Sapo mori fjalën, Manja u shpreh se po i drejtohej Peleshit për një “ndjesë me mikrofon”, duke iu referuar një situate të mëparshme në sallë, ku sipas tij kishte kërkuar falje pa mikrofon.

“Ndjesa ime pa mikrofon është më e fortë se cinizmi yt me mikrofon”, tha Manja, duke shtuar se ndërhyrja e tij lidhej edhe me pamundësinë për të replikuar më herët gjatë debatit.

Ai theksoi se, megjithëse rregullorja e Kuvendit nuk lejon replika në atë moment, ekziston mundësia e mirëkuptimit mes kolegëve për ndryshimin e radhës së fjalës, gjë që sipas tij nuk u respektua.

Gjatë fjalës së tij, Manja iu rikthye edhe debatit politik me opozitën, duke përmendur kreun e PD-së Sali Berisha, të cilin e akuzoi për përdorimin e gjuhës së ashpër dhe të konfliktit politik ndër vite.

Sipas tij, përballja me një figurë me eksperiencë të gjatë politike kërkon më shumë se rregullore parlamentare, duke iu referuar “rregullores personale” të çdo politikani në debat.

Në fund të replikës, Manja u shpreh se reagimi i tij ishte i nevojshëm për të sqaruar situatën e krijuar në sallë.

“Z. kryetar i Kuvendit, meqë qëparë nuk ma dhe fjalën për të konsumuar minutat e mia për t’iu përgjigjur Sali Berishës për akuzat që bëri, të paktën të kërkoja edhe ndjesën me mikrofon se të ula gradat që ke dhe preferove që në vend të ndjesës publike simes pa mikrofon të dominojë cinizmi yt me mikrofon. Dua të të kujtoj se fuqia e ndjesës pa mikrofon është shumë më e fortë sesa cinizmi i kujtdo në këtë sallë. Unë e njoh rregulloren e Kuvendit dhe sigurisht nuk lejohet replika, por e drejta për të ndryshuar radhën në mirëkuptim me kolegët dhe ju, ekziston. Ju nuk e patët këtë mirëkuptim dhe e mirëkuptoj sepse nuk është e lehtë të përballesh me një dinozaur politik si Sali Berisha që ka 40 vjet që mbijeton në politikë me mjetet që di të përdorë më mirë: intrigën, presionin, baltën, shpifjen, shantazhin, shto tani në fund edhe gradën shkencore non grata. Që të përballesh me këtë nuk të vjen në ndihmë rregullorja e Kuvendit sesa rregullorja jote”, tha Manja.

Nga ana e tij, Peleshi u përgjigj shkurt se nuk e lejon rregullorja të replikojë në atë moment, por shtoi se do t’i analizojë deklaratat e Manjës për të reflektuar më tej mbi qëndrimin e tij.

The post Manja replika në Kuvend me Peleshin: Ndjesa pa mikrofon vlen më shumë se cinizmi yt, të ula gradat… appeared first on Albeu.com.

Rama ka paraqitur të dhëna që, sipas tij, tregojnë një realitet të ndryshëm.

Kreu i qeverisë ka ndarë rezultatet e një analize të bazuar në inteligjencë artificiale, të realizuar nga një startup shqiptar.

Sipas tij, analiza përfshin mbi 4,500 artikuj nga 43 media, të monitoruara përgjatë 66 ditëve.

Kryeministri nënvizon se, sipas këtyre të dhënave, zëri i opozitës në media është më i lartë se ai i qeverisë, ndërsa kritikon raportin e “Reporterëve pa Kufij” duke e cilësuar si të njëanshëm dhe të paplotë.

“Ne i marrim shumë seriozisht shqetësimet për pronësinë e mediave dhe kushtet e punës së gazetarëve. Këto janë çështje reale dhe duhen adresuar. Por të injorosh plotësisht realitetin empirik dhe ta paraqesësh Shqipërinë si një vend me media të kapura dhe gazetari nën sulm politik? Në rastin më të mirë, kjo e bën analizën jo vetëm të paplotë, por edhe më të varfër. Dhe si pasojë, edhe vetë renditjen të njëanshme”, shkruan ndër të tjera kryeministri Rama.

Në raportin e fundit të Reporterëve pa Kufij thuhet se Shqipëria renditet në vendin e 83, duke humbur tre vende nga viti i kaluar. Po ashtu theksohet se gazetarët janë viktima të akteve të frikësimit nga politikanët dhe krimi i organizuar.

