Ky është raundi i 12-të i sanksioneve, që Bashkimi Evopian ka vendosur ndaj Rusisë, që kur Presidenti Vladimir Putin urdhëroi ushtrinë e tij të sulmonte Ukrainë pothuajse dy vjet më parë.

Sanksionet kanë në shënjestër sektorin e energjisë, bankat, kompanitë, tregjet dhe ngrirjen e pasurive të mbi 1000 zyrtarëve rusë, përfshirë ndalimin e udhëtimit vendet e BE-së.

Brukseli tha se sanksionet e fundit do t’i jepnin një goditje të mëtejshme aftësisë së Putinit për të vazhduar luftën, duke goditur sektorë me vlerë të lartë të ekonomisë ruse dhe duke e bërë më të vështirë anashkalimin e sanksioneve të BE-së.

Importi, blerja ose transferimi i diamanteve natyral, sintetik dhe bizhuterive me diamante do të ndalohet duke filluar nga 1 janari.

Ndalimi zbatohet për diamantet me origjinë nga Rusia, të eksportuara nga Rusia dhe që kalojnë tranzit përmes Rusisë, si dhe për diamantet ruse të përpunuara diku tjetër.

BE-ja vlerëson se sektori i diamanteve ka një vlerë vjetore prej rreth 4.5 miliardë dollarësh për Moskën.

Raundi i ri i sanksioneve i detyron gjithashtu kompanitë e BE-së, të ndalojnë në kontratat e tyre eksportin e mallrave të caktuara në mënyrë që blerësit të mos mund t’i shesin ato në Rusi, veçanërisht “mallra dhe teknologji sekrete” që mund të përdoren nga forcat e armatosura ruse në Ukrainë.

Kimikatet shtesë, bateritë e litiumit, termostatet, disa motorë elektrikë që mund të përdoren për prodhimin e dronëve dhe disa vegla makinerish dhe pjesë këmbimi janë vendosur në listën e BE-së të artikujve të kufizuar ose të ndaluar për eksport në Rusi.

Importet në BE të disa mallrave që gjenerojnë të ardhura të konsiderueshme për Rusinë gjithashtu u kufizuan, duke përfshirë telat e bakrit dhe aluminit, fletë metalike, tubacione dhe gazin e lëngshëm.

Bashkimi Evropian shtoi gjithashtu 29 “entitete” të tjera, organizata, agjenci, kompani ose banka, që dyshohet se po mbështesin kompleksin ushtarak dhe industrial të Rusisë në luftën kundër Ukrainës.

27 vendet e BE-së tani do të konsiderojnë vendosjen e sanksioneve kundër njerëzve që përfitojnë nga sekuestrimi i pasurive evropiane ose pjesëve të kompanive në Rusi.

Shtetet anëtare do të vihen gjithashtu nën kontroll më të rreptë për të siguruar që po gjurmojnë në mënyrë aktive pasuritë e njerëzve, që janë në shënjestër të sanksioneve.

The post BE vendos sanksione të reja ndaj Rusisë appeared first on Albeu.com.

Protestuesit janë mbledhur para kryeministrisë, ku përfaqësues demokratë kanë marrë fjalën e tyre.

Gjatë fjalës së saj drejtuar protestuesve, e reja demokrate nuk është ndjerë mirë dhe i ka rënë të fikët.

Pas saj në podium është ngjitur Flamur Noka, teksa e reja është larguar nga aty për të marrë ndihmë mjekësore. /albeu.com

The post Po mbante fjalën në protestën e PD, e reja demokrate bie pa ndjenja (VIDEO) appeared first on Albeu.com.

Edy Reja ka dalë në një konferencë për mediat duke komentuar supersfidën.

Trajneri italian tha se më shumë rëndësi ka paraqitja se sa rezultati.

