Në mot me shi apo dëborë uji depërton brenda godinës së tregut, duke dëmtuar të gjitha produktet e tregtarëve, të cilët prej vitesh përballen me të njëjtën situatë.

Që në orët e para të mëngjesit, tregtarët u detyruan të hapnin tregun me kova e lecka në duar, në përpjekje për të minimizuar dëmet dhe për të larguar ujin që kishte mbuluar ambientin.

Megjithatë, për shkak të reshjeve të shumta, ato thonë se nuk kanë arritur dot të shpëtojnë mallrat, pasi një pjesë e konsiderueshme e tyre është lagur dhe rrezikon të dëmtohet.

Sipas tregtarëve, premtimet e bashkisë për ndërtimin e një tregu të ri kanë qenë të shumta, por asnjë iniciativë konkrete nuk është marrë deri më tani.

Çdo sezon reshjesh, situata përsëritet, duke i lënë ata përballë dëmeve dhe pasigurisë.

Tregtarët i bëjnë apel pushtetit vendor të ndërhyjë sa më parë, duke theksuar se janë në një gjendje të vështirë.

The post Pogradec/ Tregu industrial përmbytet nga reshjet, tregtarët: Na dëmtohet malli, Bashkia të ndërhyjë appeared first on Albeu.com.

Pas mbledhjes, Vengu deklaroi se situata mbetet dinamike dhe se strukturat janë në angazhim maksimal. Ai theksoi se janë kërkuar mjete shtesë, ndërsa Ministria e Bujqësisë ka reaguar menjëherë.

Forcat e ushtrisë janë dislokuar në Kurbin, zonën më të prekur nga reshjet, si dhe në Lezhë për t’i paraprirë përkeqësimeve të mundshme. Ndërkohë, po ndërhyhet në tre ura që kanë pësuar dëmtime.

Në Bashkinë e Lezhës janë evakuuar 4 familje, të strehuara në konviktin e shkollës profesionale.

Në lagjen “Sake” disa banesa mbeten të rrezikuara, por ndërhyrja kërkon miratim nga Ministria, pasi zona është e mbrojtur.

Situatë kritike paraqitet edhe në Kallmet, ku rezervuari ka arritur nivelin maksimal. Probleme raportohen edhe në Dragushë e Dajç, ku kanalet e ujërave të larta mund të shkaktojnë përmbytje nëse reshjet vazhdojnë.

Në Kurbin është evakuuar një familje në fshatin Gjorm, ndërsa në Mirditë situata është më e qetë, me rrëshqitje dhe prani inertesh në disa rrugë rurale, ku është ndërhyrë gjatë ditës.

Drejtoria Rajonale e Ujitjes dhe Kullimit njoftoi se hidrovoret po punojnë me kapacitet të plotë dhe pa probleme.

Ndërhyrje janë kryer në kanalet kulluese të Kurbinit dhe në ato të Zadrimës për të shmangur përkeqësimin e situatës.

OSHEE raportoi ndërprerje të energjisë mëngjesin e sotëm, por furnizimi është rikthyer pas ndërhyrjeve teknike.

Ndërkohë, Policia e Lezhës ka shtuar patrullat në akset me rrezik për të kufizuar qarkullimin dhe për të siguruar mbarëvajtjen e lëvizjes.

Ministri Vengu kërkoi vijimin e gatishmërisë së plotë të të gjitha strukturave, pasi reshjet pritet të vazhdojnë.

The post Reshjet në Qarkun e Lezhës/ Evakuime, ndërhyrje emergjente dhe masa shtesë sigurie, ministri Vengu: Strukturat në angazhim maksimal appeared first on Albeu.com.

Në disa akse në vendin tonë janë krijuar vështirësi qarkullimi.

Bëhet fjalë për në akset rrugore “Bajram Curri-Valbonë” dhe “Kërrnaj-Pac-Shimshan”, në Kukës, “Bogë-Qafë Thorë-Theth” dhe “Tamarë-Selcë-Vermosh”, në Shkodër, Automjetet në këto akse duhet të kalojnë me zinxhirë.

Ndërsa, aksi rrugor “Bypass-Qafë Murrizë”, në Dibër, aktualisht është i pakalueshëm.

