Riccardo Calafiori mendon se Arsenali duhet të përforcohet me emra të mëdhenj si Vinicius Junior dhe Bruno Guimaraes, në mënyrë që të ruajë titullin e Ligës Premier.

“Topçinjtë” u shpallën kampionë të Anglisë sezonin e kaluar, duke triumfuar për herë të parë që nga edicioni 2003/04. Gara me Manchester Cityn mbeti e hapur deri në javën e fundit të kampionatit.

Përveç suksesit në ligë, ekipi i drejtuar nga Mikel Arteta luajti edhe në finalen e Ligës së Kampionëve dhe të Kupës së Ligës. Në të dyja rastet, Arsenali u mposht përkatësisht nga Paris Saint-Germaini dhe Manchester City, ndërsa rrugëtimi në FA Cup përfundoi në çerekfinale pas humbjes ndaj Southamptoni.

Arteta ka përsëritur në vazhdimësi se synon të krijojë një “dinasti” në klubin londinez, ndërsa objektivat e merkatos së Arsenalit duket se janë në përputhje me këtë plan.

Klubi raportohet se është shumë pranë marrëveshjes për transferimin e Bruno Guimaraes, kapitenit të Newcastle United, për një shumë rreth 75 milionë funte. Ndërkohë, në media vijojnë të qarkullojnë zëra për interesimin e Arsenalit ndaj Vinicius Junior të Real Madridit.

Megjithëse raportimet e fundit sugjerojnë se sulmuesi brazilian mund të rinovojë kontratën me Real Madridin, Calafiori këmbëngul se Arsenali duhet të synojë lojtarë të një kalibri të tillë.

“Ne jemi tashmë në atë nivel”, u shpreh Calafiori, kur u pyet nëse lidhjet me Guimaraesin dhe Viniciusin tregojnë pozicionin aktual të Arsenalit në futbollin evropian.

“Jemi në krye dhe duam ta fitojmë përsëri Ligën Premier.”

“Synimi ynë është të jemi edhe më të fortë se sezonin e kaluar, nëse kjo është e mundur. Për këtë arsye, besoj se na duhen lojtarë të këtij niveli.”

The post Calafiori: Arsenali ka nevojë për futbollistë të nivelit të Viniciusit dhe Guimaraesit appeared first on Albeu.com.

Klubi londinez ka refuzuar menjëherë kërkesën, duke theksuar se nuk ka ndërmend të heqë dorë nga lojtari vetëm një vit pas transferimit të tij.

‘Topçinjtë’ e konsiderojnë Calafiorin pjesë të rëndësishme të planeve të tyre për sezonin e ardhshëm.

Vetë mbrojtësi italian nuk është i interesuar për një largim, duke e bërë të vështirë çdo lëvizje të mundshme drejt Milanit.

Pas refuzimit të Arsenalit, kuqezinjtë kanë kthyer vëmendjen te futbollisti tjetër i Arsenalit, Oleksandr Zinchenko.

Megjithatë, paga e lartë e ukrainasit paraqet një pengesë për realizimin e këtij operacioni.

The post Klubi italian kontakton Arsenalin për Calafiorin, Topçinjtë ia mbyllin derën menjëherë appeared first on Albeu.com.

Sipas David Ornstein, bordi i Arsenalit nuk është i bindur për nënshkrimin e Riccardo Calafiori kur ata tashmë kanë William Saliba dhe Gabriel Magalhaes si çiftin e parë të qendërmbrojtësve.

Mikel Arteta, megjithatë, beson se mbrojtësi i Bolognës mund të shtojë një dimension të ri në lojën e Arsenalit.

Një tjetër qendërmbrojtës nuk do të dëmtonte sa i përket sigurimit të rezervave për Saliba dhe Magalhaes.

Kështu, Arteta ende po përpiqet të bëjë që bordi të ndryshojë mendje dhe të nënshkruajnë me qendërmbrojtësin italian për 50 milionë euro.

Ornstein sugjeron gjithashtu se kufizimet buxhetore të Arsenalit mund të kërkojnë që klubi të shesë dy lojtarë, Oleksandr Zinchenko dhe Jakub Kiwior për të financuar një lëvizje për Calafiori.

23-vjeçari besohet se ka pranuar transferimin te Arsenali, edhe pse në garë për të janë edhe Chelsea dhe Juventus. /Telegrafi/

The post Arteta e do me çdo kusht, por bordi i Arsenalit po hezitojnë të nënshkruajnë me Calafiorin appeared first on Albeu.com.