Gjithashtu, Fundo solli në kujtesë rritjen e kompanisë “Gogel” të Arbër Veliajt nga një kompani periferike në 2015, ku nisi të bëhej shpërndarësja kryesore e reklamave në media, deri në 4 miliardë lekë në vit.

Mes të tjerash, gazetari listoi mediat të cilat paguhen nga Arbër Veliaj si; mediat e Carlo Bollinos 10 mijë euro në periudhë fushate, apo “Tema” e Mero Bazes që rezulton se ka marrë 500 mijë euro vetëm nga “Gogel”.

“Paratë e inceneratorëve shpërndaheshin me urdhër në media dhe këtë mund ta përmend dhe më poshtë dhe mediat që paguheshin me paratë e inceneartorëve sulmonin prokurorët, SPAK-un.

Pagesat e tjera jepeshin për mediat e tjera, Carlo Bollinos, ka dalë edhe dokumenti i cili thotë na duhen 10 mijë euro për fushatë, apo si paguheshin portalet.

Urdhri është në kuptimin çoni para te këto media që të pushojnë. Bëni ortakëri me mediat e mëdha dhe filloni bjeruni dhe sulmoni ata që na investigojnë.

Në këtë kohë, na u krijua kompania “Gogel” kompania e vëllait të Erion Veliajt nga një kompani periferike në vitin 2015, pas ardhjes se kryebashkiakut në pushtet bëhet një nga shpërndarësit kryesorë të reklamave në media, 4 miliardë lekë në vit.

Kemi gjetur që financohen mediat me paratë e “Gogel”, ku futen paratë e kompanive të rëndësishme ndërkombetare, por edhe të “One”, kjo e fundit përfitonte tendera në Bashkinë Tiranë dhe reklamat ndaheshin nga ky person, mjafton të monitorosh mediat, të gjitha përfshirë dhe Gazetën Tema të Mero Bazes që merrnin lekët e “Gogel”, ishin mediat më agresive dhe sulmuese ndaj SPAK-ut.

Nuk publikonin akuzën por sulmonin prokurorët dhe kritikët e Erion Veliajt, ose ata që mbështesnin hetimet, sepse menduan se me propagandë dhe me paratë që kishin marrë do ta zgjidhnin këtë problem.

Një gazetar i pasur është një gazetar që qelbet erë, shikoni pasuritë e Mero Bazes, sipas të dhënave zyrtare janë 500 mië euro vetëm nga kompania e vëllait të Veliajt”, tha gazetari Elvi Fundo.

The post Gazetari i njohur zbulon si paratë e inceneratorëve shpërndaheshin me urdhër nga lart: “Gogel” jep deri në 4 milionë euro reklama në vit… appeared first on Albeu.com.

Procedura vjen disa muaj para zgjedhjeve të përgjithshme, ku Malaj kërkon që shërbimi të vijojë për 12 muaj me radhë. Ai kërkon që media të pasqyrojë çdo aktivitet, t’i bëjë reklamë gjithë vitin dhe të marrë nga media kaseta të gatshme.

Duket se, synimi i Malajt është edhe pregatitja e çdo kronike të mundshme, me “sukseset” e detyrës, në çdo aktivitet të bashkisë.

Ai kërkon që media lokale të flasë mirë për të, për drejtorët apo për të gjithë punonjësit.

Por, a nuk është “blerje” e medias? Duke i dhënë tender ai mundëson që të mos kritikohet apo të ketë kronika hulumtuese.

Një veprim kurajoz, duke qenë se ai vjen edhe nga fusha e biznesit, pasi familja e tij drejton një firmë të madhe, që fiton tendera nga kolegët e Malajt.

Sipas dokumenteve që disponon VoxNews, Bashkia e Matit, ka hapur tenderin me objekt “shërbim publikimi dhe pasqyrimi i veprimtarive të Bashkisë Mat në media lokale”.

Tenderi është bërë në datën 12 shkurt, teksa ende nuk ka një njoftim për fituesin. Por duke qenë se mediat apo televizionet në Mat janë të pakta, dihet edhe fituesi!

