News agency Reuters writes that Prime Minister “Edi Rama defended the government’s decision to spend such an amount of money, as he tries to soften the strong public backlash and anger that has fueled protests and calls for his resignation.”

Reuters notes that Kanye West has been banned from performing in several European countries this summer following his statements, which have included praise for Adolf Hitler and the use of Nazi symbols.

The concert, scheduled for July 11 on the outskirts of Tirana, is expected to take place in a temporary stadium built specifically for the event.

In a Facebook post, Rama said the €4 million fund was approved at the last minute in order, according to him, to avoid damaging Albania’s image.

“We allocated €4 million at the last minute to avoid Albania’s humiliation in front of nearly 25,000 visitors from 80 countries around the world, who had already bought tickets for Kanye West’s concert, while many others feared it might be canceled,” Reuters quotes Rama as saying.

According to the prime minister, the event is expected to bring the Albanian economy at least €100 million in revenue, thanks to increased hotel bookings and tourism-related activities during the days of the concert.

However, his statements have sparked numerous critical reactions on social media. One commenter wrote that “Albania is humiliated when it welcomes a singer who admires Hitler,” while another responded: “Shame, not with my money!”

Reuters recalls that civic protests in Tirana have continued every day for more than a month. They initially began against plans to build a luxury resort linked to Jared Kushner, the son-in-law of U.S. President Donald Trump.

The protests later widened to oppose other tourism projects near protected coastal areas, while protesters are also demanding Prime Minister Edi Rama’s resignation, accusing the government of corruption.

The post His government is accused of corruption/ Reuters: Rama defends €4 million funding for Kanye West as thousands of protesters demand his resignation every day appeared first on Albeu.com.

Agjencia e lajmeve “Reuters” shkruan se kryeministri ‘Edi Rama mbrojti vendimin e qeverisë për të shpenzuar një shumë të tillë parash, ndërsa përpiqet të zbusë reagimet e forta publike dhe zemërimin që ka shtuar protestat dhe kërkesat për dorëheqjen e tij’.

Reuters thekson se Kanye West është ndaluar të performojë në disa vende evropiane këtë verë pas deklaratave të tij, të cilat kanë përfshirë lavdërime për Adolf Hitlerin dhe përdorimin e simboleve naziste.

Koncerti, i planifikuar për më 11 korrik në periferi të Tiranës, pritet të zhvillohet në një stadium të përkohshëm të ndërtuar posaçërisht për këtë aktivitet.

Në një postim në Facebook, Rama deklaroi se fondi prej 4 milionë eurosh u miratua në momentet e fundit për të shmangur, sipas tij, dëmtimin e imazhit të Shqipërisë.

“Ne akorduam 4 milionë euro në minutën e fundit për të shmangur turpërimin e Shqipërisë përballë afro 25 mijë vizitorëve nga 80 vende të botës, të cilët kishin blerë tashmë biletat për koncertin e Kanye West, ndërsa shumë të tjerë kishin frikë se ai mund të anulohej”, citohet Rama nga Reuters.

Sipas kryeministrit, eventi pritet t’i sjellë ekonomisë shqiptare të paktën 100 milionë euro të ardhura, falë rritjes së rezervimeve në hotele dhe aktiviteteve turistike gjatë ditëve të koncertit.

Megjithatë, deklaratat e tij kanë shkaktuar reagime të shumta kritike në rrjetet sociale. Një komentues shkroi se “Shqipëria turpërohet kur mirëpret një këngëtar që admiron Hitlerin”, ndërsa një tjetër reagoi: “Turp, jo me paratë e mia!”.

Reuters kujton se në Tiranë protestat qytetare kanë vazhduar çdo ditë për më shumë se një muaj. Fillimisht ato nisën kundër planeve për ndërtimin e një resorti luksoz të lidhur me Jared Kushner, dhëndrin e presidentit amerikan Donald Trump.

Më pas, protestat u zgjeruan duke kundërshtuar edhe projekte të tjera turistike pranë zonave të mbrojtura bregdetare, ndërsa protestuesit kërkojnë edhe dorëheqjen e kryeministrit Edi Rama, duke e akuzuar qeverinë për korrupsion.

