Bora ka nisur gjatë orëve të para të mëngjesit, ndërsa në zonat e thella malore raportohet një trashësi deri në 15 centimetra.

Reshje të konsiderueshme bore, janë regjistruar në njësitë administrative Lurë, Kala e Dodës, Selishtë, Zall-Dardhë, Zall-Reç, Sllovë, si edhe në Trebisht, Ostren dhe zonën e Martaneshit.

Si pasojë e borës janë krijuar probleme në rrugët rurale. Vështirësi në qarkullim raportohen edhe në Rrugën e Arbrit, kryesisht nga Qafa e Buallit drejt Peshkopisë.

Situata më problematike paraqitet në rrugën nacionale në zonën e pishave në Fushë-Bulqizë, ku ka prezencë bore dhe akulli në asfalt.

Policia Rrugore, u bën apel drejtuesve të mjeteve që të qarkullojnë me goma dimërore dhe zinxhirë, pasi reshjet e borës vijojnë me intensitet të lartë.

Sipas informacioneve zyrtare, për momentin nuk raportohet bllokim i qarkullimit nga Ura e Vashës deri te Shkalla e Tujanit.

Ndërkohë, në tunelin e Qafë-Buallit dhe në segmentin Qafë-Buall–Peshkopi mungon kripa, ndërsa disa pjesë të Rrugës së Arbrit kanë prezencë akulli dhe bore në asfalt.

The post Rikthehen reshjet e borës në Qarkun e Dibrës, vështirësi në qarkullimin e mjeteve në Rrugën e Arbrit appeared first on Albeu.com.

Autoriteti i Aviacionit Civil të Francës ka njoftuar se u ka kërkuar linjave ajrore të anulojnë rreth 15% të fluturimeve të planifikuara për pasditen dhe mbrëmjen e sotme, për shkak të kushteve të pafavorshme atmosferike në rajon.

Sipas një zëdhënësi të agjencisë, linjat ajrore janë të lira të vendosin se cilat fluturime do të anulojnë, me kusht që të reduktojnë numrin e ngritjeve dhe uljeve.

Ndërkohë, autoritetet u kanë bërë thirrje drejtuesve të mjeteve të tregojnë kujdes të shtuar në qarkullim, për shkak të dëborës dhe temperaturave të ulëta.

Kufizime janë vendosur edhe në rrugë, ku automjetet e rënda janë ndaluar të qarkullojnë në disa segmente në Bretanjë dhe Normandi. Ndërsa në rajonin e Parisit janë ulur kufijtë e shpejtësisë dhe është kufizuar qarkullimi i mjeteve me tonazh të rëndë në akset kryesore rrugore.

The post Reshjet e borës “pushtojnë” Parisin, anulohen disa fluturime appeared first on Albeu.com.

Gjatë natës termometri ka shënuar deri në -11 gradë, ndërsa mëngjesin e sotëm temperaturat shkuan deri në -8.

Raportohet se të gjitha rrugët nacionale dhe turistike, janë të hapura dhe nuk kanë krijuar probleme, por drejtuesit e mjeteve duhet të tregojnë kujdes të shtuar, ndërsa iu sugjerohet që të lëvizin me goma dimërore dhe zinxhirë.

Sakaq, ekipet me mjetet borëpastruese janë në gatishmëri.

Në bashkinë Korçë, rrugët që të çojnë në fshatra janë pastruar, vetëm në disa pjesë të segmentit rrugor Shtyllë-Panarit, mjetet duhet të vendosin zinxhirë.

Po ashtu, në bashkinë Devoll nuk raportohen probleme në fshatra, por gjithsesi nga ulja e ndjeshme e temperaturave ka prezencë akulli.

Në bashkinë Pogradec, po punohet ende me kriposjen e rrugëve gjithashtu edhe në zonat e thella malore, po bëhet e mundur hapja dhe pastrimi i rrugëve.

Po ashtu, në bashkinë Maliq nuk raportohen probleme, si dhe në Kolonjë situata është normalizuar.

Sa i përket mungesës së energjisë elektrike sipas informacioneve, qyteti i Ersekës ka disa problematika të vogla me energjinë gjithashtu, 15 abonentë në fshatin Piskal dhe 6 abonentë në Gur të Kuq në Pogradec.

The post Reshjet e borës ia lënë vendin ngricave, temperaturat në qarkun e Korçës ulen ndjeshëm appeared first on Albeu.com.

Policia njofton se janë ngritur grupe drejtimi për të koordinuar punën dhe për të menaxhuar informacionet që sigurohen nga të gjitha zonat e vendit.

Gjithashtu policia i ka bërë apel shoferëve që të moderojnë shpejtësinë dhe të ruajnë distancën e sigurisë me mjetet e tjera në rrugë, të mos kryejnë parakalime të gabuara, të mos përdorin celularin gjatë drejtimit të automjetit dhe të vendosin rripin e sigurimit.

NJOFTIMI I PLOTE

Policia e Shtetit, për shkak të vështirësimit të qarkullimit të mjeteve, nga reshjet e shiut dhe të borës, ka kaluar në gatishmëri në të gjithë vendin, për t’iu ofruar ndihmë drejtuesve të mjeteve dhe qytetarëve.

Në DPPSH dhe në çdo Drejtori Vendore të Policisë, janë ngritur grupe drejtimi për të koordinuar punën dhe për të menaxhuar informacionet që sigurohen nga të gjitha zonat e vendit.

Forcat Kombëtare të Sigurisë, së bashku me grupet e evakuim -shpëtimit dhe Policinë Alpine që janë pjesë e kësaj force, janë në gatishmëri për t’iu dhënë ndihmë qytetarëve, në rast nevoje.

Inspektorët dhe specialistët e policimit në komunitet janë shpërndarë në zonat që mbulojnë dhe janë në kontakt të pandërprerë më përfaqësuesit e pushtetit vendor, emergjencat civile dhe kryetarët e fshatrave, me qëllim monitorimin e situatës dhe ndërhyrjen në kohë, në rast nevoje.

The post Situata e reshjeve të borës, policia apel drejtuesve të mjeteve: Ulni shpejtësinë dhe ruani distancën nga njëra-tjetra appeared first on Albeu.com.

Njoftimi:

Gjatë natës reshjet kanë pushuar, mjetet borëpastruese në terren kanë  punuar me shpërndarjen e kripës për të shmangur ngricat dhe zgjerimin e aksit nga bora.

Tashmë Rruga e Arbrit është e hapur për përdoruesit e mjeteve dhe qarkullimi mund të kryhet normalisht.

Drejtuesit e mjeteve duhet të bëjnë kujdes gjatë udhëtimit natën dhe në orët e para të mëngjesit, të respektojnë sinjalistikën të reduktojnë shpejtësinë, të pajisen me goma dimërore./albeu.com

The post Hapet qarkullimi në Rrugën e Arbrit pas 24 orësh, apeli për drejtuesit e mjeteve appeared first on Albeu.com.

Aktualisht po punohet me borëpastruese dhe nuk ka bllokime, por mjetet duhet të pajisen me goma dimërore dhe zinxhirë.

Moti ka gjetur të papërgatitur shumë drejtues mjetesh të cilët kanë hasur vështirësi në qarkullim për shkak të mungesës së pajisjeve dimërore.

Rruga është e kalueshme, por është shumë e rëndësishme që të udhëtohet me kujdes./albeu.com

The post Aksi Korçë – Pogradec mbulohet nga bora, kalimi vetëm me zinxhirë (VIDEO) appeared first on Albeu.com.