Ai theksoi se ky ligj është i nevojshëm të ndërtohet me transparencë, si edhe që të krijoj një balancë mes partive.

Sipas tij, nuk duhet të lejojnë që të bëhet barrë për partitë e vogla, por gjithashtu shtoi se duhet të parandalojnë edhe financimet e paligjshme nga krimi apo nga ndikimet e huaja.

“Ndërtimi i një ligji me parametrat që kërkon koha është objektiv i rëndësishëm i joni. Çështje e rëndësishme por kemi masa pak më të mëdha politike se përmirëson një gjë që i shërben të gjitha partive politike. Ligji nuk do të udhehiqet nga parimi që njëra forcë të dominojë tjetrën, do të jetë proporcional, me standardet më të mira por edhe duke marrë parasysh edhe jetën shoqërore dhe traditën e shoqërisë.

Duke mos u kthyer një barrë e rëndë për partitë e vogla politike që mbase mund ta kenë më të vështirë nga kërkesat që mund të bëhen nga ky ligj. Duhet të gjejmë jë balanca që tregon transparencë, kontroll, autditim të pavarur dhe të parandalojmë fenomene që janë ndikime të paligjshme si financimet nga burime të papranueshme, qoftë nga bota kriminael e interesa biznesi të lidhura me pushteti apo fuqi të huaja”, tha ai.

The post Tryeza për Reformën Zgjedhore, Gjiknuri: Të mos bëhet barrë për partitë e vogla, të parandalojmë financimet nga krimi apo ndikimet e huaja appeared first on Albeu.com.

Miratimi u bë pas dakordësise mes Partisë Socialiste dhe asaj Demokratike.

Sa i përket përbërjes së komisioneve, do të ketë secila nga 16 anëtare.

Në komisionin e “Zgjedhores” 7 anëtarë do t’i përkasin Partisë Socialiste dhe 7 Partisë Demokratike. 2 anëtarë do të jenë nga partitë të cilat në zgjedhjet e 11 majit kanë fituar të paktën dy mandate, përkatësisht Partia Socialdemokrate dhe Partia Mundësia.

Ndërsa në komisionin e Territoriales PS do të ketë 8 deputetë, PD 6, ndërsa 1 përfaqësues do të jetë i Grupit Parlamentar Aleanca për Ndryshim dhe 1 përfaqësues i Grupit Parlamentar të Partisë së Lirisë.

The post Kuvendi miraton ngritjen e Komisioneve të Posaçme për Reformën Zgjedhore dhe atë Territoriale appeared first on Albeu.com.

Ai u shpreh se do të ulet në një tryezë me Edi Ramën, por jo si Kryeministër i vendit por si kryetar partie.

Kryedemokrati deklaroi se; “nuk e përcaktojmë ne kush do zgjedhë kryetar ajo apo kush është kryetari i saj, kështu që me PS ne nuk mund të themi se nuk do ulemi për reformën elektorale”.

“Reforma zgjedhore bëhet nga partitë politike. Unë nuk them se PS nuk është një parti e spektrit politik në Shqipëri. Reformën zgjedhore e bëjnë partitë politike, nuk e bën qeveria.

Ai po, bëri gjithçka, e anuloi reformën që u arrit, vuri dorën e tij të zezë dhe arriti ato që deshi. Por reforma zgjedhore është gjithnjë atribut i partive politike.

PS është faktor politik i pluralizmit politik në Shqipëri, nuk u përcaktojmë ne kush do zgjedhë kryetar ajo apo kush është kryetari i saj, kështu që me PS ne nuk mund të themi se nuk do ulemi për reformën elektorale.

Ka rekomandime dhe ne ato do i shqyrtojmë. Por jo me qeverinë, me qeverinë nuk kemi asnjë punë. Qeveria nuk ka legjitimitet në këto zgjedhje, ka humbur legjitimitetin”, tha Berisha.

The post Në një tryezë me Ramën? Berisha: Reformën Zgjedhore do ta bëjmë me Partinë Socialiste, jo me Qeverinë appeared first on Albeu.com.

Lista do të jetë 1/3 e mbyllur, 2/3 pa herës ndërsa me vote natyrale, kalon ai që ka marre një votë më shumë.

