Dodik akuzoi perëndimin se po e sulmojnë Listën Serbe në Bosnje. Ai është takuar me presidentin rus, Vladimir Putin, në një kohë kur perëndimi ka vendosur sanksione ndaj Rusisë për shkak të luftës pushtuese të Rusisë në Ukrainë.

”Akuzat e fundit të Milorad Dodik, si shumica e pretendimeve të tij, janë absurde dhe me qëllim të keq. Shtetet e Bashkuara dhe Perëndimi nuk po kërcënojnë Republikën Srpska ose aspiratat e banorëve të saj për një të ardhme paqësore, demokratike dhe të begatë”, thuhet në postimin e ambasadës së SHBA-ve në Bosnje dhe Hercegovinë.

”Këto kërcënime vijnë nga Milorad Dodik dhe ato autoritete të Republika Srpska që po kërkojnë të heqin të drejtat dhe liritë themelore të banorëve të njësisë; duke pasuruar veten në vend që të punojnë për prosperitetin e atyre që pretendojnë se përfaqësojnë; minimi i shtetit të Bosnjë-Hercegovinës dhe Marrëveshjes së Paqes të Dejtonit; dhe duke bërë premtime destabilizuese, delirante dhe të rrezikshme për pavarësinë e Republika Srpska“.

Më tutje thuhet se SHBA-ja ka qenë dhe mbetet mik dhe partner për popullin e Bosnje dhe Hercegovinës.

”Shtetet e Bashkuara kanë qenë dhe mbeten një mik dhe partner për të gjithë popullin e Bosnjë-Hercegovinës. Politika jonë këtu është e qartë dhe e drejtpërdrejtë dhe ka qenë për 28 vjet: Shtetet e Bashkuara mbështesin sovranitetin, integritetin territorial dhe karakterin multietnik të Bosnje dhe Hercegovinës, si dhe integrimin e saj në institucionet euroatlantike”, thuhet në njoftim.

Dodik është një politikan destruktiv që hapur shpreh admirimin pro Rusisë dhe presidentit të saj, Vladimir Putin.

The post Dodik u takua me Putinin, reagon SHBA-ja: Akuzat e tij janë absurde dhe qëllimkeqe appeared first on Albeu.com.

“Ne po shqyrtojmë seriozisht marrjen e një vendimi për pavarësi dhe shkëputje të Republikës Sërpska [nga Bosnja], nëse nuk zgjidhet çështja e pronës”, tha Dodik.

Ai i bëri komentet në Beograd, ku u prit nga presidenti serb, Aleksandar Vuçiq.

Republika Sërpska është përpjekur disa herë që të zbatojë një ligj për pronën, që parasheh transferimin e pronës shtetërore të Bosnjës te Republika Sërpska – pavarësisht se është konsideruar jokushtetues.

Ligji përfaqëson një sfidë të drejtpërdrejtë ndaj vendimeve të mëparshme të përfaqësuesit të lartë ndërkombëtar në Bosnje, Christian Schmidt, për të shfuqizuar dekretin që ka krijuar ligjin dhe për ta pezulluar atë deri në një vendim përfundimtar të Gjykatës Kushtetuese të Bosnjës.

Republika Sërpska thotë se ligji synon të sigurojë që pronat e përdorura nga autoritetet e këtij entiteti – duke përfshirë qeveritë lokale, ndërmarrjet publike, institucionet publike dhe departamentet e tjera të themeluara nga Republika Sërpska – t’u përkasin atyre.

Gjykata Kushtetuese e Bosnjës ka deklaruar se Parlamenti i vendit duhet të miratojë një ligj për pronën që do të ishte i vlefshëm në të gjithë Bosnjën, e jo vetëm në njërin nga dy entitetet e vendit.

Marrëveshja e Dejtonit e vitit 1995, e cila i ka dhënë fund luftës civile në Bosnje, ka krijuar një sistem administrativ sipas të cilit Bosnja mbetet e ndarë midis entitetit serb – Republika Sërpska – dhe Federatës Boshnjake-Kroate.

Dodik, i cili është sanksionuar nga SHBA-ja dhe Britania për përpjekje për destabilizim dhe për korrupsion, ka kërcënuar disa herë se do të kërkojë pavarësinë e Republikës Sërpska nga pjesa tjetër e Bosnjës.