Malaj kërkon që kjo “reklamë” të vijojë në 12 muajt e vitit, teksa ka edhe kërkesa të veçanta, që as kryeministri i vendit s’do të guxonte t’i bënte.

“Në lidhje me shërbimin media lokale, njoftime të ndryshme për periudhën 12 muaj. Pasqyrimi i investimeve, aktiviteteve, takimeve zyrtare dhe reklamimeve nga ana e Bashkisë Mat dhe transmetim në TV”, thuhet në këtë dokument.

Por jo vetëm kaq, pasi Malaj kërkon që edhe gazetari përfaqësues i Medias Lokale, duhet të mbajë kontakte të vazhdueshme me përfaqësuesit e zyrës së shtypit në Bashkinë Mat.

“Ofruesit të shërbimit do t’i duhet të mbajë kontakte të vazhdueshme me përfaqësuesen e zyrës së marrëdhënieve me publikun për çdo nevojë të ndonjë njoftimi, prononcimi reklamimi sipas nevojave të institucionit, shërbimi i këtyre pasqyrimeve duhet të ofrohet në të gjithë territorin e Bashkisë Mat”, shkruhet në dokument.

Më tej vijon se, sipas nevojës së institucionit të Bashkisë Mat, të mundësohet rikthimi i ndonjë kronike të pasqyruar në media lokale gjatë vitit në CD, apo USB, si investime, aktivitete, takimeve sipas rasteve që mund të kemi duke ju referuar kontratës së lidhur midis palëve.

“Shërbim fotografie, video dhe video editim profesional si dhe montazhi i tyre për gjatë vitit kalendarik 2025” është një tjetër kërkesë. Sipas dokumenteve që hulumtoi VoxNews, tenderi u bë në datë 12 shkurt, teksa televizioni fitues duhet të veprojë “brenda 24 orësh nga momenti i publikimit të njoftimit të fituesit”.

The post Agron Malaj i Matit tender për të blerë televizionet lokale, kërkon reklama dhe propagandë (DOKUMENTET) appeared first on Albeu.com.

Ndryshimet në fakt fshijnë nenin 102, ku thuhet se “organet shtetërore, organet e administratës shtetërore, ndërmarrjet publike, njësitë e vetëqeverisjes lokale dhe institucionet publike, si dhe personat juridikë me kompetenca publike dhe shoqëritë tregtare në pronësi të plotë shtetërore nuk mund të parashikojnë mjete për informimin dhe njohjen e publikut me shërbimet apo aktivitetet e tyre nëpërmjet transmetuesve privatë”.

Me këtë ndryshim nuk ka më pengesë ligjore për reklamimin e Qeverisë dhe komunave në transmetuesit privatë dhe për fushatat reklamuese me interes publik shuma “0.1 për qind e buxhetit të shtetit nga të ardhurat tatimore të përcaktuara në llogarinë e miratuar përfundimtare të buxhetit”.

Të pesë televizionet private kombëtare pritet të marrin së paku dy milionë euro nga fushatat shtetërore të Qeverisë, e cila sipas ligjit duhet të zhvillojë të paktën një fushatë shtetërore në vit.

Kundër ndryshimeve në këtë ligj ishin të gjitha organizatat gazetareske, SHGM Sindikatat e Gazetarëve të cilët besojnë se kjo do të nënkuptojë ndikim partiak dhe varësi e mediumeve.

The post Maqedonia e Veriut rikthen reklamat shtetërore në televizionet private appeared first on Albeu.com.

Ylli i kanalit ‘YouTube’-ut, emri i vërtetë i të cilit është Jimmy Donaldson, ka thënë se tani po provon X-in sepse është “shumë kureshtar” të shohë sa do të jenë të ardhura nga reklamat që do të gjenerojë, shkruan BBC.

Ky ndryshim i qëndrimit është një shtysë për platformën e rrjeteve sociale që po has vështirësi. Pronari i saj, Elon Musk, ka provuar strategji të ndryshme për të nxitur biznesin – të njohur më parë si Twitter – që nga blerja e tij në tetor të vitit 2022.

