Ambasada e SHBA-ve në Tiranë, përmes një postimi në Facebook ka shkruar për Samitin e Demokracisë, ku thotë se tashmë ka mjete të reja për llogaridhënie dhe transparencë.

Samiti për Demokracinë mund të ketë mbaruar, por puna jona sapo ka nisur. Së bashku ne po nisin:

-partneritete për të forcuar bashkëpunimin midis demokracive

-mjete të reja për llogaridhënie dhe transparencë

-një pozicion për të koordinuar përpjekjet botërore kundër korrupsionit”, thuhet në postimin e ambasadës, por nuk dihet nëse ky ishte një mesazh për zhvillimet e ditës së sotme.

Kujtojmë se Basha dhe Berisha kanë hapur “luftë” për drejtimin e PD-së./albeu.com

The post Basha mblodhi Kuvendin, Berisha thirri referendum, Ambasada e SHBA me mesazh indirekt: Mjete të reja për llogaridhënie appeared first on Albeu.com.

Një anëtar i PD-së në Maliq të Korçës, pasi hodhi votën në referendumin për shkarkimin e kreut të Partisë Demokratike Lulzim Basha, ka pasur një shpërthim revolte para medieve për zhgënjimin nga  Basha.

“Unë jam anëtar i PD dhe themelues i seksionit në fshatin Leminovë që nga 1991-i dhe derisa të kem ditë, nuk bëhet fjalë t’i ndahem Sali Berishës: një burrë i shkëlqyer, një burrë me tradita, një burrë fisnik, një burrë patriot, një burrë trim!

Edhe  ka një kusur vetëm, që  kur na solli jo Lulin,… po Luludhaqin, që na gënjeu, që na sorollati, se e kemi ndjekur mbrapa ngado. Unë jam 71 vjeç dhe e kam ndjekur mbrapa ngado, po burrë më i lig…Po më duket më i ndyrë nga Rama.

Po ai ka dhe ata shokët që i japin kurajo, Salianjin. Salianji ka ardhur në Zvirinë dhe një në moshën time, 71 vjeç, e ka sharë nga e ëma, një “zarbanik” që e kemi ndjekur prapa. Po këta s’janë njerëz, se me ai ata mburret, me atë Gridën, me këta “rrozhgat” , me Alibejnë, njerëz bukëshkelur, ndaj u bën thirrje të gjithë demokratëve që janë me shpirt të bashkohen në referendum, të votojnë pro shkarkimit të atij qeni, se na ka mërzitur shpirtin.

Unë kam katër fëmijë, të tërë jashtë shtetit dhe Rama na ka detyruar që s’ka mbetur fëmijë këtu, po ky po bëhet më i poshtër se Rama. Prandaj duhet të mbledhin mendjen demokratët, ta qërojnë këtë “zarbanik”, të qërohet njëhërë e përgjithmonë bashkë me Salianjin, bashkë me Gridën, bashkë me ata që e shoqërojnë.”- tha demokrati i revoltuar. /albeu.com/

The post Iu drejtua referendumit për të shkarkuar Bashën, demokrati: Luludhaqi na gënjeu! appeared first on Albeu.com.