Ai e refuzon rregullimin administrativ të këtij vendi dhe autoritetin e Zyrës së Përfaqësuesit të Lartë ndërkombëtar, që mbikëqyr aspektet civile dhe të tjera të Marrëveshjes së Dejtonit./REL/

The post Dodik kërcënon sërish me ndarjen e Republikës Sërpska appeared first on Albeu.com.

Të ardhmen e shoh në bashkimin e Serbisë dhe Republikës Sërpska, tha Milorad Dodik, lider i Republikës Sërpska, entiteti ky i Bosnje e Hercegovinë’

Dodik e bëri këtë deklaratë, të premten, më 24 mars, në Sombor, ku zyrtarët e Serbisë shënuan përvjetorin e ndërhyrjes së NATO-s.

Bombardimi i ish-Republikës Federale të Jugosllavisë, në vitin 1999, filloi për shkak të krimeve të kryera nga forcat serbe kundër popullatës shqiptare në Kosovë.

Në fjalimin zyrtar, Dodik përsëriti kërcënimet për shkëputjen e Republikës Sërpska(RS).

“Tani ata duan të rrëmbejnë pronën, ndërkaq unë u them – në momentin që ju përpiqeni të rrëmbeni pronën tonë, ju keni thirrur një seancë të Kuvendit të Republikës Sërpska, ku do të marrim një vendim për pavarësinë e Republikës Sërpska. Mjaft më me premtimet e juaja të rreme, nuk do t’ju shikoj dhe nuk do t’ju duroj”, tha Dodik.

Mesazhi i tij vjen një ditë pas vendimit të Qeverisë së Republikës Sërpska (RS) për t’i dhënë fund bashkëpunimit me Shtetet e Bashkuara të Amerikës (SHBA) dhe Britaninë e Madhe dhe publikimit të një projektligji që detyron organizatat joqeveritare të raportojnë të gjitha transaksionet që financohen nga jashtë.

Vendimi është marrë në seancën e qeverisë së këtij entiteti, të enjten, më 23 mars, në Banja Llukë.

“Ata duan vetëm një gjë, që serbët të largohen. Rroftë ideja e bashkimit të popullit serb. Dhe ne duam të bashkohemi. Do ta bëjmë në mënyrë paqësore”, tha Dodik.

Në vargun e vendimeve të diskutueshme, Asambleja e RS miratoi gjithashtu një projektligj, me të cilin shpifja dënohet penalisht, me gjoba deri në 60,000 euro.

Nndaj ndërprerjes së marrëdhënieve diplomatike dhe shënjestrimit të organizatave joqeveritare, ndër të parat ka reaguar Ambasada e SHBA-së në Sarajevë, e cila tha se njoftimet e kryetarit të Republikës Sërpska janë “edhe një hap tjetër në rrugën e rrezikshme që ai zgjodhi – rruga e izolimit dhe e sundimit autoritar”.

Bashkimi Evropian reagoi gjithashtu edhe ndaj ndryshimeve në Kodin Penal të Republikës Sërpska, të cilat rivendosin dënimet penale për shpifje. Duke shprehur keqardhjen, siç raportohet, ajo bëri thirrje që amendamenti të tërhiqet.

Pavarësisht thirrjeve të shumta nga komuniteti ndërkombëtar, se bëhet fjalë për ligje që nuk janë vlera evropiane, Dodik nuk hoqi dorë nga synimi i tij për miratimin e tyre.

Lideri i Republikës Sërpska tashmë është në listën e personave të sanksionuar nga Shtetet e Bashkuara të Amerikës dhe Britania e Madhe, për korrupsion dhe shkelje të legjitimitetit dhe funksionalitetit të shtetit të Bosnje e Hercegovinës./REL/

The post Dodik bëri thirrje për bashkimin e Republikës Sërpska dhe Serbisë appeared first on Albeu.com.

Në fazën e parë, nga 1 nëntori deri me 21 nëntor është treguar se do të jetë në fuqi masa e qortimeve për ata që nuk i heqin targat ilegale për t’i regjistruar makinat e tyre me tabela të Republikës së Kosovës.

Vendimi i Qeverisë së Kosovës për të mos dëgjuar kërkesën amerikane dhe evropiane ishte shoqëruar me një deklaratë të Departamentit të Shtetit Amerikan ku thuhej se SHBA është e shqetësuar dhe e zhgënjyer që Kosova s’ka dëgjuar këshillën amerikane për targat.

