Moti për pjesën më të madhe të ditëve të javës parashikohet i kthjellët. Megjithatë, në relievet kodrinore – malore në orët e mesditës deri ato të pasdites vonë do të ketë edhe alternime vranësirash kalimtare. Këto vranësira do të shoqërohen me reshje shiu me intenistet kryesisht të ulët por hera-herës dhe në periudha afatshkurtra do të jenë edhe të vrrullshme në formën e rrebesheve dhe shtrëngatave shoqëruar me breshër dhe shkarkesa elektrike.

Vlen për tu theksuar fakti se pavarsisht origjinës së masave ajrore nga Afrika e Veriut (të thata dhe tepër të nxehta) kalimi i tyre mbi detin mesdhe i bënë ato të mbushen me lagështirë. Kjo bënë që temperaturat e mesditës të ndihen disa gradë më të larta për trupin e njeriut se sa vlerat e matura në kafazin meteorologjik (vapë “mbytëse”).

Megjithatë sipas hartave të parashikuara duke filluar nga fundjava e ardhshme pritet rënie e ndjeshme e temperaturave si dhe reshje shiu në një pjesë të madhe të territorit.

The post Rikthehet vala e të nxehtit afrikan, si do të jetë moti sot dhe ditët në vazhdim appeared first on Albeu.com.

“Në fakt duke qenë se edhe sot do të jetë dita e fundit ku mëngjeset janë të freskëta dhe në zona malore temperaturat janë 7 apo 8 gradë, parashikohet që termometri të ngjitet jo më shumë se 25 apo 26 gradë. Ndërkohë bregdeti është në vlerën 15 deri në 17 gradë. Maksimale pritet të ngjitet deri në 30 gradë. E gjithë vija bregdetare sot do të luhatet nga 28 deri në jo më shumë se 30 gradë.

Maksimalja në rang territori do të shënohen në qarkun e Beratit ku priten temperatura maksimale deri në 31 gradë. Duke vijuar që nga sot do të ketë ndryshim të vlerave termike. Do të ketë rritje të temperaturave që nga e marta deri ditën e premte duke kulmuar të premten temperatura shumë të larta për shkak se aktivizohen masa ajrore me origjinë afrikane të cilat epiqendrën në fakt do ta kenë në brigjet greke.

Megjithatë temperatura të larta do të përjetojnë Italia jugore, Shqipëria, Maqedonia e veriut ku termometri do të ngjitet në 37 apo 38 gradë”, u shpreh sinoptikania. Porja tha se ditët e nxehta do të zgjasin nga e marta deri të premten, ndërsa fundjava do të sjellë normalitet të temperaturave.

“Këto ditë të nxehta do të zgjasin nga e marta deri të premten. Sërish fundjava do të sjellë ndryshime duke sjellë rënie të temperaturave në normalitet të tyre në 33 gradë si dhe do të kemi rishfaqje të reshjeve”, u shpreh Porja

The post Rikthehet i nxehti, por sa do të zgjas? Meteorologia tregon ditën kur temperaturat do të arrijnë maksimumin appeared first on Albeu.com.

Sipas meteorologut të MeteoAlb, Hakil Osmani edhe gjatë ditës së martë dhe në vijim do të kemi rritje të temperaturave të ajrit duke bërë që maksimumet deri ditën e enjte të ngjiten në vlerën 37 gradë celcius në qarqet e Elbasanit dhe të Beratit, por po ashtu dhe vlerat minimale të kenë rritje të ndjeshme. Minimumet në zonat malore do të arrijnë vlerat 12 apo 13 gradë celcius.

Duke filluar nga e enjtja dhe në vijim kemi një rritje graduale të lehtë të temperaturave të ajrit.

Për sa i përket kushteve atmosferike do të kemi mbizotërim të motit të qëndrueshëm në territorin shqiptar ku kthjellimet do të jenë dominante. Në zonat malore herë pas here do kemi kalime të pakta të vranësirave.

Parashikohet që gjatë fundjavës vranësirat të jenë disi më të dukshme duke bërë që në zonat malore të kemi dhe momente të pakta me pika shiu.

Për sa i përket parametrit të erës nuk pritet të jetë problematik në pjesën më të madhe të javës, por herë pas here në intervale do të fitojë shpejtësi deri në 45 km/h.

Vendet e rajonit, Kosova dhe Maqedonia e Veriut gjatë kësaj jave parashikohet të jenë në mbizotërimin e motit të qëndrueshëm duke bërë që të kemi alternime kthjellimesh dhe vranësirash.

Vranësirat nuk pritet të gjenerojnë reshje shiu, si në Republikën e Kosovës po ashtu dhe në Maqedoninë e Veriut. Temperaturat e ajrit deri ditën e enjte do të kenë rritje të ndjeshme duke bërë që maksimumet në Kosovë të ngiten deri në 34 gradë celcius, ndërsa në Maqedoninë e Veriut të ngjiten deri në 35 gradë celcius.

The post Vjeshta s’ka ndërmend të vijë, sinoptikanti zbulon kthesën e motit këtë javë: Rikthehet i nxehti, sa do arrijnë temperaturat appeared first on Albeu.com.