“Për ne është e rëndësishme që të tregojmë se kjo skuadër po rritet. Ky është një test mjaft i rëndësishëm se do të na japë vlerën e kësaj skuadre. Unë uroj që të bëjmë një hap para në krahasim me ndeshjet e fundit. Më vjen keq për shumë lojtarë që nuk na i lanë klubet, se mund të kishim ekip më konkurrues, por kam të rinj që kanë luajtur në këtë periudhë dhe mund të luajnë. Janë shumë të rinj, janë të 2001-2002, kam një ekip të ri që ka bërë mirë në këtë periudhë. Do të kenë mundësi e do të bëjnë më mirë, mua nuk më intereson shumë rezultati, por paraqitja. Rezultatet janë bërë nga episodet dhe uroj që episodet ndonjëherë të sillen në anën tonë.

Moduli është ai që është, se na ka dhënë më shumë siguri e garanci. Pastaj mund ta modifikojmë gjatë ndeshjes. Kemi lojtarë që mund ta ndërrojmë në ndeshje e sipër, por duke folur me lojtarët, më thonë që ndjehen të sigurt. Pastaj nuk ka pse ta ndërrojmë ndaj Italisë. Ka shumë risi, emrat e rinj nuk janë, mungojnë Cikalleshi e Balaj, që janë lojtarë që na kanë sjellë deri këtu edhe sa i përket rendimentit. Gjimshiti që më shërbente duke njohur vlerën e italisë në sulm, me eksperiencë ndërkombëtare. Më mungojnë disa, por ata që do të zbresin në fushë do të japin 100% dhe kam besim total.

Meqë këtu diskutojnë skemën 3-5-2, unë e kam bërë te Napoli rreth 15 vite më parë. Tani e bën Konte e Mançini dhe këto janë inovatorët. Kur e bëja unë thoshin që nuk funksionon. Ai modul më ka mundësuar që të shkoj larg. Edhe Mançini ka arritur të ndryshojë me të, i dha ekuilibër skuadrës që nuk e kishte më parë. Ka bërë disa paraqitje të shkëlqyera e ka gjetur ekuilibër. Edhe ne kemi gjetur, por pastaj janë paraqitje që disa herë kanë qenë mirë e disa keq, duhet pranuar. Por ky është moduli që na ka dhënë sodisfaksione këtu në Shqipëri.
Mosarritja në Katar i Italisë ishte zhgënjim për të gjithë. E meritonte të shkonte, ishin edhe episodet si penalltitë, ka raste kur topi shkon brenda. Mjaftonte ndonjë episod dhe Italisë i shkoi keq. Më erdhi keq për Mançinin, për Italinë por veçanërisht për atë se ndjehej përgjegjës. Më mirë që qëndroi për të vazhduar projektin, për këtë jam i bindur se do të bëjë shumë mirë. Pastaj edhe të rinjtë, është ky djalë si Pafundi i datëlindjes 2006 për të cilin më flasin shumë mirë në Friuli. Ai me Miretin, Faxholin, ka lojtarë që mund t’i shohë për t’i ndërthurur e po punon për të ardhmen. Uroj të arrijë objektiva të tjera se e meriton.

Bajrami dhe Asllani bashkë? Në ndeshjen e fundit në shtëpi me Izraelin ishte Bajrami dhe Asllani. Nëse kanë luajtur mirë, mendoj se mund të luajnë, pse jo. Mund të luajnë bashkë, janë lojtarë që kanë nevojë për disa ekuilibra rrotull. Bajrami është trekuartist, Asllani është organizator nga poshtë, por kanë nevojë për lojtarë rrotull që ta mbrojnë.

Shqipërinë e njoh, por mbetem italian gjithmonë,. Kur Italia nuk luan me Shqipërinë bëj tifo për të, por nesër sigurisht nuk mund të bëj tifo. Dëshira ime është të bëj një rezultat, të bëja 3-3 apo 4-4 do të ishte e jashtëzakonshme se do të kishte gola. (Qesh) Berisha nuk është i lumtur, por është festë. Kur presidenti më tha ‘Shih se kemi Italinë’, isha shumë i lumtur. Nuk e prisja një miqësore më të mirë se kaq. Pastaj në këtë moshë të luaj ndaj Italisë, edhe pse në miqësore, jam mjaft i emocionuar. Nesër kur të dëgjoj himnin e Italisë dhe Shqipërisë, qartësisht më vjen të mendoj se do të emocionohem padyshim”, shprehet Reja.

