Gjyqtarja e themelit Atalanta Zeqiraj, konstatoi se të pandehurit për shpërdorim detyre nuk kishin bërë kërkesë për gjykim të shkurtuar në seancë paraprake.

Prokurori Elvin Gokaj, lexoi kërkesën për gjykim dhe i mëshoi një ekspertimi që është kryer në zbatim edhe të detyrave të lëna nga gjykata, ku është konstatuar dëmi ekonomik.

Prokurori i SPAK, kërkoi të thirren në proces 10 dëshmitarë, si dhe bëri me dije emrat që janë pyetur gjatë kësaj kohe në cilësinë e personave që kanë dijeni.

Gjykata bëri edhe verifikimin e të pandehurve dhe gjeneraliteteve, ku kryebashkiaku i Tropojës, u shpreh se jo vetëm që nuk është i dënuar më parë, por s’ka marrë një vërejtje në 35 vite punë.

Kryebashkiaku dhe zv/kryetari i bashkisë Tropojë, akuzohen për “shpërdorim detyre” kryer në bashkëpunim lidhur me ndërtimin e disa rrugëve në kundërshtim me aktet ligjore në fuqi.

Prokuroria vlerëson se hapja e rrugëve sipas projekteve të miratuara nga Këshilli Bashkiak, është bërë në kundërshtim me aktet ligjore e nënligjore në fuqi duke sjellë një dëm prej 277 milionë lekësh.

The post Akuzohet për shpërdorim detyre, dëshmia e kryebashkiakut të Tropojës në GJKKO: Në 35 vite punë, s’kam marrë asnjë kritikë appeared first on Albeu.com.

PD shprehet se tenderi për ndërtimin e rrugës Auto Kika-Gj. Dragobisë-Qafë Paje u fitua nga një ofertë e vetme, pas skualifikimit të disa konkurentëve me çmime më të ulëta.

Kompania fituese, sipas PD, ‘Vllaznimi’ shpk, ka lidhje familjare me Byberin, ç`ka tregon për klientelizëm dhe mungesë transparence.

PD akuzon Bashkinë për pandëshkueshmëri dhe abuzim të përsëritur me fondet publike.

The post Partia Demokratike: Kryebashkiaku i Tropojës favorizon kushëririn me tender 82.9 milionë lekë appeared first on Albeu.com.

Gjykata e Posaçme Kundër Korrupsionit dhe Krimit të Organizuar ka liruar nga masa e “arrestit në shtëpi” kryetarin e Bashkisë së Tropojës, Rexhë Byberin, si dhe nënkryetarin Abedin Kërrnaja, të cilet po hetohen për “shpërdorim detyre” dhe “prerje e pa ligjshme e pyjeve”.

Ndaj Byberit dhe Kërrnajës, togat e zeza vendosën masën e “Detyrim paraqitje 1 herë në muaj”.

Sipas avokatëve ndaj kryetarit dhe nënkryetarit kishte mbaruar afati 6 mujor i masës së sigurisë, duke marrë si referencë vendimin e Gjykatës Kushtetuese ndaj Mimoza Margjekës.

Një seancë më parë, gjykata i la detyra prokurorit të pyesë ekspertët, të cilët kanë përcaktuar dënimin e shkaktuar nga hapja e një rruge në Bashkinë Tropojë.

Sipas Prokurorisë, rezulton se drejtuesi i Bashkisë gjatë procesit për hapjen e rrugëve me një gjatësi 3.2km, e cila në pjesën dërrmuese kalon nëpër rrugën këmbësore ekzistuese, duhej të aplikonte në sistemin elektronik “e-leje” pranë Bashkisë Tropojë, si institucioni vendor që ka tagrin të shqyrtojë dhe miratojë lejen e ndërtimit të infrastrukturës, pasi të ketë verifikuar plotësimin e dokumentacionit të nevojshëm tekniko-ligjor nga aplikuesi siç parashikohet legjislacioni për këto lloj punimesh”.