Nëse kjo formulë do të ishte aplikuar në vitin 2021, 31 deptuetë do të ishin zgjedhur të mbështetur nga vota e qytetarëve ndërsa 109 të tjerë do të ishin të mbrojtur/favorizuar nga renditja e partisë.

Ky është një numër më i lartë se në vitin 2021 ku përfituan nga vota parapëlqyese vetëm 3 kandidatë.

The post Arrihet marrëveshja PS-PD për “Zgjedhoren”, 2/3 e listës pa herës appeared first on Albeu.com.

Në një komunikim për gazëtarët nga selia blu pas mbledhjes së grupit, Bardhi u shpreh se propozimi i mazhorancës është që listat të jenë 100% të mbyllura, ndërsa opozita kërkon hapjen e plotë të tyre.

Bardhi tha se “formula 1/3 dhe 2/3 është minimumi që garanton kushtetuta dhe nëse pala tjetër nuk jep konsensus për hapjen 100% të listave unë gjykoj që është arritje ruajtja e këtij minimum të caktuar nga kushtetua në raport me propozimin që ka mazhoranca për mbylljen 100% të listave”.

Bardhi: Propozimi dhe qëndrimi i kolegëve tanë ka qenë që listat të jenë të hapura.

Propozimi i ardhur nga grupi i PS vijon të mbajë të njëjtën situatë, që listat janë 100% të mbyllura dhe vetëm në rastet kur thyhet herësi, pra kanë bërë ndryshim të herësit nga 10 mijë në 7 mijë, mund të ketë votë parapëlqyese.

Ky version i tyre në vlerësimin tonë i mban listat 100% të mbyllura.

Propozimi jonë ka qenë që të eksplorojmë mundësinë për të hapur në maksimum listat e kandidatëve për deputetë.

Për këtë kërkohet konsensus edhe nga pala tjetër.

Ne kemi disa propozime, kemi propozimin maksimal të hapjes së listave 100%, por do të nxisim dhe do të shtyjmë maksimumin për hapjen e listave.

The post Orët në vijim vendimtare për Reformën Zgjedhore/ Bardhi: Ne jemi për hapjen 100% të listave appeared first on Albeu.com.

Çuçi u shpreh se, “Grupi i Dialogut deri tani ka funksionuar dhe po vazhdon ndoshta edhe në këto momente të fundit të mbylljes së sesionit më shumti për rishikimin e Kodit Zgjedhor me synim adresimin e boshllëqeve që ka krijuar vendimi i Gjykatës Kushtetuese me shfuqizimin e disa dispozitave që lidhen pikërisht me formulën e llogaritjes së mandatave duke konsideruar si një formulë që nuk e kënaq atë kërkesë që ka Kushtetuta”.

Çuçi u shpreh se, “besoj se do kemi në këto orë, këto ditë në vazhdim një produkt më konkret”.

Ai shtoi se, ndër aktet me rëndësi për publikun ka qenë amnistia penale, e cila u vonua, por për shkak të situatës së krijuar në seancë plenare, por u miratua me shumicë të gjerë.

“Kanë përfituar një numër i konsiderueshëm të dënuarish. Përfitues janë 1803 të dënuar. Një pjesë kanë përfituar duke u liruar nga burgu dhe një pjesë kanë përfituar duke marrë thjesht ulje të dënimit me një rregull të përgjithshëm”, tha Çuçi.

“Të liruar menjëherë kanë qenë 898 të burgosur dhe pastaj pjesa tjetër ka përfituar në forma të ndryshme nga uljet e dënimit, qoftë për vepra të caktuara, duke ulur 4 vite për burrat dhe 5 vite për gratë, qoftë me rregullin e përgjithshëm me 1.5 vite për burrat dhe 2 vite për gratë”, u shpreh Çuçi.

Çuçi theksoi se, një moment tjetër i rëndësishëm ka qenë ratifikimi i marrëveshjes me Italinë për pensionet.

“Ky kaq qenë ndoshta nga lajmet më të mira që i kemi dhënë publikut, pasi kemi qindra mijëra emigrantë apo shtetas shqiptarë që tashmë punojnë dhe jetojnë në Itali dhe me ratifikimin që i bëmë kësaj marrëveshjeje me Italinë për pensionet përfitojnë qoftë si kontribute, qoftë si vite pune nga kontributet që kanë derdhur ën kohën që kanë punuar në Shqipëri”, tha Çuçi.

