“Jemi thellësisht të shkatërruar nga humbja e të dashurës sonë Fiona”, u shprehën Chad Lowe dhe bashkëshortja e tij, Kim Painter, duke e përshkruar vajzën e tyre si një fëmijë të dashur, inteligjent dhe krijues, që e adhuronte kërcimin.

“Motrat e saj e adhuronin dhe prindërit e saj e donin thellësisht”, thuhet më tej në deklaratë.

Familja e përshkroi Fionën si “dritën e jetës sonë” dhe kërkoi respektimin e privatësisë së tyre në këtë periudhë të vështirë.

Në deklaratë, familja gjithashtu iu referua linjës amerikane të mbështetjes për shëndetin mendor 988, pa dhënë detaje të tjera mbi rrethanat e vdekjes së 13-vjeçares.

Fiona kishte lindur më 16 nëntor 2012 dhe ishte vajza e dytë e familjes. Chad Lowe dhe Kim Painter, u martuan në vitin 2019 dhe kanë edhe dy vajza të tjera, Mabel, 17-vjeçe, dhe Nixie, 10-vjeçe.

The post E trishtë/ Ndërron jetë në moshën 13-vjeçare vajza e regjisorit të njohur appeared first on Albeu.com.