The post Qeverinë e tij e akuzojnë për korrupsion/ “Reuters”: Rama mbron financimin 4 milionë euro për Kanye West, ndërkohë mijëra protestues çdo ditë i kërkojnë dorëheqjen appeared first on Albeu.com.

Sipas një analize të publikuar nga Reuters, Kupa e Botës 2026 mund të mbahet mend si turneu që riformësoi në themel raportet e forcës në futbollin botëror. Skuadrat që dikur sundonin pa diskutim nuk e kanë më atë monopol, ndërsa përfaqësueset që për vite me radhë qëndronin në prapaskenë tashmë po rivalizojnë në mënyrë të barabartë për pozitat më të larta.

Ndryshimi më i qartë, sipas kësaj tabloje, përfaqësohet nga Gjermania. Katër herë kampionët e botës u ndalën në fazën e 1/16-tës nga Paraguai, Uruguai e mbylli rrugëtimin që në fazën e grupeve, ndërsa Holanda u eliminua nga Maroku. Italia, ndërkohë, dështoi të sigurojë pjesëmarrjen në Kupën e Botës për herë të tretë radhazi.

Në këtë kontekst, bie në sy edhe një tjetër fakt domethënës: Italia, Gjermania dhe Spanja, pas fitimit të titujve të tyre të fundit botërorë, nuk kanë arritur të fitojnë as edhe një ndeshje në fazën me eliminim direkt të këtij kompeticioni.

Nga ana tjetër, kombëtaret që deri jo shumë kohë më parë konsideroheshin jashtë rrethit të favoritëve, tashmë po zënë vend qendror në skenën ndërkombëtare. Maroku vazhdoi të tregojë se arritja e vitit 2022 nuk ishte rastësi, Paraguai shkaktoi befasi të madhe duke nxjerrë jashtë Gjermaninë, ndërsa Reuters përmend mes skuadrave që po marrin gjithnjë e më shumë vëmendje edhe Algjerinë, Egjiptin, Ganën dhe debutuesit e Kepit të Gjelbër.

Se futbolli botëror po kalon një transformim të thellë, e pranoi edhe trajneri i Gjermanisë, Julian Nagelsmann, pas eliminimit të ekipit të tij. Ai shprehu një mendim që deri para pak kohe do të dukej i paimagjinueshëm: “Do të ishte shumë arrogante të thuash se jemi ndër ekipet kombëtare më të mira në botë. Thjesht nuk jemi më”, tha Nagelsmann.

Një frymë e ngjashme po vërehet edhe në Itali, ku drejtuesit e federatës së futbollit kanë paralajmëruar ndërhyrje rrënjësore në sistemin e zhvillimit të lojtarëve dhe në mënyrën si funksionon ekipi kombëtar, me synimin për ta rikthyer vendin në majën e futbollit botëror.

Reuters veçon Marokun si modelin më të spikatur të këtij realiteti të ri. Pasi hynë në histori në Katar me arritjen në gjysmëfinale, marokenët kanë vijuar të investojnë në rritjen e talenteve të reja. Trajneri aktual, Mohamed Ouahbi, fitoi Kupën e Botës me ekipin U-20 vetëm një vit më parë, ndërsa shumë prej atyre lojtarëve të rinj tani po udhëheqin skuadrën edhe në nivelin senior.

Në përfundim, Reuters vlerëson se Kupa e Botës 2026 nuk paraqet më një histori ku favoritët tradicionalë imponohen ndaj të tjerëve. Futbolli, sipas kësaj analize, ka hyrë në një fazë të re, ku gjithnjë e më shumë kombëtare besojnë me të drejtë se mund të mposhtin këdo, ndërsa kufiri i dikurshëm i qartë mes të mëdhenjve dhe të vegjëlve po zbehet gjithnjë e më shumë.

The post Reuters: Botërori 2026 po vulos një ekuilibër të ri global në futboll appeared first on Albeu.com.

“Protestuesit mbanin pankarta me mbishkrimin “Shqipëria nuk është në shitje” dhe brohorisnin “Shqipëria e Re” përpara Kryeministrisë. Turma e demonstruesve u shtri përgjatë një prej bulevardeve kryesore të kryeqytetit.