Me Italinë, shtoi ai, është për t’u shënuar edhe protokolli i bashkëpunimit në fushën e migracionit.

“Kuvendi ratifikoi këtë protokoll midis dy qeverive dhe besoj se ka një rëndësi të veçantë pasi Shqipëria është në një moment ku ka ofruar solidaritetin, jo vetëm me partnerin tonë kryesor strategjik siç është Italia, por besoj se ka dhënë një shembull të jashtëzakonshëm kontributi për krizën që ka dhe artikulon gjithmonë e më tepër BE-ja”, tha ai.

Kreu i Grupit Parlamentar të Partisë Socialiste, shprehu keqardhje që opozita nuk është bërë pjesë e dy komisioneve, të Posaçëm Anti-korrupsion dhe për Dezinformimin.

Ai ka theksuar se këto dy komisione nuk lidhen me luftën politike të përditshme, por me të ardhmen e Shqipërisë.

The post Bledi Çuçi: Grupi i Dialogut, produkt konkret për reformën zgjedhore appeared first on Albeu.com.

Mbledhja ka nisur me prezantimin e Platformës së Reformës Zgjedhore nga ana e deputetit Oerd Bylykbashi.

Ky i fundit ka artikuluar se Rithemelimi i PD kërkon rikthimin e koalicioneve me listë të përbërë ku secila parti anëtare e një koalicioni ka të drejtë të garojë me emrin e saj në fletën e votimit duke i dhënë zgjedhësit të drejtën të votojë për partinë që preferon, brenda koalicionit.

Më tej ai shtoi se kërkohet edhe eliminimi i pabarazisë së votës, listat e hapura, vota e diasporës shqiptare si edhe analizimi i problematikave të shfaqura në zgjedhjet e fundit sa i përket votimit elektronik.

Nga ana tjetër deputeti Helidon Bushati është shprehur se nuk mund të të bëhet reformë zgjedhore pa pasur mbështetjen e ndërkombëtarëve.

Pjesë nga diskutimi në mbledhje:

Gazment Bardhi: Mirëdita kolegë. Ndjesë për vonesën, por isha në një videocall me përfaqësues të Institutit Amerikan Republikan, që po na ndihmojnë për funksionimin e Federatës Opozitare dhe zgjati pak më shumë se parashikimi. Sot kemi disa çështje në rend dite. Fillojmë me prezantimim e Platformës së Reformës Zgjedhore.

Oerd Bylykbashi: PD kërkon rikthimin te dakordësia e fundit e arritur nëpërmjet pozitës dhe opozitës (i referohet 5 qershorit 2020), për të cilin ka dhe një marrëveshje të firmosur nëpërmjet palëve dhe të mbështetur nga partnerët strategjikë dhe organizatat ndërkombëtare, e për pasojë zhbërjen e pasojave dhe ndryshimeve të njëanshme kushtetuese dhe të Kodit Zgjedhor ( korrik dhe shtator 2020), posaçërisht për:

Rikthimin e koalicioneve me listë të përbërë ku secila parti antare e një koalicioni ka të drejtë të garojë me emrin e saj në fletën e votimit duke i dhënë zgjedhësit të drejtën të votojë për partinë që preferon, brenda koalicionit. Kjo formë koalicioni ka funksionuar me sukses dhe pa asnjë problem nga 2003-2020 dhe ka siguruar dy rotacione politike (2005 dhe 2009).

Eleminimin e pabarazisë së votës dhe padrejtësisë së rezultatit që prodhuan ndryshimet e njëanshme kushtetuese dhe të Kodit Zgjedhor (korrik dhe shtator 2020) në sistemin zgjedhor.

Partia Demokratike qëndron plotësisht për listat e hapura në përputhje me standartin e aplikuar nga shumica dërrmuese e mbi 90% të vendeve që përdorin listat e hapura.