Ndërkohë vendimin e Qeverisë së Republikës së Kosovës për masën e qortimit kanë vendosur të mos e implementojnë serbët në veri të Republikës së Kosovës të cilët janë të kontrolluar nga regjimi i Beogradit. Për këtë arsye institucionet e Kosovës e kanë suspenduar Drejtorin Rajonal të Policisë në Mitrovicë të Veriut, Nenad Gjuriç.

Një vendim i tillë ka nxitur reagimin e ashpër të Beogradit dhe të Listës Serbe, të cilët thonë se janë në komunikim intensiv mes vete.

Pas këtyre zhvillimeve, Lista Serbe sot ka paralajmëruar mbajtjen e një proteste në veri dhe zhvillimin e takimeve me pjesëtarë tjerë serbë që kanë funksione në institucionet e Republikës së Kosovës. Pas këtij takimi që do të mbajnë, do të vendosin nëse do t’i lëshojnë institucionet e Republikës së Kosovës.

Ndërkohë paralelisht me këto zhvillimeve në Kosovë, presidenti i Serbisë me ftesë të kryeministres serbe do të zhvillojnë një takim në të cilin do të diskutohet një raport për bisedimet me përfaqësuesit e serbëve në Kosovë.

Pas kësaj, Vuçiç do të takohet edhe me ambasadorin kinez Chen Bo dhe me ambasadorin rus në Serbi, Aleksandar Bocan-Harchenko.

Presidenti i Serbisë do të takohet edhe me patriarkun Porfiri dhe me Sinodin e Kishës Ortodokse Serbe. Vuçiç do ta informojë Patriarkun për situatën në Kosovë. Takimi siç ka raportuar RTS do të mbahet në orën 13:00.

Për mbajtjen e këtyre takimeve, presidenti serb ka anuluar udhëtimin e tij drejt Egjiptit ku do të mbahet organizimi COP27./GazetaExpress/

The post “Srpska” protestë për dalje nga institucionet, Vuçiç me takime intensive me aleatet rus e kinez appeared first on Albeu.com.

Raporti për rinumërimin e votave është miratuar në seancën e sotme të Komisionit Qendror të Zgjedhjeve të Bosnjë-Hercegovinës.

Qendra kryesore e numërimit në Sarajevë ka rinumëruar votat nga më shumë se 2,000 qendra votimi për nivelin e presidentit të njësisë, pasi zyra e prokurorit të shtetit mori raporte për mashtrim në natën e zgjedhjeve të 2 tetorit.

Megjithatë, edhe pas rinumërimit, Dodik, politikan ekstremist pro-rus i sanksionuar nga SHBA si person i korruptuar që rrezikon të minojë stabilitetin e Ballkanit, është shpallur fitues.

The post SHBA e shpalli non-grata, Dodik zgjidhet presidenti i ri i Republikës Srpska appeared first on Albeu.com.

Silajdzhiq thotë se ekziston një synim i Serbisë që ta marrë “Republika Srpspkan” si kompensim për atë që serbët e quajnë “humbje të Kosovës”.

“Ekziston një përllogaritje që të merret ajo që është mjaftueshëm e rëndësishme për Bosnjën, hidrocentralet, toka bujqësore, pyjet, dhe të thuhet që kam pasur tokë serbe këtu, dhe kështu të justifikojnë atë që e quajnë humbje të Kosovës”, ka thënë ai.

Silajdzhiq thotë se e sheh si mundësi të hapur që të ketë një përllogaritje të tillë ku mendohet një kompensim “Republika Srpska për Kosovën”.

Muajve të fundit ka pasur përpjekje të shumta nga kreu i “Republika Srpskas”, Millorad Dodik”, për t’u shkëputur nga Bosnja e Hercegovina. Kjo ka nxitur reagime të faktorit ndërkombëtar që edhe i kanë vendosur sanksione Dodikut. Derisa Vuçiq vetëm në mënyrë deklarative ka thënë se është për respektimin e Marrëveshjes së Dejtonit./GazetaExpress

The post Ish-kryeministri i Bosnjës: Serbia synon “Republika Srpskan” si kompensim për Kosovën appeared first on Albeu.com.

Presidentja Osmani deklaroi se do të takohet me diplomatët në orën 16:00.