$1 Car vs $100,000,000 Car!!!

I’m curious how much ad revenue a video on X would make so I’m reuploading this to test it. Will share ad rev next week ❤️ pic.twitter.com/amSSmddFht

— MrBeast (@MrBeast) January 15, 2024

Këto përfshijnë ndarjen e të ardhurave nga reklamat me krijuesit me profil të lartë, diçka që bëjnë edhe faqe të tjera, përfshi YouTube.

Shuma që influencuesit mund të bëjnë ndryshon nga personi në person dhe termat e marrëveshjeve individuale mbahen konfidenciale, megjithëse mendohet se emrat më të mëdhenj mund të jenë në gjendje të negociojnë tarifa speciale.

MrBeast ka pretenduar se videot e tij në YouTube kushtojnë miliona dollarë për t’i bërë, por ai gjithashtu ka fituar një pasuri të tërë. Në nëntor të vitit 2022, Forbes vlerësoi se ai kishte fituar 54 milionë dollarë (49.6 milionë euro) në një vit nga YouTube. Që nga ajo kohë, ai ka fituar 120 milionë abonentë më shumë në kanalin e tij kryesor.

The post YouTuber’-i më i famshëm në botë MrBeast, publikon videon e parë në X për të testuar të ardhurat që do të fitojë nga rrjeti social i Muskit appeared first on Albeu.com.

“Monitor” përpunoi edhe këtë vit tarifat e reklamimit në tre prej televizioneve kryesore në vend, për të nxjerrë emisionet më të shtrenjta dhe ato më të lira.

Në Top Channel, vitin e shkuar, rekordin e më të shtrenjtit e mbante “Big Brother VIP”, me 5700 lekë/sekondë para programi dhe 11 lekë/sekondë gjatë transmetimit. Për këtë vit, duke qenë se fillimi është programuar më vonë ende nuk ka një çmim të finalizuar për shtator-dhjetor.

Për momentin, “Portokalli” mban fronin, ku reklama që transmetohen para spektaklit kushton 4300 lekë në sekondë, kurse gjatë transmetimit, 8500 lekë në sekondë.

Në vendin e dytë vijnë përkatësisht “Më lër të flas” dhe “Dancing with the Stars”, ku çdo sekondë para fillimit kushton 4300 lekë, kurse gjatë transmetimit 7300 lekë. “Top Story”, për çdo sekondë para nisjes ka çmim me 4300 lekë dhe gjatë transmetimit 6150 lekë.

Oraret e mëngjesit dhe kryesisht të emisioneve të paradites janë edhe ato më të lirat ku “Wake Up” për çdo sekondë ka tarifë 610 lekë para fillimit dhe 1220 gjatë transmetimit edhe pse filmat vizatimorë janë edhe më lirë.

Në TV Klan, “Opinion” dhe “Klanifornia” vijojnë sikurse dhe vitin e kaluar të mbajnë çmimin më të lartë për reklamat që transmetohen gjatë ndërprerjes së emisionit me 6750 lekë/sekondë, ndërsa para emisionit, çmimi është 3400 lekë/sekondë.

Po kaq do të paguhet edhe për “hyrjen” e re në programacion me Luana Vjollcën “Zemër Luana”. “E Diela Shqiptare”, është i dyti më i shtrenjtë me 5400 lekë/sekondë për transmetimin gjatë programit, ndërkohë që para tij është përkatësisht 1400 lekë/sekonda.

“Stop” dhe serialet në “prime time” mbajnë vendin e tretë me 4400 lekë për reklamat gjatë transmetimit. Programi më i lirë për reklamim është “Shije Shtëpie me 500 lekë sekonda para fillimit dhe 650 lekë gjatë transmetimit ndërkohë që më pas vjen “Aldo Morning Show” me 550 lekë/sekondë para programit dhe 950 lekë/sekondë gjatë programit.