“Gazetarët përballen me presion politik, sidomos gjatë zgjedhjeve. Politikanët kufizojnë pavarësinë editoriale duke politizuar organet rregullatore të medias dhe duke emëruar drejtuesit e medias publike. Gazetarët kritikë ndaj autoriteteve shpesh janë objekt sulmesh që synojnë t’i diskreditojnë, si nga qeveria ashtu edhe nga opozita. Ata gjithashtu hasin vështirësi në sigurimin e informacionit zyrtar, akses i cili mund të kufizohet edhe më tej nga centralizimi i fundit i komunikimeve qeveritare”, thuhej në raport.

Reagimi i kryeministrit Rama:

I/E Nderuar RSF_inter,

Duke qenë se dje po mendonit për mua, gjë që e vlerësoj shumë, e gjeta veten duke menduar për ju në fillim të kësaj dite, për shkak të një burimi të jashtëzakonshëm të bazuar në inteligjencën artificiale, një start up shqiptar që mund të jetë shumë i dobishëm për misionin tuaj, i mbështetur në fakte të thjeshta empirike melloë-figolla-74f91c.netlify.app dhe në versionin anglisht, për ta bërë më të lehtë për ju thunderous-ganache-18fd87.netlify.app

Mbi 4,500 artikuj të analizuar, në 43 media, përgjatë 66 ditëve monitorim.

Zëri i opozitës: 3.57 herë më i lartë se ai i qeverisë.

Burimet kritike: 4.67 herë më dominuese se ato pro-qeveritare.

Toni kritik: 6.4 herë më i fortë se mbulimi pozitiv.

Më shumë se 15 figura të opozitës të pranishme vazhdimisht në tituj.

Përmendjet për opozitën: 1,828 kundrejt 925 për Kryeministrin dhe qeverinë së bashku.

Madje edhe individualisht, liderët e opozitës dalin mbi Kryeministrin, ku njëri prej tyre i tejkalon përmendjet e tij në media.

Dhe në vetë titujt:

368 citime të drejtpërdrejta të opozitës kundrejt 108 të qeverisë, pra një dominim 3.4 herë më i madh.

Akuzat më të ashpra ndaj qeverisë dhe ndaj meje personalisht qarkullojnë lirisht në rreth 70 tituj, ndërkohë që nuk ekziston asnjë provë për ndonjë nivel simetrik sulmesh ndaj mediave anti-qeveritare apo edhe ndaj kundërshtarëve politikë. Sepse thjesht nuk ka.

Dhe sipas rregullatorit shtetëror, AMA, opozita mbajti 60.12% të kohës televizive politike gjatë muajit mars, ndërsa vetë qeveria zinte një pjesë shumë më të vogël.

Këto nuk janë perceptime.

Janë fakte të matshme.

Në një mjedis vërtet “me media të kapura”, asgjë nga këto nuk do të ekzistonte.

As dominimi i zërave të opozitës.

As mbizotërimi dërrmues i narrativave kritike.

As qarkullimi i lirë i akuzave ekstreme.

Dhe sigurisht jo shumica e kohës politike televizive në favor të opozitës.

Ne i marrim shumë seriozisht shqetësimet për pronësinë e mediave dhe kushtet e punës së gazetarëve. Këto janë çështje reale dhe duhen adresuar. Por të injorosh plotësisht realitetin empirik dhe ta paraqesësh Shqipërinë si një vend me media të kapura dhe gazetari nën sulm politik?

Në rastin më të mirë, kjo e bën analizën jo vetëm të paplotë, por edhe më të varfër. Dhe si pasojë, edhe vetë renditjen të njëanshme.

Kaq kisha.

P.S. Për një ditë tjetër mbetet të shpjegoj teorinë time se si mund të fitosh zgjedhje duke bërë pikërisht të kundërtën e kontrollit të medias: duke lejuar që i gjithë vreri politik anti-qeveritar të ngopë hapësirën publike dhe, përmes kësaj t’i tregojë qytetarit të zakonshëm sa pak kanë për të ofruar ata që qëndrojnë pas saj.

The post Zëri i opozitës më i lartë se ai i qeverisë/ Rama replikon me “Reporterët pa Kufij” për lirinë e medias: Analiza juaj e paplotë dhe e varfër, renditja e njëanshme appeared first on Albeu.com.

“Nëse ka një gjë që kemi bërë, jemi krenar për këtë është që kemi shmangur bërjen e një ushtrie socialiste të shtetit”, iu drejtua Rama, duke shtuar se në të kundërt s’do ishin në kushtet e negociatave me BE.