The post Supersfida me Italinë, Reja: Nuk më intereson shumë rezultati, por paraqitja appeared first on Albeu.com.

Trajneri ka zgjedhur që të bëjë disa ndryshime në krahasim me ndeshjen ndaj Arabisë Saudite, pasi në formacionin titullar “mbijetojnë” vetëm Gurishta, Turkaj dhe Hadroj.

FORMACIONI ZYRTAR

Dajsinani, Gurishta, Janku, Turkaj, Hadroj, Hakaj, Rrapaj, Ujka, Kallaku, Cara, Abazaj. /G.D albeu.com/

The post Reja zbulon formacionin ndaj Katarit appeared first on Albeu.com.

Në prononcimin përballë gazetarëve, Reja foli për situatën aktuale në kampin kuqezi, teksa u shpreh se të gjithë futbollistët e kanë merituar ftesën. Sipas italianit, baza e Shqipërisë duhet të jetë tek të rinjtë. Ai preku gjithashtu edhe çështjen e të ardhmes si dhe ndau përshtypjet e tij për kampionatin shqiptar.

Ku ndryshon kjo miqësore nga ajo me Arabinë Saudite?

Ne vazhdojmë punën tonë edhe me këtë ndeshje për të shikuar lojtarët sidomos ata të Superiores, në mënyrë që të tregojnë vlerat. Për sa i përket miqësores me Arabinë Saudite mendoj se meritonim dhe fitoren. Tani kemi përballë Katarin, një skuadër akoma më të mirë se Arabia Saudite. Një kombëtare që ka marrë lojtarë nga jashtë. Për Shqipërinë është një test shumë i rëndësishëm. Për t’i dhënë një mundësi lojtarëve që të tregojnë se e meritojnë në të ardhmen një ftesë nga Kombëtarja.

Nga 1 te 10 sa ndryshon kjo Kombëtare me Kombëtaren A?

Unë jam i bindur se ky grup do të bëj një paraqitje mjaftë të mirë me Katarin, por s’mund të bëj një krahasim të veçantë për çdo individë. Këta lojtarë e meritojnë që të luajnë me Kombëtaren shqiptare. Ne i japim mundësinë sepse i kemi ndjekur vazhdimisht. Për mua nuk ka ndryshim midis kësaj Kombëtareje ose asaj A, për mua janë të gjithë njësoj.

Cilët nga këta futbollistë që janë grumbulluar mund të jenë pjesë e Kombëtares në të ardhme?

Kam disa lojtarë që më kanë përshtypje të mira dhe mund t’i ftoj në të ardhme. Nuk do të doja të merresha me emra të veçantë. Janë të gjithë lojtarë shumë të vlefshëm. Janë lojtarë që kanë vlera të rëndësishme dhe kanë bërë paraqitje shumë të mirë, duke shprehur potencialin e tyre. Këtë herë do të kem mundësi të aktivizoj lojtarë që nuk do të luajnë thjesht 45 minuta, ndoshta do të luajnë 60 minuta apo më shumë. Ndaj Arabisë Saudite, doja që të luanin të gjithë. Do të jetë mundësi e mirë për ta por edhe për stafin teknik, për të marrë më shumë indikacione.

Ndonjë te re për të ardhmen?

Nuk ka ndryshuar asgjë në krahasim me herën e fundin. Nuk ka asnjë të re. Kur të mbarojë kontrata do të ulemi me të gjithë dhe do të diskutojmë për të ardhmen.

