Përpara publikut, në një sallë të tejmbushur, këngëtarja kanadeze, dukshëm e emocionuar, u tha fansave se ishte “e mahnitshme që jemi të gjithë bashkë”.

“Unë bëra një premtim. Bëra një premtim se do të kthehesha dhe do të isha sërish në skenë. Ja ku jam, duke kënduar për ju dhe duke kënduar për veten time. Ju falënderoj shumë për mbështetjen dhe durimin tuaj. Unë jam gjithçka që jam sepse ju më doni”, tha Dion.

Performanca e fundit e plotë e këngëtares ishte në vitin 2020, si pjesë e turneut “Courage”. Ajo u detyrua të anulonte pjesën e planifikuar të turneut në Amerikën e Veriut në vitin 2022, pasi u diagnostikua me SPS (Stiff Person Syndrome).

SPS është një çrregullim i rrallë neurologjik autoimun, i cili shkakton shpesh ngurtësi të muskujve dhe spazma të dhimbshme, me simptoma që ndryshojnë në intensitet.

Sëmundja shkaktohet nga një reagim i gabuar i sistemit imunitar, i cili sulmon qelizat nervore të shëndetshme. Aktualisht, nuk ka një kurë të njohur për këtë gjendje.

Pas diagnozës, Dion u tërhoq nga skena dhe gjatë viteve të fundit është shfaqur vetëm në disa raste të veçanta. Ajo performoi në një event virtual bamirësie për punonjësit e shëndetësisë gjatë pandemisë së COVID-19 në vitin 2020, në ceremoninë e hapjes së Lojërave Olimpike të Parisit në vitin 2024, ku këndoi këngën “Hymne à l’amour” të Édith Piaf, si dhe në përfundim të sfilatës së stilistit Elie Saab në Riad të Arabisë Saudite, po atë vit.

Koncerti në Paris shënon nisjen e një serie prej 26 shfaqjesh që Dion pritet të zhvillojë në “Plenitude Arena”, që do të zgjasë nga 12 shtatori 2026 deri më 29 maj 2027.

Numri i koncerteve u rrit nga 10 në 26 për shkak të kërkesës së lartë për bileta. Sipas raportimeve, rreth 1.17 milionë bileta u shitën brenda pak orësh nga dalja në shitje, ndërsa më shumë se 9 milionë fansa tentuan t’i blinin ato.

Gjatë koncerteve, Dion pritet të interpretojë disa nga hitet e saj më të njohura, përfshirë baladën “My Heart Will Go On”, fituese e çmimeve Oscar dhe Grammy, si dhe këngë të tjera në anglisht dhe në frëngjisht, gjuhën e saj amtare, mes tyre “It’s All Coming Back to Me Now”, “The Power of Love” dhe “Pour que tu m’aimes encore”.

Rikthimi në skenë shënon një moment të rëndësishëm për këngëtaren 58-vjeçare, e cila prej vitesh është përballur me një sëmundje të rrallë, ndërsa vazhdon karrierën e saj muzikore përballë një prej sfidave më të mëdha shëndetësore të jetës së saj.

The post Rikthehet Celine Dion, performon live përballë fansave në Paris pas më shumë se gjashtë vitesh appeared first on Albeu.com.

Diskutimet u zhvilluan me pjesëmarrjen e ministrit të Infrastrukturës, Enea Karakaçi, dhe ministres së Ekonomisë, Delina Ibrahimaj.

Përfaqësuesit e sektorit bënë të ditur se është rënë dakord për një subvencion prej 50 lekësh për çdo litër karburant për transportin publik.

Ende nuk ka një vendim përfundimtar mbi kohëzgjatjen e kësaj mase.

Aktualisht, po shqyrtohet nëse subvencioni do të vlejë për muajt qershor, korrik dhe gusht, ose për periudhën korrik, gusht dhe shtator.

Me këtë zhvillim, operatorët e transportit urban pritet të normalizojnë shërbimin dhe të rikthejnë në funksion të plotë flotën, duke mbyllur vështirësitë e shfaqura gjatë ditëve të fundit.

The post Transporti publik rikthehet në normalitet pas marrëveshjes për subvencionimin e karburantit appeared first on Albeu.com.

“Do të rriten nga dita në ditë, që nga enjtja 35 gradë, më pas 37, 38 dhe deri të dielën që shkon 39 dhe 40 gradë. Do ketë një shkëputje nga mesi i javës tjetër një freskim të shkurtër dhe më pas masa të nxehta afrikane”, tha sinoptikania Lajda Porja.

