Në një intervistë të dhënë për “Ftesë në 5”, Redoni zbuloi se pasi prindërit e tij u kthyen nga Amerika për të jetuar në Shqipëri, babai nuk arriti të siguronte një pension.

Edhe pse Ministria e Kulturës ishte dakordësuar dhe i kishte firmosur letrat e tij, emri i Fitim Makashit nuk u rendit në mesin e 15 personave që do të përfitonin pension asokohe.

Për këtë, Redoni u shpreh se babai i tij u ndje shumë keq sepse nuk u vlerësua figura e tij artistike. Duke qenë një ndër aktorët më të mirë shqiptarë të viteve ’90, Fitim Makashi priste që të vlerësohej jo vetëmmonetarisht por të paktën nga ana morale.

Redon Makashi: Pas 2000 ata ikën të jetonin në Amerikë, sepse iu ra llotaria. Asokohe Fitimi u largua nga skena, miqtë, dashamirësit. Mbas ardhjes nga Amerika pati rreth dy kërkesa dhe për film por nuk ka dashur të dalë në skenë madje as në intervistë. Brezi i Fitimit nuk paradalin në kamera. Nuk pranonte asnjëherë, as babai as mami. Në moshën kur përmbylli aktrimin, Fitimi kishte një peng të madh. Vajtëm te Ministria e Kulturës, sigurisht u hapën dyert, në teatër e kudo. U bë një dosje ashtu sic u kërkua dhe u dorëzua në një vend, ishte një pension i posacëm për babin.

Kur pamë në televizion 15 emra por mes tyre nuk ishte emri i tij, u ndjeva shumë keq. E ai u ndje shumë keq po nuk e jepte veten. Atij i duhej një vlerësim qoftë dhe moral. I thoja ti nuk ke nevojë për lekë, se aq sa të duhen i kemi. Por thjesht e vrau më tepër ana e moralit, ndoshta do të ikte më i kompletuar në jetën e tij dhe pengu i tij më mbeti mua.

Për fat unë kam marrë nga presidenti titullin “Mjeshtër i madh”. Kur e mora, thashë në mikrofon ky titull i takon babit se unë jam akoma në hapat e mi të karrierës. Atij iu bë qejfi e mundohesha ta kënaqja me cdo lloj forme që mos ti mbetej peng. Por ai iku me këtë lloj pengu. Në fakt nuk duhet të ikë me peng sepse të gjithë shqiptarët e kanë dashur shumë Fitimin e mendoj se atje lart nuk ka asnjë lloj pengu. Miqtë e tij të hershëm, disa që janë akoma gjallë e respektuan sepse ishin të pranishëm në homazhet e babait tim.

The post “Nuk ia vlerësuan kurrë artin e tij”, Redon Makashi zbulon pengjet e aktorit: Ministria e Kulturës e dha firmën por babai im ngeli pa pension appeared first on Albeu.com.

Artisti ka shprehur mirënjohjen e tij të thellë për mbështetjen dhe mesazhet ngushëlluese të marra në këto ditë të vështira.

Ai thekson se fjalët e mira ua kanë lehtësuar sadopak dhimbjen familjes, duke i bërë të kuptojnë edhe një herë impaktin e madh dhe gjurmën e pashlyeshme që Fitim Makashi ka lënë te publiku përmes roleve, artit të fjalës dhe humanizmit që e karakterizonte.

“Miq, gjatë këtyre ditëve tejet të vështira për ne dhe aspak të lehta për t’i gjetur fjalët duam t’ju falenderojmë për të gjitha komentet pozitive për tim atë, Fitim Makashi! Secili prej jush na e lehtësoi sadopak dhimbjen e na bënë të kuptojmë sesa impakt e mbresa ka lënë ai tek ju përmes roleve, artit të fjalës e humanizmit që e karakterizonte!”, ka shkruar Redoni.

Kujtojmë që aktori Fitim Makashi, ndërroi jetë më 31 janar. Largimi i tij nga jeta shënon një humbje të madhe pasi ishte një figurë e rëndësishme e teatrit dhe kinemasë, dhe ka lënë pas një trashëgimi të vyer artistike.

The post Redon Makashi falenderon për mesazhet pas humbjes së të atit: Secili prej jush na e lehtësoi sadopak dhimbjen appeared first on Albeu.com.

Në një postim në Instagram ai njoftoi ndarjen nga jeta të babait të tij si dhe kohën dhe vendin ku do të mbahen homazhet për aktorin e mirënjohur shqiptarë.