Rama thumboi edhe ish-kreun e PD-së, Lulzim Basha, duke u shprehur se, “O Lul ku je më artist u bë kohë që nuk të shoh, nuk më ndoqe që nuk më ndoqe”.

“Nëse ka një gjë që kemi bërë, jemi krenar për këtë është që kemi shmangur bërjen e një ushtrie socialiste të shtetit. Po të mos kishim bërë ndryshme, padiskutim me të gjitha të metat e veta, nuk do ishim në kushtet e negociatave me BE.

Askush nuk ka arsye të mendojnë për shumë të paktit që kuturisen të ndërtojnë pa leje, nuk janë ata pa të ardhura që kuturisen të ndërtojnë pa leje. Unë dhe ne jemi këtu për të menduar për shumicën dërrmuese, që nuk ndërtojnë pa leje dhe kërkojnë fundin e këtij fenomeni.

O lul ku je më artist u bë kohë që nuk të shoh, nuk më ndoqe që nuk më ndoqe, mbete tek 7 * 7, eh mër Lul”, shprehet Rama.

The post Keni bërë ushtri socialiste të shtetit/ Rama replika me ndjekësit, thumbon dhe Bashën: O Lul ku je mo artist, u bë shumë kohë që s’të shoh, nuk më ndoqe mbete te 7X7 appeared first on Albeu.com.

“Nesër dita e rënies së gongut zyrtar të fushatës së 11 Majit, dhe ndryshe nga herët e tjera, nesër do të nisim fushatën zyrtare me një cikël takimesh. Natyrisht do të jemi së bashku me fuqinë tonë kryesore që janë gratë dhe vajzat”, tha Rama.

PAGA MINIMALE

Kreu i qeverisë po u përgjigjet pyetjeve të parashtruara nga ndjekësit e tij. Rama thotë se paga minimale do të shkojë 500 euro.

“Paga mesatare në Shqipërinë 1250 euro në sektorin publik dhe 1000 euro paga e kombinuar. Jemi në kushtet kur paga mesatare e përgjithshme e kemi rritur më shumë se dy herë e gjysmë.

Nuk e di se çfarë flet, kur flet për pagat, por jemi pikërisht në këto shifra dhe arsyeja pse ne votohemi masivisht, kur unë i them gjërat në realitet, në realitet ka numër të madh njerëzish që gjërat i kanë para syve.

Kur unë them që paga minimale ishte 157 euro, është 400 euro, ata që e kanë pagën minimale, e dinë shumë mirë se çfarë flas. Në qershor do u përcjellim kompanive vendimin që paga minimale do jetë 500 euro”, theksoi Rama.

Rama iu përgjigj një komentuesi që i shkruante se kishte premtuar rritje pagash, por nuk ka bërë gjë.

Sipas Ramës, paga mesatare është rritur dy herë.

“Nëse ka një gjë që është shumë evidente është pikërisht rritja e pagave në vend që ka impaktuar edhe rritjen e pagave ne sektorin privat, ku sot ne kemi një pagë mesatare te kombinuar me sektorin publik-privat, 830 euro. Ndërkohë, kur ne morëm detyrën paga mesatare në sektorin publik ishte 372 euro, ndërkohë që në 2024 u mbyll viti sipas INSTAT me një pagë mesatare 1000 euro. Është shumë e qartë që në vitin 2030 paga mesatare do të jetë 1230 euro në sektorin publik.

Jemi në kushtet ku pagën mesatare e kemi rritur me shumë se 2 herë e gjysmë. Jemi në këto shifra, dhe arsyeja pse ne vonohemi masivit është se kur i them gjerat atje në realitet, janë njerëzit që ato gjëra i kanë të prekshme. Kur them që paga minimale ishte 157 euro, ata që e kanë pagën minimale, e dinë se çfarë flas. Në qershor do u përcjellim kompanive vendimin qe paga minimale do të bëhet 500 euro janarin e ardhshëm, njerëzit e dinë”, u shpreh Rama.
“NOC RROKU”

Kryeministri Edi Rama, i është përgjigjur një komentuesi në rrjetet sociale, i cili i tha se më 1 1maj do marrë noc rrokun.

Kreu i qeverisë i tha se duhet të presin edhe 30 ditë për të parë rezultatin e zgjedhjeve, duke theksuar se më 11 maj do të dalin të trishtuar.

“Mos e cysni nocin se sa më shumë e cysni aq më shumë do t’iu dhëmbë më 11 maj. Mos e cysni se do të dilni shumë të trishtuar nga 11 maji. Ju keni të drejtën të mendoni ashtu siç mendoni, keni të drejtën të ëndërroni se më 11 maj do keni popullin me vete. Ju me popullin dhe shumicën e popullit shqiptar nuk keni përputhje me mënyrën si i shihni gjërat.

