“Mbrojtja që i bëjnë vjedhjeve miliarda të Ramës dhe Lubi Ballukut bëjnë të pamundur çdo formë bashkëpunimi me mandatet e krimit të kësaj maxhorance.
Lubi Balluku është historia më e turpshme e një vendi në të cilin kreu i organizatës kriminale përdor si mburojë atë për të shpëtuar veten e tij. Ftoj qytetarët ta regjistrojnë në memorie, garantoj se sot në planet nuk ka një kryeministër të dytë si Rama që prapa çdo firme të ketë një vjedhje. Nuk ka. Prapa çdo vendim të ketë një vjedhje.

Ndaj edhe kjo që shihni me Ballukun ka të bëjë vetëm me këtë që thashë. 10 ditë më parë i dha vëllaut të vet me dy tre vendime me firmë 37 mijë metër katror tokë publike pasi ka vjedhur vetë bazat e ushtrisë, tani i është kthyer reparteve me vëllain e vet dhe u rrëmben tokën. Në çdo vendim ka vjedhje dhe plaçkitje ndaj edhe ai nuk mundet të pranojë heqjen se shkon vetë para drejtësisë. Por do ta çojë sovrani“, deklaroi Berisha.

The post Komisioni për Reformën Territoriale, Berisha: S’ka bashkëpunim me PS appeared first on Albeu.com.

Ai e ka quajtur Këshillin e Lartë Gjyqësor (KLGJ), “simbolin e dështimit” të reformës në drejtësi, duke e akuzuar për vonesa të pajustifikueshme dhe për pengimin e funksionimit normal të gjykatave.

Maliqi deklaron se reforma e nisur 9 vite më parë ka larguar qindra gjyqtarë dhe prokurorë, duke lënë pas një sistem të paralizuar që prodhon vetëm “vonesa, padrejtësi dhe pasiguri”.

Ai thekson se qytetarët presin deri në 4 vjet për një gjyq të shkallës së parë dhe 6–7 vjet për Apelin, ndërsa disa mbeten peng të drejtësisë për 15 vite.

Deklarata:

Pas ngjarjes tragjike ku humbi jetën gjyqtari Astrit Kalaja në sallën e gjyqit, sistemi i drejtësisë është zhveshur plotësisht nga çdo fasadë.

Kjo është fytyra e vërtetë e kaosit që ka mbjellë një reformë e kapur politikisht, që shkatërroi institucionet, largoi qindra gjyqtarë e prokurorë dhe sot prodhon vetëm vonesa, padrejtësi dhe pasiguri!

Turp që 9 vjet pas kësaj “reforme historike”, shqiptari duhet të presë 4 vjet për një gjyq të shkallës së parë dhe 6-7 vjet në Apel!

Ka njerëz që mbeten peng i drejtësisë për 15 vjet, ndërsa pushtetarët shëtisin të qeshur mes luksit dhe korrupsionit që kanë mbjellë vetë!

Dhe ndërkohë…

Janë diplomuar 45 gjyqtarë të rinj, magjistratë që kanë përfunduar trajnimin, por presin prej 4 muajsh që KLGJ t’i emërojë në gjykata!

Nga njëra anë, KLGJ e qeveria ankohen se nuk ka gjyqtarë dhe se stoku i dosjeve ka kaluar mbi 200 mijë, ndërsa nga ana tjetër mbajnë peng 45 të rinj që mund të ndihmonin menjëherë sistemin!

Ky është absurdi dhe cinizmi i një drejtësie që po mbahet peng nga vendime politike dhe interesa të ngushta!

KLGJ sot nuk është garant i drejtësisë, por pengmarrësi i saj!

Shqiptarët e kanë kuptuar: kjo nuk është reformë për drejtësi, por për pushtet!

Koha e mashtrimeve mbaroi – drejtësia duhet t’i kthehet qytetarit, jo partisë!

The post Lefter Maliqi: KLGJ, simboli i dështimit të reformës në drejtësi appeared first on Albeu.com.