Ajo tha se propozimet për të cilat po përflitet, për autonomi të zgjeruar apo Asociacion të komunave serbe me kompetenca të ekzekutive, nuk i janë prezantuar institucioneve të Kosovës.

“Unë do t’i takoj sot ata rreth orës 16:00. Megjithatë unë dua ta qartësoj qysh tani se propozimet për të cilat po përflitet për kinse autonomi të zgjeruar apo ndonjë lloj Asociacioni me kompetenca ekzekutive, asnjëherë nuk i janë prezantuar palës sonë, pra institucioneve të republikës së Kosovës”, ka deklaruar Osmani.

Osmani tha se ish-kryeministra të Kosovës kanë nënshkruar marrëveshje të dëmshme, të cilat Asociacionit të komunave serbe i kanë dhënë kompetenca ekzekutive.

“Ajo që është problemi i madh është se kanë qenë përfaqësues të Republikës së Kosovës ata që kanë nënshkruar marrëveshje të dëmshme të cilat Asociacionit të komunave serbe i kanë dhënë kompetenca ekzekutive. Pra duhet ta themi një realitet që është, sepse është e zeza në të bardhën, është letër e nënshkruar nga ish-kryeministra të Kosovës dhe përgjegjësia duhet të merret si e tillë. Dhe rrjedhimisht këto tendencat që pastaj të gjuhet përgjegjësia te komuniteti ndërkombëtar dhe të fshihen para komunitetit ndërkombëtar nuk i bëjnë nder Kosovës. Si përfaqësues të Republikës së Kosovës ne jemi të vendosur që të mos lejojmë të implementohen në vendin tonë, që është ndërtuar me shumë sakrificë, modele të cilat do ta bënin shtetin tonë jofunksional”, ka deklaruar Osmani.

E pyetur rreth raportimeve se do të ketë propozime për një asociacion të një forme tjetër me atë që ka qenë deri më tani dhe një propozim për një lloj autonomie në pjesën veriore të Kosovës, Osmani tha se Escobar ka deklaruar se kërkesa e tij është që të mos implementohen modele që do ta shndërronin veriun e Kosovës në një “Republika Sbrska”.

“Besoj që ju e keni dëgjuar edhe ambasadorin e ri të SHBA-së, edhe z.Escobar në intervistën e fundit, duke thënë që kërkesa e tij është e kundërta e asaj që e përmendët, që mos të implementohen modele që do ta shndërronin veriun e Kosovës në një “Republika Srbska” të re, pra që nuk kërkohen kompetenca ekzekutive, e as që nuk kërkohet një model që do të shndërronte këtë Asociacion në një nivel të ndërmjetëm apo të tretë të qeverisjes, që do të binte në kundërshtim me Kushtetutën e Kosovës”, deklaroi Osmani.

Presidentja Osmani tha se qëndrimet e Kosovës sa i përket çështjes së Asociacionit të komunave serbe mbesin të njëjtat.

“Qëndrimet tona sa i përket Asociacionit kanë qenë të qarta, nuk është që janë befasi për ndokënd, përfshirë edhe për miqtë tanë ndërkombëtarë, prandaj ne jemi duke diskutuar me ta si ta shtyjmë përpara procesin e dialogut, drejt asaj që është zgjidhja e vetme jo vetëm për ne si Kosovë, por për gjithë rajonin, e që është njohja e ndërsjellë”, ka deklaruar Osmani.

Ndryshe, vizita pesëditore e diplomatëve vjen pasi Kosova dhe Serbia qysh në korrik të vitit 2021 nuk kanë zhvilluar asnjë raund bisedimesh të nivelit të lartë, në kuadër të dialogut të ndërmjetësuar nga Bashkimi Europian.

Lajçak në një intervistë ekskluzive për Gazetën Express ka thënë se Marrëveshja për Asociacionin duhet të zbatohet mirëpo askush me mendje të shëndoshë nuk do “Republika Srpska” në Kosovë. Serbia ka të drejtë t’i japë propozimet e saj për Asociacionin, por kosovarët nuk do të detyrohen të nënshkruajnë diçka të dëmshme për vendin e tyre.

Lajçak ka treguar edhe arsyen pse ai do të marrë si “përforcim” Gabriel Escobarin në këtë takim, si dhe në një vizitë të njëjtë në Beograd. Ai ka thënë se kanë lidhje të ngushta me administratën Biden dhe se me Escobarin janë në kontakt të ngushtë gjatë gjithë kohës.