Populli shqiptar nuk kthehet më mbrapa. Prisni, duroni 30 ditë dhe pastaj do ta shihni se kujt do t’i trokasë noci te dera. Kujt do ti shfaqet”, tha Rama.

LA CIVITA ME BERISHËN

Kryeministri Edi Rama, iu përgjigj pyetjes së një komentuesi, lidhur me ardhjen e Chris LaCivita në çeljen e fushatës së PD ditën e nesërme.

“Nuk po bëj asnjë koment sepse erdhën zgjedhjet e do ta shohësh kush do të zbresë e kush do të bjerë”, tha Rama.

The post Noc Rrokun do marrësh/ Rama replikon me komentuesin për zgjedhjet: Ua kam thënë, mos e cysni se do u dhëmbë shumë 11 maji appeared first on Albeu.com.

Në përgjigje të kritikave, Rama theksoi se nuk ishte ai që kishte “dredhur zinxhirët” por kishte punuar për të realizuar zhvillimet në Tiranë, ndërsa theksoi se çdo detyrë duhet të kryhet nga çdo udhëheqës.

“Aty ishin të tjerët para meje. Për detyrën i kishin vendosur edhe ata. Detyrën duhet të bëjnë të gjithë. Nuk e kam ulur qiellin në tokë, por Tiranën e kam ngritur nga varri dhe këtë nuk ma heq dot kush”, tha ai.

Kryeministri shtoi se ata që nuk duan ta shikojnë këtë zhvillim, mund të mos e shohin fare, por Tirana nuk është më “Kandahar”, dhe Shqipëria ka arritur një nivel që sipas tij, nuk mund ta arrinte askush.

Për një koment të dytë që sugjeronte se çdo udhëheqës mund ta kishte realizuar zhvillimin e Tiranës, Rama u shpreh: “A thua se kushdo që të ishte do bënte piramida në 1997? A thua që kushdo që të ishte do ngrinte Tiranën nga varri në vitet 2000 dhe do të bëntë qytet evropian me miliona turistë në vit?” Ai theksoi se Tirana është ngritur falë angazhimit të tij dhe të PS, dhe jo nga ata që “sa herë kanë pasur diçka në dorë, kanë zhbërë”.

Në përgjigje të një komenti të tretë që kritikonin zgjerimin e rrugëve dhe gjelbërimin e qytetit, Rama shpjegoi se të gjitha rrugët janë zgjeruar dhe përmendi faktin se pemët që ndodhen në qytet janë mbjellë pas periudhës së diktaturës. “Historinë lërja historisë. Këtë Kandahar e bëra qytet evropian,” përfundoi ai.

The post Rama replika me komentuesit: Tiranën e ngrita unë, as sahati nuk punonte… appeared first on Albeu.com.

“U bëre bozë çdo ditë në ekran”, ishte një nga komentet të cilit kreu i qeverisë zgjidhi t’i përgjigjet sot, duke sqaruar se ka zgjedhur këtë mënyrë komunikimi për të informuar qytetarët në lidhje me punët e bëra nga kjo qeveri, qofshin ato të mëdha e të vogla, punë që jo gjithmonë sipas tij gjejnë hapësirë mediatike.

“Puna ime është të udhëheq natyrisht edhe për të informuar. Dritaret e reja që kam hapur janë për të debatuar dhe informuar siç bëra për marrëveshjen e nënshkruar dje në Abu Dhabi.

Tani ti thua që një KM ka detyra të tjera, ndërsa për mua dita nis me ty. Sepse sa hap sytë nis të mendoj ç’të bëj sot për mandatin që kam marrë nga njerëzit për vendin tënd dhe timin.

Asnjë nga punët e mëdha ose të vogla nuk rri pa vëmendje dhe asnjërën nuk lë pa bërë. Këto videot janë një grusht minutash, ndërsa dita ime nis sa gdhihet dhe përfundon pas mesnate”, tha
ai.

The post Çdo ditë në ekran u bëre bozë/ Rama u përgjigjet komentuesve appeared first on Albeu.com.

Në lidhje me ngjarjen, ka pasur edhe një protestë, ndërsa rrjetet sociale kanë vërshuar në reagime kundër stafit të këtij spitali.

Mes reagimeve në rrjetet sociale, shfaqet dhe e bija e një prej mjekëve të akuzuar nga prokuroria e Tiranës për shpërdorim detyre, Edmond Gashi, i cili ndodhet në ‘arrest shtëpie’.