I nxehti do të përfshijë disa qarqe, ku temperaturat do të jenë më të larta.

“Shkodra, Elbasani, Berati, Gjirokastra, më pas Fieri dhe Tirana”, tha Porja.

Për shkak të pranisë së erës, rreziku nga zjarret, sidomos në disa zona pritet të jetë i lartë.

“Temperaturat e larta do favorizojnë, parametri i erës sidomos në Lezhë e Vlorë, dhe era do të jetë prezente dhe do jetë problem për zjarret”, u shpreh Porja.

Sipas sinoptikanëve, muaji korrik pritet të jetë tepër i nxehtë mbi vlerat normale të tij, ndikuar edhe nga efekti El Nino që tashmë është aktiv.

The post Rikthehet i nxehti afrikan, ja sa do të arrijë termometri në fundjavë appeared first on Albeu.com.

Administrativja vendosi në janar se shkarkimi i Dokushit, është kryer në kundërshtim flagrant me ligjin, duke përbërë një shkelje të rëndë të standardeve ligjore dhe procedurale.

Alban Dokushi, u largua nga detyra nga kryetarja e komanduar e Bashkisë Tiranë, Anuela Ristani, pas arrestimit të kryebashkiakut Erion Veliaj.

The post Gjykata e Apelit rrëzoi vendimin e shkarkimit/ Rikthehet në detyrë Sekretari i Përgjithshëm i Bashkisë së Tiranës, Alban Dokushi appeared first on Albeu.com.

Mediat italiane, janë të bindura se e ardhmja e mesfushorit shqiptar është larg Milanos dhe se vera do të jetë e nxehtë për të, në kërkim të një skuadre tjetër që mund të blejë përfundimisht kartonin e mesfushorit nga Elbasani.

Viti i fundit ka qenë padyshim një nga sezonet më zhgënjyese për Asllanin, duke qenë se dy herë u largua nga skuadrat e tij si i padëshiruar, duke mos e përfshirë Interin në këtë listë.

Asllani firmosi në verë me Torinon dhe nisi duke bindur në ndeshjet e para, por në janar mesfsuhori nuk ishte më në planet e klubit.

E njëjta situatë u përsërit edhe në Stamboll megjithëse në mediat turke, raportohej se nuk kishte probleme teknike por shuma prej 11.5 milionë eurosh, ishte e lartë për Beshiktashin dhe prandaj u vendos që të mos blihej kartoni i tij në fund të sezonit.

Tashmë, te Interi janë të bindur se Asllani nuk mund të shitet për një vlerë të tillë dhe mediat italiane raportojnë se do të ketë një ulje çmimi për të.

Zikaltërit janë të gatshëm që heqin dorë nga lojtari shqiptar edhe për rreth 10 milionë euro, shumë kjo që mund të përdoret në merkaton e verës për të tjerë lojtarë. Tashmë mbetet vetëm të shihet se si do të përfundojë “telenovela” Asllani në Itali.

The post Kristjan Asllani rikthehet tek Interi, zikaltërit i ulin çmimin mesfushorit të Kombëtares shqiptare appeared first on Albeu.com.

Jalçin ishte pikërisht ai që e kërkoi Asllanin te Beshiktashi. 24-vjeçari i Kombëtares duket se nuk bindi gjatë kësaj kohe, edhe pse është preferuar si titullar.

Asllani do të kthehej kështu tek Interi. Mesfushori nuk shfaqet as në planet e zikaltërve, që mund ta huazojnë sërish nëse nuk vjen oferta e duhur për blerjen e kartonit.

Një sezon mjaft i vështirë e shoqëroi Asllanin. Kujtojmë se në pjesën e parë të edicionit ishte i huazuar te Torino.

The post Kristjan Asllani rikthehet tek Interi appeared first on Albeu.com.

Departamenti i Shtetit, publikoi rregulloren përfundimtare në Regjistrin Federal nën titullin “Vizat:  Përmirësimi i Verifikimit dhe Luftimi i Mashtrimit në Programin e Vizave të Emigrantëve të Diversitetit”.

Rregulli do të hyjë në fuqi më 10 prill 2026 dhe kërkon që çdo aplikant të paraqesë të dhëna të detajuara nga pasaporta e tij, si pjesë e formularit elektronik të regjistrimit.

Aplikantët do të duhet të ngarkojnë gjithashtu, një skanim të faqeve biografike dhe të nënshkrimit të pasaportës.

Qëllimi, sipas zyrtarëve, është të forcohet verifikimi i identitetit dhe të zvogëlohet përdorimi i mashtrimeve, aplikimeve të dyfishta dhe paraqitjeve nga palë të treta pa dijeninë e individëve të përfshirë.

