Qytetarë dhe përfaqësues të PD, vendosën kurora lulesh në monumentin e poetit.

Vëllai i poetit, Shukri Nela i kërkoi Edi Ramës, të kërkojë së paku falje për firmën që babai i tij vuri për varjen e Havzi Nelës.

“Minimumi të kërkojë falje. Ka thënë vazhdimisht që nuk e besoj se babai im të ketë firmosur për varjen e Havzi Nelës.

Ja firma. Kjo është firma e Kristaq Ramës bashkë me 6 të tjerë”, tha vëllai i Havzi Nelës./albeu.com/

The post 34-vjet nga varja në litar e Havzi Nelës, i vëllai nxjerr firmën e të atit të Ramës për vrasjen: Kjo është e Kristaqit! (FOTO LAJM) appeared first on Albeu.com.

Nën “Tingujt e Kujtesës”, përmes një mbrëmjeje homazh, u kujtuan artistë e intelektualë që u përndoqën dhe u vranë vetëm sepse krijonin vargje dhe muzikë, vetëm sepse thonin të vërtetën.

Shehaj theksoi se mungesa e informacionit dhe harresa, ka për qëllim mohimin e  krimeve të komunizmit, dhe mohimi i tyre është një krim në vetvete.

“Nuk është e vërtetë që shqiptarët nuk duan të dinë.

Im atë është 80 vjeç. Edhe ai, si mijëra të tjerë, do të dijë ku janë eshtrat e babait te tij.

Unë dua të di sa janë të ekzekutuarit, të zhdukurit, të burgosurit dhe të internuarit nga regjimi komunist.

Por unë nuk jam i vetmi. Sipas një anketimi të kryer në 2019, mbi 30% e shqiptarëve ka deklaruar se rrjedh nga një familje e persekutuar. Jam i bindur se secili prej tyre do të dijë të vërtetën, do që krimet e komunizmit të zbardhen dhe të mos harrohen”, tha Shehaj teksa pohoi se pikërisht kjo është arsyeja se pse ka themeluar Fondacionin Kujto.

Aty gjenden profilet e mbi 50 mijë shqiptarëve të persekutuar gjatë regjimit komunist, me emër dhe mbiemër, historitë e secilit prej tyre.

Mijëra shkrime, dokumentarë dhe dëshmi autentike dhe të panjohura.

“Një punë e madhe e cila na shërben sot, por edhe fëmijëve tanë në të ardhmen, për ta bërë të pamundur çdo tentativë mohimi të krimeve të komunizmit”, tha Shehaj.

Postimi i plotë:

Një natë homazh dedikuar viktimave të komunizmit përmes notave dhe vargjeve që na kanë lënë si dëshmi e pasuri të çmuar.

Pianistja Elida Dakoli, soprano Alisa Katroshi dhe aktorja Ema Andrea na sollën “Tingujt e Kujtesës” si një thirrje për të mos harruar krimet e komunizmit, për të thënë të vërtetën.

Kjo është arsyeja pse kemi themeluar Fondacionin Kujto.

Në Kujto.al gjejmë profilet e mbi 50 mijë shqiptarëve të persekutuar, historitë e secilit prej tyre. Mijëra shkrime, dokumentarë dhe dëshmi të panjohura.

Një punë e madhe e cila na shërben sot ne, por sidomos fëmijëve tanë në të ardhmen, që askush të mos tentatojë të mohojë krimet e komunizmit.

The post Rrëfimi i Agron Shehajt: Si mijëra të tjerë edhe im atë kërkon të dijë ku janë eshtrat e babait të tij (VIDEO) appeared first on Albeu.com.

Basha ka përcjellë një mesazh në Ditën Europiane të përkujtimit të viktimave nga regjimet totalitare apo autoritare.

Sipas Bashës, populli shqiptar nuk e ka kaluar ende plagën e rëndë të shkaktuar nga regjimi komunist në Shqipëri, pasi sipas tij ende edhe sot po i vuajmë pasojat fatale të totalitarizmit.

Kreu i selisë blu bën thirrje që populli shqiptar të nxjerrë mësime nga e kaluara, në mënyrë që të mos përsëriten në të ardhmen forma të tilla diktatoriale.

Statusi nga Basha:

Dita Europiane e Përkujtimit të Viktimave të regjimeve totalitare dhe autoritare, nuk është vetëm një ditë kujtese por edhe reflektimi për një plagë kombëtare që vijon të sëmbojë, pasi Shqipëria ende nuk e ka tejkaluar. Kujtesa dhe nderimi për viktimat e regjimit më çnjerëzor në Europë, që mohoi liritë dhe të drejtat, dinjitetin njerëzor dhe besimin në Zot, duhet të shkojë krah për krah me vetëdijen se shumë mbetet për t’u bërë, që xhelatët të mbeten në atë krah të historisë që Europa mbarë u ka caktuar regjimeve gjakatare. Sepse ai krah nuk ka qenë kurrë i duhuri dhe këtë e konfirmojnë 34,135 shqiptarët e burgosur dhe dënuar për arsye politike, 59,009 qytetarë u internuan në kampe përqendrimi, 7,022 prej të cilëve vdiqën prej trajtimit shatazarak, 984 të vdekur në burgjet e regjimit dhe 6,027 burra dhe gra, djem dhe vajza të ekzekutuar me dhe pa gjyq gjatë diktaturës.

Ne shqiptarët kemi më shumë viktima se shumë kombe në botën demokratike për të përkujtuar. Ndaj ju ftoj të kujtojmë, të nderojmë dhe të përkulemi përpara sakrificës viktimave që na shkaktoi diktatura komuniste e Enver Hoxhës dhe të reflektojmë. Të reflektojmë dhe të nxjerrim mësime e forcë për të mos lejuar asnjë formë të autoritarizmit të na ndajë nga Europa, nga Perëndimi dhe nga liria.

Qoftë i paharruar kujtimi i shqiptarëve që e paguan me jetën e tyre instalimin dhe pushtetin absolut të rregjimit komunist! #BlackRibbonDay/albeu.al

The post Basha përkujton viktimat e komunizmit: E shkuara mund të përsëritet (FOTO LAJM) appeared first on Albeu.com.