Rijad Kobiljar ka nisur një kapitull të ri në karrierë, pasi është zyrtarizuar si futbollist i Muharraq SC. Mesfushori 30-vjeçar i dha fund qëndrimit te Vllaznia për t’iu bashkuar klubit nga Bahreini.

Lajmi u bë i ditur nga klubi shkodran përmes një njoftimi në rrjetet sociale: “KF Vllaznia njofton transferimin e futbollistit Rijad Kobilar te klubi i Bahreinit, Muharraq SC. I urojmë Rijadit shumë suksese në vazhdim të karrierës”.

Boshnjaku kishte mbërritur te Vllaznia në korrik të këtij viti, pas ndarjes nga Tirana. Megjithatë, aventura e tij në Shkodër zgjati pak më shumë se një muaj, përpara se lojtari të vendoste të largohej.

Kobiljar kujtohet veçanërisht për periudhën te Tirana dhe episodin pas fitores 2-1 në derbin ndaj Partizanit. Në atë rast, mesfushori mori megafonin dhe ofendoi ekipin rival, veprim që solli edhe pezullimin e tij nga Disiplina.

The post Rijad Kobiljar largohet nga Vllaznia pas pak më shumë se një muaji, transferohet në Bahrein appeared first on Albeu.com.