Shqipëria do të zhvillojë në fund të shtatorit, më 26 dhe 29 të këtij muaji, dy përballjet e radhës në Ligën e Kombeve, ndaj Bjellorusisë dhe San Marinos.

Para këtyre sfidave, disa prej sulmuesve të Kombëtares po kalojnë një formë të shkëlqyer. Rey Manaj ka shënuar 5 gola në po 5 ndeshje të luajtura me Sivassporin në kampionat, një statistikë mbresëlënëse për nisjen e sezonit.

Edhe Taulant Seferi po paraqitet në nivele të larta me Kayserisporin, ku ka realizuar 4 gola në 4 paraqitje në Ligën e Parë të Turqisë. Në formë të mirë ndodhet gjithashtu Jasir Asani, autor i 2 golave, ndërsa Milrind Daku ka kontribuar me 1 gol dhe 2 asistime.

Ernest Muçi, pavarësisht konkurrencës së madhe në një skuadër të mbushur me yje si Trabzonspori, ka lënë gjurmën e tij me 2 asistime. Vendimin përfundimtar se cilët prej tyre do të jenë pjesë e listës për ndeshjet e shtatorit do ta marrë trajneri i Shqipërisë, Rolando Maran.

The post Nga Manaj te Seferi e Asani, sulmuesit kuqezi shpërthejnë me gola në startin e sezonit appeared first on Albeu.com.

Sivasspor po udhëheq 1-0 ndaj Manisas në sfidën e javës së tretë të ligës së dytë turke.

Epërsia e ekipit turk erdhi në minutën e 17-të, kur Rey Manaj realizoi pasi u gjet në një pozicion ideal nga pasimi i Ugur Ciftci, duke dërguar topin në rrjetë.

Për sulmuesin lushnjar të Kombëtares, ky është goli i parë në sezonin e ri në Turqi. Ndërkohë, vijojnë të jenë të pranishme zërat për një largim të tij nga Sivasspor.

Goli i Rey Manaj

The post VIDEO/ Rey Manaj shënon golin e parë në Turqi, Sivasspor kalon në epërsi appeared first on Albeu.com.

Rey Manaj mund të largohet nga Sivasspor, pavarësisht rikthimit të tij me shumë bujë në radhët e klubit bardhekuq.

Sulmuesi lushnjar ka kontratë të vlefshme deri në verën e vitit 2029, por vështirësitë financiare dhe pagat e pashlyera kanë krijuar një situatë kaotike brenda klubit.

Në këto rrethana, për Manajn është shfaqur një mundësi e favorshme për të vazhduar karrierën sërish në Ligën e Parë të Turqisë.

Mediat turke kanë raportuar gjatë orëve të fundit se sulmuesi i Kombëtares është pranë transferimit te Bursaspor. Tashmë mbetet të shihet nëse “pyka” kuqezi do të ndërrojë fanellë dhe ambient përpara nisjes së sezonit të ri.

The post Rey Manaj mendon për të ardhmen, sulmuesi shqiptar pranë gjigantit europian appeared first on Albeu.com.