“Protesta përbën një tjetër sfidë për kryeministrin Edi Rama, i cili drejton vendin që prej vitit 2013. Një pjesë e qytetarëve e akuzojnë qeverinë se nuk ka arritur të luftojë korrupsionin dhe të përmirësojë shërbimet bazë, si shëndetësia”, shkruan Reuters.

Në një intervistë për Reuters këtë javë, Rama deklaroi se projekti do të vijojë dhe do të realizohet në mënyrë të përgjegjshme.

Ai theksoi gjithashtu se janë ndërmarrë hapa për të reduktuar korrupsionin, duke përmendur krijimin e Strukturës së Posaçme Kundër Korrupsionit dhe Krimit të Organizuar (SPAK), e cila ka hapur disa hetime të profilit të lartë vitet e fundit.

Megjithatë, pakënaqësitë ndaj qeverisë mbeten të forta. Më herët gjatë këtij viti pati përplasje të dhunshme gjatë protestave që kërkonin dorëheqjen e ish-zëvendëskryeministres Belinda Balluku për akuza të lidhura me korrupsionin. Edhe pse Rama e shkarkoi Ballukun, mosbesimi ndaj institucioneve vazhdon, thuhet në shkrimin e Reuters.

The post Mijëra qytetarë kërkojnë largimin e Ramës, Reuters: Protestat, sfidë për kryeministrin! E akuzojnë se nuk lufton korrupsionin appeared first on Albeu.com.

Agjencia e lajmeve “Reuters” shkruan se; “Balluku u shkarkua, ndërsa ajo përballet me akuzat për abuzime me tenderat publik”, ndërsa theksohet se këto akuza kanë nxitur edhe protestat e opozitës.

“Struktura e Posaçme kundër Korrupsionit dhe Krimit të Organizuar, e njohur si SPAK, ngriti aktakuzë ndaj Ballukut në dhjetor, nën dyshimin se ka ndërhyrë në dhënien e dy kontratave ndërtimi në vitin 2021, me vlerë mbi 200 milionë euro”, thuhet më tej në shkrimin e “Reuters”.

Ndërkohë, Parlamenti pritet të vendosë më 5 mars nëse do të votojë apo jo për heqjen e imunitetit të Belinda Ballukut, duke i hapur rrugë SPAK për ta arrestuar atë.

Kryeministri, i cili drejton vendin që prej vitit 2013, nuk dha arsye konkrete për shkarkimin e saj, që erdhi në kuadër të një riorganizimi më të gjerë të qeverisë, ku u prekën shtatë poste, përfshirë ministrat e Mbrojtjes dhe të Jashtëm.

Zëdhënësja e qeverisë, Manjola Hasa, deklaroi për Reuters se; “Rama kishte paralajmëruar që në fillim të mandatit se riorganizimet mund të ishin më të shpeshta, ndërsa gjatë katër muajve të fundit kishte refuzuar tre herë dorëheqjen e Ballukut”.

“Që prej marrjes së saj të pandehur, forca më e madhe opozitare, ka organizuar protesta duke kërkuar dorëheqjen e Ramës. Gjatë tubimeve janë regjistruar përplasje, ku protestuesit kanë hedhur bomba molotov, ndërsa ka pasur të lënduar si nga radhët e policisë ashtu edhe të demonstruesve”, shkruan Reuters.

Shqipëria, e cila synon anëtarësimin në deri në vitin 2030, përballet me presion nga Brukseli për të intensifikuar luftën kundër korrupsionit dhe krimit të organizuar.

Zyrtarë të BE-së, kanë deklaruar se po ndjekin nga afër mënyrën se si qeveria po i trajton çështjet e korrupsionit, duke theksuar se progresi në këtë drejtim është kyç për integrimin evropian të vendit.

The post Shkarkimi i Ballukut jehonë në mediat ndërkombëtare/ “Reuters”: SPAK e akuzon për abuzime me tenderat, BE ndjek qeverinë shqiptare si po trajton çështjet e korrupsionit appeared first on Albeu.com.