Prokuroria thotë se: “Bashkia Tropojë duhej të bashkëvepronte me institucionet e tjera kompetente për ndërtimin e rrugës si: Agjencia Kombëtare e Mjedisit për hartimin e Raportit të Vlerësimit për ndikimin në mjedis, si edhe me Ministrinë e linjës, për impaktin e ndërtimit të rrugës së re dhe pasojat e këtyre punimeve të ndërtimit”.

The post Pas 6 muajsh në “arrest shtëpie”, lihet i lirë kryetari i Bashkisë Tropojë Rexh Byberi appeared first on Albeu.com.

Byberi dhe vartesi i tij, nën/kryetari Abedin Kërrnaja akuzohen për shpërdorim detyre në bashkëpunim lidhur me hapjen e 2 akseve rrugore.

Byberi dhe nën/kryetari Kërrnaja akuzohen se kanë vepruar në kundërshtim me ligjin për miratimin e rregullores së zhvillimit të territorit për akset rrugore, “Stacioni i Anijes Palç- Guri i Lules” dhe “Qafë Murrizi- Qafë Agri”.

Zyrtarët nuk kanë ndërvepruar as me institucionet e tjera kompetente si : Agjencia Kombëtare e Mjedisit, ndikimin në mjedis dhe me Ministrinë e Linjës për impaktin e ndërtimit të rrugës së re dhe pasojat e këtyre punimeve.

Sipas SPAK, nga ekspertimi tekniko-topografik rezulton se hapja e rrugëve në kundërshtim me aktet ligjore e nënligjore ka sjell një dëm ekonomik prej 277 milion lekësh ose rreth 2.5 milion euro.

Njoftimi:

Kërkuesi Rexhe Byberi me datë 14.11.2024 ka paraqitur pranë Gjykatës kërkesën me objekt: “Zëvendësimin e masës së sigurimit personal “Arrest në shtëpi”, parashikuar nga neni 237 i Kodit të Procedurës Penale, caktuar me Vendimin nr. 112, datë 06.09.2024, të Gjykatës së Posaçme të Shkallës së Parë për Korrupsionin dhe Krimin e Organizuar me një masë më të lehtë”.

2. Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtare Etleva Deda, bazuar në nenet 246 pika 6 dhe 260 të K.Pr.Penale, me vendimin Nr. 654, datë 13.12.2024, vendosi:

1. Rrëzimin e kërkesës së kërkuesit/personit nën hetim Rexhe Byberi, me objekt: “Zëvendësimin e masës së sigurimit personal “Arrest në shtëpi”, parashikuar nga neni 237 i Kodit të Procedurës Penale, caktuar ndaj tij me Vendimin nr. 112, datë 06.09.2024, të Gjykatës së Posaçme të Shkallës së Parë për Korrupsionin dhe Krimin e Organizuar me një masë sigurimi më të lehtë.”, si të pambështetur në ligj dhe prova.

2. Shpenzimet gjyqësore i ngarkohen kërkuesit.

3. Kundër këtij vendimi lejohet ankim brenda afatit ligjor në Gjykatën e Posaçme të Apelit për Korrupsionin dhe Krimin e Organizuar.
Tiranë, më datë 13.12.2024

Disa ditë më parë PD akuzoi Byberin se kishte thyer masën e arrestit shtëpiak. Genta Vangjeli, zëdhënësja e antikorrupsionit në PD pretendoi gjatë një konference për shtyp se “Byberi, më 6 Dhjetor është paraqitur në zyrën e tij për të bërë takim me administratën e Bashkisë”.

The post Akuzohet për shpërdorim detyre, GJKKO lë në arrest shtëpie kryebashkiakun e Tropojës, Rexhë Byberin appeared first on Albeu.com.