PD angazhohet të kontribuojë që në një kohë sa më të shkurtër,  të bëjë realitet votën e  të gjithë shtetasve shqiptarë me banim të përhershëm jashtë vendit, aty ku ata banojnë, sipas detyrimeve aktuale që burojnë nga Kodi Zgjedhor, si dhe vendimi i Gjykatës Kushtetuese i datës 9 dhjetor 2022, me të njëjtat standarte dhe garanci si shtetasit që votojnë brenda vendit. Sistemi i votimit të shtetasve shqiptarë me banim të përhershëm jashtë vendit duhet të thjeshtohet nga procedurat e rënduara të regjistrimit me qëllim shmangien e kontrollit dhe filtrave qeveritare. Sistemi i votimit për këtë kategori zgjedhësish duhet të jetë efikas dhe i paanshëm dhe nuk duhet të shërbejë për të ndikuar njëanshmërisht në rezultat.

PD angazhohet që të analizojë me seriozitet problematikat serioze të shfaqura në zgjedhjet e fundit përsa i përket procesit të votimit dhe numërimit elektronik, me qëllim arritjen e një vendimmarrje  përfundimtare e cila di t’i japë fund fazës hibride të pilotimit të tij në disa zona, nëpërmjet shtrirjes së tij në të gjithë vendin, ose heqjes dorë përfundimisht prej këtij sistemi. KQZ ka dështuar të zbatojë garancitë që ligji parashikon për zgjedhësin që të konfirmojë dhe hedhë votën në liri të plotë. Votimi nga persona të tretë dhe/ose operatorë teknikë të KQZ përbën vepër penale dhe është antikushtetues sipas jurisprudencës kushtetuese te 2002. Mungesa e një auditimi të pavarur të çertifikuar, pas tre pilotimesh nga viti 2021, cënon besimin në menaxhimin e votimit elektronik.

Gazment Bardhi: Në emrin tuaj falënderoj kolegun Bylykbashi dhe grupin e punës për këtë material. Kush e don fjalën.

Tritan Shehu: Mendoj të marrim materialin dhe ta studiojmë.

Helidon Bushati: Ne nuk mund të bëjmë reformë zgjedhore pa pasur mbështetjen e ndërkombëtarëve. E theksoj fort sepse nuk mund të bëjmë ne reformë zgjedhore pa mbështetjen e amerikanëve. Vetëm kur përmirësuam marrëdhëniet me amerikanët ne mundem të marrim atë çfarë morëm. (I referohet fundit të aksionit opozitar).

Asllan Dogjani: Unë propozoj se ne duhet të kërkojmë lista të hapura sa i takon propozimeve për reformën zgjedhore. Dhe këto qëndrime duhet t’I bëjmë edhe publike.

Xhelal Mziu: Marrëveshja e 5 qershorit 2020, që u arrit PD & PS,me ndërhyrjen e përfaqësive por jo vetëm të SHBA dhe BE duhet të jetë thelbi i propozimit tonë.

Duhet të kërkojmë rrëzimin e ndryshimeve 28 korrik 2020.

Pra duhet të kërkojmë:

1.Rikthimin e koalicioneve parazgjedhore.

2.Vota e 100% e diasporës, jo sipas e-Albania, por të gjithë.

3.Ashpërsimi deri 10 fish të masave penale ndaj çdo kujt që cënon ligjin dhe tjetërson votën e lirë.

4.Listat e hapura ngelen të rëndësishme.

5.Votë detyruese për qytetarët.

6.Votim elektronik dhe numërim elektronik si vendet e BE.

7.RIFORMATIM me 6 rajone.

The post Zbardhet mbledhja e Grupit të PD/ Bylykbashi zbulon propozimet për Reformën Zgjedhore, Bushati: Nuk bëhet dot pa amerikanët! appeared first on Albeu.com.

Në një situatë ideale apo thjesht normale, zgjedhjet do të ishin thjesht një festival i demokracisë, ku secili voton i lirë për partinë që dëshiron, ku secili është i informuar nga media në mënyrë profesionale për partitë, programet, kandidatët  dhe në fund të ditës së votimit rezultatet pasqyrojnë vullnetin e  votuesve, shumica qeveris dhe pakica i nënshtrohet vullnetit të Sovranit.

