Rekorde Archives - Albeu.com

Beyonce thyen rekorde në Londër me gjashtë net të njëpasnjëshme, në stadiumin e Tottenham Hotspur

D Marku — Tue, 17 Jun 2025 13:31:31 +0000

Beyonce ka përfunduar me sukses turneun e saj “Cowboy Carter Tour” në Londër, duke thyer disa rekorde historike në stadiumin e Tottenham Hotspur.

Gjatë gjashtë netëve të performancës (5, 7, 10, 12, 14 dhe 16 qershor), këngëtarja mirëpriti mbi 275,000 spektatorë dhe gjeneroi më shumë se 45 milionë paund (rreth 61 milionë dollarë), duke vendosur një rekord për numrin më të madh të biletave të shitura dhe për të ardhurat më të larta ndonjëherë në këtë stadium.

Ajo bëhet artistja me më shumë net të koncerte të mbajtura ndonjëherë në stadiumin londinez, duke kaluar edhe suksesin e saj të mëparshëm me turneun “Renaissance” në vitin 2023, shkruan DailyMail.

Ndërkohë, Beyonce thuhet se i ka lëshuar suitën luksoze në hotelin Corinthia këngëtares Mariah Carey, duke u larguar përpara se kjo e fundit të mbërrinte për performancën e saj në “Summertime Ball”. Sipas burimeve, ky veprim u interpretua si një gjest respekti nga një yll për një tjetër.

Gjatë koncertit të fundit, Beyonce surprizoi fansat duke i uruar publikisht ditëlindjen binjakëve të saj, Sir dhe Rumi, të cilët mbushën tetë vjeç.

Vajza e saj e madhe, Blue Ivy, gjithashtu u pa në skenë, duke i përqafuar motrën e vogël në një moment familjar në mes të spektaklit.

Pavarësisht profilit të lartë, Beyonce dhe Jay-Z rrallë ndajnë detaje për djalin e tyre Sir, për të cilin gjyshja Tina Knowles ka thënë më parë se është i qetë dhe i prirur drejt numrave, ndryshe nga motra Rumi që shfaq kreativitet artistik.

The post Beyonce thyen rekorde në Londër me gjashtë net të njëpasnjëshme, në stadiumin e Tottenham Hotspur appeared first on Albeu.com.

Sabrina Carpenter thyen rekorde në regjistrimin e votuesve në turneun e vitit 2024!

D Marku — Wed, 06 Nov 2024 13:03:19 +0000

Këngëtarja dhe kantautorja amerikane Sabrina Carpenter ka arritur një moment historik në angazhimin qytetar, duke regjistruar më shumë votues gjatë turneut të saj 2024 se çdo artist tjetër këtë vit.

Duke bashkëpunuar me HeadCount, një organizatë jofitimprurëse e përqendruar në promovimin e pjesëmarrjes së votuesve, Carpenter ka regjistruar një numër mbresëlënës 35,814 individësh për të votuar, nga një total prej 27,000 më parë.
Për më tepër, iniciativa e saj inkurajoi 263,087 persona të tjerë që të angazhohen në hapa jetikë jashtë regjistrimit, të tilla si verifikimi i statusit të regjistrimit dhe gjetja e qendrave të votimit.

The post Sabrina Carpenter thyen rekorde në regjistrimin e votuesve në turneun e vitit 2024! appeared first on Albeu.com.

Jo vetëm për kualifikimin, Shqipëria luan sot edhe për dy rekorde të tjera

Tau Lanti — Fri, 17 Nov 2023 16:30:30 +0000

Kombëtarja shqiptare e futbollit luan sot ne Kishinau shansin e saj për të marrë pjesë në EURO 2024, pasi i mjafton një pikë për të prerë biletën për një turne të tillë të rëndësishëm për herën e dytë në histori. Por njëkohësisht, kuqezinjtë luajnë edhe për dy rekorde që mund t’i arrijnë që sot.