Sipas raportimit të Reuters, një gjykatë pezulloi në nëntor zëvendëskryeministren Belinda Balluku, pas një padie të ngritur nga Prokuroria e Posaçme kundër Korrupsionit dhe Krimit të Organizuar, SPAK. Ajo akuzohet për ndërhyrje të dyshuar në një tender për projekte infrastrukturore, akuza që i ka mohuar.

Çështja ka nxitur përplasje mes SPAK-ut, i cili i ka kërkuar Kuvendit heqjen e imunitetit të Ballukut për të mundësuar arrestimin e saj, dhe kryeministrit Rama, i cili ka kritikuar atë që e cilëson si tejkalim kompetencash nga ana e gjyqësorit, veçanërisht lidhur me masat e paraburgimit.

Shqipëria synon anëtarësimin në European Union deri në vitin 2030, por Brukseli ka theksuar vazhdimisht se vendi duhet të intensifikojë luftën kundër krimit dhe korrupsionit.

Partia Socialiste, e drejtuar nga Rama, e cila siguroi një mandat të katërt radhazi vitin e kaluar dhe gëzon shumicë të konsiderueshme parlamentare, pritet të ketë rol vendimtar në çdo vendim për imunitetin e Ballukut, e cila më herët ka mbajtur edhe postin e ministres së Infrastrukturës dhe konsiderohet aleate e afërt e kryeministrit.

“Momenti kur një ministër shkarkohet, nuk është vetëm një person i shkarkuar, por e gjithë puna e atij institucioni”, citohet të ketë thënë Rama para deputetëve socialistë, duke shpallur planin për ndryshimet ligjore.

Ndërkohë, Partia Demokratike e Shqipërisë ka reaguar ashpër, duke e akuzuar kryeministrin se po kërkon të ndikojë në procedurat gjyqësore në favor të tij.

“Kjo nuk është gjë tjetër veçse një përpjekje e Ramës për të mbrojtur veten, duke hedhur në erë si pavarësinë e gjyqësorit ashtu edhe ndarjen e pushteteve… sepse pas Ballukut dhe keqbërjeve të saj qëndron Rama”, thuhet në deklaratën e opozitës për Reuters.

Në muajt e fundit, opozita ka organizuar protesta në Tiranë duke kërkuar dorëheqjen e Ballukut, ndërsa debati mbi rolin e drejtësisë dhe balancën e pushteteve mbetet në qendër të zhvillimeve politike në vend.

The post Reuters: Kryeministri Rama paralajmëron ndryshime ligjore për të mbrojtur ministrat nga pezullimi! appeared first on Albeu.com.

Reuters raporton se prokurorët ndërkombëtarë për krime lufte kanë kërkuar dënim me 45 vjet burg për ish-presidentin e Kosovës, Hashim Thaçi, dhe tre të bashkëakuzarit, ish-komandantë të Ushtrisë Çlirimtare të Kosovës (UÇK).

Sipas raportit të Reuters, ata janë akuzohen për përndjekje, vrasje, torturë dhe zhdukje të detyruara gjatë dhe menjëherë pas konfliktit të vitit 1998–99, që çoi drejt pavarësisë së Kosovës nga Serbia.

Gjykimi ndaj Thaçit dhe të tjerëve në fazën përfundimtare – ZPS kërkon 45 vjet dënim për secilin

Prokurorja Kimberly West i tha gjykatës në Dhomat e Specializuara në Hagë se të akuzuarit kryen krime kundër “personave që i potenconin si kundërshtarë” për të marrë kontrollin e Kosovës, duke përfshirë më shumë se 100 vdekje dhe keqtrajtime në kampet e UÇK-së.

Thaçi, i cili ka shërbyer si kryeministër, ministër i Jashtëm dhe president i Kosovës midis viteve 2008 dhe 2020, mohon të gjitha akuzat së bashku me të bashkëakuzarit.

Raporti i Reuters nënvizon se kjo gjykatë, e themeluar në Hagë me gjyqtarë dhe prokurorë ndërkombëtarë, është ngritur për të trajtuar krimet e dyshuara të luftës sipas ligjit të Kosovës, por ka sfiduar perceptimet e brendshme ku shumë e shohin UÇK-në si heroike e gjykatën si të njëanshme.