Nxjerrja e rezultateve  për të përcaktuar shumicën dhe pakicën është thjesht aritmetikë. Por, përvojat e shkuara të 10 zgjedhjeve parlamentare  dhe 9 zgjedhjeve lokale na dëshmojnë se aritmetika shpesh kthehet në kimi dhe realiteti jo rrallë na servir një koktej me shije të hidhur, ku përbërësit kryesorë janë manipulimi, shitblejra e votës,  presioni, keqpërdorimi i burimeve  financiare/administrative, propoganda etj.  Në këtë kontekst, raporti i fundit i ODIHR-it për Shqipërinë, ashtu si edhe raportet e mëparshme,  thekson  nevojën për një reformë zgjedhore, në mënyrë që të garantohet një proces i ndershëm dhe transparent zgjedhor, ku rregullat e lojës janë të qarta dhe të barabarta, ku partitë konkurrojnë me njëra -tjetrën dhe jo me shtetin dhe ku publiku është i informuar për zgjedhjet që bën.

Mësimet nga e shkuara janë të qarta. Kur janë  zhvilluar zgjedhje të mira, kemi patur   stabilitet politik, institucional dhe rritje ekonomike. Vendi ka ecur më shpejt në rrugën e integrimit në BE.  Kur zgjedhjet kanë qenë të  këqija kemi patur kriza politike, koston e të cilëve e a kanë paguar në radhë të parë qytetarët e vendit.

Nëse do të gjykonim zgjedhjet nga dita e zgjedhjeve, ndoshta lista e rekomandimeve do të ishte më e shkurtër.  Por dita e zgjedhjeve nuk është gjithçka, deformimi i vullnetit të zgjedhësve nis javë e muaj më parë se të mbërrijmë te kutia e votimit.

Deformimi i votës

Nuk është sekret shit-blerja e votës. ODIHR-i bën thirrje për një luftë të vendosur kundër kësaj plage, duke kërkuar nga organet e zbatimit të ligjit që të jenë më të përkushtuar në identifikimin dhe hetimin e pretendimeve për shkelje zgjedhore. Është e qartë që pa një angazhim të vërtetë për të luftuar këto fenomene, integriteti i zgjedhjeve mbetet në pyetje. Nuk është çështja vetëm tek ashpërsimi i ligjeve. Kur shit-blerja vërtetohet nga aktivistët partiakë në sy të kamerave, kjo tregon se kemi të bëjmë me një problem me rrënjë të thella që kërkon angazhimin e forte jo vetëm të zinxhirit të agjencive ligj-zbatuese, por edhe të vetë partive politike. Rastet e bujshme të dosjeve të bëra publike dëshmojnë për një angazhim nga lart – poshtë për të deformuar vullentin e zgjedhësve. Rekomandimi parësor numër  1 ka të bëjë me deformimin e votes: “Organet e zbatimit të ligjit duhet të bëjnë të gjitha përpjekjet për të identifikuar dhe hetuar në mënyrë të pavarur të gjitha pretendimet për shkelje zgjedhore, duke përfshirë blerjen e votës, presionin ndaj zgjedhësve dhe keqpërdorimin e burimeve administrative, në mënyrë tërësore, në kohën e duhur dhe me transparencë”.

Fshehtësia e Votës: Më Shumë se Thjesht një Perde

Një tjetër sfidë e rëndësishme është garantimi i fshehtësisë së votës, e cila është thelbësore për  besueshmërinë e procesit.  Mekanizmat mbrojtës që ndalojnë presionin ndaj zgjedhësve dhe votimin familjar janë jetikë për të siguruar që secili voton sipas ndërgjegjes së vet pa u ndikuar nga të tjerë.

Partitë raportojnë zgjedhjet

Në kohën e lajmeve të rreme dhe dezinformimit, në kohën e propagandës dhe keq informimit rëndësia e garantimit të qasjes në informacion të saktë dhe të besueshëm nuk mund t’i lihet në dorë as rastësisë as partive.