I pari është ai i numri të fitoreve në kualifikueset e një Europiani. Asnjëherë më parë Shqipëria nuk ka bërë më shumë se 4 suksese në një edicion, shifër te e cila është ndalur në të dy edicionet e fundit në kualifikuese, si në atë 2016 ashtu edhe në 2020. Aktualisht kuqezinjtë kanë 4 fitore në grup dhe e 5-ta do të shënonte rekordin e ri të kësaj Kombëtareje.

Gjithashtu, Shqipëria është në ndjekje të rekordit për numrin më të lartë të pikëve në një turne kualifikues për Europianin. Kuqezinjtë kanë 13 pikë, pa aq sa arriti skuadra në edicionin e kaluar me 10 ndeshje të luajtura, teksa kanë vetëm 1 pikë më pak se sa rekordi i 14 pikëve me të cilën mbyllen kualifikueset në Euro 2016, ku siguruan pjesëmarrjen në fazën finale të turneut.

The post Jo vetëm për kualifikimin, Shqipëria luan sot edhe për dy rekorde të tjera appeared first on Albeu.com.

Kombëtarja e rekordeve ka edhe tifozë të tillë, briziliani merr pjesë në 11 turne të Kupës së Botës

E S — Sun, 18 Dec 2022 10:07:16 +0000

Një brazilian 75-vjeçar ka fituar një rekord botëror Guinness, pasi ka ndjekur më shumë turne të Kupës së Botës FIFA.

Daniel Sbruzzi, nga Taubaté, São Paulo, mori pjesë për herë të parë në Kupën e Botës në Argjentinë në vitin 1978, dhe Kupa e Botës e këtij viti në Katar e çoi totalin e turneve të tij të ndjekur në 11.

Sbruzzi tha për Guinness World Records se ndjekja e Word Cups është një mundësi “lidh pasionet e mëdha” të jetës së tij: futbollin dhe përjetimin e kulturave të ndryshme në mbarë botën.

“Një tipar i Bloco Vai Quem Quer është se burrat vishen si gra gjatë periudhës së karnavalit dhe parakalojnë në rrugë. Unë përpiqem të shpërndajë kulturën nga qyteti im në mbarë botën,” u shpreh ai.

Më tej, 75-vjeçari shtoi se Kupa e Botës në Katar ishte i vetmi turne që mori pjesë pa një kostum të frymëzuar nga femrat, për shkak të kodit të veshjes së turneut.

Sbruzzi tha se ai tashmë po planifikon të kryesojë rekordin e tij duke marrë pjesë në Kupën e Botës 2026, e cila do të organizohet bashkërisht nga Kanadaja, Meksika dhe Shtetet e Bashkuara.

“Ndjej se sa shumë përfaqësoj pasionin e tifozëve për Kupat e Botës dhe jam krenar që jam brazilian”, përfundoi i moshuari./

The post Kombëtarja e rekordeve ka edhe tifozë të tillë, briziliani merr pjesë në 11 turne të Kupës së Botës appeared first on Albeu.com.

Evropa “përvëlohet”, temperatura rekord më 17 korrik në këto vende

E S — Wed, 13 Jul 2022 05:10:32 +0000

Evropa perëndimore po përgatitet për valën e dytë të rrezikshme të të nxehtit të verës. Mbretëria e Bashkuar, Portugalia, Spanja dhe Franca po përballen me temperatura rekorde këtë javë, raporton CNN.

I nxehti do të vazhdojë të përkeqësojë zjarret në Evropën jugperëndimore. Alarmet për nxehtësi të nivelit të tretë, niveli më i lartë i mundshëm, janë në fuqi për 14 shtete përfshirë Portugalinë dhe Spanjën përgjatë fundit të javës.

Të hënën, Zyra Meteorologjike e Britanisë lëshoi një paralajmërim “të rrallë” për të Nxehtin Ekstrem Amber për të dielën, 17 korrik, temperatura të larta që duket të jenë këtë javë edhe në Angli dhe Uells.

Temperatura rekorde në Britani është 38.7 gradë celsius, e që mund të kalojë këtë shifër këtë fundjavë.