“Shqiptarët kanë të ardhura më të ulëta se gjithë rajoni. Reformat e qeverisë kanë qenë një lojë propagande: tani shqiptarët fitojnë më pak dhe shpenzojnë më shumë”, – shprehet në videon e saj nga Como, ku ndodhet me ftesë të Fondacionit Konrad Adenauer (KAS).
Duke theksuar se rruga drejt Bashkimit Europian kalon përmes reformave të thella dhe një sistemi të ndershëm, Tabaku denoncoi se në 12 vite qeverisje, socialistët “kanë ndëshkuar punën, biznesin e vogël dhe dijen”. Ajo shtoi se përmirësimi i standardeve të jetesës nuk mund të vijë me propagandë, por me një vizion të qartë për zhvillimin ekonomik dhe luftën kundër klientelizmit.

The post Tabaku nga Como: Reformat e qeverisë, propagandë që ka ndëshkuar punën dhe biznesin e ndershëm appeared first on Albeu.com.

Eksperti i pensioneve, Kujtim Hoxha, ka folur për emisionin “Koha për t’u zgjuar” në “News 24”, ku ka analizuar prezantimin e Kryeministrit Edi Rama mbi reformën në skemën aktuale.

Sipas ekspertit, një nga propozimet më të forta është ajo e heqjes së pensioneve të parakohshme, ndërsa me ligjin e ri pritet të preken edhe të vetëpunësuarit.

“Nuk do të ketë më pensione të parakohshme, kjo ishte taksative. Iu mëshua faktit që duhet të ketë kujdes që të mos ketë paga minimale për të vetëpunësuarit. 165 mijë të vetëpunësuar do të sigurohen, në rast se ligji miratohet, me një pagë më të lartë se minimalja. U hodh ideja që duhet të synohet që me ligjin e ri të tregohet qëndrueshmëri në financa, ndërkohë që prishmëritë e qytetarëve janë që nuk duhet kjo status quo që është aktualisht”, – tha ai.

Gjithashtu, Hoxha nënvizoi se skema e sigurimeve shoqërore duhet të ndryshohet, për shkak të problematikave të shumta që ka hasur në zbatimin e këtij ligji.

“I ka ardhur koha që skema e sigurimeve shoqërore duhet të ndryshohet, janë hasur shumë problematika në zbatimin e atij ligji. Një ndër reformat më të rëndësishme jo vetën të kësaj qeverie, por edhe atyre që do të vijnë. Trajtohen mbi 700 mijë pensionistë aktualisht, por prekin edhe shumë të tjerë që do të vijnë”, – u shpreh Hoxha.

RAMA PËR PENSIONET

Duke folur për reformën e sistemit të pensioneve, Kryeministri tha se duhet të udhëhiqet nga tre udhërrëfyes. Rama u shpreh tha se qeveria do të vazhdojë me bonuset për pensionistët dhe do ndërhyjë në skemë pa prishur themelet e sistemit të reformës së pensioneve.

“Ndryshimi ka ndodhur se me reformën e 2014-s, vendosëm kontributet në funksion të pensionit. Plaga po mbyllet dalëngadalë, por vazhdojmë të kemi një pjesë që vuajnë nga ajo plagë. Udhërrëfyesit që duhet të kemi: ‘Mos rregullo një skemë që nuk funksionon, por projekto diçka të re. Mos provo diçka të re kur një skemë funksionon. Udhërrëfyesi i dytë është të zgjedhësh mes dhimbjes afatshkurtër dhe afatgjatë, se reformë pa dhimbje nuk ka. Nëse kemi përjetuar një dhimbje afatgjatë, kjo ka ardhur si rezultat i faktet se të gjithë ata para nesh kanë dashur të bëjnë një reformë pa dhimbje”, – tha kryeministri.

Ai shtoi se udhërrëfyesi i tretë është që reformimi i skemës së pensioneve, është maratonë, nuk është sprint.

