismave të deputetëve. Komisioni i Ligjeve ishte i pari që u mblodh dhe të pranishëm ishin edhe deputetët e opozitës.

Deputeti demokrat Dashnor Sula, ishte një ndër deputetët demokratë që foli gjatë punimeve dhe hodhi akuza duke e quajtur false marrëveshjen PD-PS.

“Kjo ishte loja, marrëveshja u bë në Tiranë, tymi plasi në Sazan”, deklaroi Sula.

Sipas tij, dakordësia është arritur me kërkesa që opozitës i takojnë me të drejtë sipas rregullores.

“Ky kthim në normalitet duhet të kishte ndodhur që në tetor 2023. Ngjarjet dihet se si kanë shkuar. Marrëveshja për mua është një ‘fake’ i pastër. Nuk mund të jem këtu hipokrit që është një normalitet. Është normalitet i rremë”, tha ai.

Kurse demokratja Dhurata Çupi tha: “E shikojmë si një zhvillim shumë pozitiv kthimin e punës së Komisionit të Ligjeve në normalitet”.

Por deputetët e Berishës hynë në Kuvend, Lulzim Basha me të vetët i bojkotoi mbledhjet e komisioneve, me argumentin se marrëveshja e arritur mes mazhorancës dhe opozitës, është pazar për interesa të Edi Ramës dhe Sali Berishës.

Sikundër në Komisionin e Ligjeve, edhe në atë të integrimit, që drejtohet nga demokratja Tabaku, mbledhja u mbajt me praninë fizike të deputetëve. Edhe këtu grupimi i Bashës refuzoi të bëhej pjesë e mbledhjes.

“Është një lajm i mirë që në ditën e parë të hapjes së komisioneve, komisioni i çështjeve europiane është ndër komisionet e para”, tha Tabaku.

Në të dy këto komisione palët nisën diskutimet për një sërë nismash, mes të cilave projektligji për sigurinë kibernetike dhe akti normativ për disa ndryshime në buxhetin e vitit 2024.

Kurse te Komisioni i Sigurisë Kombëtare, deputeti demokrat, Ervin Salianji ngriti si shqetësim në Komisionin e Sigurisë Kombëtare, mungesën e transparencës, lidhur me investimet nga kompania e dhëndrit të Donald Trump, që synohen të realizohen në ishullin e Sazanit dhe në Zvërnec.

“Ne mbështesim çdo investim me garë, transparent, që mund të vijë në Shqipëri dhe që mund të bëjë më tepër për vendin tonë. E para, a ka lidhje me këtë kompani një i njohur nga ne, ju e publiku Charles McGonigal? Mjafton një kërkim i thjeshtë për të kuptuar se lidhja është e dukshme. E dyta, a ka lidhje dhe a i dëmton interesat e Shqipërisë fakti që një prej drejtuesve kryesorë është oligarku rus Vladislav Doronin? A keni shqetësime edhe ju si Komision Sigurie? Dua që investime të tilla të diskutohen këtu në Komisionin e Sigurisë”, u shpreh Salianji në Komisionin e Sigurisë.

The post Pakti mes PS-së dhe Rithemelimit, rikthen në kuvend deputetët e Berishës appeared first on Albeu.com.

Ndër aktorët e kësaj komedie është edhe Delinda Disha. Në prezantimin e aktorëve, Çani ka “rikthyer” Delindën në Portokalli.

Arjan Çani: Delinda ti më duket se vazhdon akoma në një nga këto spektaklet e humorit

Delinda: Po

Arjan Çani: Te Portokallia më duket je

Delinda: Këtu në Klan

Arjan Çani: A je këtu në Klanifornia. A dakord

Delinda: Kam ikur ka kohë

Kujtojmë se largimi i Delindës nga Portokallia nuk ishte shumë paqësorë. Në media u përfolu shumë përplasja e saj me stafin e spektaklit të humorit./albeu.com/

The post Arjan Çani rikthen Delindën në “Portokalli” (VIDEO) appeared first on Albeu.com.