Britania mund të përjetojë edhe mbyllje të rrugëve për shkak të shkrirjes së sipërfaqeve, po ashtu mund të ketë vonesa në qarkullim tokësor dhe atë ajror./albeu.com

The post Evropa “përvëlohet”, temperatura rekord më 17 korrik në këto vende appeared first on Albeu.com.

Carlo Ancelotti, “kryetrajneri” i Champions League

E S — Fri, 27 May 2022 08:16:45 +0000

Nëse Real Madridi mund Liverpoolin në finalen e Champions League, Carlo Ancelooti do të bëhet trajneri që ka fituar më shumë herë trofeun me prestigjoz për klube në Evropë, plot 4.

Trajneri italian momentalisht është baraz me Bob Paisley dhe Zinedin Zidane. Për kuriozitet, të tre kanë qenë ose janë trajnerë të Real Madridit dhe Liverpoolit, dy klubet finaliste të këtij edicioni.

Bob Paisley është një legjendë. Me siguri më i madhi. Trajneri i lindur në Sunderland, në vitin 1919 dhe ishte i lidhur me Liverpoolin për gati gjysmë shekulli. Fillimisht si lojtar, më pas si fizioterapist dhe trajner në fund. Ai ndërroi jetë në 14 shkurt 1996, në Liverpool.

Paisley udhëhoqi Liverpoolin drejt gjashtë titujve të ligeës, tre Kupave Evropiane, një kupe UEFA, tre Kupave të Ligës, gjashtë Community Shields dhe një Superkupe Evropiane. I pari trajner që do të fitonte tre Champions League, i cili më pas do të barazohej nga Zidane i cili i fitoi ato me Real Madridin dhe Carlo Ancelotti ka fituar dy me Milanin dhe një me Real Madridin.

Pesë trajnerë kanë arritur ta fitojnë Championsin me dy klube të ndryshme: Ernst Happel (Feyenoord dhe Hamburg), Ottmar Hitzfield (Dortmund dhe Bayern Munich), Mourinho (Porto dhe Inter), Jupp Heynckess (Real Madrid dhe Bayern Munich) dhe Ancelotti (Milan dhe Real Madrid)./albeu.com

The post Carlo Ancelotti, “kryetrajneri” i Champions League appeared first on Albeu.com.

Immobile si Totti, sulmuesi italian pranë rekordeve të reja

admin — Wed, 04 May 2022 10:56:38 +0000

Ciro është i pandalshëm me 6 gola radhazi në 4 ndeshjet e fundit, një hap larg legjendës së Romës, Francesco Tottit i cili arriti në 7 ndeshje radhazi. Golat janë si buka e përditshme për Ciro Immobile. Në çdo ndeshje ai shënon rekorde, tashmë është i njohur dhe nuk është më lajm. Statistikat më të [...]

Nuk ndalet, Man United regjistron tjetër shifër rekord të shitjes së fanellave të Ronaldos

E S — Fri, 10 Sep 2021 16:09:03 +0000

Padyshim që rikthimi i Ronaldos te Manchester United ishte lëvizja më e bujshme e verës, bashkë me atë të Messit drejt PSG.

Pas mbërritjes së tij, klubi anglez konfirmoi se Cristiano do të bartë fanellën me numrin 7, siç e kishte në kohërat e tij të arta tek klubi anglez dikur.

Shitjet e fanellave të Ronaldos me numrin ‘7’ tani kanë arritur në 187.1 milion funte që kur Manchester United njoftoi zyrtarisht numrin e ri të Ronaldos në skuadër për këtë sezon.

Klubi anglez tani ka rimbursuar të gjithë tarifën prej 12.9 milion funteve që klubi i pagoi Juventusit për ta sjellë Ronaldon në Old Trafford, 13.1 milion në total.

Nga statistikat e ‘LoveTheSales’, pothuajse dy herë më shumë fanella ‘Ronaldo 7’ janë blerë këtë verë, krahasuar me fanellat e PSG-së ‘Messi 30’.

Detajet tjera nga këto statistika theksojnë se kërkimet në internet për ‘fanellën Ronaldo 7’ janë rritur me 600%, krahasuar me të dhënat e verës së kaluar.