“Të gjitha sprintet na kanë çuar në situatën e 2014, ku FMN-ja e Banka Botërore thoshin rrisni çmimin e energjisë, ulni pensionet dhe filloni paguani se ndryshe nga priste kolapsi i plotë nga të katër anët. Sot ne jemi që nga 1 shkurti vendi i vetëm në këtë rajon, që kemi ulur çmimin e energjisë. Do ecim paralelisht me bonuset që janë rritur në mënyrë të ndjeshme, janë rritur në aspektin sasior dhe në aspektin e kohës së dhënies. Nga një bonus të fundvitit, kemi kaluar në 2 dhe i kemi lidhur këto bonues me rritjen ekonomike. Duam që këto bonuse të vazhdojnë”, – tha Rama.

The post Reforma në skemën e sigurimeve shoqërore/ Hiqet pensioni i parakohshëm, ja kush preket appeared first on Albeu.com.

‘E keqja është krijuar për të bërë dëm të madh por për tu harruar shpejt. E mira për të mos qenë asnjëherë mjaft. Njeriu është krijuar që të keqen ta harrojë ndërsa me të mirën të ketë gjithnjë konflikt, sepse kërkon më shumë. Nga sa larg kemi ardhur deri këtu. Çfarë marrëdhëniesh kemi patur mes shtetit dhe biznesit? Krijimi i strukturave dhe i mekanizmave që e bëjnë raportin mes shtetit dhe qytetarit të bazuar tek e vetmja alternativë, që do të thotë se shteti nuk bën dot pa qytetarin dhe në mes nuk ka alternativ korrupsioni’, thotë Rama.

Kryeministri e shikon reformën në inspektimin dhe vendosjen e masave administrative ndaj bizneseve shkelëse është një luftë për shtet-bërje.

‘Kjo luftë është një luftë shtet bërje që hap pas hapi, hapësira e ndërveprimi mes shtetit dhe qytetarit dhe hapësira e korrupsionit të ngushtohet. Sot jemi ku e ku me ku ishim. Por kemi akoma nevojë për të shtyrë përpara me durim dhe vendosmëri që hapësira e këtyre marrëdhënieve të zgjerohet tërësisht dhe shtigjet e penetrimit të korrupsionit të ngushtohen në pikën kur nuk është më fenomen shqetësues. Dhe për këtë kemi marrë nismën e fundit në Kuvend, për të adresuar në vijimësinë e të gjithë sektorëve të gjitha pikat e dobëta që kërkojnë adresim të ri. Na ndihmon shumë procesi i negociatave dhe dija e fituar por edhe eksperienca e BE’, theksoi Rama.

Rama foli për një rol të ri të inspektorit të biznesit dhe një ristrukturim të ri të inspektoriateve.

‘Sot është një pikë e dobët, pavarësisht investimeve që janë bërë, në inspektime. Por nga ana tjetër e dimë shumë mirë që ky presion vijon të jetë dhe nuk mund të justifikohet pasi mund të bëjmë një kapërcim tjetër. Një reformë e inspektoriateve. Një shkurtim i rëndësishëm i numrit të tyre. Një bashkim i një sërë funksionesh që janë të ndara, në një grup inspektoriatesh, një shkëputje nga ministritë për të dalë si një forcë e re dhe autonome në veprimtarinë e vet nën ombrellën e kryeinspektorit të përgjithshëm të shtetit. Të krijojmë bazën për një fazë të re duke ndryshuar qasjen por edhe përmbajtjen e kornizës së shtetit në figurën e inspektorit, në një status të ri’, shton kryeministri.

Kryeministri tregoi edhe se ankesat do të bëhen tashmë edhe në prani të përfaqësisë nga trupat e biznesit për të rritur transparencën, pasi shteti është për t’i shërbyer biznesit dhe jo e kundërta.

‘Nuk do të jetë një trup që edhe do vendos gjoba dhe të marrë në shqyrtim ankesa. Ankesat do të bëhen edhe me trupat e apelimit në përfaqësinë e trupave të bizneseve, për të krijuar një barrikadë që të mos kapërcehet dot. Përtej kësaj, do të vendosim një parim të ri, jo gjobë në vizitën e parë. Nuk është biznesi për ti shërbyer shtetit, është shteti për ti shërbyer biznesit. Do të jetë shteti që do të hedh gjithmonë hapin e parë, për të shkuar më larg në procesin e shtet bërjes dhe më pranë krijimit të një shteti anëtar të BE, vizita e parë nuk ka gjobë, këshillim’, nënvizoi kryeministri.