Përshtypja për lojtarët e kampionatit shqiptar…

Vlerësimi im është shumë pozitiv, ka shumë aspekte të mira, siç ka edhe mangësitë e veta. Flitet shpesh që edhe niveli i Serisë A nuk është aq lartë në krahasim me vendet e tjera, dhe kombëtarja italiane e vuan këtë fakt me rivalët e mëdhenj të Europës. Gjërat që duhen thënë është se duhet të punojmë shumë me të rinjtë, me bazën. Lojtarët e kanë marrë formimin e tyre dhe baza është shumë e rëndësishme.

Fokusi në Shqipëri duhet të jetë te futbolli i moshave, për të formuar lojtarët në aspektin taktik. Lojtarët fizikisht ishin shumë mirë, por nga ana taktike kanë probleme. Duhet të jemi më shumë kompetitiv për tu rritur. Kam ndjekur Kombëtaren U-17, mund të them që ka një përmirësim gradual, duhet të përmirësohemi. Janë shumë të vlefshme këto teste, për të parë se ku jemi dhe sa të aftë jemi për t’u përballur me Kombëtaret e tjera. Për lojtarët e kampionatit shqiptar është mundësi e mirë për eksperiencë. Të rinjtë duhet të rriten sa më mirë dhe të përmirësohen veçanërisht në aspektin taktik.

E meritojnë një shans disa lojtarë të tjerë si Rroca ose Ndreca?

Ky është një diskutim i përhershëm. Ne nuk mund t’i marrim dot të gjithë. Po të vësh re listën mosha më e madhe është 25 vjeç. Ka dhe lojtarë të tjerë të vlefshëm në kampionatin shqiptar. Por unë kam zgjedhur ata që duken më të përshtatshëm. Në të ardhmen do të kemi mundësinë t’i japim shansin lojtarëve të tjerë. Mendoj se këta janë lojtarët që unë kam zgjedhur dhe që mendoj se do t’i shërbejnë të ardhmes. Një problem është dhe fakti që kjo nuk është datë e UEFA-s dhe klubet nuk i japin leje kollaj. Do të donim të kishim dhe lojtarë të tjerë, por klubet nuk i lënë. Një rast konkret ishte me një lojtar të Leçes, i datëlindjes 2003, nuk na e dhanë lejen. Unë fola personalisht, por nuk na e lanë.

Dy miqësoret e vërteta me Italinë dhe Armeninë, test para kualifikueseve. Fuqi për të synuar kualifikimin?

Pritshmëritë e mija janë që të bëjmë një paraqitje sa më të mirë. sa i përket kompeticionit zyrtar, unë mendoj se i kemi shanset tona për t’u kualifikuar. Polonia dhe Çekia janë kundërshtarë shumë të fortë, por nëse rregullojmë gabimet tona ne mund të jemi kompetitiv dhe të dalim të dytët. Për mua të gjitha ndeshjet janë të rëndësishme. Për mua e rëndësishme është edhe Katari. Lojtarët kanë një rast për të treguar edhe vlerat e tyre. E njëjta gjë është dhe ndeshja me Italinë, që motivimi është diçka tjetër. Për mua e rëndësishme është të tregojmë vlerat tona. Meraku i vetëm është mentaliteti. Disa herë tregohemi mendjemëdhenj me veprimet tona në fushë. Është i vetmi problem që unë kam hasur te Kombëtarja shqiptare dhe mendoj se duhet rregulluar.

The post Reja për sfidën ndaj Katarit: Disa lojtarë të Superiore do t’i ftoj sërish appeared first on Albeu.com.

Gjatë një vizite të Armand Dukës në ekipin futboll të femrave të Vllaznisë, presidenti i FSHF-së është pyetur nëse Reja do të largohet apo jo.

“Reja ka një kontratë deri në fund të nëntorit, do të ulemi të bisedojmë me të  dhe do të vendosim nëse do të rinovojmë apo jo. Do të bëjmë bilancet. Edy Reja ka dhënë një kontribut të rëndësishëm në zhvillimin dhe progresin e ekipit kombëtar. Në edicionin e fundit kemi qenë edhe pak të pafat, me shumë mungesa, me gola të pësuar në minutat e fundit.