Postimi i Redon Makashit:

Me dhimbje të thellë njoftoj ndarjen nga jeta të babait tim, artistit Fitim Makashi.

Homazhet në nderim të tij do të mbahen nga ora 11:00 – 13:00, pranë Art Turbina.

Ceremonia e varrimit do të zhvillohet n

Varrezat e Sharrës, Tiranë.

Faleminderit të gjithëve për mbështetjen dhe ngushëllimet.

U prehtë ё paqe

The post Redon Makashi reagon pas ndarjes nga jeta të babait të tij, Fitim Makashi appeared first on Albeu.com.

Ai ka rrëfyer momente nga fëmijëria e tij deri te kritikat për vlerësimin e shtetit ndaj artistëve për gazetaren Greta Topjana.
Këngëtari i mirënjohur shprehu revoltën për mungesën e vlerësimit ndaj artistëve për të cilët siç tha kujtohen vetëm kur largohen nga kjo jetë.
“Do ishte mirë që arti i mirëfilltë të kishte një çik më shumë mbështetje nga lart dhe jo kur njerëzit të ikin nga kjo botë të thuash sa i mirë ishte. Vjen një kohë kur këta artistë me ato pensione qesharake largohen nga kjo jetë vijnë iu bëjnë elozhe. Kjo më duket gjëja më qesharake që mund të jetë…Rebelizmi qëndron brenda meje, por jo i shfaqur te njerëzit, nuk mund të them që jam romantik, jam dhe rebel, nuk mund të them asgjë të saktë për veten, unë jam gjithmonë për artin, për të tjerat të mos flasim”, u shpreh këngëtari.

The post Redon Makashi: Artistët marrin pensione qesharake, kujtohen kur vdesin! appeared first on Albeu.com.

I ftuar  në ‘Piter Pan’ ka treguar se ëndërra e tij ka qenë të bëhej portier dhe kur ka qenë i vogël luante gjithmonë me stadiumin e Dinamos.

T’i gjithmonë artist dëshiroje të bëheshe?

Redon Makashi: Kur kam qenë i vogël dëshiroja të bëhesha portier në stadiumin e Dinamos, ka qenë një ndeshje dhe unë kam qenë gjithmonë portier me ekipe. Ekipi ynë i artistëve ka qenë 35 vetash, bënim pak me hile. Kanë qenë 3 lojtarë tamam futbolli pasi ekipi ynë ndrohej çdo 10 minutash në ndeshjen me italianët.

Redoni ka treguar dhe një detaj shumë të veçantë nga jeta e tij familjare, ku tha se ai foshnjë së bashku me prindërit e tij kanë jetuar për një kohë të gjatë në ambiente shkolle, te gardërobat e institutit të Arteve pasi nuk kishin mundësi financiare për të blerë një shtëpi.

Si flije dhe mësoje në shkollë?

Redon Makashi: Jo se flija në shkollë, unë kam jetuar në shkollë. Babi dhe mami im kemi jetuar në shkollë, në gardërobat e institutit të Arteve bashkë me djalin e tij gjysmë kile. Aty është njohur dhe Timo me Verën, ky instituti i arteve ka qenë ogur bardhë, kemi jetuar pasi familja ynë nuk ka pasur shtëpi, edhe më vonë është bërë me ndihma vullnetare.

Lidhur me historitë te dashurisë, këngëtari tha se përher ka qenë i dashuruar ku dhe ka treguar një propozim të veçantë sesi ia ka shprehur vajzës që ai donte, fjalën ‘Të Dua’.

A je i dashuruar?

Redon Makashi: Qëkur kam lindur, kam qenë i dashuruar. Kur bëhesh nga dy prindër të dashuruar, lind një fëmijë që është i dashuruar.

Si i propozonit vajzave në atë kohë?

Redon Makashi: Një propozim që ka qenë i imi i hershëm pikërisht ka qenë me letër çamçakizi ka qenë propozimi im i parë. Kam shkruar aty një fjalë “Të dua”. Dashuria ngjiti. Atëherë ka qenë një romancë shumë e bukur që kur mendohet t’i thuash dikujt sot, as nuk i shkojnë në mend këto lloj propozimesh./Albeu.com/.

The post “Dëshiroja të bëhesha portier”, Redon Makahsi rrëfen jetën e vështirë dhe historitë e dashurisë: Kemi jetuar në garderobat e Instituteve të Arit appeared first on Albeu.com.