GJKKO ka caktuar ndaj Byberit masën “arrest shtëpie” pasi akuzohet për “shpërdorim detyre”, “prerje e paligjshme e pyjeve” dhe “shkatërrim i pronës”. Sipas hetimeve të SPAK, në bashkëpunim me njëri-tjetrin, Byberi dhe nënkryetarin e bashkisë Abedin Kërnaja, kanë shkelur ligjin në miratimin e dy vendimeve në Këshillin Bashkiak për ndërtimin e rrugëve, duke i shkaktuar buxhetit të shtetit një dëm prej 277 milionë lekësh.

The post FOTO/ Kryetari i bashkisë së Tropojës thyen masën “arrest në shtëpi” të caktuar nga GJKKO appeared first on Albeu.com.

Nga aktet rezulton se, me datë 09.08.2021, Prokuroria pranë Gjykatës së Rrethit Gjyqësor Tropojë, ka regjistruar procedimin penal Nr.131 viti 2021 për veprën penale të “Shkatërrimi i pronës” i parashikuar nga neni 150 i Kodit Penal. Gjithashtu Prokuroria pranë Gjykatës së Rrethit Gjyqësor Tropojë ka regjistruar procedimin penal nr. 27 i vitit 2023 për veprën penale të “Shpërdorimi i detyrës” dhe “Prerja e paligjshme e pyjeve” parashikuar nga neni 248 dhe 205 të Kodit Penal. Prokuroria pranë Gjykatës së Shkallës së Parë të Juridiksionit të Përgjithshëm Kukës ka regjistruar procedimin penal nr. 444 të vitit 2023 për veprën penale të “Shpërdorimi i detyrës” dhe “Prerja e paligjshme e pyjeve” parashikuar nga neni 248 dhe 205 të Kodit Penal. Me vendimin e datës 12.09.2023, është vendosur  bashkimi e këtyre procedimeve të vetëm me nr.131 të vitit 2021 për veprën penale të “Shpërdorimi i detyrës”, “Prerja e paligjshme e pyjeve” dhe “Shkatërrimi i pronës” parashikuar nga nenet 248, 205 dhe 150 të Kodit Penal.
Në tërësi nga veprimet procedurale të kryera deri në këtë fazë të hetimit ekzistojnë dyshime të arsyeshme se shtetasi Rexhe Byberi, në cilësinë e Kryetarit të Bashkisë Tropojë në bashkëpunim me shtetasin Abedin Kërrnaja me detyrë zv/kryetar i Bashkisë Tropojë, ka kryer veprime/mosveprime që përbëjnë mospërmbushje të rregullt të detyrës, të kryera në kundërshtim me nenin 11 Nr. 408, datë 13.5.2015 “Për miratimin e rregullores së zhvillimit të territorit”, gjatë procesit të për hapjen e rrugëve sipas projekteve të miratuara nga Këshilli Bashkiak:

The post Akuzohet për shkatërrim prone e shpërdorim detyre, vihet në arrest shtëpie kryebashkiaku i Tropojës Rexhë Byberi appeared first on Albeu.com.

Aksioni vjen pas protestave të vazhdueshme të banorëve të njësisë Administrative Fierzë në Tropojë të cilët i kanë kërkuar institucioneve të reagojnë menjëherë për të bllokuar punën në guroret dhe ndalimin e ndërtimit të një fabrike bitumi që po ndërtohet anës këtij aksi.

Banorët kanë ngritur pretendimet se këto subjekte po shkatërrojnë habitatin natyror të bjeshkëve, turizmin malor, ndotjen e ujit të pijshëm dhe vështirësojnë jetesën e tyte.

Ata pretendojnë se aktiviteti i guroreve dhe fabrikës së bitumit nuk ka asnjë dokumentacion ligjor.

Lidhur me këtë çështje, dy ditë më parë ata kanë kallëzuar penalisht në SPAK, kreun e Bashkisë së Tropojës, Rexhë Byberi, me akuzën e shpërdorimit të detyrës dhe favorizim të familjarëve.