Padyshim që shumë nga tifozët nuk janë të kënaqur ose nuk kanë pritshëmritë, por duhet ta kemi memorien pak më të gjatë, pasi siguruam vendin e parë në Ligën C të Nations League, ndërsa gjatë elimininatoreve të Botërorit morëm 18 pikë, gjë që nuk kishte ndodhur më parë.  Gjithashtu, me ardhjen e Rejës kemi 7 lojtarë stabël që 3 vite më parë nuk kishin luajtur asnjë ndeshje me kuqezinjtë”, u shpreh Duka./ h.ll/albeu.com

The post Armand Duka zbulon të ardhmen e trajnerit të kombëtares shqiptare appeared first on Albeu.com.

Tekniku u shpreh se Shqipëria është rritur nën drejtimin e tij, por në vitin e fundit ka vuajtur mungesat e rëndësishme dhe gabimet e shpeshta të individëve.

Çfarë emri do t’i vinit këtij barazimi sot me Islandën?

Ishim në epërsi numerike dhe duhej të menaxhonim mirë ndeshjen, por nuk arritëm ta mbyllnim dhe më pas dihej që ata ishin më të fortë fizikisht. U zëvendësua Gjasula, sepse nuk ndihej mirë, por vetëm pak çaste më pas u dëmtua Ismajli dhe ne nuk kishim më zëvendësime. Kishim edhe mungesa të shumta, gati 7-8 lojtarë të rëndësishëm. Ata që luajtën dhanë më të mirën, por në fund mund të fitonim, nëse do të tregonim pak kujdes. Më vjen shumë keq, pasi e flakëm tutje këtë ndeshje dhe vijmë të flasim këtu për të njëjtat gjëra.

E keni nisur me Islandën dhe e mbyllni me Islandën, në pritje për të mësuar për të ardhmen tuaj. A mund t’i vendosni një notë eksperiencës tuaj te Shqipëria?

Nga ndeshja e parë me Islandën jemi rritur ndjeshëm, por natyrisht që këto kohët e fundit nuk kemi bërë shumë mirë. Kemi pasur mungesa të shumta të lojtarëve me eksperiencë, pro në total kemi bërë një rrugëtim të mirë. Së fundi skuadra nuk është përgjigjur në nivelin e pritshmërive.

Si ndjeheni kur skuadra vërshëllehet në fund të ndeshjes? Jemi në fund të kontratës, si do të jetë e ardhmja?

Më vjen shumë keq për vërshëllimat. Nuk e di, pasi kam kontratë deri në nëntor dhe më pas do të ulemi të flasim me presidentin. Do të diskutojmë dhe do të gjejmë zgjidhje për të ardhmen. Unë mendoj se kemi bërë një punë të mirë gjatë kësaj kohe, duke dhuruar edhe paraqitje të mira, por në kohët e fundit nuk kemi dhënë atë që mundeshim, këtu përfshij edhe veten time. Kemi pasur shumë mungesa dhe nuk kemi qenë aty ku duhet. Megjithatë t’i lëmë justifikimet, pasi kemi aktivizuar shumë të rinj, funksionalë për skuadrën dhe lojën e saj.

The post Reja del kundër të gjithëve: Të ardhmen e vendosim me drejtuesit appeared first on Albeu.com.

“Nëse do të barazonim do të ishte një rezultat i mirë për mënyrën se si shkoi ndeshja. Për fat të keq nuk kemi qartësinë dhe qetësinë për të lexuar momentet e rëndësishme të ndeshjes. Duhet të ndyshojmë përfundimisht dhe kjo po vazhdon prej kohësh.

Bëjmë gabime të tilla si gjithmonë edhe pse lojtarët dhanë gjithçka në fushë. Rrimë këtu dhe flasim për të njëjtat gabime. Izraeli është një skuadër shumë e fortë dhe na vuri shumë në vështirësi. M’u desh të ndryshoja sepse nuk po funksiononte. Në pjesën e dytë tentuam të reagonim por e përsëris, duhet të diskutojmë për gabimet individuale që na ndodhin gjithmonë.