Njoftimi i policisë:

Policia e Shtetit

Për shkak të reshjeve të dëborës në disa zona malore të vendit dhe të reshjeve të shiut në të gjitha qarqet e vendit, Policia e Shtetit ka shtuar prezencën e punonjësve të Policisë Rrugore në terren dhe të Patrullave të Përgjithshme, me qëllim monitorimin e qarkullimit të automjeteve, për të bërë të mundur parandalimin e aksidenteve dhe për të ndihmuar përdoruesit e rrugës në nevojë.

Si pasojë e reshjeve të dëborës në akset rrugore në zonat malore të Shkodrës, Kukësit, Dibrës dhe Korçës, Policia apelon që drejtuesit e automjeteve të tregojnë më shumë vigjilencë dhe të ndjekin udhëzimet e Policisë Rrugore.

Aktualisht, ka vështirësi në qarkullim në akset rrugore “Bajram Curri-Valbonë” dhe “Kërrnaj-Pac-Shimshan”, në Kukës, “Bogë-Qafë Thorë-Theth” dhe “Tamarë-Selcë-Vermosh”, në Shkodër, Automjetet në këto akse duhet të kalojnë me zinxhirë.

Aksi rrugor “Bypass-Qafë Murrizë”, në Dibër, aktualisht është i pakalueshëm, pasi firma kontraktore po punon për pastrimin e rrugës nga dëbora.

Borëpastrueset ndodhen në terren dhe vijojnë punën për pastrimin e rrugëve nga dëbora dhe për hedhjen e kripës.

Njëkohësisht masa janë marrë në të gjitha akset rrugore nacionale dhe urbane, për shkak të reshjeve të shiut. Në këto kushte, Policia e Shtetit apelon për drejtuesit e automjeteve që të moderojnë shpejtësinë, të qëndrojnë në radhë në akset ku ka ngadalësim të lëvizjes dhe të mos kryejnë parakalime të gabuara.

Në raste nevoje, përdoruesit e rrugës të telefonojnë në numrin pa pagesë 112 dhe shërbimet e Policisë do të shkojnë menjëherë pranë tyre, për t’iu dhënë ndihmën e nevojshme.

The post Reshjet e dëborës në vendin tonë/ “Bypass-Qafë Murrizë” i pakalueshëm, policia: Bëni kujdes, ja akset me vështirësi qarkullimi appeared first on Albeu.com.

OSSH njofton se kjo masë është ndërmarrë për të evituar problematika të shtuara, dhe energjia elektrike do të ri-lidhet menjëherë sapo të largohet uji dhe të kontrollohen kabinat.

“Sikurse ishte parashikuar, vendi ynë është goditur nga kushte atmosferike të këqija, duke u karakterizuar me reshje të dendura shiu dhe shkarkesa atmosferike. Vlora është zona më e prekur, ku reshjet e dendura kanë shkaktuar përmbytje në shumë zona.

Për të evituar probleme të mëtejshme në rrjetin elektrik për shkak të prezencës së ujit, ekipet e Operatorit të Shpërndarjes së Energjisë Elektrike (OSSH) në Vlorë kanë marrë masa duke stakuar disa fidera si masë sigurie deri në normalizimin e situatës. Kjo do të shkaktojë mungesë energjie deri në momentin e largimit të ujit dhe kontrollit të kabinave”, njofton OSSH.

OSSH thekson po ashtu se, ekipet e gatishmërisë do të jenë në terren për të rikthyer energjinë sa më shpejt. OSSH kërkon mirëkuptimin e banorëve për situatën e krijuar dhe ndihmën e tyre gjatë këtij procesi.

The post Reshjet në Vlorë, OSSH ndërpret energjinë elektrike: Masë sigurie deri në normalizimin e situatës appeared first on Albeu.com.

Kryebashkiaku Erion Isai i fal 700 mln pa garë Beharit të “BOLV OIL”-it
Në këtë mënyrë për ditën e hënë dhe atë të martë moti parashikohet i kthjellët në të gjithë territorin si dhe temperatura disa gradë më të larta për periudhën që ndodhemi.

Më pas duke filluar nga dita e mërkurë dhe deri ditën e premte pritet një paqëndrueshmëri e kushteve atmosferike.