Vizion Plus në listën e programeve më të shtrenjta për reklamim ka “Al Pazar” me 6600 lekë/sekondë për transmetimin gjatë emisionit, ndërsa para emisionit, çmimi është 3000 lekë/sekondë. Në emisionin “Spotlight”, nga Alban Dudushi, çmimi është 5000 lekë/sekondë, për reklama gjatë emisionit dhe 2500 lekë para tij.

“Quo Vadis” dhe “Fake Off”, për çdo sekondë reklamë para emisionit kanë një tarifë 2000 lekë, ndërsa gjatë transmetimit, 3500 lekë. Emisionet me çmimet më të lira të reklamimit në ekranin e Vizion Plus janë “7 pa 5”, në mëngjes, me 600 lekë/sekondë gjatë transmetimit, dhe “Next” në orën 16:00, me 600 lekë/sekondë gjatë transmetimit./Monitor

The post Programet më të lira dhe më të shtrenjta në ekranet shqiptare appeared first on Albeu.com.

Në mbrëmje, stadiumi i rikonstruktuar rishtazi i Tiranës Air Albania do të presë finalen e UEFA Conference League mes ekipit italian AS Roma dhe skuadrës holandeze Feyenoord.

Tirana është zbukuruar me petkun e finales, kryesisht në zonën e qendrës dhe atë rreth stadiumit arena kombëtare.

Stadiumi “Air Albania” do të presë për herë të parë një finale europiane, teksa i gjithë qyteti është vënë tashmë në dispozicion të kësaj ndeshje historike, jo vetëm për Shqipërinë, por edhe për vetë UEFA-n, pasi kjo është hera e parë që ky kompeticion zhvillohet.

UEFA zgjodhi Tiranën si mikpritëse në dhjetor 2020, një vit pasi stadiumi i ri u hap zyrtarisht dhe përpara se ndonjë ekip të kualifikohej për të hyrë në kompeticionin debutues. Deri në 100 mijë tifozë italianë dhe holandezë priten në Tiranë, edhe pse secilës palë i janë ndarë vetëm 4 mijë bileta për finalen inauguruese të kompeticionit të Kategorisë së tretë Europiane të Klubeve. Kapaciteti në Arenën Kombëtare është rreth 20,000 persona. Rreth 88% e biletave të mbetura janë blerë nga tifozët shqiptarë.

Çmimet e biletave nisën nga 2500-9000 lekë zyrtarisht, deri në çmime të larta, të rishitura në treg të zi, me vlera që tejkalonin 1mijë euro.

Finalja është një ndeshje e profilit më të lartë nga sa ishte parashikuar nga shumë njerëz në vitin 2018, kur UEFA vendosi të krijojë Ligën e Konferencës të Europës. Qëllimi i tij ishte t’u jepte më shumë mundësi klubeve në vendet e rangut më të ulët për të qëndruar të përfshirë në garat europiane përtej dhjetorit.

Sipërmarrësit e konsiderojnë si një ngjarje që do t’i japë një tjetër ritëm fillimit të sezonit veror dhe janë disa kategori biznesesh të cilat mendohet se do të jenë ‘të favorizuar’ nga ky event.

Akomodimi

Teksa Tirana po përgatitej për eventin ndoshta më të rëndësishëm të futbollit që ka pritur ndonjëherë, çmimet e hoteleve për tifozët që kanë rezervuar vende në tribuna janë rritur në mënyrë të parashikueshme, dy javët para ditës së finales. Me fluksin e njerëzve që pritet të vijnë në Tiranë, industria e mikpritjes e ka parë këtë si një vezë të artë.

Çmimet për hotelet dhe Airbnb në faqen e akomodimit Booking.com janë shumë më të larta se zakonisht gjatë dy netëve në Tiranë nga data 23 deri më 25 maj.

Një apartament për dy ditë, që ndodhet 1.2 milje nga qendra e qytetit, për shembull, kushton rreth 422 euro. Një javë më vonë do të kushtonte pothuajse tre herë më pak, rreth 120 euro.