Çdo vit, deri në 55,000 viza emigrantësh jepen përmes një procesi të kompjuterizuar të përzgjedhjes së rastësishme.

Sipas Departamentit të Shtetit, kërkesa për dokumentacionin e pasaportës do të sigurojë që pjesëmarrja në Lotari të lidhet me individë të vërtetë dhe do ta bëjë më të vështirë përdorimin e informacionit nga ndërmjetës ose agjentë të paligjshëm.

Informacioni i kërkuar përfshin numrin e pasaportës, vendin ose autoritetin që e ka lëshuar, datën e skadimit dhe një kopje të skanuar të faqes biografike dhe të nënshkrimit.

Regjistrimet që nuk plotësojnë këto kërkesa mund të skualifikohen.

Përjashtime të kufizuara mund të aplikohen për individë pa shtetësi ose ata që nuk mund të marrin pasaportë për arsye qeveritare.

Rregullorja gjithashtu përfshin përditësime teknike, duke zëvendësuar termin “gjini” me “seks” dhe “moshën” me “datën e lindjes”, për të përmirësuar saktësinë e mbledhjes së të dhënave.

Këto ndryshime do të zbatohen duke filluar me Lotarinë DV të vitit 2027, dhe aplikantët duhet të kenë pasaportën gati gjatë plotësimit të aplikimit, pasi verifikimi i saj do të jetë një pjesë kyçe e procesit.

Informacioni i kërkuar përfshin:

Numri i pasaportës

Vendi ose autoriteti që ka lëshuar pasaportën

Data e skadimit të pasaportës

Një kopje e skanuar e faqes biografike dhe të nënshkrimit të pasaportës

The post Rikthehet Lotaria Amerikane/ DASH forcon rregullat, ja kriteret e reja që duhet që të plotësohen appeared first on Albeu.com.

Aktualisht, një pjesë e qytetit të Vlorës, konkretisht zona e Lungomares, ka nisur të furnizohet me ujë.

Ndërhyrja për rregullimin e tubit përfundoi rreth orës 04:00 të mëngjesit, moment në të cilin filloi edhe mbushja e depove.

Furnizimi me ujë ka nisur në disa zona të qytetit, ndërsa pjesa tjetër pritet të përfshihet gradualisht gjatë orëve në vijim.

Autoritetet bëjnë me dije se furnizimi po kryhet ende me kapacitet të reduktuar, pasi po testohen pajisjet e reja të instaluara.

The post Prej 5 ditësh ndërprerje, rikthehet uji i pijshëm në Vlorë appeared first on Albeu.com.

Por ajo që tërhoqi më shumë vëmendje ishte prania si në dhomat e zhveshjes ashtu edhe në tribunën VIP e yllit të Kombëtares Shqiptare, Rei Manaj.

Krenaria e qytetit të Lushnjes, autori i golit historik ndaj Serbisë, ndoqi me interes 90 minutat e sfidës nën brohoritjet e ngrohta të tifozëve lushnjarë, që e përshëndetën me entuziazëm.

Takimi përfundoi pa gola, por prania e Manajt i dha një tjetër shkëlqim ndeshjes, duke rikujtuar se sporti bashkon dhe frymëzon.

Rei Manaj, me thjeshtësinë që e karakterizon, u përshëndet nga të rinjtë dhe tifozët që e konsiderojnë një model frymëzimi për brezin e ri.

Ai nuk ngurroi të bëjë foto me tifozët , duke treguar edhe një herë lidhjen e fortë me qytetin e tij të lindjes.

Prania e tij u përjetua si një festë nga publiku lushnjar, që e ndjek karrierën e sulmuesit me krenari.

Sporti mbetet ura më e bukur që lidh qytetarët me figurat që i përfaqësojnë denjësisht në arenën ndërkombëtare.

The post Sfida Lushnja-Kukësi/ Rei Manaj rikthehet aty ku nisi gjithçka, në stadiumin “Roza Haxhiu”, ndjek ndeshjen nga tribuna (FOTO+VIDEO) appeared first on Albeu.com.

Ai u fut në fushë për Burnleyn kundër ish-skuadrës së tij Chelseat.

Broja u fut në fushë në minutën e 72’, duke zëvendësuar sulmuesin tjetër Flemming, ndërkohë që Chelsea ishte në avantazh me rezultatin 0-1.

The post Armando Broja rikthehet në fushë, sulmuesi lë pas dëmtimin dhe futet në lojë kundër ish-skuadrës së tij appeared first on Albeu.com.