Hetimi paraprak zbuloi se trupi i tij u gjet nga menaxheri dhe miku i tij i afërt, Paul Speak, i cili kishte shkuar për ta marrë për një fluturim drejt Dubait.

Sipas dëshmisë së dhënë në seancën gjyqësore, Hatton ishte parë për herë të fundit më 12 shtator dhe ishte “dukur mirë”.

Megjithatë, ai nuk u paraqit në një event të planifikuar dhe më pas u gjet “i pajetë” me një “l**tar” rreth qafës.

Prokurorja Alison Mutch deklaroi se shkaku paraprak i vdekjes është “varja”, ndërsa çështja do të rikthehet në gjykatë më 20 mars 2026, pasi të shqyrtohet dosja e plotë e policisë dhe dëshmitë shtesë.

Familja dhe miqtë e tij kanë thënë se Hatton ishte në “një periudhë të mirë” të jetës, duke planifikuar një rikthim në ring në dhjetor dhe udhëtime me fëmijët e tij.

Djali i tij, Campbell, u shpreh se familja po përpiqet të përballet me dhimbjen “ditë pas dite”.

Në funeralin e tij morën pjesë mijëra fansa dhe figura të njohura si Liam Gallagher, Wayne Rooney dhe Tyson Fury, duke nderuar një nga ikonat më të dashura të boksit britanik.

The post E rëndë/ Kampioni i boksit gjendet pa shenja jete në banesën e tij (EMRI+FOTO) appeared first on Albeu.com.

Hatton, një prej emrave më të njohur të boksit britanik, pati një karrierë të suksesshme nga viti 1997 deri në 2012, duke fituar tituj botërorë.

Në korrik të këtij viti, ai kishte njoftuar rikthimin e tij në ring për një ndeshje demonstrative në muajin dhjetor në Dubai, 13 vite pas ndeshjes së tij të fundit profesionale.

Ai pritej të përballej me boksierin Eisa Al Dah më 2 dhjetor.

Gjatë viteve të fundit, Hatton foli hapur për betejat e tij personale me depresionin dhe alkoolin, duke u bërë një zë i rëndësishëm në rritjen e ndërgjegjësimit për shëndetin mendor në sport.

Policia e Greater Manchester, konfirmoi se trupi i një burri 46-vjeçar u gjet mëngjesin e së dielës në një adresë në rrugën Bowlacre në Hyde.

“Oficerët u thirrën nga një qytetar në orën 06:45 të mëngjesit dhe gjetën trupin e një burri 46-vjeçar. Nuk ka dyshime për rrethana të dyshimta”, thuhet në deklaratën zyrtare të policisë.

The post E trishtë/ Ndahet nga jeta në moshën 46-vjeçare legjenda e boksit Ricky Hatton appeared first on Albeu.com.