Sipas burimeve në treg, apartamentet me qira ditore janë lëshuar të gjitha , në kapacitet të plotë, me qira për tre ditë, ashtu sikurse hotelet në kryeqytet kanë pasur kërkesat më të larta të sezonit. Ndërsa në hotelet rrotull qendrës, një natë qëndrimi është raportuar të jetë lëshuar mesatarisht 150 euro dhe nqs kërkojmë në minutë të fundit, lajmërohet në Booking ose Agoda që 90% e kapaciteteve janë të zëna.

Të drejtat e transmetimit

Digital ka të drejtën ekskluzive për transmetimin e ndeshjes së ditës së sotme. Në një komunikim me to, pohojnë se interesi për të drejtën e public view ka qenë i lartë këtë vit, duke qenë se ka disa organizime në kryeqytet që do transmetojnë ndeshjen.

Gjithashtu, çmimet e reklamave të transmetuara në ambientet e hapura pritet të jenë të larta, sipas komunikimeve me disa nga organizatorët.

Aktivitetet

Sot priten të mbërrijnë në Tiranë rreth 100 mijë persona për të ndjekur finalen që do të ndahen në tre zona. Tifozët që mbështesin skuadrën e Romës do të ndjekin ndeshjen pranë Amfiteatrit të Tiranës ndërsa ata të Feynord do të qëndrojnë në zonën e Pedonales.

Për të gjithë sportdashësit e tjerë shqiptarë është menduar Sheshi Skënderbej që do të kenë mundësinë të shikojnë finale përmes disa ekraneve të mëdhenj.

Sheshi “Skënderbej” do të ketë një organizim të veçantë, i quajtur “Fan Fest”, dhe ku të gjithë njerëzit mund të hyjnë dhe ku do të ketë lojëra futbolli për të gjithë. Futbolli do të jetë “tema e ditës” për të gjithë. Do të vijë trofeu i vërtetë ditën e sotme, i ruajtur me siguri maksimale dhe të gjithë njerëzit mund të vijnë të bëjnë foto, por nuk mund ta prekin.

Përveç sheshit “Skënderbej” ka edhe dy pika ku do të organizohen dy tifozeritë e klubeve që do të vijnë në Tiranë, të quajtura “Fan Meeting Point”. Secila tifozeri ka grupimet e veta dhe është menduar edhe se si do të drejtohen për të shkuar në pikat e tyre të takimit, përmes ekraneve, tabelave drejtuese. Një pikë do të jetë te Pedonalja në Tiranë, ndërsa pika tjetër e takimit do të jetë te Diga e liqenit.

Teksa tubimet tashmë janë lejuar pas ndalesave të mëparshme të pandemisë, këto hapësira, sikurse edhe ambiente lokalesh në Tiranë, kanë kërkesa të larta për frekuentim. Tifozët e futbollit, krahas ndjekjes së ndeshjeve, padyshim janë konsumatorë të pijeve e ushqimeve në ambiente të tilla komerciale. Shqiptarët vijojnë t’i mbeten besnikë birrës për raste të tilla. Ushqimet apo pijet e ofruara në ambiente të tilla raportohet të jenë me çmime rreth 15% më shumë se sa në një ditë normale.

Kompanitë importuese apo prodhuese të birrave në Shqipëri, tregojnë se kjo ngjarje, sikurse kanë treguar edhe kompeticione të mëparshme, është ndër më shpresëdhënëset sa u përket përfitimeve që mund të arrijnë.

Sipas tyre, tre janë kanalet e shpërndarjes: lokalet, që pritet të shtojnë dyfish porositë e tyre, një pjesë e madhe e tyre kanë vendosur një ambient dedikuar birrës.

I dyti, supermarketet dhe marketet e shumicës kudo në Shqipëri, që janë kryesisht të lidhur me kërkesat e individëve dhe konsumin në familje. I treti janë ambientet e jashtme të organizuar për këtë event, që premtojnë në mënyrë të pashmangshme konsum të lartë.

Ogur i mirë për turizmin

UEFA Conference League disa ditë më parë, ka zgjedhur të prezantojë Tiranën në një video promo të eventit të ditës së sotme.

