Ish-punonjësja 37 vjeçare e Facebook, Franses Haugen, ka vijuar me akuzat drejtuar kompanisë ku ajo punonte.

Haugen dëshmoi para një komisioni të Senatit amerikan gjë që e kishte bërë edhe më parë me anë të një dosjeje me zkuza që i dorëzoi Ëall Street Journal.

Kërkimet e Facebook dëshmojnë se më shumë se 6% e fëmijëve pranojnë se janë kaq të varur nga Instagram, sa që ky rrjet social dëmton shëndetin dhe rendimentin e tyre në shkollë. Por sipas saj përqindja mund të jetë dhe më e lartë.

Mes dëmeve të cituara është anoreksia. Haugen tha se nuk beson që Facebook do të pezullojë Instagramin për fëmijë, dhe pas një viti kjo bisedë do të bëhet sërish. Mark Zukerberg, mbrojti Facebook pas akuzave të saj të cilat i cilësoi si të pakuptimta. Ai theksoi se platforma e tij shqetësohet shumë për çështje të tilla si siguria, mirëqenia dhe shëndeti mendor.

Ai shton se arsyetimi se Facebook për të përfituar, shfaq qëllimisht përmbajtje që zemërojnë njerëzit, është i palogjikshëm./albeu.com

The post Ish punonjësja e Facebook vijon “sulmin”: Instagram dëmton shëndetin e të miturve appeared first on Albeu.com.

Mbi këtë bazë, Komisioni Federal i Tregtisë në SHBA ka nisur procedurat ligjore për të detyruar Facebook që të shesë dy kompanitë e tjera që zotëron, WhatsApp dhe Instagram.

Facebook e kundërshton duke theksuar se ai nuk pengon kompanitë e tjera që të rriten në treg dhe për këtë merr si shembull Tik Tok-un që për një kohë të shkurtër ka pasur një rritje të shpejtë.

Një proces i ngjashëm u ndërmor në qershor, ku një gjykatë e Uashingtoni rrëzoi kërkesën e autoriteteve duke deklaruar se ato nuk kishin dorëzuar provat e mjaftueshme që të faktonin se Facebook kishte monopolin në tregun e rrjeteve sociale.

Komisioni Federal i Tregtisë e modifikoi kërkesën në bazë të këtij vendimi dhe ka kërkuar sërish detyrimin me vendim gjyqësor të Facebook që të nxjerrë në shitje dy aplikacionet e tjera që zotëron.

Komisioni e ka bazuar padinë edhe në faktin që Facebook po shkrin në një server të vetëm komunikimet përmes tre platformave sociale që zotëron. Facebook mbrohet duke deklaruar se shkrirja është miratuar vetë nga ky komision.

Facebook bleu Instagramin në vitin 2012 për 1 miliardë dollarë dhe në 2014 bleu WhatsApp për 19 miliardë të tjera./albeu.com

The post Bllokimi për 6 orë i’u kthye në makth, Mark Zukenberg pritet të detyrohet të shesë Instgram dhe WhatsApp appeared first on Albeu.com.

Aksionet e tij humbën 4.8% të vlerës, duke i shkaktuar Zuckerberg një humbje prej 5.9 miliardë Dollarë. Pasuria e tij tashmë është 117 miliardë Dollarë në total. Mark Zuckerberg është personi i gjashtë më i pasur në botë, raporton Forbes.

Aksionet e Facebook pësuan rënie dhe besimi i investitorëve u dobësua nga mosfunksionimi që zgjati për 6 orë duke nxjerrë tërësisht jashtë funksionit në të gjithë botën rrjetet sociale Facebook, WhatsApp dhe Instagram.

Një gabim në konfigurimet e sistemeve të brendshme të rrjeteve sociale i kushtoi kompanisë dhjetra miliona Dollarë humbje.

Një ndërprerje të tillë, Facebook e pësoi në vitin 2019, kur rrjeti u mbyll për 14 orë. Por edhe pse gjatë viteve të fundit Facebook është përballur me shumë kritika, çuditërisht aksionet e kësaj kompanie janë provuar të qëndrueshme.

The post Sa milion dollarë humbi Mark Zuckerberg nga ndërprerja e Facebook, Instagram dhe WhatsApp appeared first on Albeu.com.

Të tre aplikacionet janë në pronësi të Mark Zuckerberg dhe momentalisht janë të paaksesueshme.

Ky problem ka prekur gjithë përdoruesit në mbarë botën dhe për momentin komunikimi virtual është në kaos.

Gjithashtu privatësia e shumë qytetarëve në mbarë globin është e rrezikuar.