Vajza e këtij të fundit, ka replikuar me komentuesit në rrjetet sociale ‘dhëmbë për dhëmbë’, duke mos kursyer as ironitë.

The post Babai i saj në “arrest shtëpie” pas skandalit te Onkologjiku/ Vajza e mjekut Edmond Gashi ofendon qytetarët në rrjetet sociale (FOTO) appeared first on Albeu.com.

Për këtë, ka reaguar edhe babai i Granit Xhakës, Ragip Xhaka duke i dalë kundër Zanës.

“Nuk jam njëri i televizioneve e i kamerave. Jam njër i sakrifikës, i punës dhe burgjeve.

Desha asaj zonjës, Zanës, t’ia përkutoj.

T’i tregoj se kush jam. Ajo kur mirret me një fjalë rrugaç, t’i vijë turp, ajo nuk e di çfarë është sporti, çfarë është krenaria.

I kundërvihet një djali që është gjak shqiptari, që na bën të gjithë shqiptarëve krenarë. I thotë Granitit rrugaç.

Po më vjen keq që një femër me shkrujt atë fjalë. Më së pari të ma tregojë mua fjalën rrugaç. Ndoshta prej efektit mundet me ndodh. Asnjë fjalë nuk e dëgjova për thirrjet e Serbisë.

Familja Xhaka nuk është dorëzu asnjëherë ndaj pushtuesve. Graniti nuk e ka bo gjestin politik, as shovinist, as asgjë.Atë gjest nuk e ka bo as me fye kërkënd, as me sha kërkënd.

Është turp i saj t’i mbrojë ato teza të Serbisë. Xhaka i tregoi botës që këta (serbët) na kanë dhunuar nënat tona, vajzat tona”, ka thënë Ragip Xhaka./h.ll/albeu.com

The post “I kundërvihet një djali me gjak shqiptari që na bën krenarë”, babai i Granit Xhakës replika ndaj Zana Avdiut appeared first on Albeu.com.

Humbja tingëlluese 3-0 e Italisë ndaj Argjentinës në ‘La Finalissima’ shërbeu vetëm për të fshirë kripë në plagët e tyre pasi një humbje shokuese në play-off ndaj Maqedonisë së Veriut i bëri ata të humbasin Kupën e Botës, siç bënë në 2018.

“Turpi më i madh është që Italia nuk shkoi direkt në Katar pasi fitoi Kampionatin Evropian”, tha Baggio.

“Duhet të ndryshojmë rregullat. Është skandaloze, më duket çmenduri. A do të kenë fituar ndonjë shpërblim apo jo? Po të kisha qenë unë në vendin e tyre, nuk e di se si do të kisha reaguar. Është gjëja më e keqe për t’u pranuar, sepse në një ndeshje 90-minutëshe çdo gjë mund të ndodhë, një gjë shkon keq dhe ju qëndroni në shtëpi.

Humbja e Argjentinës tregoi Italinë

Pasi kishte mposhtur Anglinë me penallti në finalen e Euro 2020 më pak se një vit më parë, Italia është rikthyer në shesh dhe shfaqja e dobët e saj kundër Argjentinës të mërkurën mbrëma tregoi se ku ndodhet skuadra.

Baggio mbështet trajnerin Roberto Mancini, por pranon se Italia po vuan mendërisht nga dështimi për t’u kualifikuar në Kupën e Botës.

“Ekipi ka talent të madh, por Azzurri kanë vuajtur shumë nga eliminimi nga Kupa e Botës, reagimi psikologjik ishte i madh”, shtoi Baggio./ h.ll/albeu.com

The post Roberto Baggio: Duhet të ndryshojnë rregullat, është çmenduri të shohësh Italinë jashtë Botërorit appeared first on Albeu.com.

Vetëm 11 vjeç, djali i Cristianos ka dalë në një foto me gjyshen e tij, Dolores. Gjithsesi ndjekësit e nënës së Ronaldos kanë dashur të merren me bluzën Nike dhe çorapet Adidas të djaloshit.

Përgjigjen e kanë marrë shpejt nga vetë Cristiano, i cili në postimin e nënës së tij ka komentuar: “Ai vesh atë që dëshiron, jo atë që dëshironi ju”.

Mijëra pëlqime te komenti i Ronaldos, që u jep një “leksion” ndjekësve në rrjetet sociale. / h.ll/albeu.com

The post I kritikojnë djalin për veshjen, Ronaldo u kthehet fansave (FOTO LAJM) appeared first on Albeu.com.