“Kryeministri Kurti shprehu mirënjohje për punën, angazhimin dhe kontributin e tij”, u tha në njoftimin e Zyrës së Kurtit.

Ndërkaq, Latifi u tha se ka shprehur gatishmërinë për vazhdimin e mbështetjes së sektorit të shëndetësisë së Kosovës.

Pas dorëheqjes së Latifit, Kurti ka emëruar zëvendësministren Dafina Gexha-Bunjaku në postin e ushtrueses së detyrës së ministres së Shëndetësisë.

Latifi në detyrën e ministrit ishte emëruar në nëntor të vitit të kaluar.

Ai kishte ardhur në këtë pozitë pas dorëheqjes së Arben Vitisë.

Në shtator Qeveria e Kosovës ka themeluar Komisionin Ekzekutiv për Shëndetësi i cili udhëhiqet nga kryeministri Kurti.

Sipas vendimit të Qeverisë, disa nga përgjegjësitë e këtij komisioni janë zhvillimi i sistemit informativ i sistemit shëndetësor, në të gjitha nivelet e sektorit publik dhe privat, analiza dhe definimi i ndarjes dhe bashkëpunimit publiko-privat në shëndetësi si dhe reforma tjera në sistemin shëndetësor të Kosovës.

Ky Komision deri më tani ka zhvilluar disa takime./rel

The post Pas dorëheqjes, Kurti takon ish-ministrin Latifi appeared first on Albeu.com.

I emëruar në muajin nëntor të vitit të kaluar, doktor Rifat Latifi është kirurg shqiptaro-amerikan me prejardhje nga Kosova, ndërsa është i njohur për arritjet e tij në fushën e mjekësisë dhe tele-mjekësisë.

Mediat lokale në Kosovë publikuan letrën e dorëheqjes së ministrit Latifi drejtuar kryeministrit të Kosovës, Albin Kurti ku shprehet:“me zhgënjim të thellë dhe keqardhje pas shumë reflektimesh për disa muajt e fundit, po ju informojë se në mënyrë efektive ju ofroj dorëheqjen time nga posti i ministrit të Shëndetësisë së Republikës së Kosovës që nga sot me datën 6 tetor, 2022”.

Ministri Rifat Latifi është kritikuar për mungesë të rezultateve në sektorin e shëndetësisë.

Më 14 shtator, qeveria e Kosovës themeloi Komisionin Ekzekutiv për Shëndetësi që udhëhiqet nga kryeministri Albin Kurti dhe ka për qëllim bashkërendimin e politikave dhe përmirësimin e shërbimeve në shëndetësi, që mbetët një nga sektorët me gjendjen më të rëndë për shkak të mungesës së investimeve dhe largimit të mjekëve nga Kosova.

Kryetari i Lidhjes Demokratike të Kosovës, Lumir Abdixhiku përmes faqes së tij në Facebook kritikoi qeverinë për mungesë të rezultateve në sektorin e shëndetësisë. “Një vit e gjysmë qeveri, në pritje të ministrit të 3-të në shëndetësi. Vetëm 5% investime kapitale të realizuara sivjet. Fajet? 20 vjet? Paaftësi e papërgjegjësi!”, shkroi zoti Abdixhiku.

Kjo është dorëheqja e dytë e një ministri të shëndetësisë në qeverinë e kryeministrit Albin Kurti. Më 1 tetor të vitit të kaluar ish ministri Arben Vitia dha dorëheqje nga posti i ministrit të shëndetësisë për të kandiduar në zgjedhje lokale për kryetar të komunës së Prishtinës.

The post Jep dorëheqjen Ministri i Shëndetësisë në Kosovë, Rifat Latifi appeared first on Albeu.com.