Facebook deklaroi “Ne jemi të vetëdijshëm se shumë njerëz kanë probleme me qasjen në aplikacionet tona. Ne po punojmë për t’i kthyer gjërat në normalitet sa më shpejt të jetë e mundur dhe kërkojmë falje për çdo shqetësim“. Asnjë arsye zyrtare për problemin nuk u dha.

Ekspertët e rrjetit online hodhën hipoteza se shkaku mund të përfshijë një gabim me “DNS”, ose sistemin e emrit të domain-it, për faqet e Facebook. “DNS” shpesh krahasohet me një libër adresash ose një libër telefoni për internetin, që tregon shfletuesit në sistemin kompjuterik. Në të kaluarën problemet me “DNS” çuan në ndërprerje në disa vende.

Hera e fundit që Facebook ra ishte në muajin qershor të këtij viti. Megjithatë, kishte edhe probleme muajin e kaluar, kur Instagram ra për 16 orë. Jake Moore, specialist i sigurisë kibernetike tha se ndërprerjet po rriten dhe po bëhen gjithnjë e më të vështira për t’u parashikuar./albeu.com

The post Komunikimi në “kaos”, zbulohet shkaku i bllokimit të Facebook, WhatsApp dhe Instagram appeared first on Albeu.com.

Ajo ka akuzuar kompaninë se ka sakrifikuar mbi të mirën publike për fitime marramendëse. Ajo zbuloi dhjetëra mijëra faqe kërkimesh dhe dokumentesh të brendshme, të cilat shkaktuan reagime të ashpra kundër Facebook dhe u zbuluan së fundmi në programin “60 Minutes”.

Frances Haugen, 37 vjeç, tha se mijëra dokumente që ajo kishte mbledhur treguan se kompania po gënjente publikun, duke rritur problematikat ndaj urrejtjes, dhunës dhe dezinformatave, raporton Ekspress.

Sekreti i heqjes së dhjamit të trupit që askush nuk ju tha!

“Ajo gjë që pashë në Facebook vazhdimisht ishte se kishte konflikte interesi midis asaj që ishte e mirë për publikun dhe asaj që ishte e mirë për Facebook. Dhe Facebook, pa pushim, zgjodhi të optimizohej për interesat e veta, si të fitonte më shumë para,”tha ajo.

Në një intervistë me programin “60 Minutes”, Haugen shpjegoi vendimin e saj për të folur në lidhje me funksionimin e brendshëm të Facebook, duke thënë se ishte alarmuar nga ajo që i perceptonte si politikat e kompanisë, që i jepnin përparësi fitimit mbi sigurinë publike.

“Versioni i Facebook që ekziston sot po copëton shoqëritë tona dhe po shkakton dhunë etnike në të gjithë botën,” tha ajo.

Haugen tha se ishte rekrutuar në Facebook si menaxhere produktesh, në vitin 2019, ku kaloi më shumë se një dekadë duke punuar në industrinë e teknologjisë, përfshirë Pinterest dhe Google.

Por, Haugen tha se shumë shpejt filloi të ndjente se Facebook, nuk ishte i gatshëm të ndërmerrte veprimet e nevojshme për të adresuar çështjet e sigurisë, edhe pse i kishte mjetet. Ajo u largua nga kompania në maj të këtij viti.

“Askush në Facebook nuk është keqdashës”, tha Haugen për “60 Minutes”.

Ajo tha se Mark Zuckerberg, themeluesi dhe shefi ekzekutiv i Facebook, “kurrë nuk ka vendosur të krijojë një platformë urrejtëse”.

Por, efektet që zgjedhjet amerikane patën në kompani kishin qenë të rënda.

Facebook vërtetoi se mund të bënte më shumë për të adresuar këto probleme kur ndryshoi politikat e përmbajtjes për disa javë rreth zgjedhjeve amerikane të vitit 2020, tha ajo, duke shtuar se kompania qëllimisht i dha një përparësi më të ulët përmbajtjes politike në burimin e saj të lajmeve, raporton Ekspress.

Haugen është thirrur për të dëshmuar para Kongresit të martën për studimet dhe informacione të tjera që ajo ka marrë nga koha e saj në Facebook.
Në vitin 2019, Facebook u gjobit me 5 miliardë dollarë (3.7 miliardë) nga Komisioni Federal i Tregtisë i SHBA për “mashtrimin” e përdoruesve në lidhje me aftësinë e tij për të mbajtur informacionin personal privat, pas një hetimi njëvjeçar mbi shkeljen e të dhënave të Cambridge Analytica./albeu.com

The post Ish-punonjësja zbulon dokumentet sekrete të Facebook: Fitojnë duke rrezikuar privatësinë e njerëzve appeared first on Albeu.com.