“Ne punojmë shumë ngushtë me administratën e Joe Biden-it. Jemi në kontakte të rregullta dhe të afërta me Gabriel Escobar-in. Kjo do të jetë mundësia e parë për të udhëtuar në Prishtinë dhe Beograd bashkë. Qëllimet e këtij takimi mund të them se janë tri. E para, për ta treguar mesazhin e unitetit, për të treguar se dialogu është i ndërmjetësuar nga BE’ja dhe i mbështetur nga ShBA’ja. E dyta, për të dëgjuar nga partnerët dhe për të diskutuar me ta se si të ecim përpara me procesin dhe, e treta, për të diskutuar disa çështje aktuale.”, ka thënë ai për Gazetën Express.

Edhe Escobar në një intervistë për Reporterin ka thënë se marrëveshjet e arritura duhet të respektohen.

“Presim që si Kosova, ashtu edhe Serbia t’i respektojnë zotimet e mëhershme. Qeveria e Kosovës është zotuar që të ketë një Asociacion i komunave me shumicë serbe (AKS). Shtetet e Bashkuara të Amerikës nuk kanë dhe nuk do të diktojnë se çka duhet të bëjë ky Asociacion e as cilat duhet të jetë kompetencat e tij; ky është vendim sovran që duhet ta marrë qeveria e Kosovës”, tha Escobar./GazetaExpress

The post Osmani: Ndërkombëtarët nuk duan “Republika Srpska” në Kosovë, fajin e kanë ish-kryeministrat appeared first on Albeu.com.

Dodik i ka “festuar” sanksionet e reja të vendosura mbrëmë nga Shtetet e Bashkuara të Amerikës ndaj tij, së bashku me kolegë e miq të tij të partisë në kafene.

Partia e Dodikut e publikoi videon në Twitter, ku lideri i serbëve të Bosnjës shihet teksa feston me bashkëpunëtorët e tij të afërt vetëm pak orë pasi SHBA-ja e sanksionoi.

Në festë morën pjesë edhe presidentja e Republika Srpskas, Zheljka Cvijanoviq, këshilltari i Dodikut, Radovan Kovaçeviq, etj. Aty ishte edhe ish-kryetari i Këshillit të Lartë Gjyqësor dhe Prokurorial të Bosnjë e Hercegovinës dhe kryetari i Lëvizjes për Veprim Demokratik, Milan Tegeltija, i cili po ashtu u sanksionua dje nga SHBA-ja, e cila e futi atë në listën e zezë, duke ia ndaluar përgjithmonë hyrjen në Amerikë.

Dodik dhe bashkëpunëtorët e tij kënduan këngën “Amerika, Amerika” të këngëtarit serb, Mirosllav Iliq. Në këtë këngë të publikuar në vitin 1993, autori këndon se si nuk do ta ndërronte “një metër të fshatit” me “Amerikën e madhe”./albeu.com/

?? Али метар НАШЕГ села, Америка цела❗@KovacevicRaso @BursacNovakovic @DenisSulic pic.twitter.com/TjJnH0bwJz

— СНСД (@SNSDDodik) January 5, 2022

The post SHBA e shpalli “non grata”, politikani i njohur nga “halli” ia merr këngës për Amerikën (VIDEO) appeared first on Albeu.com.

Ky këshill, ka shprehur shqetësimin për një përshkallëzim të mundshëm të tensioneve politike në Bosnjë dhe Hercegovinë, nxitur nga veprimet e Serbisë.

Sipas tyre, vendimet e fundit të Parlamentit të Republikës Serbe, për të filluar hartimin e legjislacionit përkatës për të krijuar institucionet paralele të ushtrisë, gjykatave dhe sistemit tatimor, si dhe hartimin e nje kushtetute te re, trasojnë rrugën për tërheqjen e serbëve nga institucionet qëndrore shtetërore dhe janë në kundërshtim me detyrimet që rrjedhin nga Marrëvëshja e Dejtonit.

Nisur nga kjo situatë Këshilli i Ambasadorëve Shqiptarë i bën thirrje bashkësisë ndërkombëtare, sidomos BE-së, NATO-s dhe SHBA-ve, që të reagojnë me vendosmëri dhe në unison ndaj përshkallëzimit të veprimeve secesioniste të liderëve serbë të Bosnjës dhe Hercegovinës.