ODIHR-i bën thirrje për dekriminalizimin e shpifjes dhe mbështetjen e gazetarisë së pavarur, duke theksuar nevojën për një mjedis mediatik që shërben si një shtyllë e fortë e shoqërisë demokratike. Por realiteti i konsoliduar prej dekadash është se me përjashtim të ditës së zgjedhjeve, janë vetë partitë dhe kandidatët që raportojnë për vetveten dhe praktikisht i kanë shndërruar dhomat e lajmeve në teatër kukullash.  Publiku mendon se kronikat që sheh në televizon janë produkt i punës së gazetarëve. Për më tepër me zhvillimin e medias së re dhe sidomos asaj sociale, të pa përfshira në kodin zgjedhor lënë hapësirë që partitë të abuzojnë me këto kanale komunikimi, duke minuar informimin e plotë dhe të pa anshëm të fushatës. Rekomandimi prioritar është i qartë, mbetet vetëm faza e dytë e angazhimit: kalimi nga fjalët te veprat. “Përdorimi nga media i materialeve të prodhuara nga partitë ose autoritetet shtetërore në programet e lajmeve dhe informacionit duhet të shmanget ose të kufizohet në raste të jashtëzakonshme, veçanërisht gjatë fushatave zgjedhore. Sa herë që transmetohen materiale të tilla, duhet të identifikohen qartësisht si përmbajtje e prodhuar nga garuesit politikë siç kërkohet me ligj. Për shkeljet që lidhen me kërkesat e ligjit për identifikimin e këtyre materialeve të gatshme duhet të parashikohen sanksione dhe duhet të zbatohen”.

***

Lista e rekomandimeve parësore dhe rekomandimeve të tjera është e shkruar me gjuhë të thjeshtë dhe të detajuar.  Por vetë komisioni bi partizan i ngritur në Kuvend është në krizë. Mungesës së vullnetit për reformë reale i shtohet edhe kriza politike  në të cilën ndodhet prej tri vitesh opozita.  

Duke folur për krizën e përfaqësimit në komisionin dy palësh dhe betejën për bashkëdrejtim gati është harruar se cilat janë detyrat e shtëpisë  që do të bëjnë të mundur vënien e procesit zgjedhor në shinat e një loje me kushte të barabarta për garuesit.

Raporti i detajuar i ODHIR nuk është thjesht një vlerësim i asaj që ka shkuar keq; ai është një ftesë për të vepruar, për të marrë përgjegjësinë dhe për të ndërmarrë hapat e nevojshëm për të përmirësuar procesin zgjedhor.  Eshtë koha që partitë politike, parlamenti, dhe të gjithë aktorët e tjerë vendimmarrës duhet të nxitojnë  jo vetëm për rekomandimet parësore dhe të tjera të ODHIR, por edhe vendimet e Gjykatës Kushtetuese në lidhje me procesin zgjedhor dhe mbi të gjitha për të drejtën e emigrantëve për të votuar.

Udhëtimi i reformës zgjedhor deri më tani i ngjan anijes që dëshiron të qëndrojë në port. Eshtë koha që anija të dalë në det të hapur.

__

Ky artikull bëhet në kuadër të projektit “Partneritete të forta për reforma të qëndrueshme – Forcimi i rolit të shoqërisë civile në adresimin e sfidave të zgjedhjeve të lira dhe të drejta”, realizuar nga ISP mbështetur nga Ambasada e Mbretërisë së Vendeve të Ulta përmes programit Matra.

The post Reforma Zgjedhore, koha që anija të dalë në det të hapur appeared first on Albeu.com.

Në mbledhjen online, Celibashi përmendi dy nga çështjet që ka adresuar edhe në letrën e dërguar krerëve të Partive politike, votimi nga jashtë dhe herësi.

Gjithashtu, kreu i KQZ-së theksoi se është e nevojshme që të mundësohet vota, për një kategori votuesish që nuk mund të shkojnë dot në qendrat e votimit.

Ai kërkoi përmirësim të rregullave për financimin e Partive politike dhe të fushatës së tyre zgjedhore.

“Po paraqes një listë të aspekteve të reformës zgjedhore që duhet të adresohen nga komisioni i posaçëm parlamentar. Kemi sjellë në vëmendje që do të duhet të adresojmë, së pari çështjen e sigurimit të të drejtës së votës për një kategori votuesish që nuk kanë të mundur të shkojnë në qendrat e votimit. Do t’i lëmë pa votuar apo t’u ofrojmë një mundësi që ata të votojnë, e cila duhet të ofrojë të gjitha garancitë në lidhje me fshehtësinë e votës. Mendoj se është çështje që duhet të adresohet. Janë rreth 30 mijë votues shqiptarë që për arsye objektive se kanë të mundur të paraqiten në qendrat e votimit.