Duket se klubi anglez tashmë ka përfituar jashtëzakonisht shumë me portugezin ende pa e zhvilluar asnjë ndeshje me klubin pas mbërritjes së tij, dhe mbetet të shihet se a do të përfitojnë edhe brenda fushës, me Ronaldon që i ka bërë me dije bashkëlojtarëve të tij se ata duhet ta fitojnë titullin këtë sezon.

Ronaldo nearly doubles Messi shirt sales (£187m)

Full report: https://t.co/8NC7HemuIn #ronaldo #footballnews #PremierLeague #Messi #RonaldoReturns #ronaldotounited #PSG #lovethesales pic.twitter.com/Y5GdLMDQ6j

— Love the Sales (@LovetheSales) September 10, 2021

The post Nuk ndalet, Man United regjistron tjetër shifër rekord të shitjes së fanellave të Ronaldos appeared first on Albeu.com.

Statistika individuale: Shifra prej jashtëtokësori, njihuni me rekordet e Lionel Mesit

A M — Sat, 07 Aug 2021 08:23:17 +0000

Lionel Mesi tashmë zyrtarisht nuk do të jetë më pjesë e Barcelonës, klub me të cilin debutoi në vitin 2004. Që prej asaj kohë sulmuesi argjentinas ka thyer çdo rekord në historinë e skuadrës katalanase, duke u shndërruar në një prej lojtarëve më të mirë të gjitha kohërave në botën e futbollit

Më poshtë ju pasqyrojmë arritjen individuale që 34-vjeçari ka shënuar gjatë karrierës së tij.

*Lojtari që ka shënuar më shumë gola (91) gjatë një viti kalendarik në kompeticione zyrtare (2012).

*Lojtari që ka shënuar më shumë gola (79) gjatë një viti kalendarik në kompeticione zyrtare me të njëjtin klub (2012).

*Lojtari që regjistron numrin më të lartë të golave të shënuar me të njëjtën fanellë për klube (671).

*Lojtari që ka shënuar më shumë gola (50) në La Liga gjatë një sezoni (2011-2012).

*Lojtari i vetëm që ka arritur ta fitojë 6 herë “Topin e Artë” (2009, 2010, 2011, 2012, 2015, 2019).

*Lojtari i vetëm që e ka fituar 4 herë radhazi “Topin e Artë”.

*Lojtari i vetëm që e ka fituar “Këpucën e Artë” 6 herë.

*Lojtari i vetëm që e ka fituar “Këpucën e Artë” 3 herë radhazi.

*Lojtari i vetëm në historinë e La Ligas që ka shënuar të paktën 1 gol për 16 sezone radhazi.

*Lojtari që ka shënuar më shumë gola (14) në Superkupën e Spanjës.

*Një nga dy lojtarët që së bashku me Kristino Ronaldon që regjistrojnë më shumë tripleta (173), tetë nga të cilat në Ligën e Kampioneve.

*Lojtari që ka shënuar më shumë tripleta (10) gjatë një sezoni në të gjitha kompeticionet (2011-2012).

*I vetmi lojtar që ka shënuar 5 gola në një ndeshje të fazës me eliminim direkt në Ligën e Kampioneve.

*Futbollisti i vetëm që në të njëjtin vit ka arritur të fitojë çmimet: “Topi e Artë”, “Lojtari më i mirë i vitit” për FIFA-n, “Pichichi”-in dhe “Këpucën e Artë”.

*I vetmi lojtar që ka shënuar gola në shtatë kompeticione të ndryshme për klube dhe kombëtare në të njëjtin vit kalendarik (2015).

*Lojtari që ka shënuar më shumë gola në kompeticionet e Amerikës Latine (36).

*Lojtari që ka shënuar në më shumë finale (3) të Kupës së Botës për klube (2009, 2011, 2015).

*Lojtari i vetëm që ka shënuar gola në 21 ndeshje radhazi në kampionate profesioniste në Europë.

*Lojtari i vetëm që ka shënuar të paktën 20 gola në 13 sezone radhazi në La Liga.

