Çështja lidhej me kontratën dyvjeçare që Xhixha firmosi me Belouizdadin në korrik të vitit 2025.

Sipas marrëveshjes, sulmuesi duhej të përfitonte një pagë vjetore neto prej 312 mijë eurosh, si dhe një bonus firme prej 62.400 eurosh.

Megjithatë, sipas pretendimeve të lojtarit, klubi nuk i shlyeu pagat mujore të periudhës korrik-nëntor 2025, duke e detyruar atë të dërgonte disa njoftime zyrtare për pagesat e prapambetura.

Në vendimin e saj, FIFA thekson se Xhixha respektoi të gjitha procedurat e parashikuara nga rregulloret, duke i dhënë klubit afatin e nevojshëm për të korrigjuar shkeljen. Pasi pagesat nuk u kryen, ai vendosi të zgjidhte kontratën më 23 dhjetor 2025.

Mbrojtja – Belouizdad u mbrojt me argumentin se lojtari nuk kishte marrë ende lejen e punës në Algjeri dhe për këtë arsye nuk mund të përfitonte pagat e pretenduara.

Megjithatë, FIFA e hodhi poshtë këtë pretendim, duke sqaruar se mungesa e lejes së punës nuk e çliron klubin nga detyrimet kontraktuale ndaj futbollistit. Pas shqyrtimit të dokumentacionit, DRC arriti në përfundimin se në momentin e ndërprerjes së kontratës, Xhixha kishte pesë paga e gjysmë të papaguara. Për këtë arsye, organi i FIFA-s urdhëroi klubin algjerian të shlyejë 118.761,29 euro si detyrime të prapambetura, së bashku me interesat përkatëse.

Për më tepër, FIFA vlerësoi edhe dëmin ekonomik të shkaktuar nga prishja e parakohshme e kontratës. Duke llogaritur vlerën e mbetur të marrëveshjes dhe duke zbritur të ardhurat që lojtari siguroi më pas te Tirana, DRC vendosi që Belouizdad t’i paguajë sulmuesit shqiptar edhe 436.800 euro si kompensim për prishjen e kontratës. Kjo shumë do të shoqërohet me interes prej 5% në vit, duke filluar nga 24 dhjetori 2025 deri në shlyerjen e plotë të saj.

Në total, klubi algjerian detyrohet t’i paguajë Xhixhës më shumë se 555 mijë euro, pa përfshirë interesat e akumuluara.

Vendimi përbën një fitore të rëndësishme për sulmuesin shqiptar, i cili arriti të bindë FIFA-n se ndërprerja e kontratës ishte plotësisht e justifikuar.

Ndërkohë, FIFA ka paralajmëruar se nëse Belouizdad nuk kryen pagesën brenda 45 ditëve nga njoftimi i vendimit, klubi do të ndëshkohet me bllokim të merkatos, duke mos pasur të drejtë të regjistrojë lojtarë të rinj në nivel kombëtar dhe ndërkombëtar për deri në tre periudha të plota transferimesh.

Vendimi i FIFA-s konfirmon kështu të drejtën e Redon Xhixhës në këtë konflikt kontraktual dhe mbyll një nga çështjet më të rëndësishme ligjore që ka përfshirë së fundmi një futbollist shqiptar.

The post Redon Xhixha fiton gjyqin në FIFA për vonesa rrogash, ja sa do të paguhet appeared first on Albeu.com.

Bëhet fjalë për futbollistin e Kombëtares, Arbër Hoxha, që është pjesë e Dinamos së Zagrebit. Skuadra e tij triumfoi me rezultatin 0-2 ndaj Karabakut të Redon Xhixhës.

Kroatët kishin triumfuar edhe në shtëpi me rezultatin 3-0, duke bërë që rezultati i përgjithshëm të shkonte në 5-0.

Arbër Hoxha u aktivizua në minutën e 84-t të sfidës, ndërkohë që Redon Xhixha e ndoqi duelin nga stoli.

