“rekord” të ushtarëve Archives - Albeu.com

E rëndë në klinikën psikiatrike, 45-vjeçari me çrregullime mendore masakron për vdekje një paciente

E B — Fri, 01 Sep 2023 06:56:17 +0000

Një ngjarje e rëndë është shënuar në Korfuz të Greqisë. Në një klinikë psikiatrike, një pacient 45-vjeçar, ka masakruar për vdekje duke e goditur 12 herë me thikë në fytyrë dhe qafë, një tjetër paciente, 63 vjeç.

Sipas mediave greke, ngjarja ka ndodhur mbrëmjen e djeshme pas orës 22:00

Pasi qendra operative e Drejtorisë së Policisë Korfuz u njoftua nga një infermiere e klinikës, menjëherë ka shkuar në vendngjarje ekipi i policisë dhe kanë arrestuar autorin, i cili vuan nga çrregullimi bipolar dhe psikoza. Nga e njëjta sëmundje vuante edhe viktima e sulmit.

Në vendngjarje është thirrur edhe një mjek, ndërsa nga autopsia e parë ka rezultuar se vdekja e gruas është shkaktuar nga 12 goditje në zonën e fytyrës dhe qafës me stilolaps dhe një thikë druri./albeu.com

The post E rëndë në klinikën psikiatrike, 45-vjeçari me çrregullime mendore masakron për vdekje një paciente appeared first on Albeu.com.

Digjet gjatë natës “Benzi” në Korçë, rrethanat ende të paqarta

K Agaj — Thu, 06 Apr 2023 07:54:44 +0000

Një automjet është djegur gjatë natës në Korçë, në rrethana ende të paqarta.

Automjet është në pronësi të shtetasit me iniciale K.C., dhe gjatë kohës që ka marrë flakë ka qenë i parkuar.

Njoftimi i policisë:

Korçë/Informacion paraprak

Më datë 06.04.2023, rreth orës 01:10, pranë vendit të quajtur “Ura e fajancës”, ka rënë zjarr në automjetin tip “Benz” në pronësi të shtetasit K. C., banues në Korçë, i cili ishte i parkuar.

Grupi hetimor po punon për zbardhjen e rrethanave të ngjarjes dhe përcaktimin e shkaqeve të rënies së zjarrit.

The post Digjet gjatë natës “Benzi” në Korçë, rrethanat ende të paqarta appeared first on Albeu.com.

Polonia rekruton numër “rekord” të ushtarëve pas pushtimit rus të Ukrainës

Erv Isa — Sun, 29 Jan 2023 11:53:20 +0000

Forcat e armatosura të Polonisë kanë rekrutuar numrin më të madh të ushtarëve që nga viti 2008, pasi pushtimi rus i Ukrainës ka ngjallur interes më të madh për të mbrojtur atdheun.

Polonia rekrutoi më shumë se 13.500 ushtarë profesionistë vitin e kaluar, tha më 28 janar ministri i Mbrojtjes, Mariusz Blaszczak.

Numri është i barabartë me rreth 8 për qind të totalit të forcave të armatosura të Polonisë prej 164.000 trupash.

Polonia, e cila kufizohet me enklavën ruse të Kaliningradit, synon të rrisë numrin e forcave të saj të armatosura në 300.000 ushtarë profesionistë gjatë viteve të ardhshme.

Që nga fillimi i luftës në Ukrainë, Polonia e ka ndihmuar këtë shtet me armatim, duke dërguar edhe rreth 250 tanke.

Lufta në Ukrainë filloi më 24 shkurt të vitit 2022. Presidenti rus Vladimir Putin e quan luftën një “operacion special ushtarak” për çmilitarizimin e Ukrainës.

Perëndimi iu përgjigj Rusisë me sanksione të ashpra.

Si rezultat i luftës në Ukrainë, mijëra njerëz kanë vdekur, ndërkaq miliona të tjerë janë zhvendosur nga shtëpitë e tyre.

The post Polonia rekruton numër “rekord” të ushtarëve pas pushtimit rus të Ukrainës appeared first on Albeu.com.