Ne presim shumë nga Broja por ai është vetëm 21 vjeç dhe ka nevojë të rritet e të piqet. Në ndeshje të tilla duhet të luftojë më fort dhe të jetë më vendimtar. Duhet të rritet ende shumë, nuk është gati”.

The post Reja: Gabimet individuale duhet të marrin fund, po na penalizojnë appeared first on Albeu.com.

Duhet të kërkojmë fitoren, por edhe të bëjmë kujdes, pasi e dimë që kundërshtari mjaftohet edhe me një pikë dhe për më tepër, ka një kundërsulm shumë të rrezikshëm. Shpresojmë që të kemi në krahun tonë edhe fatin, apo episodet, që herët e tjera na kanë penalizuar”.

“Ne e dimë forcën e Zahavit, megjithatë kushdo që të luajë në vend të tij, do të japë maksimumin. Nuk ndikojnë fare mungesat, por diferencën mendoj se do ta bëjë dëshira për të fituar. E njohim kundërshtarin dhe e dimë forcën e tij, por nesër do të fitojë skuadra që ka më shumë dëshirë për të fituar dhe do të zbresë në fushë me mentalitetin e duhur”.

“Nuk do të peshojnë aspak mungesat, por forma fizike dhe dëshira për të dhënë maksimumin e për të fituar. Duhet të shkojmë në fushë dhe të luajmë, pasi përtej mungesave, në grup edhe ne edhe Izraeli kanë lojtarët e duhur për të luajtur. Nesër unë pres që të tregohemi një skuadër e vërtetë, duke luajtur pa frikë dhe pa asnjë ndjenjë inferioriteti”.

“Ne e njohim mirë Izraelin dhe e dimë si luan, ndaj jemi përgatitur mbi bazën e këtyre njohurive, por më pas në fushë ndryshojnë gjërat. Duhet të përballojmë presionin, sidomos në minutat e para dhe më pas të tregohemi të vëmendshëm, të fitojmë sa më shumë dyluftime dhe mbi të gjitha, të shfrytëzojmë rastet tona të shënimit. Duhet të bëjmë një ndeshje perfektë, si në aspektin mbrojtës, ashtu edhe atë sulmues, pasi na duhet fitorja dhe kjo arrihet duke shënuar”./ h.ll/albeu.com

The post Reja: Vetëm fitorja i bën punë Shqipërisë, e dimë mirë si luan Izraeli appeared first on Albeu.com.

“Të gjesh stimuj në këtë periudhë kur kanë përfunduar kampionatet është shumë e vështirë. Duhet të kemi respekt për këta djem shumë të lodhur pas një sezoni shumë të gjatë. Ka diçka pozitive rreth paraqitjes së të rinjve dhe këtë duhet ta veçojmë nga kjo ndeshje, ndërsa përsa i përket ndeshjes, mund të them që stimujt mungonin dhe kjo është e kuptueshme në këtë moment të vitit.

Arrijmë pak në zonën kundërshtare dhe kjo nuk më ka pëlqyer por duhet të kemi shpejtësi dhe cilësi. Ne nuk kishim forcën e duhur për të tentuar këtë sjellje. Më pëlqeu Bajrami në mbrojtje por edhe Muçolli, janë dy lojtarë që mund të kenë të ardhme në sluadër ashtu si edhe Mersinaj apo Çokaj.

Tani po monitorojmë lojtarë të tjerë që janë shumë të rinj për të luajtur në skuadrën e parë. Nëse gjejmë ata të duhurit që mund të na zgjidhin problemet në këto momente, nuk do të ishte aspak keq. Nuk do ta ndryshojmë skemën sepse skuadra është mësuar tashmë dhe ka shumë siguri me këtë mënyrë loje”.

The post Reja i kënaqur me të rinjtë por jo me ndeshjen miqësore: Skema nuk ndryshon appeared first on Albeu.com.