SHIKONI GOLAT KETU!

The post VIDEO/ Një tjetër futbollist shqiptar në grupet e Champions-it, Hoxha fiton “derbin” me Xhixhën appeared first on Albeu.com.

Sulmuesi shkëlqeu me fanellën bardheblu duke shënuar 32 gola e 7 asiste në 55 ndeshje, askush më shumë se ai në vitet e fundit.

Kurbinasi u shit për 500 mijë euro te Qarabag 1 vit më parë, por aventura e tij atje nuk po shkon siç duhet.

Shkëlqeu në kualifikueset Europiane duke shënuar 5 gola, por më pas një dëmtim e la jashtë për 3 muaj dhe tani që është rikthyer nuk po fiton dot minutat e tij.

U përfol për një rikthim në janar, por mbetën thjeshtë fjalë. Ndërsa, tani është vetë Xhixha që me një foto në Instagram bën tifozët e Tiranës të ëndërrojnë.

Sulmuesi poston një foto kur ishte me fanellën bardheblu dhe mbi të disa tifozë që mbajnë veshur fanellën e tij “Xhixha 19”.

Mbetet të shihet nëse është thjeshtë një moment nostalgjik i Xhixhës apo një mesazh i qartë për drejtuesit e klubit.

The post Gati rikthimi te Tirana? Redon Xhixha bën tifozët bardheblu të ëndërrojnë appeared first on Albeu.com.

Ndërkohë ekipi i tretë është i Superiores, Tirana. Bardheblutë dëshirojnë kthimin në shtëpi të Xhixhës në formë huazimi, çka do të thoshte një betejë të lënë përgjysmë me Xhuliano Skukën që tanimë është pjesë e Partizanit. Sipas mediave azere, vetë futbollisti është pozitiv sa i përket një huazimi të mundshëm me dëshirën për të kapur Kombëtaren, por te Qarabag duan që lojtari të jetë në konkurrencë dhe të luftojë për vendin në formacion. /Sport Ekspres/

The post 3 ekipet që duan në huazim Redon Xhixhën, një prej tyre mund të kthente “betejën” e lënë përgjysmë me Skukën appeared first on Albeu.com.

Tirana dhe Partizani janë në garë për shërbimet e sulmuesit, por mesa duket 25-vjeçari mund të ketë opsion edhe Kosovën.

Redon Xhixha së fundmi ka filluar të ndjekë në Instagram klubin e Ballkanit, teksa i ka bërë follow në këtë rrjet social. Nuk dihet nëse është thjeshtë në rastësi, apo Xhixha po i “shkel syrin” Ilir Dajës dhe ekipit nga Suhareka. /Newsport.al/

The post E presin Tirana dhe Partizani, Redon Xhixha i “shkel syrin” Ilir Dajës appeared first on Albeu.com.

Redon Xhixha është “ia di” Teutës, që e ka ndëshkuar tetë herë me Laçin dhe Tiranën. Sulmuesi e zhbllokoi rezultatin në minutën e 43-të me një goditje nga jashtë zone, që shtangu portierin Qirko.

Tirana e nisi “zjarr” pjesën e dytë, duke shënuar golin e dytë me Florent Hasanin. Mesfushori me tipare sulmuesi nuk fali pas një pasimi të brazilianit Patrick.

Një gol qetësie, që nuk është se e frenoi Tiranën. Skuadra kryeqytetase shënoi golin e tretë e të katërt (me penallti), sërish me Redon Xhixhën që shkon në kuotën e 5 golave në kampionat dhe kryeson listën e golashënuesve për momentin.

Tre pikë të arta për Tiranën, që ngjitet në vendin e dytë në pritje të dueleve të tjera të kësaj jave të Superiores. Durrsakët vijojnë të mos fitojnë, teksa në 5 javë kanë dy humbje e tre barazime dhe renditen të parafundit.

The post Tirana “shkërmoq” Teutën appeared first on Albeu.com.