The post Reuters raporton për fazën përfundimtare të gjykimit ndaj krerëve të UÇK-së appeared first on Albeu.com.

Sipas agjencisë ndërkombëtare të lajmeve Reuters, samiti që do të mbahet në Tiranë do të mbledhë krerët e shteteve më të fuqishme të kontinentit, përfshirë liderët e Francës, Gjermanisë dhe Mbretërisë së Bashkuar.

Takimi zhvillohet në një moment kritik kur Ukraina dhe Rusia po përgatiten për bisedimet e para për paqe që prej fillimit të luftës.

Përtej sfidave globale, vëmendja e Ballkanit është e përqendruar tek procesi i anëtarësimit në BE. Shqipëria, si një nga vendet më të varfra të Evropës me një të kaluar të rëndë komuniste dhe sfida të mëdha ekonomike e politike, pret që samiti të jetë një pikë kthese drejt integrimit evropian.

Reuters raporton se vendi është në përgatitje të plotë për mikpritjen e liderëve. Aeroporti i Tiranës, që ndodhet në proces rikonstruksioni për shkak të një rritjeje të ndjeshme të turizmit, ka paralajmëruar ndërprerje të mundshme të fluturimeve për shkak të ngarkesës ajrore.

Kufizime të forta janë vendosur edhe në qarkullimin rrugor në kryeqytet, sidomos përreth qendrës ku do të mbahet samiti, në një strukturë të re gjigante për konferenca.

Megjithatë, rruga drejt BE-së nuk është e lehtë. Shqipëria përballet ende me probleme serioze të sundimit të ligjit, pastrimit të parave dhe mungesës së transparencës politike. Zgjedhjet e fundit, të fituara bindshëm nga kryeministri Edi Rama, janë në hetim nga prokuroria mes akuzave për manipulim nga opozita.

Kundërshtarët politikë nuk kanë qëndruar në heshtje. Lideri i opozitës, Sali Berisha, ka bërë thirrje për një protestë paqësore gjatë zhvillimit të samitit.

Sipas Reuters, ekspertët ndërkombëtarë vlerësojnë se politika e jashtme aktive e Shqipërisë, përfshirë marrëveshjen me Italinë për emigrantët dhe angazhimin në investime të huaja si ajo e Jared Kushner, mund të rrisin besueshmërinë e vendit në sytë e BE-së.

Ndërkohë, edhe Kosova dhe Serbia ndjekin të njëjtën rrugë integrimi, ndonëse përplasjet mes tyre vazhdojnë të mbeten pengesë. Kosova është aktualisht nën sanksione të BE-së për rolin e kryeministrit Albin Kurti në tensionet etnike në veri, ndërsa presidenti serb Aleksandar Vuçiç mori pjesë në një ceremoni përkujtimore në Moskë, në kundërshtim me qëndrimet e Brukselit.

Samiti në Tiranë, sipas Reuters, është një provë për vetëdijen politike të Evropës dhe për vendosmërinë e saj për të mbështetur jo vetëm sigurinë dhe demokracinë, por edhe aspiratat e vendeve të Ballkanit Perëndimor.

The post Komuniteti Politik Europian në Tiranë, agjencia ndërkombëtare e lajmeve Reuters: Shqipëria e vogël dhe aspiruese pret samitin gjigant europian appeared first on Albeu.com.

Pjesë nga intervista:

Edi Rama: Gjermania duhet të gjejë një partner tjetër, sepse Shqipëria ka krijuar një marrëveshje me Italinë dhe Shqipëria nuk mund ta bëjë këtë me të gjithë. Dhe nëse Gjermania gjen një partner tjetër në rajon, do të ishte mirë të shihej nëse funksionon në të njëjtën mënyrë.

Kur mbeten edhe pak muaj nga zgjedhjet e përgjithshme, kreu i qeverisë shfaq hapur objektivin e tij për të kandiduar për një mandat të katërt si kryeministër.