Reagimi i plotë:

Këshilli i Ambasadorëve Shqiptarë përcjell me shqetësim përshkallëzimin e tensioneve politike në Bosnjë dhe Hercegovinë, të nxitura nga veprimet secesioniste të autoriteteve të Republikës Serbe të Bosnjës dhe Hercegovinës.

Vendimet e fundit të Parlamentit të Republikës Serbe, për të filluar hartimin e legjislacionit përkatës për të krijuar institucionet paralele të ushtrisë, gjykatave dhe sistemit tatimor, si dhe hartimin e nje kushtetute te re, trasojnë rrugën për tërheqjen e serbëve nga institucionet qëndrore shtetërore. Ato janë në kundërshtim me detyrimet që rrjedhin nga Marrëvëshja e Dejtonit dhe kanë për synim minimin e paqes që ka krijuar ajo.

Retorika konfliktuale e lidershipit të serbëve të Bosnjës dhe Hercegovinës dhe veprimet dezintegruese të institucioneve të tyre janë prelud në skenarë të viteve të 1990-ta. Skenar këta që skenarist kanë pasur Beogradin e rezultat Srebrenicën, Vukovarin dhe Reçakun.

Fakti që përshkallëzimi i fundit në Bosnjë dhe Hercegovinë vjen pas vizitës në Moskë të liderit të serbëve të Bosnjës, Dodik, si dhe në kohën e tensioneve në rritje në kufirin në mes të Ukrainës dhe Rusisë, janë edhe më shqetësuese.

Këshilli i Ambasadorëve Shqiptarë i bën thirrje bashkësisë ndërkombëtare, sidomos BE-së, NATO-s dhe SHBA-ve, që të reagojnë me vendosmëri dhe në unison ndaj përshkallëzimit të veprimeve secesioniste të liderëve serbë të Bosnjës dhe Hercegovinës.

Politikat etno-nacionaliste dhe veprimet dezintegruese të Republikës Serbe të Bosnjës dhe Hercegovinës, përbëjnë kërcënim serioz për stabilitetin e tërë rajonit tonë.

KASH edhe një herë tërheq vëmëndjen se paqja dhe stabiliteti në rajonin tonë, sikundër edhe përspektiva e tij Euro-Atlantike, mund të minohen fare lehtë nga heshtja e vendeve demokratike përballë rindezjes së politikave të kuzhinës së Millosheviçit.

Këshilli i Ambasadorëve Shqiptarë përsërit thirrjen edhe ndaj vendeve të rajonit që të kundërshtojnë haptazi dhe pa ekuivoke çdo tendecë për minimin e funksionalitetit dhe integritetit të Bosnjës dhe Hercegovinës. Vetëm në këtë mënyrë mund të ecim përpara në rrugën e progresit dhe integrimeve Euro-Atlantike të rajonit tonë./albeu.com/

The post Këshilli i Ambasadorëve Shqiptarë thirrje ndërkombëtarëve: Veprimet e fundit të Serbisë janë alarmante appeared first on Albeu.com.

Kjo ka ardhur pas situatës së tensionuar atje, që në momentin që Serbia po ndihmon republikën Srpska për të krijuar institucione paralele brenda saj.

Në një bisedë telefonike me të, Chollet mësohet se të ketë thënë se hapat e koalicionit qeverisës të Republikës Srpskas për t’i minuar institucionet e Bosnjës e Hercegovinës janë të papranueshme.

“Sot në një telefonatë me Milorad Dodik theksova se hapat e koalicionit qeverisës të RS për t’i minuar institucionet e BeH janë të papranueshme. Korrupsioni dhe veprimet kundër Dejtonit do të kenë pasoja. Duhet të ketë një kthim në dialog brenda institucioneve të BeH”, ka shkruar Chollet në Twitter.

Asambleja Popullore e Republika Sërpskas (RS) së fundmi ka miratuar një sërë hapash që fuqizojnë një nismë për t’i transferuar disa kompetenca nga institucionet shtetërore, pavarësisht paralajmërimeve nga Perëndimi./albeu.com/

The post Zbardhet telefonata e SHBA, paralajmëron Milorad Dodik për pasoja ndaj veprimeve kundër Dejtonit appeared first on Albeu.com.