Rama tha se bizneset korrekte në raport me shtetin nuk do të kontrollohen, pasi nuk ka kuptim shumë kontrolle dhe shumë gjoba.

‘Klasifikim i bizneseve. Bizneset korrekt në raport me shtetin nuk do të kontrollohen,. Do jenë zonë e ndaluar për inspektim. Kanë treguar në një proces kohor që i janë përmbajtur kontratës me shtetin në mënyrë korrekte. Të ketë më pak inspektime, më shumë këshillim. Goditje katastrofike për biznesin që nuk futet në binar. Aty ku vihet gjoba do jetë goditje, një hap larg vdekjes së atij biznesi. Nuk ka arsye për të kontrolluar gjithë dynjanë edhe për të vënë gjoba’, tha Rama.

The post Reformë e inspektoriateve, Rama: Bizneset korrekte s’do kontrollohen! Të ketë më pak inspektime, më shumë këshillim! appeared first on Albeu.com.

Meta u shpreh se kjo është manovër e radhës, ndërsa tha se të gjitha reformat e kësaj qeveri janë Rama-forma.

Sipas tij, kryeministri premtoi reformën e ujësjellësit që do të zgjidhje problemin e ujit në të gjithë Shqipërinë.

“Manovër dhe gënjeshtër e radhës. Këtij që premtoi se do bënte legalizimin që në mandatin e parë. Premtoi reformën e ujësjellësit që do të zgjidhje problemin e ujit në të gjithë Shqipërinë. Më ka ngelur të kacavirrem e të hipi te depozitat që të zgjidhet. Bëri vetëm Rama forma. Gjithçka i dha formën e vet, përfshirë Reformën në Drejtësi dhe asaj në Administratë”, tha ai.

Meta shprehu bindjen e tij se në vazhdën e aksionit opozitar, qytetarët e Tiranës do ta marrin bashkinë në duart e tyre shumë shpejt, por e njëjta gjë duhet të ndodhë edhe në Kuvendin e Shqipërisë.

“Aksioni opozitar vazhdon. Besoj se edhe protesta e djeshme ishte tregues i një konsistence në rritje. Shpartallimi i barrikadave që kërkojnë të asgjesojnë llogaridhënien e kryebashkiakut të kapur në flagrancë që nga inceneratorët, 5D e kudo tjetër; tregoi se qytetarët e Tiranës do ta marrin bashkinë në duart e tyre shumë shpejt dhe padyshim kjo do të ndodhë e duhet të ndodhë edhe në Kuvendin e Shqipërisë si institucioni kryesor i vendit ku duhet të garantohet llogaridhënia njëherë e përgjithmonë”,-tha Meta.

The post Meta: U premtuan shumë reforma, më ka ngelur vetëm të kacavirrem majë depozitave që të vijë uji appeared first on Albeu.com.

Teksa shprehu kënaqësinë për vëmendjen që kanë organizatat e shoqërisë civile në mbi Punën e ILD-së, Metani foli edhe për ato të cialt sipas tij janë probleme në sistemin gjyqësor ditët e sotme.

Ai tha se shumë prej qytetarëve nuk kanë marrë drejtësi mbi çështjet që kanë të hapura, kjo për shkak të mungesës së gjyqtarëve dhe prokurorëve. Por mbi të gjitha, kreu i ILD e vuri theksion tek nevoja e ndarjes së pushteteve për të pasur një Reformë të suksesshme në Drejtësi. Metani nënkuptoi se politika nuk duhet të ndërhyjë në pushtetin gjyqësor në mënyrë që të shihen përparime.