Gëzojnë zotësinë e plotë juridike për të votuar por nuk mund ta ushtrojnë të drejtën e votës. Kam sjellë në vëmendje për plotësimin e rregullave për fushatën zgjedhore, online, internet dhe rrjete sociale. Aktualisht Kodi Zgjedhor rregullon zhvillimin e fushtës elektorale vetëem në mediat tradicionale, radio dhe TV. Mendoj që duhet të përmirësohen apo të plotësohen rregullat me financimet e partive politike dhe fushatës. Të përcaktojmë rregullat për të ashtuquajturat plaëve të treta, të përmirësohen rregullat aktuale të fushatës zgjedhore dhe partive politike. Mendojmë që për partitë politike që nuk janë regjistruar në zgjedhjet e fundit të mos i nënshtrohen auditimit financiar.

E them këtë sepse konsumon për KQZ energji dhe kapacitete njerëzore, dhe kohë që në mënyrë të dobishme mund t’i qasim vërtet për ato parti që kanë peshë politike dhe marrin fonde nga buxheti i shtetit. Ka nevojë për ndryshime për ligjin për partitë politike, për përditësimin e të dhënave në lidhje me organet drejtuese, përfshi edhe afatet për depozitimet përkatëse. Mendoj që parti në dy apo zgjedhjet e fundit që nuk kanë marrë asnjë mandat, për t’u regjistruar në KQZ do të duhet të riparaqesin një listë me nënshkrime mbështetësish.

Pasi një parti regjistrohet si subjekt dhe nuk paraqet asnjë kandidat, e angazhon komisionin me kohë dhe energji. Këto nënshkrime mbështetësish t’i paraqesin që në momentin kur paraqesin kërkesën për t’u regjistruar si subjekt. Çështja tjetër ka të bëjë me numërimin,. Do të vazhdojmë në qendrat e votimit sikurse sot apo do t’i kthehemi eksperiencës së viteve të shkuara, ku numërimi bëhej në qendrat e votimit. Mendoj se në situatën aktuale dhe në gjithë eksperiencën e viteve të fundit, mendoj se ka ardhur që ta rikonsiderojmë këtë opsion”, u shpreh ai.

The post Reforma Zgjedhore, Celibashi rendit problematikat që duhet të adresohen appeared first on Albeu.com.

Ambasadori bëri thirrje për të miratuar Reformën Zgjedhore përpara zgjedhjeve parlamentare, përfshirë  rekomandimet e OSBE/ODIHR dhe vendimet e Gjykatës Kushtetuese.

“Ambasadori britanik, Alastair King-Smith u takua sot me Komisionerin Shtetëror të Zgjedhjeve, Ilirjan Celibashi për të konfirmuar mbështetjen e Mbretërisë  së  Bashkuar për Komisionin. Ambasadori bëri thirrje për të miratuar Reformën Zgjedhore përpara zgjedhjeve parlamentare, përfshirë  rekomandimet e OSBE/ODIHR dhe vendimet e Gjykatës Kushtetuese. Të  gjitha perspektivat politike duhet të  përfshihen në debatin mbi Reformën Zgjedhore”.

“Mikprita sot në KQZ Shqiperi, Ambasadorin e Mbretërisë së Bashkuar në Tiranë Alastair King-Smith me të cilin biseduam mbi reformën zgjedhore dhe çështjet që duhet të adresohen sipas vlerësimit të KQZ si votimi nga jashtë, financimi i partive dhe fushatave zgjedhore, financimi i palëve të treta, fushata në median online dhe rrjetet sociale, krimet zgjedhore, depolitizimi dhe trajnimi i administratës zgjedhore. Falenderova Ambasadorin King-Smith për mbështetjen e vazhdueshme ndaj KQZ dhe vijimin e projekteve të përbashkëta të bashkëpunimit”, tha nga ana tjetër Celibashi.

The post Ambasadori Alastair King-Smith pas takimit me Celibashin: Miratoni Reformën Zgjedhore para zgjedhjeve të përgjithshme appeared first on Albeu.com.