Mësohet se Balla ka dëshmuar në policia, duke thënë se ka qenë duke shikuar në celular në momentin që i është bërë atentati, duke shtuar se nuk e ka parë se kush e ka qëlluar.

“Po shkoja në shtëpi. Parkova makinën dhe po merresha me celularin kur dikush u afrua dhe me qëlloi. Nuk e pashë se kush ishte sepse mbulova kokën me duar. Nuk e di kush më ka qëlluar”, ka thënë ai, ndërsa do të merret sërish në pyetje më vonë, pasi kjo dëshmi nuk e ka bindur policinë.

Policia dhe grupi hetimor ka nisur punën për zbardhjen e plotë të ngjarjes dhe kapen e autorit. Ndërkohë dhe familjarët dhe të afërmit janë marrë në pyetje për të kuptuar nëse ka ndonjë konflikt. Burime bëjnë me dije se ai njihet si person problematik, i shoqëruar disa herë për sherre fizike./albeu.com

The post U plagos te Komuna e Parisit, zbardhet dëshmia e 22-vjeçarit: Nuk e pashë kush më qëlloi appeared first on Albeu.com.

Burimet bëjnë me dije se i plagosuri është identifikuar si Redi Balla, i cili është qëlluar brenda makinës së tij të parkuar në lulishten në këtë zonë.

Nga sa mësohet 22-vjeçari ka marrë një plumb në këmbë dhe nuk rrezikon jetën.

Nuk dihen ende motivet e këtij sulmi, por duket si një skemë e mirëorganizuar nga ana e atentatorëve, të cilët kanë shfrytëzuar një moment kur vëmendja e të gjithëve, përfshirë edhe uniformave blu ka qenë e fokusuar te ndeshja e Shqipërisë.

Tiranë/Informacion paraprak

Rreth orës 22:35, tek lulishtja në rrethrrotullimin e Komunës së Parisit, në rrethana ende të paqarta, dyshohet se është plagosur me armë zjarri brenda mjetit të tij të parkuar shtetasi R.B, 22 vjeç, i cili ndodhet në spital, nën kujdesin e mjekëve.

Shërbimet e Policisë kanë bërë rrethimin e zonës dhe po vijojnë kontrollin e saj për të bërë të mundur identifikimin dhe kapjen e autorit.

Grupi hetimor ndodhet në vendngjarje dhe vijon punën për sqarimin e rrethanave të ngjarjes dhe dokumentin e plotë të saj.

The post Dalin pamjet! Kush është Redi Balla, 22-vjeçari që iu bë atentat te Komuna e Parisit (FOTO LAJM) appeared first on Albeu.com.