“Shoqëria, për shkaqe, dhe nuk e gjykojmë dot shoqërinë, sepse për shkak të mungesës së prokurorëve dhe gjyqtarëve, sot qytetarët nuk marrin drejtësi. Kjo është evidente dhe natyrisht jemi në këtë anë të shoqërisë, por nga ana tjetër edhe organet e reja të drejtësisë ILD, KLGJ, KLP po marrin masa aq sa u takon në ligj, që të adresojnë këto çështje. Por nëse drejtojmë gishtin, pa kuptuar problematikën, pa kuptuar punën e organeve tona, standardet që po mundohemi të ngremë me shumë vështirësi, të cilat në këndvështrimin tonë, nuk i përgjigjen debatit politik të momentit, por i përgjigjen sfidës së të ardhmes dhe ajo që po mundohemi të ngremë është për 10 vitet që vijnë, për 15 vitet që vijnë, jo për zgjidhje të situatës, sepse ne e zgjidhim situatën sot, por me shumë gjasa do kthehet në një precedent, të cilin do ta vuajmë pas 10 vitesh. Dhe kështu rrotullohemi përsëri në një rreth vicioz. Dhe për këtë arsye duhet të kuptojmë përse u krijua reforma në drejtësi dhe ndarja e pushteteve. Në momentin që fillojmë kuptojmë dhe ta pranojmë këtë ndarje pushtetesh me shumë vështirësi, atëherë do i krijojmë vetes një lehtësi të madhe për të ardhmen. Janë shumë vështirësi për momentin, por të paktën e kemi rrugën e qartë për të ardhmen, me një vizion të qartë për të ardhmen. Ky është këndvështrimi im për atë që po ndodh sot. Mund të mos biem dakord padyshim, por unë mendoj që 30 vjet e provuam të kundërtën e kësaj që ndodh sot, dhe erdhëm këtu. Atëherë ta provojmë të respektojmë ndarjen e pushteteve.”, u shpreh Metani gjatë fjalës së tij.

Këndvështrime mbi reformën në drejtësi dhe rolin e Inspektorit të Lartë të Drejtësisë, ndanë Ambasadori i Mbretërisë së Holandës, Reinout Vos, shefja e Sektorit të Drejtësisë, Çështjeve të Brendshme dhe Qeverisjes së Mirë pranë Delegacionit të Bashkimit Evropian znj. Lenka Vitkova, koordinatori rajonal për shtetin e së drejtës i Ambasadës së Mbretërisë së Holandës në Serbi dhe Mal të Zi, z. Bart de Bruijn, si dhe drejtori ekzekutiv i Qendrës për Studime të Demokracisë dhe Qeverisjen z. Arjan Dyrmishi.

The post Reforma, Metani i kërkon politikës të mbajë larg duart nga drejtësia appeared first on Albeu.com.

Ai tha se tashmë miti i pandëshkueshmërisë në Shqipëri ka rënë, ndërsa shtoi se edhe PS ka gabuar por shtoi se është e vetmja parti që në historinë e pluralizmit të vendit, ka kërkuar dialog dhe bashkëpunim për vendin.

“Sot janë të gjithë të prekshëm dhe miti i pandëshkueshmërisë është rrëzuar. Në Shqipëri nuk ka individë të pandëshkueshëm. Kjo duhet, mendoj unë, që të bëjë krenar çdo anëtar të kësaj familje politike sepse këtë hap historik në gjithë rrugëtimin e këtij vendi që kur ngriti flamurin e pavarësisë, mund t’ja mundësonte Shqipërisë dhe shqiptarëve vetëm PS. Do të flas edhe për një sërë gjërash të tjera të rëndësishme, që janë arritur, por asgjë nga ato të cilat janë në një listë të gjatë gjërash që kemi arritur të realizojmë nuk kanë peshën e kësaj drejtësie, dhe të gjitha bashkë s’e kanë peshën e rëndësisë historike që ka kjo reformë në drejtësi, që ne e ëndërronim den baba den. Kur them ne, kam parasysh të gjithë anëtarët e kësaj familje politike, sepse për fat të keq punët dhe politika në Shqipëri u nda në një mënyrë të atillë ku politikën dhe anën e keqe të saj, socialistët e kanë vuajtur në lëkurën e tyre prej ditës së parë. E kanë vuajtur në lëkurën e tyre kur hidheshin në rrugë si leckë nga puna, kur edhe familjarët e tyre nuk shikonin dot një derë të shtetit që t’ju hapej por e kanë vuajtur dhe kur fitonin zgjedhjet, dhe nuk arrinin dot të gëzonin fitoren sepse kërciste një dajak që nuk kishte asnjë lidhje me vendet evropiane dhe aspiratat evropiane. E kanë vuajtur sepse në historinë e lirisë dhe pluralizmit në vend iu ka takuar gjithmonë barra socialistëve të rindërtojnë atë që të tjerët kanë shkatërruar. Nëse i jep çdo fëmije panoramën e këtyre viteve, dhe i thua se ja kush është njëra palë dhe tjetra, ja dhe fusha dhe ja çfarë kanë bërë, t’i vëri emrin. Ke dy emra, ndërtues dhe shkatërrues. Çdo fëmijë dihet se kujt do t’i vërë emrin e shkatërruesit dhe ndërtuesit që nga viti ’91.

