Borrell dënon rezultatin e referendumeve të rreme në zonat e okupuara të Ukrainës: Rusia do të marrë një përgjigje të fortë

E B — Wed, 28 Sep 2022 07:32:05 +0000

Josep Borrell , përfaqësuesi i lartë i BE-së për çështjet e jashtme dhe politikën e sigurisë, ka dënuar rezultatin e referendumeve që autoritetet ruse organizuan në Ukrainën e pushtuar, ashtu edhe për sabotimin e dyshuar të gazsjellësit Nord Stream, shkruan The Guardian.

“BE denoncon rezultatin e paligjshëm të referendumeve dhe rezultatin e tyre. Kjo është një tjetër shkelje e sovranitetit dhe integritetit territorial të Ukrainës, mes abuzimeve sistematike të të drejtave të njeriut.

Ne përgëzojmë guximin e ukrainasve, të cilët vazhdojnë të kundërshtojnë dhe t’i rezistojnë pushtimit rus.”

Ai gjithashtu premtoi “një përgjigje të fortë dhe të bashkuar” nga BE-ja mbi sulmet ndaj infrastrukturës energjetike.

“Dëmtimi i Nord Stream 1 dhe 2 nuk janë rastësi dhe na prek të gjithëve. Të gjitha informacionet e disponueshme tregojnë se dëmtimi është rezultat i një veprimi të qëllimshëm.

Ndërprerja e qëllimshme e infrastrukturës energjetike europiane është krejtësisht e papranueshme dhe do të përballet me një përgjigje të fortë,” përfundoi Borrell.

The post Borrell dënon rezultatin e referendumeve të rreme në zonat e okupuara të Ukrainës: Rusia do të marrë një përgjigje të fortë appeared first on Albeu.com.

Britania sanksionon rusët e lidhur me referendumet e rreme në Ukrainë

E S — Mon, 26 Sep 2022 18:02:16 +0000

Mbretëria e Bashkuar ka bërë të ditura 92 sanksione të reja, si përgjigje ndaj autoriteteve të instaluara nga Rusia në Ukrainë, për mbajtje të referendumeve të rreme në katër rajone ukrainase.

Sipas Britanisë, të ashtuquajturat referendume përbëjnë “shkelje të qartë të ligjit ndërkombëtar, përfshirë Kartën e Kombeve të Bashkuara”.

Ministria e Jashtme britanike ka thënë se referendumet, të cilat kanë nisur të mbahen javën e kaluar, dhe do të vazhdojnë të mbahen deri më 27 shtator, “janë përpjekje dëshpëruese për të grabitur tokë dhe për të arsyetuar luftën ilegale”.

Sipas deklaratës, në mesin e sanksionuarve janë zyrtarë rusë të përfshirë në procesin e referendumeve të rreme.

“Referendumet e rreme, që po mbahen nën tytën e pushkës, nuk mund të jenë të lira dhe nuk do t’i njohim kurrë. Ato janë vazhdimësi e dhunës, frikësimit, torturës dhe dëbimeve të dhunshme në zonat e Ukrainës që i ka pushtuar Rusia”, ka thënë ministri i Jashtëm britanik, James Cleverly.

Sanksionet godasin edhe 55 anëtarë të organizatave të lidhura me shtetin rus, për të cilat Mbretëria e Bashkuar ka thënë se vazhdojnë të jenë të lidhura me “makinerinë ruse të luftës”.

Lufta në Ukrainë ka nisur më 24 shkurt.

Presidenti rus, Vladimir Putin e quan luftën si “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre./ REL

The post Britania sanksionon rusët e lidhur me referendumet e rreme në Ukrainë appeared first on Albeu.com.

referendumet e rreme Archives - Albeu.com

Borrell dënon rezultatin e referendumeve të rreme në zonat e okupuara të Ukrainës: Rusia do të marrë një përgjigje të fortë

Britania sanksionon rusët e lidhur me referendumet e rreme në Ukrainë