*Lojtari i vetëm që ka shënuar të paktën 30 gola për 9 sezone në La Liga.

*Lojtari që ka fituar më shumë klasifikimin e golashënuesve në La Liga (7).

*Lojtari që ka shënuar më shumë gola (71) në fazën e grupeve të Ligës së Kampioneve.

*Lojtari që ka shënuar më shumë gola me të njëjtin klub në kompeticionet e UEFA-s (123).

*Lojtari që ka shënuar më shumë gola (120) me të njëjtin klub në Ligën e Kampioneve.

*Lojtari i huaj me më shumë prezenca (520) në historinë e La Ligas.

*Lojtari që ka shënuar më shumë gola (474) në historinë e La Ligas.

*Lojtari që ka dhënë më shumë asiste (191) në historinë e La Ligas.

*Lojtari që ka fituar më shumë ndeshje (383) në La Liga.

*Lojtari i vetëm në historinë e futbollit që ka shënuar të paktën 40 gola për 10 sezone radhazi.

*Lojtari që ka shënuar më shumë gola në kampionatet kryesore të Europës (473).

*Lojtari që ka realizuar më shumë dopieta (133) në La Liga.

*Lojtari ka realizuar më shumë tripleta (36) në La Liga.

*Lojtari që ka shënuar më shumë tripleta (8) gjatë një sezoni në La Liga

. *Lojtari që ka shënuar të paktën një gol numrit më të madh të skuadrave në La Liga (37).

*Lojtari që ka shënuar të paktën një gol numrit më të madh të skuadrave në Ligën e Kampioneve (36).

REKORDET ME BARCELONËN

*Lojtari me më shumë prezenca (778) në kompeticione zyrtare.

*Lojtari me më shumë prezenca (520) në La Liga

*Lojtari me më shumë gola (127) në kompeticionet ndërkombëtare.

*Një nga tre lojtarët së bashku me Ksavin dhe Iniestën që ka fituar më shumë Liga të Kampioneve (4).

*Lojtari që ka shënuar më shumë tripleta (173) në kompeticione zyrtare.

*Lojtari që ka shënuar më shumë gola (3) në Superkupën e Europës.

*Lojtari që ka fituar më shumë herë kampionatin spanjoll (10).

*Lojtari që ka fituar më shumë trofe (35).

The post Statistika individuale: Shifra prej jashtëtokësori, njihuni me rekordet e Lionel Mesit appeared first on Albeu.com.

Ronaldo barazoi rekordin, reagon Ali Daei: I nderuar për këto fjalë nga një idol si ti (FOTO LAJM)

E S — Thu, 24 Jun 2021 09:14:23 +0000

Dje, Cristiano Ronaldo me dy golat ndaj Francës, barazoi rekordin historik për më së shumti gola në histori të Kombëtareve.

Portugezi ka shënuar plotë 109 gola, aq sa ka pasur edhe legjenda e Iranit, Ali Daei.

Fillimisht, Daei përmes një postimi në Instagram e uroi CR7 për rekordin e ri.

“Urime për Cristianon që tani është një gol larg thyerjes së rekordit tim të golashënuesit numër një në Kombëtare. Jam i nderuar që ky rekord i pabesueshëm do t’i takojë Ronaldos, kampion i madh i futbollit, humanist i kujdesshëm që inspiron gjithë botën. Vazhdo”, shkroi ai.

E këtij postimi i ka kthyer përgjigje edhe ylli portugez, që tha se është i nderuar për fjalët e mira nga një idoll si iraniani.

“Kampionët e vërtet mbesin kampion gjithmonë. Jam shumë krenar për këto fjalë të mëdha nga një idoll si ti. Faleminderit Ali Daei”, shkroi ai.

Ndërkohë, Ronaldo pritet që së shpejti ta thyejë edhe këtë rekord.

View this post on Instagram

A post shared by Ali Daei (@alidaei)

The post Ronaldo barazoi rekordin, reagon Ali Daei: I nderuar për këto fjalë nga një idol si ti (FOTO LAJM) appeared first on Albeu.com.