Kjo parti ka pasur gjithmonë sensin e shtetit, që shteti vjen përpara pushtetit, pavarësisht momenteve kur edhe PS ka gabuar. Dhe nuk është e rastit që kjo reformë, të cilën të gjithë socialistët e donin si gjithë shqiptarët, por edhe si njerëz që nevojën për drejtësi e shikonin për jetën e tyre të përditshme. Kjo parti mund të ketë bërë shumë gabime, që mund të ketë pasur momentet e saj të përshkallëzimit dhe të shfryrjes së tensionit në jetën politike, por kjo është e vetmja parti në historinë e pluralizmit që më shumë se njëherë ka tentuar që të bëjë dialog dhe bashkëpunim për shtetin dhe shumë kohë më parë sesa ne të na jepej mundësia të vinim në jetë për reformën në drejtësi, përpara sesa të hynim në zgjedhjet e 2009, ne kemi ofruar qeverisë së asaj kohe, një pakt kombëtar për drejtësinë për të bërë atë gjë që e bëmë vetë më pas. U refuzuam harbutërisht por nuk hoqëm dorë nga ideja”, u shpreh Rama.

The post “Edhe PS ka gabuar …”, Rama nga Dibra: Miti i pandëshkueshmërisë ka rënë në Shqipëri appeared first on Albeu.com.

Gjatë vizitës së tij në SHBA Dumni ëhstë takuar me ish-ambasadoren amerikane në Shqiëpri, Yuri Kim, dhe asistent Sekretarin Amerikantë Shtetit për çështjet e Europës dhe Euroazise, Jim O’brian.

Ky i fundit me anë të një postimi në rrjetin social “X” ku ka postuar një foto bashkë me Dumanin dhe Kim, shkruan se është i impresionuar nga rezultatet e Reformës në Drejtësi në Shqipëri.

O’brian thekson se reforma ne drejtësi po tregon se askush nuk është mbi ligjin.

“Kënaqësi që takova kreun e SPAK Altin Dumani. Është impresionuese të shohësh se si reforma në drejtësi po jep rezultate reale për njerëzit në Shqipëri, duke treguar se askush nuk është mbi ligjin. SHBA do të vazhdojë të mbështesë fort reformën në drejtësi që është esenciale për të ardhmen europiane të Shqipërisë.”, -thekson zyrtari i larte amerikan, ku publikon edhe një fotografi me kreun e SPAK, Altin Dumani dhe ish-ambasadoren amerikane në Shqipëri, Yuri Kim.

The post Zyrtari i lartë amerikan në krah të Dumanit: Reforma në drejtësi po jep rezultate konkrete në Shqipëri appeared first on Albeu.com.

Që nga fillimi i luftës së Rusisë kundër Ukrainës këto çështje janë bërë edhe më aktuale – jo vetëm për Bullgarinë, por për të gjithë Evropën. Sepse një pjesë e elitës politike bullgare dhe një pjesë e shërbimeve sekrete janë pro-ruse, herë haptazi, herë fshehurazi. Besnikëria e shërbimeve sekrete kohët e fundit është vënë në pikëpyetje si në qeverinë e re bullgare ashtu edhe në qarqet e NATO-s dhe BE-së.