Në një video prej 30 sekonda, të bërë publike në rrjetet sociale shfaqen disa nga pikat identifikuese të Tiranës, si Sheshi Skënderbej, Pazari i Ri, Zogu i Zi, për ta mbyllur në fund me një prezantim në detaje të stadiumit “Air Albania” dhe të trofeut për të cilin do të “luftojnë” Roma dhe Feyenoord.

Krahas kësaj videoje në postimin e UEFA Conference League shkruhet: “Mirë se vini në Tiranë, kryeqytetin e Shqipërisë. Duart lart nëse do të jeni në finalen e #UECL.”

Ekspertët e fushës së turizmit pohojnë se, eventi do të mundësojë një reklamë të mirë për turizmin e vendit tonë, përfshirë edhe atë qytetar dhe se nuk duhet të abuzojmë me çmimet.

Fakt

Trofeu i UEFA Europa Conference League, origjinali i të cilit u vendos me 24 maj në qendër, është 57.5 cm i gjatë dhe peshon 11 kg. Ai përbëhet nga 32 shtylla gjashtëkëndore – një për çdo ekip në fazën e grupeve të garës – duke u përdredhur dhe lakuar nga baza e trofeut.

Skuadra fituese prezantohet me 40 medalje ari dhe nënkampionët me 40 medalje argjendi. Fituesit gjithashtu fitojnë një vend në fazën e grupeve të UEFA Europa League 2022/23, nëse nuk janë kualifikuar për Ligën e Kampionëve të UEFA-s përmes konkurrencës së tyre vendase./Monitor

The post Nga hotelet te pijet e reklamat, cilat janë shpenzimet më të mëdha për finalen e sotme të Ligës së Konferencës të Europës appeared first on Albeu.com.

Lëvizja nga shitësi më i madh në botë i reklamave në internet sipas të ardhurave pason pauza të ngjashme në Rusi nga Twitter Inc (TWTR.N) dhe Snap Inc (SNAP.N) pas pushtimit rus të Ukrainës.

“Në dritën e rrethanave të jashtëzakonshme, ne po ndalojmë reklamat e Google në Rusi”, tha kompania në një deklaratë. “Situata po evoluon shpejt dhe ne do të vazhdojmë të ndajmë përditësime kur është e nevojshme.”

Google më herët kishte ndaluar mediat ruse të financuara nga shteti të blejnë ose shesin reklama përmes teknologjisë së saj. Ajo kishte përdorur gjithashtu politikën e saj të ngjarjeve të ndjeshme, e cila ndalon marketingun që kërkon të përfitojë nga lufta, me përjashtim të reklamave për protesta ose kundër luftës.

Rregullatori rus i komunikimit Roskomnadzor urdhëroi të hënën Google të ndalojë shfaqjen e reklamave që përmbanin informacione të pasakta në lidhje me viktimat e shkaktuara nga forcat ruse dhe civilët ukrainas.

Të enjten, rregullatori i tha Google që të ndalonte shfaqjen e reklamave në YouTube me “informacione të rreme politike” për Ukrainën që synonin “të keqinformonin audiencën ruse” për ngjarjet aktuale, raportoi Wall Street Journal.

Moska në të kaluarën ka gjobitur ose kufizuar aksesin në shërbimet që shpërfillin kërkesat e saj.

Google vitin e kaluar pagoi më shumë se 32 milionë rubla gjoba për shkelje të përmbajtjes./albeu.com

The post Google pezullon të gjitha shitjet e reklamave në Rusi appeared first on Albeu.com.

The post Samsung do të heqë së shpejti reklamat nga smartfonët appeared first on Albeu.com.

Teksa trajneri i “3 luanëve” ishte duke kthyer përgjigje për pyetjet e gazetarëve, një reklamë shqiptare është vendosur në sfond duke u dëgjuar në sallë, dhe duke i ndërprerë fjalën Southgejtit: “E gjeni në faqen tonë të internetit, ne ju presim”.

E këtë moment trajneri i Anglisë e ka kaluar me buzëqeshje.

The post Reklama shqiptare i ndërpret fjalën trajnerit të Anglisë gjatë konferencës, ky është reagimi i tij (VIDEO) appeared first on Albeu.com.