Edi Rama: Plani është të kandidojmë. Unë besoj se duhet të kandidoj sepse ka punë për të përfunduar. Në këto tre mandate, ne kemi bërë gjëra të mahnitshme. Shqipëria ishte vetëm një lajm i keq kur bëhej fjalë për lajme, por tani kemi kapërcyer tavanin e 10 milionë turistëve në një vend ku turizmi ishte një ide e mire, por nuk ishte bërë ende realitet. Ka ende shumë gjëra për tu bërë, siç është lufta kundër korrupsionit që duhet të jetë një luftë e pakthyeshme.

Dhe një nga arsyet që sipas tij shqiptarët duhet t’i besojnë socialistëve një mandat tjetër është edhe integrimi i Shqipërisë në Bashkimin Europian brenda vitit 2030.

Edi Rama: Mundësia është tani më shumë se kurrë. Kështu që synimi ynë gjithsesi është që ta bëjmë Shqipërinë një vend anëtar si një vend për të bërë të gjitha detyrat e shtëpisë, duke përfshirë të gjitha reformat e ndërtimit të institucioneve, të përmbushin të gjitha kriteret dhe standardet brenda vitit 2030.

The post Kryeministri Rama flet për “Reuters”: Nuk ka marrëveshje tjetër si ajo me Italinë për emigrantët appeared first on Albeu.com.

Shkrimi i “Reuters” për kombëtaren shqiptare dhe për tifozerinë “kuqezi”:

Shqipëria kthehet në shtëpi si skuadra e fundit e grupit të tyre në Euro 2024 me vetëm një pikë, por këto fakte nuk tregojnë asgjë për kontributin e saj të shkëlqyeshëm në turne në betejat pasionante kundër tre prej skuadrave kryesore të turneut.

Me Shqipërinë në Gjermani, përballë kampionëve në fuqi, Italisë në ndeshjen e tyre hapëse, trajneri brazilian Sylvinho nuk mund ta imagjinonte kurrë në ëndrrat e tij më të çmendura se sa mirë do të fillonte turneu i dytë Europian në histori për “kuqezinjtë”.

Nga nisja e ndeshjes, Shqipëria bëri tre pasime, Italia gaboi nga rivënia dhe Nedim Bajrami u hodh për të goditur topin, duke shënuar pas vetëm 23 sekondave lojë dhe duke realizuar golin më të shpejtë në historinë e EURO. Një gol që ndezi festën në mesin e dhjetëra mijëra tifozëve të veshur “kuqezi” në Dortmund, kaos në baret dhe shtëpitë e kryeqytetit shqiptar, Tiranë dhe një moment i pavdekshëm për kombin krenar ballkanik.

Italia më pas shënoi dy gola, por Shqipëria i mbajti nën presion deri në fund, për pak sa nuk barazoi në shtesë, duke sjellë duartrokitje në stadium dhe duke habitur mbarë botën për një ekip që askush nuk kishte shpresë se mund të bënte diçka në grupin ku ndodhej.

Kundër Kroacisë në ndeshjen e radhës të Grupit B, Shqipëria i emocionoi sërish tifozët e saj pasi sfidoi dhe barazoi 2-2 me një gol në sekondat e fundit, në një nga ndeshjet më pulsuese të turneut deri më tani.

Shqiptarët u shfaqën më të përmbajtur në ndeshjen e tyre të tretë, në një humbje të ngushtë 1-0 ndaj Spanjës, por gjithsesi i dhanë kundërshtarëve të tyre shumë momente të pakëndshme nëpërmjet Jasir Asanit dhe Kristjan Asllanit.

Federata ambicioze e futbollit e Shqipërisë shpreson që përvoja në Gjermani t’i ndihmojë për të ardhmen, me paraqitje më të rregullta. Një gjë për të cilën mund të jenë të sigurt shqiptarët është mbështetja e jashtëzakonshme.

Shumë ishin të befasuar kur panë shqiptarët në numër më të madh se italianët në ndeshjen hapëse, dhe kjo vazhdoi gjatë gjithë kohës, zhurma dhe ngjyra e tifozëve “kuqezi” përputheshin me numrin e madh të tyre. Disa erdhën nga shtëpia e disa të tjerë nga diaspora globale shqiptare.

The post “Reuters” shkrim për Kombëtaren: Nga goli më i shpejtë te tifozët fantastikë, Shqipëria solli surpriza në EURO 2024 appeared first on Albeu.com.