Se sa të dyshimta janë gjërat në sektorin e shërbimeve sekrete u tregua për herë të fundit në fillim të majit 2023. Në atë kohë, liderët e partive reformuese, Bullgaria Demokratike (DB) dhe Ne Vazhdojmë Ndryshimet (PP), ish-kryeministri Kiril Petkov dhe Hristo Ivanov, shpalli reformën e shërbimeve bullgare të sigurisë si prioritet për qeverinë e re. Së shpejti pasuan një sërë skandalesh.

Vetëm disa ditë pas njoftimit, Radostin Vasilev, ish-anëtar i partisë PP të Petkovit, publikoi një regjistrim të një takimi të mbyllur të partisë. Përmbajtja: Deklaratat e supozuara të Petkovit dhe zëvendësit të tij Asen Vasilev për koordinimin e reformave të tyre dhe detaje personale individuale me Komisionin e BE-së dhe ambasadat perëndimore në Bullgari. Petkov dhe Ivanov e përshkruan veprimin si një operacion të shërbimit sekret. Sipas dy liderëve të partive, kjo duhet të kishte penguar formimin e qeverisë dhe reformat, të cilat nuk kishin përfunduar ende në atë kohë.

Kritika për tradhti

Pak ditë më vonë, pasoi akti tjetër në telenovelën politike: me kërkesë të Kostadin Kostadinovit, kreu i partisë ultra-nacionaliste, pro-ruse Rilindja, u morën në pyetje krerët e inteligjencës vendase, të huaja dhe ushtarake të emëruar nga Presidenti Radev. Ata përdorën projektligjin për të akuzuar në mënyrë indirekte ish-kryeministrin Petkov dhe qeverinë e tij, e cila do të jetë në detyrë nga dimri 2021 deri në verën e 2022, për tradhti.

Kreu i shërbimit sekret DANS, Plamen Tonçev, raportoi për një hetim nga agjencia e tij ndaj një prej këshilltarëve të Petkovit. Ai nuk përmendi ndonjë emër. Por sipas raporteve të vazhdueshme të medias bullgare, ishte politologia Vesela Çerneva, këshilltare e politikës së jashtme e Petkovit dhe drejtoreshë e Këshillit Evropian për Marrëdhëniet me Jashtë (ECFR) në Sofje. Sipas Tonçevit, DANS ka iniciuar procedura paraprake kundër saj për tradhti, sepse thuhet se ajo “i ka transmetuar informacion një qytetari të Maqedonisë së Veriut” në negociatat për zgjidhjen e mosmarrëveshjes në vazhdim me shtetin fqinj të Maqedonisë së Veriut. Çerneva tha në TV bullgar: “Unë kurrë nuk jam marrë në pyetje në asnjë hetim dhe askush nga DANS nuk ka folur me mua për këtë çështje. Prandaj e gjithë kjo më duket e motivuar politikisht.”

Pse duhet të bëhet reforma e shëbimeve serkete?

Shërbimet sekrete bullgare janë konsideruar prej kohësh si institucione skandaloze dhe burime pasigurie brenda BE-së dhe NATO-s. Ata bashkëpunojnë mirë me partnerët e tyre perëndimorë, veçanërisht në luftën kundër terrorizmit, siç thotë për DW, ish-kreu i shërbimit të inteligjencës së jashtme gjermane BND, Gerhard Schindler. Por ata janë ende të rënduar nga trashëgimia e ish-sigurimit të shtetit komunist DS.

Për shembull, deri para disa vitesh, çdo shef në detyrë i shërbimit sekret e kishte filluar karrierën e tij në aparatin e represionit të regjimit komunist. Kjo nuk ishte vetëm një barrë morale, por u reflektua edhe në skandalet e shumta të përgjimeve dhe një “marrëdhënie speciale” me Rusinë dhe shërbimet e saj sekrete. Për shembull, raportimi nga shërbimet sekrete bullgare për sulmin rus ndaj Ukrainës dëmtoi besimin e qeverisë Petkov në punën e saj. Ata fillimisht nuk arritën të parashikonin sulmin e Rusisë dhe më pas parashikuan një fund të shpejtë të luftës në favor të Moskës.