Shërbimi Meteorologjik Ushtarak njofton se moti parashikohet me kthjellime si dhe vranësira mesatare deri të dendura të cilat do të shoqërohen me reshje shiu të herëpashershme dhe kryesisht intensitet të ulët.

Në periudha afatshkurtra këto reshje do të jenë me intensitet deri dhe mesatar në formën e shtrëngatave.

Era përgjatë këtyre ditëve do të fryjë me drejtim kryesor nga kuadrati i jugut e lehtë dhe shpejtësi mesatare 1-5 m/s ndërsa përgjatë vijës bregdetare dhe zonat luginore ajo hera-herës bëhet relativisht intensive dhe shpejtësi deri në 8-12m/s.

The post Do rikthehen reshjet? Ja si parashikohet moti për javën e ardhshme appeared first on Albeu.com.

Gjithashtu, reshjet e dëborës me intensitet të ulët janë regjistruar edhe në zonat malore të Pogradecit dhe Maliqit përfshirë edhe Malin e Thatë.

Ndërsa i gjithë rajoni Juglindor, është përfshirë nga reshjet e shumta të shiut prej orëve të para të mëngjesit.

Është punuar për pastrim dhe kriposje në aksin Boboshticë-Dardhë dhe aktualisht qarkullimi i mjeteve kryhet pa probleme.

Nga reshjet e shiut dhe të dëborës temperaturat janë ulur ndjeshëm, aktualisht termometri shënon 4 gradë.

Kontraktorët janë në gatishmëri për çdo situatë të krijuar nga moti.

The post Rikthehen reshjet e dëborës në Korçë appeared first on Albeu.com.

Bora vetëm sa ka zbardhur çatitë në qytet, ndërsa në zona të thella shkon deri në 15 cm.

Rrugët janë të gjitha të lira dhe nuk janë shfaqur probleme.

Sa i përket pemëtarisë, nuk ka shkaktuar dëme pasi pemët ende nuk kanë çelur, madje nga fermerët shihet ndihmë, pasi bora dhe temperaturat e ulëta shtyjnë edhe për pak kohë çeljen e luleve, dhe minimizon problemet me ngricat.

The post Surprizat e motit, reshjet e borës zbardhin Dibrën appeared first on Albeu.com.

Raportohet se; akset nacionale janë të qarkullueshme normalisht.

Gjithashtu, pa vështirësi lëvizet edhe në akset turistike të Dardhës dhe Voskopojës, ku gjatë natës është ndërhyrë me mjete borëpastruese dhe kriposje.

Reshje bore intensive ka pasur ne lartësitë mbi 1 200 m mbi nivelin e detit, në njësinë administrative Vithkuq, të bashkisë së Korçës.

Gjatë natës ka pasur ndërprerje të energjisë elektrike në  zonën e Vithkuqit.

The post Rikthehen reshjet e dëborës në juglindje të vendit appeared first on Albeu.com.

Gjatë drektës dhe mbasdite parashikohen reshje shiu në të gjithë territorin, ku në veriperëndim do të vijnë në formën e rrebesheve dhe stuhisë.

Gjithashtu gjatë ditës së sotme nuk do të mungojnë as shkarkesat elektrike dhe breshëri.

Më të rrezikuara mbeten qarqet e Shkodrës dhe lezhës, ku intensiteti i reshjeve do të jetë më i fortë.

Megjithatë deri në këto momente nuk ka asnjë alarm për përmbytje.

The post NDIQENI LIVE/ Stuhi shiu dhe breshër, çfarë do të ndodhë orët në vijim appeared first on Albeu.com.

Njoftimi:

Gjatë natës dhe në orët e para të mëngjesit ka rënë intensiteti i reshjeve të shiut në të gjithë vendinduke sjellë një qetësim të situatës

Për momentin vetëm në aksin Dedaj-Razëm vazhdon devijimi për në rrugën alternative.

Kontraktorët me mjete e punëtorë janë në terren për të mbajtur qarkullimin në normalitet

Tregoni kujdes të shtuar gjatë drejtimit të mjetit në kohë me shi, ulni shpejtësinë, respektoni sinjalistikën dhe udhëzimet e Policisë Rrugore.

The post Reshjet, ARRSH: Vetëm ky aks vazhdon të jetë i bllokuar appeared first on Albeu.com.