Sipas banorëve të zonës, krybashkiaku i Tropojës ka favorizuar kushurinjtë e tij në shkelje të hapur të ligjit për konfliktin e interesit.

“Ne kallëzuesit jemi banorë të Bashkisë Tropojë, ku po bëjmë rreth 3 vjet që sorollatemi nga kryetari i bashkisë Rexhe Byberi duke mos gjetur zgjidhje.

Lryetari i bashkisë Tropojë Rexhe Byberi është i përfshirë në  aktivitete kriminale , dhe për këtë arsye jemi duke bërë këtë kallzim  ku e akuzojmë për veprën penale të “Shpërdorimit të detyrës” parashikuar nga neni 248 i K.Penale  dhe për veprën penale të “Korrupsioni pasiv i funksionarëve të lartë shtetërorë ose i të zgjedhurve vendor”.

Këtë aktivitet kriminal ky kryetar bashkie e ushtron me djemtë e xhaxhait të tij ku një prej tyre është dhe i kallzuari prej nesh Avni Byberi, akuzuar për veprën penale të “Korrupsioni aktiv  i funksionarëve të lartë shtetërorë ose i të zgjedhurve vendor” parashikuar nga neni 245 i Kodit Penal dhe “Pastrim i produkteve të veprës penale” të parashikuar nga neni 287 i K.Penal.”, thuhet në denoncimine banorëve.

The post VIDEO/ Pas denoncimit në SPAK të kryebashkiakut Rexhë Byberi, IKMT shemb guroren në Tropojë appeared first on Albeu.com.

Sipas Gazetës Panorama, kallëzimi ndaj tij është bërë nga 300 banorë për shpërdorim detyre.

Sipas banorëve të zonës, krybashkiaku i Tropojës ka favorizuar kushurinjtë e tij në shkelje të hapur të ligjit për konfliktin e interesit.

“Ne kallëzuesit jemi banorë të Bashkisë Tropojë, ku po bëjmë rreth 3 vjet që sorollatemi nga kryetari i bashkisë Rexhe Byberi duke mos gjetur zgjidhje. Kryetari i bashkisë Tropojë Rexhe Byberi është i përfshirë në  aktivitete kriminale , dhe për këtë arsye jemi duke bërë këtë kallzim  ku e akuzojmë për veprën penale të “Shpërdorimit të detyrës” parashikuar nga neni 248 i K.Penale  dhe për veprën penale të “Korrupsioni pasiv i funksionarëve të lartë shtetërorë ose i të zgjedhurve vendor”. Këtë aktivitet kriminal ky kryetar bashkie e ushtron me djemtë e xhaxhait të tij ku një prej tyre është dhe i kallzuari prej nesh Avni Byberi, akuzuar për veprën penale të “Korrupsioni aktiv  i funksionarëve të lartë shtetërorë ose i të zgjedhurve vendor” parashikuar nga neni 245 i Kodit Penal dhe “Pastrim i produkteve të veprës penale” të parashikuar nga neni 287 i K.Penal.”, thuhet në denoncimine  banorëve.

The post Kallëzohet në SPAK kryetari socialist i Bashkisë Tropojë appeared first on Albeu.com.

Jepni pëlqimin tuaj: Kush fiton në Tropojë ?

Në këtë sondazh do të kenë mundësi që lexuesit të japin pëlqimin e tyre për kandidatin e preferuar.

FUTU KËTU TE FAQJA KRYESORE E SONDAZHIT

Secili prej lexuesve do të ketë mundësi të votojë vetëm një herë në sondazh gjatë një jave.

Sondazhi do të mbyllet në fund të javës dhe rezultatet do të bëhen publike të dielën, për t’u rihapur sërish të henën e javës pasardhëse. /Albeu.com/

The post SONDAZH/ Beteja për Tropojën, bashkinë e fiton Rexhë Byberi apo Besnik Dushaj? appeared first on Albeu.com.