Sulmet ndaj fabrikave të armëve

Kryeministri Nikolai Denkov, i cili u zgjodh më 6 qershor 2023, vetëm pak ditë pas seancës skandaloze parlamentare të krerëve të shërbimit sekret, deklaroi se reforma e shërbimit sekret duhet të reduktojë në radhë të parë ndikimin rus. Incidentet e ndikimit dhe sabotazhit të supozuar rus, si sulmet e shumta kundër fabrikave bullgare të armëve dhe helmimi i tregtarit të armëve Emilian Gebrev, më në fund duhet të hetohen seriozisht. Nuk ka pasur përparim konkret hetimor për më shumë se dhjetë vjet.

Kiril Petkov e sheh gjithashtu reformën e shërbimit sekret si pjesë të reformave të tij kundër korrupsionit dhe sundimit të ligjit. Sipas ish-kryeministrit, shteti i së drejtës nuk do të ishte i mundur pa një shërbim sekret të depolitizuar. Po, shton një ish-punonjës i qeverisë që këmbëngul për anonimitetin në bisedë me DW: Prioriteti i reformës së shërbimit sekret ka të bëjë edhe me faktin se Petkov fajëson ndikimin politik të shërbimeve për dështimin e qeverisë së tij në 2022.

Reformë apo vetëm premtime?

Si duhet të duket tani reforma në shërbimin sekret? Nga njëra anë, krerët e shërbimeve sekrete nuk do të emërohen më nga presidenti, siç ndodhte më parë, por do të zgjidhen nga shumica parlamentare. Për Hristo Ivanov, kjo pikë është veçanërisht e rëndësishme për të reduktuar ndikimin e presidentit Rumen Radev në politikën e përditshme dhe për të mundësuar një “kthim në demokracinë parlamentare”, siç thotë ai për DW. Radev ka përdorur trazirat e brendshme politike të viteve të fundit për të ndërhyrë në politikën e brendshme shumë përtej kompetencës së tij. Ai konsiderohet gjithashtu tejet pro-rus.

Elementi i dytë i reformës së inteligjencës që Hristo Ivanov kërkon prej vitesh është një kontroll i rreptë i besnikërisë ndaj të gjithë punonjësve të agjencive të sigurisë. Kjo është për t’u siguruar që ata të mos punojnë për agjencitë e huaja të inteligjencës, të mos kenë lidhje me krimin e organizuar ose të jenë të angazhuar në interesa biznesi.

Nuk dihet nëse këto dy masa janë të mjaftueshme për të thyer ndërhyrjen politike të shërbimeve sekrete. Vetëm në korrik shërbimi sekret vendas DANS ndërhyri sërish në ngjarjet aktuale politike me publikimin e raportit vjetor. Raporti paralajmëroi se lufta në Ukrainë mund të përhapet në shtete të tjera. Gjëja shpërthyese në lidhje me të: analizat e politikës së jashtme nuk janë pjesë e punës së shërbimit të brendshëm të inteligjencës. Megjithatë, DANS i lëshoi ​​ato pikërisht kur qeveria e re po përgatitej të zbatonte ndihmën ushtarake për Ukrainën. Ajo ishte vonuar nga qeveria kalimtare e vënë në detyrë nga Presidenti Radew.

Edhe një herë, shërbimi sekret është përfshirë në mosmarrëveshjen e vazhdueshme midis presidentit Radev, i cili refuzon çdo ndihmë ushtarake për Ukrainën, dhe partive properëndimore GERB, DB dhe PP. Çështja e fuqisë së shërbimeve sekrete të vjetra dhe të reja në Bullgari do të mbetet në agjendën politike edhe disa kohë./dw

The post Shërbimet Sekrete në Bullgari: Skandale dhe reforma appeared first on Albeu.com.